橫綱

营业中

休息中

疫情前隔一排就食，齋食佢正宗醬油清湯底。以前食，老細會有傾有講，又介紹個湯底最適合加醋加d 胡椒同隱藏配料提味，食到最後好多時都加玉再飲埋個湯都唔口渴。疫情冇食一排，到10月同近期又再食，第二次食希望有所改變，點知…終於明白點解門前人潮不再。店面同人唔同左之外，menu到2023年仲換埋。湯底唔同左味，冇以前果種由老闆用蔬果淆煮出黎嘅鮮味同特登加咗特制香蒽配料做成嘅特別焦香味。麵亦由以前一盤盤生麵，變成普通拉麵連鎖店麵質。菠菜依舊，鳴門卻半乾，漬筍變成平價大路貨味道，海帶香蒽底欠逢，變成另一風格—芽菜仔。老細估計已換人，年輕店員服務變得像屋邨快餐港式茶記風格，上百元一碗拉麵，不要寄望有日式迎送，也不要寄望昔日老闆用心介紹，只希望水杯端上時可以放好一些。同舊日的橫崗拉麵比較

22年12月29號去食 知道佢好多年歷史 去到幫襯 日本師傅唔見咗 拉麵是但一間都好過佢 餃子超細隻 汽水最少15蚊一罐 所以冇叫到 埋單最少HKD136 忘記有冇加一 其實油麻地旺角都有好多拉麵舖 大家自己衡量再唔再去幫襯啦 ！

Ramen shop since 1987 in Yau Ma Tei! I’ve heard of this gimmick a thousand times but I didn’t come here until I was famished after watching a 3 hour movie Needless to say it was not especially “WOW” but it’s reasonably under $90 per bowl and has a very good eggBut the soup itself for my Kyushu ramen was too watery, the #魚介 Gyokai Tonkotsu ramen soup was much better. Egg noodles were used and it was rather overcooked My personal take? Probably not coming again but if you’re looking for a quick me

唔係正宗拉麵，似係超市急凍拉麵，湯底好鹹，放太多味精，根本係公仔麵嘅味精，完全冇湯味，又話係濃湯之類，成碗嘢完全唔值呢個價（$70-100）地方好窄 轉身都冇位。

冇得去日本食拉麵既話...我一定會黎油麻地橫綱止癮~!咁多年佢地都keep到水準...而且坐bar枱又可以睇住師傅煮拉麵...感覺好偽日本!~可能近年來受疫情影響...以前晚飯時間一定要排長龍食...宜家最多都係排15分鐘左就有得食~!

今日二人去横綱下午茶，不用等位, 只有1位厨司,  我地叫左1碗九州拉麫及1碗元祖拉麵，兩碗都好咸，元祖拉麵醬油湯更加喊！已經食唔出有其他任何味道。完全不是以前的味道。希望改進回到從前的美味 !麵質仍軟滑。

今晚放工去搵食，喺開油麻地，突然諗一間有20年冇去嘅拉麵店🥺。真係好耐冇嚟，入邊裝修嘅印象只剩得坐吧枱！今日我哋被安排坐一個卡位，環境尚算可以，我哋一坐低打開Menu見到入邊都有好多款式，價錢亦都算是合理。我哋一人叫咗一碗拉麵同埋都有叫啲小食。我已經好耐都冇食拉麵，我見到佢嘅櫻花蝦拉麵話有龍蝦湯底，我都即刻就揀咗呢樣，果然味道都足夠，而且湯夠濃亦都尚算足料。令一碗就係魚豚骨拉麵，其實男士如果唔算肚餓嘅話，一碗麵家啲小食應該都係夠飽嘅，佢嘅湯都係夠濃，麵亦係爽口 不稔哂咁👍🏼。兩碗麵來講質素尚可，但係小食來講就只係一般可以食可不適。😬整體因為店舖環境唔係大，所以我哋食完都立即走。整體而言價錢不算是很貴，所以都可以再encore 🫡

呢間拉麵喺香港有好多年歷史我都食咗唔少次轉季想食拉麵暖下就嚟到油麻地橫綱好少遇到唔洗排隊入到佢有個侍應姐姐好有禮貌服務方面感覺係提高左嘅唔知係咪太耐冇黎有啲嘢食，好似冇得叫？個拉麵依然係好食嘅但係個湯好似有啲稀咁😅唔知發生咩事叫嘅餃子都幾好食嘅希望下次嚟嘅時候水準，會返返去以前咁啦

25-10-2022 (Tue)同老公放假周圍逛,佢諗起我從未食過,又成日有人龍嘅呢間老店,於是趁平日朝,未到lunch hour嚟食.我哋去到重有幾分鐘至正式營業,就坐喺出面木凳等啦,冇耐,男店員出嚟問我哋係咪等開門?我答係,佢話入嚟坐住先,到11:30am可落單.好啊,我哋可能慢慢睇menu揀.睇完menu,決定要$79.00嘅元祖拉麵,要豆醬湯,$79.00嘅博多屋台拉麵同$38.00嘅煎餃子.冇耐,兩碗拉麵到嚟,見到豆醬湯嘅元祖拉麵材料有紫菜,叉燒,芽菜仔,筍,菜同鳴門卷,薄叉燒有燒過,口感夠腍又唔嚡;其他配菜正常冇問題;食得出拉麵有蛋味,口感亦正常.豆醬湯夠味,唔錯.博多屋台拉麵呢?原本老公想要$79.00嘅咖哩牛肉拉麵,但未有咖哩,所以要呢個,而女店主(?)問我哋要唔要蛋?咁就加$18.00要一隻啦.博多屋台拉麵同樣有紫菜同叉燒,其他配料就有蔥粒,木耳絲,酸薑絲,明太子同雪菜,湯係豬骨湯,味道同質地明顯比豆醬湯清;木耳絲好爽口,所有嘢撈埋嚟食係好平衡.煎餃子就耐啲至到,size唔係大隻,就咁食食到韭菜味但唔係好鹹,蘸醬油食會生色啲.服務:一坐低即俾兩杯玄米茶.環境:原來地方

