櫻木 (裝修中)

櫻木Omakase($580) -好耐冇食日本野啊喂😵。櫻木既師傅發板價錢唔算貴，食物由前菜到甜品一共九樣，最期望既當然係刺身同壽司環節，最驚喜既係石恒貝、深池魚、左口魚安康魚肝，夠曬鮮甜，另外既紫菜包拖羅又係正到爆，拖羅油脂夠多，食一塊已經好滿足。Omakase一向野食份量唔算好多，司令咁大食梗係唔多夠啦，另外仲叫多左份汁煮油甘魚頭($160)，魚頭好入味，配埋配菜既豆腐同菜，鹹鹹甜甜超正，最緊要梗係要叫多碗日本飯配住食啦😋。

這間位於軒尼詩道的＂櫻木＂裝修光猛整潔，人流不算多很好坐很好聊, 而且食物質素高，服務員態度殷勤滿面笑容，給客人有親切的感覺☺️北海魚生飯 $280北海魚生飯材料有：三文魚，三文魚籽，甘蝦，吞拿魚，帶子，玉子，海膽，八爪魚沙律等等。樣樣新鮮無比👍🏻尤其是帶子新鮮鮮甜，海膽入口即溶完全沒有腥味，魚生是厚切，所以吃時有口感非常滿足。天婦羅稻庭烏冬 $105烏冬扁幼身，軟硬適中又滑又彈牙，天婦羅粉漿薄鮮蝦新鮮爽口彈牙，蔬菜亦鮮甜玉子燒 $60玉子蛋味濃，但一口咬下去較水老了少少，這個玉子燒較為失色脆炸沖繩雞 $55熱辣辣香噴噴，炸得不會過火，雞件嫰滑還有雞汁

有時候約朋友食飯都不過係想聚一聚傾下計，所以通常人少少食飯都會想搵間靜一點可以傾同坐得舒服點。今次誤打誤撞搵左呢間櫻木，不單第一次到呢間餐廳，同時我第一次黎灣仔呢頭食飯😳原來呢到上黎有幾間餐廳，有少少似迷你商業大樓，扶手電梯轉電梯上黎，一開電梯門就發現空間感好足既櫻木😍😍當晚人不太多，我地兩個人都可以坐卡位。另外可以選擇廚師發辦，咁就可以坐吧枱方便少少。好貼心既暖毛巾抹手，之後就開始等食！首先上壽司。同朋友因為口味不同，可以各自點選自己心水，好多都係單件點，價錢有少少偏貴但又未到難接受既☺️不過真係好新鮮，連鎖個d無得比，所以價錢都係返到啦～另一樣我地兩個都好中意既係軟殻蟹沙律，夾埋佢個微酸既醬汁非常醒胃！軟殻蟹可以完全食用 好軟好滑 最緊要無渣！牛舌都好高質，入口嫩滑彈牙，不過價錢要幾十蚊一串就真係有少少貴了。海膽茶碗蒸😆見未試過又試下好新鮮～不過味道唔算太match～似分開食咁最後仲未太飽就點多一份冷麵。一坐就坐左三個鐵，慢慢食完之後繼續坐係到傾計，環境好舒服無壓力，好過之後食完搵下場傾計😆價錢算中上吧，服務環境係超好，係鬧市難得既中價寧靜高質日本餐廳。

朋友相約喺公司附近食飯，朋友話平時lunch時段好full，一於試一試Dinner。 先來海膽卷，海膽好新鮮，完全無腥味，但可惜係海膽碎。鉄火巻即係吞拿魚卷， 吞拿魚， 有魚味， 尚算可以，可惜卷物大細，件件不同口感，極奇有趣，每件都有新鮮感。再黎軟殼蟹牛油果卷，明明大家也是壽司卷，好味。大細也差不多， 軟殼蟹炸得啱啱好，外脆內軟，完全唔會過份乾水，牛油果熟度啱啱好，食落去夠曬軟身， 可惜紫菜唔夠脆。下一樣沖繩苦瓜炒豚肉，苦瓜生熟度剛剛好，口感一流。玉子燒，新鮮即做， 熱辣辣上枱。天婦羅稻庭烏冬， 正常水平價錢合理。下次食應該要試下刺身， 可能會仲有趣。

今日朋友約我去灣仔食飯,一心諗住食好野,但依間餐廳唔算好出色。我食天婦羅烏東,天婦羅都算脆身，熱辣辣上枱，不過估佢唔到個烏冬，食落口感，似直麵，彈牙嘅直面，可能我呢啲香港人食唔慣。有緣再食。

