檀島咖啡餅店 (軒尼詩道)

营业中

休息中

Honolulu Café ( 檀島咖啡餅店 ) is well known for its old school charm and cha chaan teng style of food. The first Honolulu Cafe set up shop in Sham Shui Po in the 1940’s and has now grown to two sit down cafe’s and three standalone bakeries throughout Hong Kong. It’s heralded as one of the most famous cha chain teng’s in Hong Kong. They’re famous for their fluffy and sweet egg tarts which I’ve tried on another visit but forgot to blog about…until now.We sat down for breakfast one early morning to fina

小編今日去港島探下朋友，聽講檀島咖啡店出名，所以去試下入到去，好有小編自小住屋村的茶餐室feel，童年回憶返哂黎，之後order左奶油豬豬，炸雞翼，旦牛治同埋當然唔少得order 杯熱奶茶 奶油豬豬翠華食得多！檀島的，內軟外脆！奶油度適中，久違了的味道！雞翼，熱辣辣的！一d都唔油蛋牛治!黎個總結，食物夠惹味，加上童年回憶番哂黎，感情分+10分。不過地產霸權令成本上升，價錢唔係一般草根囝囡能夠承受。

每一日嘅朝早都係從食早餐開始嘅，每一日都流連于各式各樣嘅茶餐廳、餅店.....至於今日就輪到佢啦——檀島！！ 出名嘅特色蛋撻，味道相比起其他茶餐廳嘅真係ok，口感算比較滑，起碼對得著9蚊一隻嘅~~~點咗檀冰，以為系刨冰，點知系紅豆朱古力冰飲，38蚊一杯，都幾貴下，仲味道一般。。。可能因為我自己唔系好鐘意紅豆·· 立頓奶茶，茶味唔夠濃，同某飲品奶茶好似... 荷包蛋多士，荷包蛋就係兩個蛋，味道好淡，幾乎無味，多士仲過得去，麵包烤得幾脆 仲有個牛肉米粉，就係煮過嘅米粉加咗牛肉，煮法其實好簡單，米粉就係普通嘅米粉，味道偏甜。

下午tea time 小休，進來檀島一嚐豐富的下午茶由蘇皮蛋撻開始蘇皮一層層，咬落鬆化，蛋味好濃，剛巧新鮮出爐，好滑溜奶茶的茶味好足，聞落好香，飲落好滑雞批好足料，批皮薄薄，饀料好入味，熱辣辣，好味

剛好係灣仔，經過檀島，聞名已久，終於一試我當日叫左個茶餐，有一碗餐肉沙爹牛肉出前一丁，牛油餐包及煎蛋。究竟檀島有咩咁特別可以一個茶餐賣50大元?唯一答案：真正既懷舊味道...鴛鴦既咖啡與奶茶剛剛好，沒有苦澀味，有濃濃既咖啡香味加上幼滑既奶茶，係一杯極品鴛鴦...牛油餐包入口鬆軟，煎蛋也有茶記既傳統味道。重點係個出前一丁，我食過好多間茶記，唯有檀島既味道最令人難忘，簡單一碗麵，從沙爹牛冇鬆肉粉味開始，到出前一丁麵口感一流，烹調既時間拿得十分準確。即使泡在麵中既時間好耐，香煎既午餐肉依然香脆。雖然侍應叔叔好多都已經年邁，白髮蒼蒼，佢地仍然友善招呼客人，希望真懷舊好味道不變，50大元絕對值。

慕名而來, 失望而去... 諗住同班親戚搵個位坐低一路食tea一路吹下水, 落到灣仔, 第一時間就諗起呢間檀島, 皆因以前食過佢d蛋撻, 好好食, 於是就食過返尋味, 點知...入去堂食, 簡直不知所謂, d伙記d服務態度差到無朋友, 落單又落錯, 可能係持住間鋪係老字號就串串咁款, 成班樓面懶懶行, ok算, 始終只係茶餐廳, 不能要求太多, 只要d野好食就no problem, 可惜...先講一講檀島最出名的兩大鎮店之寶: 咖啡同酥皮蛋撻, 平心而論, 水準真係相當高, 特別係個蛋撻食落真係好有蛋味, 必食推介!!!! 其次就係沙嗲牛肉麵, 無辨法唔承認d牛肉真係煮得剛剛好, 而且味道亦都唔錯, 雖然稱唔上係特色茶式, 但都不妨一試~~好了, 要讚的就係咁多, 接下來其他果d野食, 真係普通到普通, 同新式茶餐廳其實真係無分別, 根本唔值得咁貴價錢, 簡單一句, 除左蛋撻, 其他野的性價比真係完全唔入流, 再考慮埋果種用眼神想迫你快d食完快d走的服務態度, 除左外賣蛋撻, 我一定唔會返轉頭堂食囉... 呢個炒貴刁都一樣, 唔夠入味, 失望... 

