正品小館 (已結業)

正品小館同屋企人食飯，佢地最鍾意食中餐。平靚正係首選。而呢間性價比真係好高。食物普遍大份，而且價錢平，咪道仲唔錯。除左餐牌外仲可以望埋牆上既手寫菜單。小店黎講食物種類算係多。小食、小菜、小炒、碟頭飯、蒸飯咩都有。#杏汁花膠湯 $48 & #杏汁白肺湯 $38兩款原盅杏汁湯，杏汁味都好香濃，花膠既杏汁味會比白肺既杏汁味突出。會飲到打到好細碎既杏仁粒。秋冬滋補最岩飲。小炒方面我地都鍾意食濃味既。豉椒同椒鹽就最合我地心意。#豉椒炒蜆 $58都算大隻多肉，洗得乾淨無沙。無沙係好重要既。最怕食到沙。豉汁味香同埋甜甜地。#豉椒炒鵝腸 $58比起炒蜆更加惹味，除左豆豉味仲辣辣地，加埋鵝油香，好下飯。鵝腸爽，但有小小騷味。#椒鹽墨魚咀 $38份量又係好多。外脆內煙韌。蘸喼汁，酸酸地減抵油膩感。#海南雞 $88/半隻雞係滑既唔算好滑果隻，雞皮薄底下仲有層啫喱(即係骨膠源)，靚雞先有架。另加左油飯，好香香矛味但腍左少少。#正品煎肉餅 $68味道有點似點心牛肉球，肉加香菜加小小馬蹄，煎香左但唔會油膩。又係伴飯既好選擇。#米酒雞 $88傳統廣東菜，糯米飯做底吸哂雞味同荷葉香，滿滿酒雞鋪面，幾滑同有雞味，薑味都

佐敦一向美食多係人都知，但多數都係食打冷同埋泰國菜，今日襯同朋友收早諗住拿拿林食少少野就返屋企繼續做野最近其實出去食飯，普遍都覺得餐廳少人左。但係今晚嚟到呢度，其實真係座無虛席。到達嘅時候已經係7:30pm，我哋仲要稍稍等位先可以入座。Menu感覺古色古香，連座位都係用木嘅主題呢度嘅小菜價錢簡直係超級平民化#海南雞飯 🐥 $88 半隻雞肉好嫩滑，完全唔「鞋」☺️同埋完全冇骨個雞飯豉油同個雞汁都好夾#杏汁白肺湯 $38/位未飲已經聞到好香杏汁的味道，真係好傑好濃郁，豬肺沒有腥臭味，但略嫌唔夠漏滑。#椒鹽墨魚咀 🐙 $38熱辣辣炸得香脆可口，墨魚咀🦑大大粒，好惹味，令人食完一粒又一粒。#豉椒炒蜆 $58平時喺出邊完全食唔到呢個價錢，所以一嚟就吸引左我哋嗌， 蜆肉冇沙，豉汁味幾香，岩曬撈飯食。

行經附近，見到晚市套餐咁平，就入左黎一試，哇，仲要唔指一款$38，幾款都係，真係良心餐廳黎！菜式選擇都好多，全部幾十蚊有得食，平過出面既中菜館好多，出面食仲抵過自己煮呀。海南雞飯 $38今餐飯性價比最高菜底，有雞，有一碗薑黃飯同湯都係$38咋！一到枱仲要係賣相咁靚，好抵食。雞好滑，份量都幾多，真心食得過，酸蘿白都好味。杏汁白肺湯 $38 花膠湯 $48又一推介，奶白色杏汁燉湯都只係$38，花膠咁名貴都係$48。杏汁好濃，冇味精，女士們食有美顏功效，好正！鮮牛肉生滾粥 $68/大碗粥煲得好棉，牛肉多，好食。椒鹽魷魚 $68炸到好香口，不過略硬，有d難咬，唔夠爽口，可改善！小店環境舒適，下次行開哩頭都會再黎食。

去佐敦搵野食 (晚飯)，經過這條街，見到有很多食店。再看到這間小菜館，看看餐牌，令我非常驚訝...... 好平喎！於是就到這店晚餐。初以為是小店，入內見座位頗多，又寬敞。有小菜，亦有飯餐，飯餐很抵食！但我們點了小菜「咕嚕肉」、「蒜蓉開邊蒸蝦」、「蒜蓉菜心」及雞油飯。咕嚕肉，炸得香脆、入味 原本想食聖子，但沒有。於是便點了這碟「蒜蓉開邊蒸蝦」，$88 抵食。蝦頗大隻，粉絲滲滿了蒜蓉蝦的汁，好味！蒜蓉菜心，新鮮，菜嫩 沒有點白飯，點了雞油飯，清香惹味！食完才看到有「杏汁花膠湯」，$48！下次再來要記得點！