灣仔區比較少日本餐廳，呢一間環境裝修都幾好，很高級的感覺！首先點了三文魚籽壽司，池魚和三文魚刺身...全部都好新鮮，尤其是三文魚籽！軟殼蟹牛油果卷-只是$70，而且份量不算少，軟殼蟹炸得很香口，加上入牛油果，他們配搭一流！價錢也非常便宜和吸引！蜆麵豉湯 - 簡簡單單，加上蜆肉，食日本菜前必飲醬汁燒鰻魚串燒- 幾好味，燒完之後覺得特別香燒牛舌 - 很特別的做法，醬汁加上麵豉和芥辣，又是特別好味，而且容易咬雜菜天婦羅-有三款，主要是冬菇，茄子和南瓜！他們全部也很脆！炸煮茄子伴蝦肉 - 這個比較特別，因為我好鍾意食茄子，所以點來試一試！茄子和蝦肉煮得非常入味，加上他們秘製的醬汁，好味！這間餐廳環境很好，下次可以來這裏食午餐！

Weekday行過灣仔，去左The Hennessy 三樓新開既日本餐廳食野。 新餐廳裝飾都靚d，壽司bar枱最搶眼。圍牆有2邊卡位，坐得舒服。 Menu好全面，主打魚生刺身。每日有是日精選靚刺身。另外仲有串燒，天扶羅，烏冬，應有盡有。仲有2個omakase menu.$580 同$880。 灣仔omakase呢個價錢非常抵囉。 首先叫左個時令刺身，是日好野係真鯛刺身。份量相當唔錯， 而且非常新鮮。再來一個鹿兒島豚肉沙律配我至愛既芝麻醬。最貼心係餐廳自動附上多一碟芝麻醬，而且仲俾我地再添，啱哂我食醬多過食菜既為食鬼。豚肉蓋滿沙律，用料十足。沙律都唔hea 喎。有kidney bean，生菜，粟米，red onion. 叫左2款串燒，豚肉露笋卷及雞中翼。一串2件，seasoning 啱啱好，唔會太咸。鷄翼皮脆卜卜，又香，好食。 最愛小食係鰻魚炸豆腐，豆腐滑一滑夾住塊鰻魚，外面再包香脆紫菜，炸漿又薄又香，好食。最後食左個天扶羅烏冬。menu上寫明有2蝦三菜，明碼實價，均均真真。上枱的確有2蝦，3菜（2茄子、1南瓜）無講大話。天扶羅即叫即炸，上到枱仲係熱辣辣，脆卜卜，好好食。稻庭烏冬份量都唔

出街食飯總是離不開日本菜，經朋友介紹去就去試試這間樓上的日本餐廳～它主要以廚師發板為主，但也有提供多款不同的日本菜，因為當天不算是太肚餓，所以我地都是單點的～這間日本餐廳報置比較時尚現代化，樓底好高，空間感十足，而且座位之間唔會太迫，整潔舒適～這裡有不同的日本菜選擇，當中最受歡迎就是Omakase的菜單！三文魚卷（HK$40）蔥粒免治吞拿魚腩卷（HK$70）一口一粒的小卷物，即叫即製，壽司飯軟硬適中～蔥粒免治吞拿魚腩吞拿魚味濃郁，不膩好即入口～而三文魚都幾大粒，絕對唔係交行貨，三文魚新鮮嫩滑，外面包著凡紫菜唔會太淋身，口感十足！清酒煮蜆（HK$65）清酒煮蜆所用的蜆都特別新解大隻，啖啖肉，而清酒的湯底煮得十分清甜，有酒香但沒有酒的難入口苦澀味，正！粒粒的蜆肉都特別飽滿多汁，十分新鮮！軟殼蟹沙律配蕃茄酢沙律（HK$60）不一樣的沙律，上面伴著剛炸起的軟殼蟹，炸得金黃香脆，而下面就是新鮮爽脆的沙律菜，再伴上秘製蕃茄酢酸酸甜甜，好開胃，口感十足～海膽蒸蛋（HK$45）海鮮蒸蛋（HK$38）即叫即蒸的日式蒸蛋，每人各點了一款～比較奢侈的就是海膽蒸蛋，上面有一大份海膽，蒜蛋一向比較清淡，伴上濃郁