雖然鋪頭門口寫住"拉麵係由中國傳入日本” 比人感覺有少少伏，但唔知點解佢Lunch Hour 一直都好Full，今日終於一探究竟。鋪頭唔算好大，設計好有日本地道小店嘅味道，不過職員服務就似譚仔，有個開放式廚房可以睇到師傅煮麵，但師傅無乜功架，所以無乜野好睇。食物方面，試左個滑蛋雞扒丼飯($78)，包左個薯仔沙律同麵豉湯。滑蛋雞扒飯味道唔錯，但雞扒份量有D少，麵鼓湯就太咸了，飲左一啖無飲。薯仔沙律都麻麻地。感覺有D Overprice。

⛩油麻地橫崗拉麵🇯🇵又係想食拉麵嘅時候，尋遍油麻地附近，就係一個老字號嘅橫崗拉麵。好耐冇嚟食啦😆。我就試佢最招牌嘅元祖拉麵，但係冇蛋好似小咁啲嘢。其實個麵質並唔係我想要嘅，佢呢間嘅麵條就似我哋平時食嘅圓身長條普通拉麵。雖然軟硬度適中，口感上呢個拉麵只是一般。😊價錢亦都反映咗呢碗麵嘅性價比度。🤭所以我唔會期望過高🙇🏻‍♀️。

環境逼，但香港地可以理解裝修設計不錯漏單，同行份嘢食咗一半，小菜就嚟食晒先開始整，冇一句sorry唔知係咪因為漏單催單之後俾人加料，咖喱牛肉飯食完即刻肚柯價格偏高，味道一般，份量一般都明白侍應忙，但係忙嘅唔只佢哋，希望大家互相體諒，thanks

今日2pm 和同事一同去橫岡拉麵，我點了味玉走蔥同事點了2 號拉麵大約十分鐘之後，（中年女性）侍應拎了一碟餃子放在枱面，擰轉頭和洗碗姐姐傾計，我叫了她三次才應我，我話碟餃子不是我們的。之後一直等到2:20 pm 都未見拉麵，我望向淥麵位唔見有師傅，我問侍應（都係要大聲叫三四次）是否漏了單？佢竟然話：咁你地份餃子到咗未？我答：我地都話冇落餃子囉！因為趕時間，所以我哋走了，空住肚返工😤😤😤其實個場咁細，只得幾張枱都可以漏單、錯order 🤦‍♂️真係過份了吧。

醬油元祖拉麵 ($79)食落好有東京醬油拉麵嘅味道。加埋紫菜同埋啲メンマ真係絕配。湯底咸香得黎有少少回甘, 食得出係用鰹魚乾淆出嚟, 好有層次感。 但主角係個麵, 今日呢個麵真係冇得彈。食得出佢係新鮮自己做, 而唔係買返嚟。 其實香港真係冇幾多地方可以食到咁新鮮而又正宗嘅拉麵。淨係輪個麵底,佢真係好過好多所謂正宗過江龍用嘅麵。呢個麵有拉麵應有嘅彈性而唔係鹼水麵嗰種橡筋麵。仲食得出小小蛋香, 簡單係神作。🤯🤯豆醬元祖拉麵 ($79)其實即係麵豉湯底。依碗有好濃厚既豆香味道, 而湯底都啱啱好, 濃得黎唔會太咸。 佢個麵真係好神奇, 換咗湯底又有另一番風味 😳 軟硬適中又有麵豉既咸香。明白到店長係想每一碗麵做到最好但如果有更多拉麵選擇又真係一流。👍👍 雖然呢兩個麵嘅配料係一樣, 但係因為湯底唔同, 食落嚟嘅感覺係完全唔一樣，唔係一樣嘅係佢嘅日本嘅風味。 有時有啲野真係 "Less is More" 😋 Lunch Set 配迷你照燒雞肉丼/和風牛肉飯 （+$28）依個飯係跟餐嘅。感覺無乜特別, 飯有少少太多水。有啲似連鎖店嘅雞/牛肉飯。下次應該又留番個肚, 叫替玉仲好 (即係加麵底+$10)

Yokozuna由十幾年前我老公係咁同我講話呢間拉麵超好食，終於十幾年之後有機會食到佢喇😂真係多謝哂元祖拉麵我揀左辣湯，黎到時唔好睇佢個色咁淺，原來食食下都幾辣😂我太弱，但佢辣得黎又唔會遮哂啲味，配料都算多櫻花蝦拉麵老公點左呢個拉麵湯底係濃蝦湯，夠哂入味又夠香，早知我都點佢呢個啦😂而且佢一啲都唔孤寒，加左好多櫻花蝦落黎煎餃子餡料係我最愛嘅韭菜豬肉😍入口多汁又脆口，不過再多啲韭菜我會食得仲開心😂雞串小食呢個小食好出色呀，雞肉容易入口，肉嫩多汁，配埋醬汁一流呀😁平時經開都好多人排隊，真係咁啱今次行過冇乜人排隊咋，期待下次再去食先🤩