During busy hours, this restaurant is crowded with people, no matter they are local guests or tourists, the wide array of food accommodates all. To start with, 海南雞飯 $38 the price was really reasonable! The signature Hai nan chicken rice was only $38! 蒸海魚 $138 I really loved the steamed fish, two beautifully steamed fish with soy sauce was served, and as a fish loved, I had no difficulty to gobble it all up! 香煎豪仔蛋 $68Oyster fried with eggs has always been the best combination! Well executed h

呢間真係間時光倒流既小品店,價錢真係好難想像咁抵食,可以做到平靚正既中式餐廳宜家真係買少見少了.海南雞飯平身見佢咁平都唔expact得咁多但見入到黎既人個個都點好似又心郁郁就點左.海南雞起晒骨啱晒我呢d懶入,以$38黎講真係超出預期,雞肉有層啫喱食落好嫩滑得黎食落又唔會死實實又無雪味而且帶少少咸香味.雞油飯唔油膩飲煮得粒粒分明帶淡淡香茅味.杏汁白肺湯呢個杏汁真係不得了,未見過過一個杏汁湯可以杰到好似杏仁糊咁濃郁.未飲已經聞到好香既杏仁味,飲落帶少少沙沙地杏仁蓉,白肺切成細細粒爽彈唔腥.豉椒炒蟶子,蟶子份量好多唔會殼多過肉粒粒真材實料,蟶子彈牙無沙食落好嫩口又唔會有渣.椒鹽墨魚咀好酥鬆唔同既係佢咬落外層好多微細既氣泡所以越咬越脆卜卜好似食緊爆炸糖咁不停係口中炸開.內裏墨魚咀唔會好韌無過火.蒜蓉通菜平時出街食炒菜真係晒唔抵,又貴份量又少.但呢到$48真係比足仲有凸比你,通菜夠嫩無渣食落脆口唔會好老.就算上左枱一陣都唔會變黃.

「正品小館」價錢平民 啲餸又夠大碟而且質素高 我見好多食客都係附近嘅街坊 好有喺屋企食飯嘅感覺 ⠀⠀小炒菜式有好多選擇 款款都想食 我哋四個人食咗咁多個餸 埋單唔算貴 真係好抵食⠀⠀煎釀虎皮尖椒 (HKD48)辣辣哋又香口 真係好容易食上癮⠀⠀酥炸鯪魚球 （HKD48)平時食開嘅鯪魚球係會附上一碟蜆蚧嘅 但呢間小店嘅鯪魚球就冇喇 我食到嘅蜆蚧味 係喺粒鯪魚球裡面⠀⠀豉椒炒蜆 (HKD58)碟炒蜆夠鑊氣 好有大排檔嘅味道 老人家最鍾意食佢個將汁 不停話好味 仲一路食蜆一路係咁啜個殻啲汁😂😂⠀⠀杏汁花膠湯 (HKD38)店員係咁推介飲呢個湯 話好多客飲完之後都好鍾意 $38一碗湯裏面嘅花膠都唔少 抵飲👍🏼⠀⠀黃金蝦(HKD88)呢個黃金蝦係店內招牌菜之一 蝦殼上鋪滿鹹蛋黃 好邪惡啊 呢個餸每晚限量供應 遲啲去都賣晒啦 我覺得呢個一定要試⠀⠀椒鹽墨魚咀(HKD38)個小食上枱時我哋幾個都呆咗 以為$38會係比一小碟嘅墨魚咀你 點知份量好似一個餸咁大⠀⠀菠蘿咕嚕肉(HKD68)芥蘭炒臘味 (HKD68)⠀⠀店舖好近佐敦地鐵站 行出出口2分鐘就到 地點都算方便啊

