正品小館 (已結業)

今日放工約左男朋友係佐敦等因為佢聽朋友介紹有間食中菜餐廳CP值好高雖然我鍾意西餐多d 但佢鍾意食～咁就陪佢試下啦去到有少少意想唔到咁乾淨企理因為我對食中菜嘅小店印象係麻麻但正品小館成間都好橘緻呢同地下完全唔覺油 有潔癖嘅我表示讚好👍🏻睇睇menu 選擇唔算好多再望一望佢嘅牆上原來仲有好多海鮮菜式揀不過男友對海鮮敏感所以留番下次同朋友黎食啦我地叫左一個海南雞飯、一個肉餅飯、一碗杏汁花膠湯、同埋一個椒鹽雞軟骨再加一杯凍奶茶海南雞飯個雞只係$38仲要有埋湯喎出邊閒閒地都要$50一個海南雞飯唔怪得朋友話抵食而佢d雞真係超級嫩滑真係意想唔到一間中菜館會整得出咁高水準嘅海南雞不過個油飯嘅油香唔太夠但以呢個價錢黎講絕對係超水準嘅海南雞肉餅飯都係$38 一樣包碗湯肉餅份量唔算多但食得出真材實料 唔係x記個種示旦嘅肉餅而係食得出佢放左唔同材料而製成好惹味好好送飯個杏汁花膠湯$48雖然我本身麻麻杏汁但都照試試佢 因為有花膠養顏而結果意想唔到杏仁味唔算重又幾好味喎 而且真係啖啖花膠最後講埋個椒鹽雞軟骨 $38咸味適中同串燒個種比 佢係更加乾身同脆卜卜鍾意香口野嘅朋友一定要試試佢最黎埋單$180兩個人朋友冇介

今日同朋友經常佐敦，見到有間小菜館，唔知食咩好入左去試。Menu選擇都好多，感覺上主打小菜同海鮮，仲有出名既海南雞飯，同朋友試下!除左海南雞飯仲點左個杏汁白肺湯，同埋櫻蝦鵝油菜👍白肺湯超香甜，入口杏汁味唔算濃，但有淡淡清香，入口有杏粒之餘口感香滑，白肺切小片，好味!海南雞飯配油飯同湯。海南雞去骨上碟，食落非常嫩滑，而且肉質肥瘦均衡，食落有雞油香味。油飯煮得香軟，非常開胃!櫻蝦鵝油菜，第一次見櫻蝦鵝油既野食! 鵝油甘香，配上櫻花蝦雙重香味!

跟姐姐及屋企人在佐敦食家常便飯，去咗呢間正品小館，價錢好似回到未來，樣樣都係幾十蚊，蒸魚都只係幾十蚊，仲有特價碟頭飯$38海南雞飯或豉汁蒸倉魚，真係平到你唔信，唔好以為將貨就價，水準都幾好，分量亦唔會太少。杏汁花膠白肺，真心嗰句好得，杏汁煮到起沙，食到一粒粒花膠未溶唒的口感，非常滑，呢碗湯十分滋潤，飲咗即時覺得自己靚咗。杏汁白肺湯，唔要花膠都得，平$10，即係買$38。嘩，蒸石蠔，$88份有10隻，全部肥嘟嘟咁，真正。魚茸粥煮得棉滑，味道啱啱好。油浸黃花原來即係炸，酥脆到骨及頭都可以食。海南雞飯超值，雞滑，油飯香。凍馬友 $88 食到，潮州酒家賣魚飯隨時要你百幾二百，都唔會大條咗或者肥好多，呢度抵食。梅菜扣肉送白飯一流，扣肉唔係太肥，適合現代人需要。真心正，每人$160，食到飽飽，下次再嚟。

朋友在佐敦工作，今天來接她放工，食飯和閒談。突然下起大雨，就走進附近的小菜館食飯和避雨。這間「正品小館」面積不大，但海鮮的選擇頗多，經老板介紹下，試了兩款海鮮。《薑葱蟹》$158蟹肉非常鮮甜，蟹蓋有超多膏，加薑葱一起炒，夠惹味，夠鑊氣，忍不住叫了一罐啤酒，隻蟹只是158，大概有10兩，非常超值好吃。《豉椒炒蜆》$58蜆肉無沙，炒得很夠鑊氣，三色椒和洋蔥吸收了蜆肉的精華，特別好吃。《鵝腸》$58鵝腸沒有肥膏，不會油膩，煙煙韌韌的，有嚼勁。《杏汁花膠湯》$48這是鹹湯，不是甜的，花膠切醉成小粒，煮得很軟腍，配濃濃的杏汁，又滋潤又美顏。這間小館的小菜夠鑊氣，食物夠新鮮，價錢合理，怪不得坐無虛席。

佐敦好多美食，今次就揀左小菜既餐廳，坐位不少，但卻滿座; 裝潢不豪華，價錢亦大眾化，但食物味道豐富，最重要我覺得交通方便，因為出地鐵站唔洗3分鐘就到呢廚窗有掛上少量海鮮，但職員話佢地大部份都預訂了，下次黎記得要訂好啊。今次就只叫menu及牆上的餐牌吧 杏汁花膠湯有大大塊花膠，杏汁清甜，適合女士飲杏汁白肺湯應該係同一窩杏汁吧，係配白肺功效唔一樣，同樣好飲豉椒炒蜆夠惹味，都算乾淨唔多沙，大碟啲更好黃金四季豆原來四季豆都可以配咸蛋，第一次食，味道入口比想像中清淡，唔太濃，好鐘意咸蛋炒，多點更好椒鹽雞軟骨成晚最快清晒既餸，炸得好好味，唔太油膩，仲好夠味添黃金蝦 上枱見成隻黃色，仲怕會太咸，但入口都唔覺咸，反而覺得淡味都ok豉椒鵝腸最後叫多個小菜配飯食，亦係好惹味，少少辣好開胃小菜份量不大，剛好適合2~4人分享

