檳榔島敍

营业中

休息中

收工黎太古坊附近接朋友仔下班，之後就嚟咗呢一間佢話平時下晝好多人排隊嘅新餐廳度食晚餐。餐廳環境舒適，服務員態度亦很好，餐牌價錢合理，見到有一家大細，都有三五知己，或者情侶喺度用餐，似乎幾受街坊歡迎。.懶得慢慢研究餐牌嘅我哋，就揀咗佢哋嘅二人餐。呢個餐包很咗有沙律、小食、主食、甜品，同埋飲品，好豐富。小食可以自選三款，個人覺得我揀嘅呢三款味道都唔錯，蝦多士酥酥脆脆，沙嗲雞髀肉帶濃厚花生香，可謂啤酒絕配🍺。大家第一次黎，如果有叫酒嘅話，可以試下跟住我叫。（配搭薏米水都唔錯）-馬來沙嗲雞雞髀肉串🐥-馬拉盞魷魚🥢-馬拉盞一口蝦多士🦐主食可以選擇兩款，唔知係佢哋款款味道都唔錯，定係我好彩，剛好我叫嘅兩款主食味道都出色，冇令人失望。辣味蔘巴魷魚配搭香脆魚仔同花生，仲有椰漿味夠重嘅椰漿飯，雖然減肥中，但都忍唔住食到一粒飯都唔剩。喇沙煙肉長通粉就好有特色，估唔到馬拉嘅醬料同意式嘅長通粉都可以咁match，加上一粒生雞蛋，口感非常juicy。-椰漿飯配辣味蔘巴魷魚🐙-濃香喇沙煙肉長通粉🍝三選一嘅甜品，我哋揀選咗自家製班蘭咖咉多士，多士外層酥脆非常，幾乎入口即化，班蘭咖咉醬甜度適中，加上濃香牛油🧈，啖啖令

「檳榔島敍」位於鰂魚涌太古坊附近，門面以木系裝潢，再掛上不少霓虹燈裝飾，相信晚上來到會更加矚目搶眼。餐廳內兩邊用上漸變嘅效果，有種夏日清涼感覺。檳榔島敍雜果賓治炎炎夏日，當然要飲番杯雜果賓治，加上多款生果粒粒，口感清新，認真透心涼。蝦醬風味炸雞翼/ 馬來沙嗲雞脾肉串蝦醬風味炸雞翼非常特色的蝦醬雞翼，外層炸至金黃酥脆，那咸香可口會停留在口腔中，有種齒頰留香味道，甚有風味。馬來沙嗲雞脾肉串雞肉上用上雞脾，鮮味嫩滑，而且其馬來沙嗲醬香辣惹味，非常香口。椰漿飯配馬來生炸雞髀估不到他們有生炸大雞髀，外層炸得香脆乾爽，而肉質仍保持肉汁豐厚，令人回味。他們用上椰漿作米飯，入口啖啖椰香，芳香四溢。班蘭咖央多士香脆多士加上清甜班蘭咖央及厚身牛油，入口香甜爽脆，味道香甜，層次豐富，越食越滋味。

鰂魚涌新開一間食馬來西亞野嘅餐廳 入邊嘅裝修真係有馬來西亞嘅風情 好似去左渡假咁 叫左個set lunch 選擇好多 有salad main and drink咖喱雞胸牛油果沙律 雞胸預先查咗咖喱醬 所以食落去有咖喱香好好食 配埋牛油果口感更加豐富 加埋沙律菜成嗰餐好健康美祿山 呢個飲品真係一定要飲 奶香極重 加埋美祿粉 超好飲小食叫左馬拉盞一口蝦多士 即叫即炸 賣相有100分 炸得好鬆脆 加左甜甜地既調味醬真係無得輸下次一定會再encore試埋佢其他食物！！