價錢正，食物吾得今次比佢OK絕對係因為價錢低而吾係味道或質量。系佐敦食個簡單午飯，openrice真系好快可以sort左地區，餐類和價錢，正。100蚊樓下搵到哩間吾錯，食評同價錢都好合適，1點幾去到大把位，本來係想食食評中大家都食的海南雞，但坐底睇下牆上午餐牌，又好似其他都幾好，午餐居然有牛舌和鵝腸，好難得啊！午餐$38的價錢亦真系好便宜。最後叫了一個特別和普通的比較。紅酒牛脷飯（$38）- 牛脷都幾多，有紅蘿蔔薯仔墊底，但食落無乜香味，牛脷太淋太鞋同無牛脷味道。梅菜肉餅飯（$38）-搵吾到食吾到梅菜，豬肉比較肥，鼓油又吾香。跟餐有湯，或者加兩蚊有熱飲，但個湯係前所未有咁差，個樣同味道好似食雲吞撈麵的跟湯，又凍。我寧願比多兩蚊你整好D，以佢地賣咁多款式餸菜，真係用下欄料煲個好D湯啊！

是晚又來佐敦振興經濟, 帶著要求多多既老爸去食飯真不容易, 老爸最愛食海南雞飯小炒,  除了好味仲要抵食, 在店外驟眼只睇價錢同餐牌多款小菜已合佢心意, 再轉眼見到吊在門面既幾隻肥嘟嘟海南雞 , 一個箭步衝入去開飯啦...........  餐牌加埋牆上手寫菜牌, 有多款小食, 碟頭飯及小炒選擇, 價錢大部份都係$28, $38, $68, $88, 最貴都係星斑$198, 一行幾人食多幾款都好實惠. 欣賞小店做街坊生意, 就算你係一支公來食個碟頭飯都係$38, 份量唔小又真材實料, 真係益街坊, 所以就算最近市道差, 但店內仍然座無虛席.  $38海南雞飯餐, 老爸讚不絶口, 誠意製作絶無將貨就價, 無骨雞肉有雞味, 浸過冰水既雞皮下有啫喱又爽脆.  油飯帶有香茅味, 原來不只白米咁簡單, 是溝了糯米, 所以口感煙韌, 有點像香芒糯米飯.   而餐湯內黃豆也無味精. 小炒又點少得海鮮, 以香港仔煮法- 白灼/椒鹽/豉椒炒任客選擇:- 蜆更係豉椒炒先惹味, 新鮮乾淨無砂, 只得1隻無開殼, 豉椒汁辣味適中, 連配菜既甜椒洋蔥都沾鋪豉汁.- 椒鹽鮑魚, 粉漿薄而香脆, 鮑魚夠軟身, 廚師

今晚在佐敦等老公放工，在地鐵站後發現了這間小菜館，見好多人在入面食，都試一試！睇埋餐牌，嘩！價錢好優惠！ 晚市客飯套餐只係$38起！好似無見過這個價錢啦！..餐牌大大個在牆上，都有好多款小菜選擇！既然價錢更便宜，我哋亦叫多幾樣野，上菜時見細細碟，都食得哂！杏汁燉花膠湯 濃濃的杏汁味，起沙咁，湯內也有多件煙韌的花膠，熱湯一口入胃感覺好潤😚 女士至愛🧡..招牌海南雞飯海南雞味道可以，如果剛巧配上雞脾油飯香而保持乾身，不會太淋身..椒鹽魷魚🦑嘴炸物外脆內魷魚鮮，配啤酒🍻送酒一流..蒜蓉炒豆苗.梅菜蒸肉餅套餐配飯及湯，肉餅肉嫩彈牙，梅菜、肉比例均勻👍🏻..今晚一家三口👨‍👩‍👦食得開心🥳

今日要去佐敦買野，買完野之後就喺附近搵嘢食。行過見到有間食館叫正品小館幾吸引。Menu吸引之處係價錢夠親民，而且D相片比到我地好好味嘅感覺。於是我哋就入去試吓。地方乾淨企理，而且坐位都幾舒服。有安裝NOW,飲啤酒睇波一流。我哋坐低左就唔點以下食物。杏汁豬肺湯$38，幾抵喎，足料而且碗湯夠曬熱，潤肺美顏一流豉椒炒聖子王好有鑊氣，而且份量都唔細，我哋食到舔舔脷，值得推介蒜蓉炒菜心苗，炒得幾好，啲菜都幾柔嫩，好啱呢個季節食我地再點左呢碟小食，白恰八爪魚，真係好正，最正係點埋wasabi調一調味，味道立刻提升至最高水平係最正的家庭小食籠仔蒸雞糯米飯係新推出的，完全係超水準。$88份量好足，兩個人分岩岩好，有紅棗紀子調味係好正，我下次來都會再點。總結: 食物質素高，價錢親民，回頭率100%