開業逾半世紀的檀島咖啡餅店檀島, 一向以蛋撻配咖啡創下港式下午茶經典。 蛋撻、奶茶、菠蘿飽也是茶餐廳必叫的經典搭配 .... 食件蛋撻，飲杯咖啡或奶茶是正常的事吧!食經典孖寶前，食份常餐醫飽肚先。通心粉軟偏硬，湯底夠熱但味道略淡，還可以！厚切多士，烤得夠脆，兩面夠均勻，塗夠牛油，咸香味十足。 奶茶過濃，濃到有點苦澀味道！整體而言, 這𥚃所常餐水準真是一般，合格吧！食完正餐就叫了一個經典配搭～～酥皮蛋撻 ($9)，上桌時, 還是暖暖的, 酥皮一層一層的有夠鬆化, 但是酥皮很容易便會散開, 蛋漿滑一滑, 如同燉蛋一樣蛋味香濃而且甜度適中！侍應生的服務態度 也是預期中的一般般，愛理不理的服務態度!

It was a Friday night and my first time to come.The air smells like public toilet, that was the first impression. Also the utensils are stained, not clean. But the staff are willing to change the utensils for us.I ordered an ordinary satay beef noodle set (including egg, sausage, and a bread) with a drink. With HK$50 it is quite ok. Ordinary taste that you expect. Nothing extraordinary. I did not eat the bread as it does not look attractive. I would probably not come again as the air makes me

檀島每年都會光顧佢既蛋撻奶茶一兩次，一向水準穩定！今日午餐又黎幫襯，照舊叫左蛋撻奶茶，再加左個雞肉三文治同雞批。平日飲開熱奶茶，今日突然想飲凍既，一樣香、滑、濃！大大杯，飲完都滯左一半。酥皮蛋撻平日好鬼起酥，今日唔知做咩，有少少似食梗曲奇皮咁，唔酥仲要好焗唔透！酥皮蛋撻其實好難焗得透，但係佢係得5成熟既感覺，放D唔起酥既油入口實在唔好受。雞肉三文治就真係攞黎衰，唔應該叫，上枱果然唔知做咩，得D無味雞肉加塊包，又無醬，滴晒汗！雞肉份量雖然唔少，味道還可以，但批皮太厚實…！係咪換左師傳呀…

茶餐廳被人感覺一向十分趕急, 出菜快, 吃得急已是既定文化. 然而, 感恩此日在趕急的生活亦能抽出閒適的一天, 好好挖掘茶餐廳的底蘊. 檀島咖啡餅店----我第一篇食評便出於此餐廳.小弟經常透過平凡的經歷思考人生, 不外乎普通的食. 入座後點了常餐A(鮮牛意+炒蛋餐包+茶走), 略述食物質素:鮮牛意方面不過不失, 整碟意粉吃完後, 就如自己今天的路程---淡淡然, 因為湯底略淡, 牛肉亦缺少些肉味, 若果各自的味道濃一點, 應更可收到襯托之效, 但有時口味輕一些, 告訴自己放鬆一點, 都有不錯的回味.整個餐較為出色的是炒蛋餐包. 蛋的嫩滑程度恰到好處, 不會有過生的感覺, 但在些微的蛋汁下更能突出蛋香. 蛋香又與餐包上的牛油香互相配合, 加上絲絲的包甜, 吃下去頗覺層次, 回味無窮. 各部分的味道都滲入口腔, 告訴在群體內, 每人的儘力也很重要!最令我深刻的可是這杯茶走, 茶入口時已感香滑, 雖亦滲出一些茶澀味, 但香醇與苦澀互相包裝配合, 相信是自己人生裡很重要的心態, 無論甜與苦都應該是深刻的經歷, 都應記下, 思考到此, 發覺這杯茶走雖然有美中不足的澀味, 但倍覺意義!