🌞周日同家人來到鰂魚涌既🏝️檳榔島敍食lunch，呢度主打馬來西亞菜。🍴餐廳布置有海邊小屋既氣氛， 牆上嘅大海壁畫好吸引😍🦐芝味咖喱海鮮焗飯芝士焗得十分香口，咖哩醬汁香辣，配上 青口、魷魚及蜆等海鮮。🥗咖喱雞胸牛油果沙律 咖哩雞胸惹味，🥑牛油果同沙律菜好清新。🍅🍕鮮茄蘑菇牛油果薄餅薄餅即叫即做，所以都要等一陣。餅底脆卜卜，上面嘅餡料非常豐富，鋪到滿曬， 芝士味香濃。🧇斑蘭咖央多士呢個一定要叫，好出色，多士鬆脆，裏面嘅班蘭咖央香甜。😍🥤飲品：家人點了凍拉茶，美祿山，我既🍋檸檬薏米水清新健康😋

今日同朋友路過呢間餐廳，見到裝修幾好，諗住試下，我同朋友兩個人都點左椰漿飯，椰漿飯冇椰漿味都算，d炸野又乾又柴。最大問題係我地兩個食完都又痾又嘔，最後因為食物問題，腸胃炎要去睇醫生，到而家都仲未好番！後尾諗番，應該係椰漿飯入面個溏心蛋出事，都唔好講個餐好唔好食抵唔抵食啦，連最基本嘅食品安全衛生都做唔到，衛生狀況不佳，極差體驗，第一次俾差評，絕對唔會再食第二次！希望店主認真檢查食材質素及衛生狀況！！

馬來西亞是一個種族多元的國家，飲食文化也呈現著混合共融的特色，今次就來到蝦麵店的新分支「檳榔島敍」，品嚐南洋美食。餐廳面積不大，座位不多，但裝修瀰漫著一片輕鬆悠閒的氣氛。店內兩側牆上繪有藍白浪花壁畫，猶如置身於馬來海島，洋溢東南亞熱帶風情。餐牌主打馬拉風味Fusion菜，款式繁多。餐廳為各款西日經典菜式注入獨特「馬拉靈魂」，帶來創意變奏。檳榔島敍招牌小食拼盤 $178點一客拼盤就可試齊多款小食，包括魚餅、蝦多士、魷魚圈、雞翼、雞槌、春卷。拼盤份量澎湃，足夠兩至三人share，春卷餡料都是包得滿滿的。一口一粒的蝦多士炸得酥脆香口，魷魚圈肉質彈牙爽口不會太韌。芝味咖喱海鮮焗飯 $88馬來西亞的咖喱都愛用椰漿去減低辛辣和提升香味，所以辣度都是比較平和而不嗆口。表面鋪滿澎湃芝士，配上多款海鮮配料，芝味無窮。咖喱醬汁夠惹味，微微滲出辣勁，相當好下飯。咖哩叻沙海鮮米粉 $88湯頭是叻沙的關鍵，以咖哩醬、椰奶及南洋香草等材料熬煮而成，搭配豆卜、芽菜、雞蛋、蝦、蜆、青口及魷魚等豐富配料。蝦肉新鮮爽彈，一碗兼具甜、鹹且微辣的濃濃南洋味湯麵，大大刺激夏天不振的食慾。湯底滲出陣陣椰香，辣度不高，米粉全然吸收

餐廳環境算裝修得幾靚既, 地方正常唔算好大, 唯一係椅子差緊d , 因為一般客人都中意坐類似sofa咁既卡位. 所以將部份改成個種卡位會更多人喜歡!甘香醬手作蘿蔔糕(108$)首先真係一讚一句呢間餐廳既最大特色係大份! 份量十分足, 所以呢個價錢黎講性價比好高.蘿蔔糕口感人係偏鬆軟, 但又唔會夾到碎. 周圍有d醬食落口增加左濃烈的口味. 呢間餐廳整體黎講菜式都偏重味.濃香喇沙煙肉長通粉 (108$)照樣比較大份, 同埋醬汁好多同好濃, 最近好多地方都中意加隻蛋撈黎食, 口味會再濃d, 好處係味道上的確唔錯, 唔好處係太濃既野食+份量多, 好快會食濟.建議幾個人分黎食會更好. 煙肉都係會增強味道的衝擊, 但同時都係比較油同濟. 馬來甘香海鮮天使麵 (128$)天使麵呢到煮到就比較有鍋氣, 份量照舊都係比較多. 多人一齊食比較野味. 海鮮鮮味足+小量炒出來的味道比較野味小小.麵身彈牙, 幼身, 中意食硬小小彈牙d既人會中意.整體感覺性格比很高, 成間餐廳係有活力敢覺到有努力有衝勁想做好既感覺.絕對可以一試.