日本菜日本菜成日都想食日本菜今晚食嘅係灣仔嘅櫻木同朋友兩個人嚟到食晚餐，店舖面積好大，坐嘅位置都比較闊膛呢度可以食廚師發板或者單點既都有今日我哋揀咗單點因為肚餓得滯，我地先揀咗個比較飽肚嘅安格斯牛肉稻庭烏冬稻庭烏冬一向係我最愛嘅烏冬，扁身既烏冬最好味，但湯底有少少太咸另外點左個玉子燒，唔知點解我去親食日本野都會點玉子燒😂呢度嘅玉子燒，相對比較細碟 每件玉子燒都細件啲，食完唔會好飽之後點會放嗰啲串燒呢叫左串醬汁燒鰻魚鰻魚都幾大舊，加埋醬汁係一流配搭卷物方面，我哋揀咗軟殼蟹牛油果卷一碟6件，唔算好大件 一啖都可以食哂架軟殻蟹同牛油果一向都係完美配搭軟殻蟹炸得啱啱好，脆卜卜牛油果份量都幾多，加埋青瓜圍住旁邊仲有蟹子添壽司方面，點左件店員哥哥極力推介既秋刀魚壽司自從有次食過秋刀魚刺身 一試便愛上。呢件秋刀魚壽司確實不錯新鮮既秋刀魚刺身大大件 一啖放落口 正！呢到既店員哥哥幾健談，成餐飯好開心

灣仔區向來都是晚飯聚會首選地點。 今晚約了友人在灣仔區用膳,來到 the Hennessey 吃日式料理。 餐廳裝修得幾Grand,有巨型吊燈。 時間尚早我們被安排在寧靜的卡位。這店也有廚師發辦的選擇。 價錢不用600蚊一位。因為朋友都唔需要我們還是自選菜色。蔥粒免治吞拿魚腩卷 $70吞拿魚腩蓉入口即溶配上香蔥非常美味。軟殼蟹沙律配番茄酢沙律油 $60沙律菜非常爽脆鮮甜，配上番茄醋汁很醒胃但又不會太酸。 再配合炸得香口仍保持 juicy的軟殼蟹，味道一流。 軟殼蟹size算大亦見有蟹膏，幾肥美!鹽燒三文魚(魚鮫)$70上檯時賣相非常精緻。簡單的用鹽巴來燒最能帶出三文魚的香味。 魚鮫位置都勁多魚油。京蔥雞肉串$28京蔥非常鮮甜， 一定要和雞肉一拼吃上才可發揮其美味效果。 雞肉燒得皮脆香嫩， 再配上惹味燒汁， 絕對是不錯的佐酒小吃。醬汁燒鰻魚$30鰻魚燒得剛剛好。 外皮燒有得有點焦脆而肉質柔軟。 鰻魚汁也做得不錯不會過鹹。牛舌大根煮 $80醬汁吧厚切的牛舌都煮得非常入味， 配菜有小露筍賣相很精緻。牛肉稻庭烏冬(安格斯牛肉) $85安格斯牛切薄片鋪在烏冬上，肉質仍帶粉紅， 完全沒有醃製，吃出

同媽媽去灣仔行街兼揾食， 行到累又點肚餓 ,就諗起朋友講過灣仔The Hennessy有間日本野，環境舒服同食物質素高嘅。就帶媽媽去嘆下，三樓一出已經係餐廳，即時有人招待安排入坐，其實都係博下架咋，因為即慶無預訂，好彩閒日還有枱。 他們有介紹套餐不過我地喜歡選自己喜歡嘅食物。餐廳裝修高級，日式風格大大Bar枱，私隱到高。細心位坐低已為我地準備毛巾同餐具。我揀左媽媽至愛~ 鹽燒牛舌$45 一串，超級好味，本身較厚增加口感，食落軟淋不失彈性。同媽媽一人一個海鮮蒸蛋 $38滑蛋味香濃內藏著菇菌，海鮮夠晒熱辣辣 三文魚壽司 2件 $40同蔥粒免治吞拿魚腩卷 $70新鮮無驚喜一般。反而跟壽司嘅薑片幾爽辛辣 軟殼蟹牛油果卷 $70 賣相靚味道亦好味，食到脆脆軟殼蟹。牛肉稻庭烏冬 (安格斯牛肉) $85他們用上安格斯牛肉係牛味較重，烏冬好特別係幼身的似麵多d ,但食落係烏冬而且質地好滑。帆立貝茶漬飯 $55份量較少 帆立貝鮮甜 加上少許wasabei更突出