蛋撻呢樣咁普通噶野食，大街小巷隨處可見啦，但係cc話今日一定要帶我嚟呢度試下啲蛋撻做早餐，好啦，反正有人請我就唔介意噶 聽講蛋撻、奶茶、菠蘿油係呢度噶經典搭配，於是我地都照著點。蛋撻外面噶酥皮略厚，不過入面噶蛋好滑，而且食落非常有蛋香味，最緊要係啱啱新鮮出爐嘎，食嘎時候熱辣辣好過癮 再嚟翻兩杯經典奶茶，啱啱食完蛋撻個口肯定會好乾，飲杯奶茶濕濕口就啱啱好啦，奶茶味道好濃郁，好香噶奶味同埋茶香味 雞翼同炸薯條真係絕佳噶搭配，薯條外面好脆但係入面又好軟熟，雞翼好香 不過三文治就麻麻地啦，啲包唔夠鬆軟

去會展之前經過檀島，想起久久沒來就決定入去食常餐、雞批。雞批今次有點涼掉，食落不算特別，如果可以加熱應該不錯。常餐份量足，一個人生吃不完，淨下半碗通粉。大讚牛肉嫩滑入味，雪菜肉絲的豬肉絲又粗又鮮，不是罐頭貨，炒蛋都幾滑，整體不錯。

這幾天比較早到達灣仔，可以在上班前四出發掘新早餐地點。傳說中的檀島常常路過，但從沒去過，就去一探究竟。進來竟然八成滿，找到位置坐下，等了接近五分鐘，無人理會，或者正確的說，那群侍應故意裝看不到。最後要大聲呼喝才有人幫忙下單，當然態度差自不待言。叫了一個早餐(雙蛋+煙肉通粉+牛油餐飽+凍咖啡)，$37，好貴。食物很快便上桌，如果叫侍應都這麼快有回應就好了。西煎雙蛋：上桌時一點熱度也沒有，沒有脆邊，但最少不是煎的全熟，尚算是流心。煙肉通粉：兩塊煙肉加通粉。湯的熱度足夠，通粉不會過稔，不過呢，煙肉徒具外型，咬下去靭靭的，沒有應有的鹹香。牛油餐飽：由於檀島有自己麵包部，餐飽都是自家供應，所以算是熱辣軟熟，牛油份量算足夠，是我認為唯一一項感覺較正常的食物。但講真如果我只想吃麵包的話，這裡附近一帶各種價位的選擇很多，我何必要花接近四十大洋吃個牛油餐包﹖凍咖啡：味道正常，但之前吩咐了少甜，仍是甜的膩人。整體而言，觀感實在太差，沒有下次了。

檀島vs泰昌檀島一响出名旦撻，但近年泰昌興起，排隊人龍不再。 這旦撻是傳統酥皮，一咬下去，酥皮很薄，十分鬆化；旦漿呈半固體狀，很滑溜，十分香甜，有旦香，由於撻皮薄，相對地，每一口都充滿旦漿，十分滋味； 相對泰昌的是牛油曲奇皮，撻皮厚DD，富牛油味，口感和檀島有所不同，而旦漿則比較固體，旦香無咁明顯。估唔到的驚喜是沙翁咁好食！一如小時候在酒樓點的冰花旦球，表面沾滿沙糖， 一咬：非常鬆軟，又有D脆口，裏面充滿氣孔， ，一陣濃濃的旦香，正呀！現在賣沙翁的地方，已經越來越越少，有得賣而又咁好食的，就更加少了！推介！

於檀島食碎肉芝士薯條餐。等咗5分鐘有得食。個凍飲點咗杯凍奶茶。個賣相好正。杯奶茶唔算好甜。個薯條好脆。食到有好重芝士味。但係個份量好細。男人個肚真係唔夠食。埋單要$48。 真係唔抵食。