鰂魚涌寫字樓多，可能中午比較多人。但其實夜晚如果覺得太古城人多，不妨過黎覓食。令人覺得正既係，價錢吾貴，但好豐富，仲好大碟。今日二人餐只係$368，先上兩份沙律小食可叫3款分別叫了4件蝦多士，2串沙嗲雞串，4件馬拉盞魷魚圈。平日套餐多數只可揀1款，好驚訝可以揀咁多。佢個沙嗲串係真係正，特別係個汁，吾太油，仲比左大量花生粒，令你可以食到好香花生味，又吾會太辣太油太咸。主食可揀兩款。有成10樣比你揀。芝味咖哩海鮮焗飯海鮮好足料，有齊青口。蜆。蝦。魷魚圈都係要講佢個汁，真係好香好正。再加埋芝士，佢同時加入好多菠蘿，令你吾會覺得滯。反而開胃檳城福建蝦摻摻份量超大，食極都仲有。個湯好香濃，配合蝦，肉，好岩夏天去食。甘香醬蘿蔔糕原來以為小食係細細份，但原來係超大份真係好抵最後當然要食自家制斑蘭咖央多士勁大份，佢個多士烘到好香脆飲品叫了龍眼冰同雜果賓治。

在鰂魚涌工作完行過比呢間餐廳的霓紅燈裝飾吸引住，剛好呢間餐廳位於海堤街鰂魚涌近海旁一帶，整個感覺可以讓我同同事從一天繁忙工作帶來迎接週末來臨放鬆心情。店舖的裝修都以藍天碧海的色彩為主題，讓人置身以海邊的感覺。餐廳有抵食的二人餐選擇（$338），有餐前小食、沙律、2客主食、甜品及飲品，選擇同樣豐富。先送來前菜沙律，沙律的亮點除了沙律菜、蕃茄外，還有選用大樹菠蘿和酸瓜，少少份量的大樹菠蘿已經充滿馬來西亞特式，而家味道酸酸甜甜非常開胃。班蘭龍眼冰 & 檳榔島敍雜果賓治，龍眼冰很多粒龍眼肉，加入班蘭，清除熱氣之餘多了一份透心涼的感覺。雜果賓治名副其實，很多蘋果和菠蘿伴上。餐前小食，有多款小食選三款，素菜咖喱角、馬拉盞一口蝦多士、蝦醬風味炸雞翼，每款小食的份量適當，而且炸得好脆，蝦多士真係是剛好一口，蝦肉比例都算多，另一款蝦醬雞翼都是很出色，雞翼的蝦醬風味好入味。馬來咖喱雞肉薄餅（+$38），爆餡薄餅，滿滿的雞肉，第一次食咖哩味薄餅，少少辣，但好惹味，薄餅焗得好脆。自家秘製茄醬芝士魚柳鮮果焗飯，飯的份量很大份，以蕃茄醬作為醬汁很開胃，每片魚塊如果質量實d會較好，整體不俗。班蘭咖央多士，一睇個樣已

朋友喺鰂魚涌返工，帶咗我去太古坊附近嘅檳榔島敍食飯。餐廳嘅裝修好有風味，座位舒服，餐牌嘅嘢食都好吸引。我哋兩個人嗌咗兩個主菜，一個小食拼盤同兩杯嘢飲。椰漿飯配馬來生炸雞髀賣相吸引，炸雞髀好大隻，上面撒滿香草，外脆內熱，雞肉好多汁，唔會好鞋。椰漿飯好香，同個炸雞髀好夾。另外仲有炸魚仔同埋花生做配菜，點埋佢嘅醬，真係好好味。另外要咗個咖喱叻沙海鮮米粉，都幾足料，有魷魚圈、青口、蝦、蜆、豆卜、糖心蛋同埋芽菜。湯底食落少辣，好香口，又開胃。啲海鮮都好食，啲蝦好彈牙，米粉份量夠多，唔會煮到一pat嘢，真心推薦。招牌小食拼盤足夠兩個人share有餘，啱晒一大班人食。炸魷魚圈外面夠脆，魷魚有鹹香，好好食。蝦多士細細粒，可以一口一粒，好鬆脆。雞鎚好香，辣辣地好過癮。粗薯條炸到脆卜卜，撒上七味粉，熱辣辣好好味。朋友嗌咗熱檸檬薏米水，我見到入面都幾足料，有好多薏米，感覺應該好健康。我就要咗凍龍眼冰，上面有好多龍眼肉，飲落好清甜解渴，同我哋嗌嘅嘢食好夾。見到有人嗌薄餅，睇落都好好味。另外佢仲有好多甜品，下次多啲人食就可以試吓。