黎到櫻木我主要都係想食佢地既海膽同埋魚生，呢兩樣野都係我至愛哈哈北海道海膽份量都好多下 色澤金黃 入口好鮮甜無甘味無腥味 配埋紫菜食就會清d 無咁漏 絕對值得呢個價錢之後黎既右口魚比左口魚更加矜貴 魚生片比較淡味 可以用佢地自製既酸汁配食 酸酸甜甜既海帶汁帶出到魚既鮮味 令人一塊接一塊停唔到好 中間既部分就係有多點口感 配普通豉油就可 因為本身都好重味食完生冷想食少少熱野 叫左茶漬飯 配帆立貝 個人覺得唔算太特別 但湯底味道都可口既另一個熱食都係比較普通 牛肉烏冬不過呢一個就好值得試一試 用左比較爽口既沖繩苦瓜 同埋豚肉 蛋一齊炒 豚肉係脆口架 味道恰到好處 唔會太濃 食到苦瓜本身獨有既甘甜味 好食！

放工時候約咗同事食飯， 就諗住近近哋喺灣仔搵間日本嘢食， 點知撞撞下都畀我哋食嗰間幾高質嘅日本餐廳。我哋叫咗三個壽司卷， 分別係吞拿魚腩卷、 海膽卷同牛油果軟殼蟹卷， 三個小卷物都非常好食。 香蔥吞拿魚腩卷食落有淡淡既蔥香味 ，中和咗吞拿魚腩嘅腥味 ，食落去唔會太漏。海膽捲海膽份量充足， 海膽亦都非常新鮮， 帶有海膽篤友嘅鮮甜味， 唔會苦亦都唔會腥。軟殼蟹同牛油果簡直係perfect match， 牛油果令本身咋嘅軟殼蟹唔會太漏， 食落非常之fresh。鰻魚串燒亦都非常之出色， 鰻魚食落非常之肥美， 魚味突出， 亦都冇咩骨， 非常之好食。蟹子沙律亦都相當之唔錯， 青瓜同蟹柳加埋一齊有新鮮嘅感覺， 最啱飯前食用黎開胃。牛面肉吃我呢餐飯最鍾意嘅餸之一， 牛肉食落非常之腍同埋滑， 都保留有牛味， 非常出色。

終於到左星期五喇，緊係約朋友去食飯鬆一鬆啦，去到灣仔The Hennessy三樓的日本餐廳，餐廳內燈光適中，我們兩個人被安排到卡位，坐位寬敞感覺很舒服。首先我地叫左個和風野菜沙律🥗($50)配柚子汁，野菜非常新鮮，配柚子汁開胃最適合不過之後我地叫左個特上雜錦壽司🍣拼盤 ($380)，呢個壽拼盤有10種吾同既款式，有拖羅、玉子、海膽等等。每款魚生都非常肥美，非常新鮮。食完呢個拼盤其實都有點飽了。另外我叫左個海鮮蒸蛋($38),呢個係一人份量，如果帶埋小朋友黎可以考慮叫呢個，蛋好滑而且吾會太咸。最後，我地叫左牛肉稻庭烏冬($85)，烏冬上面加左昆布🤤🤤而烏冬比岀面既稻庭烏冬幼，更易入口，而湯底吾會太濃再加上安格斯牛肉，真的很好吃😋

有朋友剛從日本旅遊回來，說想要緬懷一下在日本的時光所以我們便找一家可以舒服聊天的日本餐廳吃晚餐這日本餐廳走時尚型格路線，座位寬敞舒適，不嘈吵，很適合聊天除了刺身、壽司，餐廳也有供應多款下酒菜、漬物、燒物、炸物等食物三心兩意的我們最終點了海膽卷和其他幾款食物海膽卷($100)：黃澄澄、像半融芝士的海膽，看著已覺得十分吸引海膽質感又滑又軟綿，味道鮮甜醋飯和海膽分量的比例剛好～其實海膽自身的鮮甜味已很足夠，可以不用沾豉油醬汁燒鰻魚($30)：鰻魚燒得很香，配上的鰻魚汁鹹甜剛好魚肉肉身厚，帶點油脂，口感嫩滑冰頭漬($50)：初嚐這款食物，乍看有點像生蠔它其實是三文魚鼻軟骨漬物，酸酸的，沒有醒味口感很特別，某些部分像雞軟骨般脆，某些部分是軟硬之間那種膠質的感覺，好味鰻魚豆腐($48)：覺得菜名有趣所以點了這個這是豆腐夾著鰻魚的炸物，看起來像壽司外層炸得香脆，豆腐細滑～中間的鰻魚口感與先前的蒲燒鰻魚略有不同，結實一點點，但依然美味配著的醬汁讓這鰻魚豆腐更美味，推介天婦羅稻庭烏冬($105)：有天婦羅蝦、冬菇、南瓜和蕃薯，各款天婦羅的炸衣都又薄又脆那天婦羅蝦的蝦味很濃稻庭烏冬的麵條又幼又滑，湯是鰹魚