作為經常出街食飯既懶人 有陣時出街都想食倒住家菜既味道🏡最近就同朋友嚟咗佐敦嘅呢一間餐廳😎價錢幾抵食之餘質素亦都唔錯🤔_🌶豉椒炒蜆 $58呢碟炒蜆好夠鍋氣，青椒同洋蔥既清甜配上蜆肉，特別惹味😋呢度嘅海鮮提供三種烹調方式（白灼、豉椒、炒椒鹽）🤔由於朋友特別喜愛用豉椒炒 我哋另外亦都叫咗一碟豉椒炒聖子$58 聖子份量非常足料😎_🦀蟹粥 $68蟹粥鮮甜、用料十足❤️ 蟹粥係餐牌度寫到明係大大碗 建議可以同朋友share食🤩由於選用左花蟹 能夠令粥既鮮味更加出💪🏻_🍆豉油王茄子$48茄子非常香口 外層炸過嘅茄子外脆內軟 配白飯一流🍄呢間小店整體CP值幾高🤙🏻亦都有提供一人套餐味道給予家的感覺 大家下次經過不妨過嚟試吓☘️

今日星期六，有大把時間出街，就去左佐敦，無聊冇野做，就去唱k 先，唱到7:00左右，就諗住搵下附近有咩好食，我就想食海鮮，所以就去左附近1間有小炒海鮮餐廳到食，價格超親民，大件加低食，我就叫左豉汁炒蜆$58，蜆好新鮮，沒有沙，炒得好香，另多叫左豉汁炒聖子$88，好大條，好多肉，送飯一流，但我冇叫到飯，叫左個肉蟹粥$68，有一大碗，二人食都好夠，唔洗再叫飯，有成隻蟹係粥裏面，令到粥好鮮甜，有花生配送好香口，佐敦地方小炒這個價錢，真係好合理唔貴

今晚比我發現到哩間平靚正既小菜館, 原本係行過見到到依間小店既招牌, 再望下門口menu見到d價錢好似好貼地咁, 見入面都幾多客於是就入左去食飯, 入面環境正正就係小菜館格局, 乾淨企理。坐低再睇睇食乜, 見佢有幾款飯餐都只係38蚊, 仲平過快餐店! 而其他小菜同小食都係好相宜既價錢, 咁就叫多幾款野食試試佢杏汁燉花膠湯 $48好濃既杏汁味起哂沙咁, 好香唔會太咸, 配埋口感煙韌既花膠, 感覺好滋潤呀  虎皮釀尖椒 $48十分驚喜既一道小食, 首先估唔到佢份量咁足, 整整8條既尖椒, 釀左滿滿既魚肉, 食到魚肉用左D泰式香葉去調味, 加埋尖椒本身辣辣地,  新鮮即製放入口係熱辣辣架!!超惹味!肉蟹粥 $68足夠二人份量, 有半隻花蟹係入面, 蟹size係可以食到蟹肉既唔係mini蟹, 粥煲到好綿又甜, 加上蔥花更香鹽焗馬友 $88推介! 首先唔係度度有得食, 如果要係打冷鋪食依味餸, 起碼100蚊起跳, 依條馬友咸咸香香, 肉質實淨, 點埋黃豆醬真係超好味, 撈飯撈粥一流 ❗白灼東風螺 $48白灼就最可以食到海鮮鮮味, 東風螺好鮮味而且灼得岩岩好口感彈牙唔韌點埋辣椒豉油, 正! 除左白

佐敦一直卧虎藏龍，是夜友人介紹來到此小菜館，說異常抵食，一探究竟。一看再看餐牌，再三確定價錢便放肆點菜。菜心用上適量鵝油，加入櫻花蝦增添鹹香。黃金四季豆，鹹蛋黃沒有過量，熱騰騰上桌，香口惹味。杏汁花膠湯，同樣熱辣辣，充滿杏仁香，加上花膠十分滋補。最抵食是海鮮類，辣酒花螺肉質結實，辣勁十足，上佳下酒菜。白灼海蝦，大大隻，肉質大致新鮮結實，$38有8隻實在超值。豉椒炒蜆同樣足料，惹味不過鹹，只有間一兩隻有砂，但考慮到價錢整體仍很滿意。今時今日難得有小店願以良心價應市，值得支持。