作為鰂魚涌Office lady當然要吃盡鰂魚涌所有食店啦！今天吃的是有東南亞特色的食店，事不宜遲，馬上開始食評！馬來甘香海鮮天使麵先來主菜，這碟意粉的配料很特別，吃上去意粉完全不是西式的口味，而是竟然有點東南亞的香料味道，帶到我驚喜，再加上超彈牙新鮮的大蝦，這碟是我近來吃過最好味的意粉！10分推薦。芝味咖哩海鮮焗飯這碟焗飯的芝士味濃郁，而且帶點辣味的咖喱也令我回想起之前星加坡的味道，不錯。喬治城小食拼盤這個小食拼盤有雞翼，串燒，下多士，炸洋蔥圈和咖喱角，樣樣都是新鮮炮製， 20分滋味！芒果冰茶這杯飲品喝上去粒粒芒果肉，好飲！娘惹糕點這個甜品甜度適中，而且質感軟林林幾好味。斑斕咖央多士輪到壓軸出場的咖央多士，這個是我在香港吃過的咖央多士之中最好味的！這個麵包外層非常隨身可口，而且加上特製的介央醬和牛油令人食過返尋味！必食推介！

平時好小過海但朋友最近搬左去港島區就去探下佢啦🥰順便一齊食個lunch chill 一下。我地揀左間食馬來西亞菜嘅餐廳，門面係木系而餐廳入面就係唔同層次嘅藍色做主題，營造一個海嘅感覺，連啲凳都有用心，好似沙攤網床。.食物方面都幾多選擇，有椰漿飯、焗飯仲有啲fusion嘅pasta同pizza☺️.椰漿飯配馬來生炸雞髀 HKD88生炸雞脾好有驚喜，以為會乾柴啦，點知又幾juicy同嫩滑。椰漿飯有加埋班蘭好香配埋炸魚仔同辣醬，好好送飯。.甘香醬手作蘿蔔糕 HKD52甘香醬好無敵，炒乜都好好食，配蘿蔔糕好惹味，唔覺唔覺又食曬，份量多仲有三隻大蝦🥰.咖喱雞胸牛油果沙律 HKD78夏天不能沒有沙律！菜菜好新鮮，咖哩雞胸嫩滑，絕對係健康之選。.自家製班蘭咖史多士 HKD35呢個就係邪惡代表🤤🤤你睇個厚厚嘅鮮油就知啦！多士夠脆，班蘭味夠香，鮮油夠邪惡，真係好好食。.食物質素唔錯，個環境其實都幾舒服，真係俾到一種beach vibes我😻所以我地都叫左啲手工啤chill 下🍻.Westmalle Trappist Tripel HKD55 呢枝比利時啤酒係晌修道院製成嘅啤酒，聞落幾清新，入口就有小小朱古

突然有種心血來潮想食馬來西亞菜，二人套餐較抵食只需$366，而且選擇種類都幾多，可以自由搭配。椰漿飯配馬來生炸雞髀，雞髀炸得熱辣辣脆卜卜，雞皮一咬就有超脆既聲音，雞髀肉唔乾身，做到鎖住肉汁無流失，辣醬味道會偏辣少少，我覺得加落雞髀到黎食好正，飯粒有陣陣椰香味。馬來甘香海鮮天使麵，需要加$28，天使麵炒得夠香夠入味，帶有少少辣夠惹味，海鮮之中蝦嫩滑彈牙，青口亦飽滿大隻。小食拼盤，自選三款，揀左馬拉盞一口蝦多士、參巴水牛城雞槌、馬拉盞魷魚圈，醬汁有兩款，辣醬和類似甜酸醬，雞槌同樣炸得夠嫩有肉汁，魷魚圈外層酥脆，內裏爽口彈牙。班蘭咖央多士，食星馬泰菜必點既咖央多士，方包烘得好脆，這店咖央放入左牛油，好邪惡但好食能勝於一切。美祿山，先飲一啖飲品再舀一匙羹美祿直接放入口，雙倍濃郁味道好滿足。檳榔島敍雜果賓治，非常清甜解渴，生果有幾多款就數唔到，但一邊飲一邊食生果粒好有口感。香烤薄餅配辣茄雞件($68)，再點多一款小食，辣茄醬其實唔算太辣，好岩唔食得辣既客人，雞件其實係雞槌咁大件，炸得香脆，薄餅一定要趁熱食，放涼左就會開始變硬。

最近去咗以湖水藍又充滿度假feel嘅「檳榔島敍」食馬拉 Fusion菜🐳🏖.前菜沙律🥗內有大樹菠蘿🍍車厘茄🍅沙律菜同青瓜🥬🥒清新開胃😝.馬來沙嗲雞髀肉串🍗馬拉盞一口蝦多士🍞馬拉盞魷魚圈🍽雞髀肉串面頭灑滿花生粒🥜沙嗲醬香濃👍🏻雞肉肉質嫩滑🐔蝦多士香脆😆蝦肉彈牙🦐魷魚圈炸皮酥脆，加上煙韌魷魚🦑點上酸梅醬，好味道😋.馬來甘香海鮮天使麵🍝有多種海鮮，包括蜆肉、青口🐚大蝦、魷魚💁🏻‍♀️醬汁味道比較似冬蔭功味🤔而且食落係比較乾身😲.馬來生炸雞髀配椰漿飯🍚雞髀巨型😍用咗香茅醃製👨🏻‍🍳外脆內軟嫩，仲要超juicy🤤椰漿飯飯粒有椰香同班蘭香🥥與辣椒醬🌶炸花生鳳尾魚🐟蔬菜🥦🥕同半個雞蛋同食🥚正宗滋味又滿足😊.焦香榴槤芝士蛋糕🍰芝士蛋糕食到淡淡榴槤香同芝士鹹味🧀加上面頭擠上榴槤醬😗榴槤味𣊬間突出😬.自家製班蘭咖央多士🥖多士烘得脆卜卜🔥中間搽滿香甜班蘭咖央醬🌱再夾住鮮牛油🧈好似食緊雪糕咁🤪.檳榔島敍雜果賓治🍹非常欣賞餐廳係用新鮮菠蘿、提子🍇蘋果🍎而非罐頭雜果💯而且好fresh😉.桔仔梳打🍊酸酸甜甜，好解辣☺️

周五晚揾新地方食飯，知道海灣街開了一間檳榔島敍，聽個名已經知道食馬來西亞菜，又真係幾地道，如果兩個人來，我估大家都會選擇呢個晚市二人套餐，因為抵食亦可以試到好多款招牌。先揀三款小食：馬來沙嗲雞脾肉串（2串），花生大大粒，好有口感。蝦醬風味炸雞翼（2隻），炸到好，皮好酥脆，皮脆肉嫩。馬拉盞一口蝦多士（4件），蝦多士其實係應該細細粒，咁就唔會咁膩，味道好。主菜揀咗呢兩款：馬來生炸雞脾配椰漿飯，估佢唔到個生炸雞皮又大隻又超好食，與雞翼一樣啲皮炸得好脆，而肉又唔乾；好似加咗斑蘭咁椰漿飯幾特別，粒粒分明，椰漿份量冇過多。鮮茄蘑菇牛油果薄餅幾有創意，睇落應該係意大利菜式唔係馬來西亞，還是有馬來西亞版本呢咁我又唔知道？做得其實幾好，芝士好豐富，鋪滿蕃茄及蘑菇上，食起上嚟唔會講，薄餅幾薄。甜品揀一款：自家製班蘭咖央多士呢個真係好食，好似黑炭咁嘅顏色嘅麵包，我估係麥包，已經烤到非常脆，近乎餅乾的口感，裏面塗上了斑蘭醬及大大嚿牛油，強烈對比超美味飲品有兩款：斑蘭龍眼冰味道正常唔太甜，好多粒粒龍眼食。竟然有手工啤酒，Linesman’s Pecheresse 係桃味，真係幾香，即日試吓。