今天和朋友來到佐敦庇利金街的「正品小館」食晚飯，店舖面積不大，但早早已坐滿了人，原因是小菜夠鑊氣，食物夠新鮮，價錢合理，值得推薦。《海南雞》(半隻) hkd88 招牌的海南雞雞皮薄，雞肉嫩滑， 火候啱啱好，雞胸肉都不會老，雞味濃郁，水準相當高。《豉椒炒蜆》hkd58 蜆肉頗大，夠新鮮，粒粒飽滿，加豆豉和三色椒一齊炒，夠惹味。值得一讚的是食到最後一隻都是一粒沙都沒有。《魚茸粥》hkd68 粥底綿滑，魚茸份量多，很足料，就算三四個人食都夠。

寫嘢之後9秒9上到菜，以為真係咁快手。點知食兩啖就發現… 菜心老到完全咬唔到。同埋…食物入面有扎菜嘅藍色膠，手指咁大塊。收銀嘅話，冇事啦，咁你介唔介意？跟住擰頭就冇理。

之前係佐敦做野，都知道有間餐廳出名平靚正，夜晚仲可以食海鮮，所以就帶埋家人去食！餐廳位於佐敦地鐵附近，行幾分鐘就到，而且門面大大隻字寫住正品小館，非常易搵！餐牌雖然簡單，但係都有唔少選擇，係牆壁上面既黑板都會寫一d新既款式，真係花多眼亂既然海鮮係主打之一，我都叫左碟豉椒炒鵝腸，上碟時覺得係色香味俱全！煮鵝腸既時間控制得好好，唔會因爲煮太耐而變到好似食香口膠咁！味道上因為係豉椒炒，所以味道較重，有少少辣！唔食得辣既朋友提議水煮之後仲叫左碗蟹粥，真係好耐未食過咁鮮甜既蟹粥一上碟，係無令人失望既，好大隻水蟹，蟹肉十分鮮甜，蟹腳啖啖肉呢到既廚師落味較重，如果食得比較清淡既朋友記得落單時表示要少鹽！不過，蟹肉粥既味道鮮甜，而且咁大隻蟹好抵食，我都會推薦比大家之後仲叫左碟腐乳通菜，好香既腐乳味，通菜唔會太老，少少辣，但係可以接受最後仲有碟蠔仔蛋，除左蠔仔，仲加埋煎蛋，好夠味！蠔仔大大仔，無醒味！食左咁多野，飲返碗杏汁白肺湯，就夠哂滋潤！清清地既杏汁味好鮮甜！再加返罐藍妹啤酒，真心嘆！整體上食物唔錯，價錢優惠，如果對環境同服務無咩要求既話，絕對可以一試！

好耐都無同屋企人出街食飯喇，每一次要搵餐廳都係會頭都大埋，因為長輩們最愛都係食中餐😂所以，今次就選擇左地理位置非常方便，位於佐敦既正品小館，出左地鐵行兩三分鐘就到，出名抵食，主打海鮮👍有時出街食飯，屋企人都會錫住我地既荷包，唔捨得叫太多酒水佳餚，但係正品小館既價錢非常大眾化，平有平食，貴有貴食，總有一款岩口味！食物選擇貴精不貴多，無論小菜定係粉麵飯，都有得選擇，而我地今次既首選係海鮮不過食海鮮前都叫左好多人介紹既杏汁花膠湯，滋潤一下！一人份量既花膠湯一個人夠哂喉，兩個人唔夠分，所以千其唔好打算慳家，每人一碗就人人開心啦！杏汁花膠湯既杏汁味剛剛好，唔會太濃，都唔會太淡，而且熱辣辣，飲落好舒服，仲真係食到有花膠，有咬口！雖然天氣熱，個人比較燥，飲到身水身汗，但係可以飲到一碗有料到既燉湯，都係滿足既！之後叫左豉椒炒東風螺，真係要讚一讚廚師，好有火喉，夠哂味道！東風螺新鮮，食落爽口彈牙，配埋一碗水份調較得岩岩好既靚仔，好開胃！之後叫左碟椒鹽泥猛炸到卜卜脆，又唔會太重味，好好食！而且泥猛既骨都炸到脆，食落又有另一番風味！最後仲叫左碟黃金蝦，店員話無哂大蝦，所以用蝦仁，係有少少失望既！味道可以多幾

今天和朋友出來吃飯，發現了一間非常實惠的餐廳，這裡環境乾淨食材也很豐富，服務很周到很喜歡這種感覺，讓我沒想到的是價格那麼親民太贊了。杏汁白肺湯鮮美而有營養的白肺湯，杏汁有著潤肺的功效，喝著非常爽口。杏汁花膠湯杏汁香甜可口搭配花膠滿滿的膠原蛋白，金黃金黃的很好喝。蝦醬通菜氣味鮮香無腥味，醬質細膩沒有雜魚，咸度適中，通菜梗脆脆的很好吃，綠油油的很健康。豉椒炒蜆蜆非常新鮮，肉質飽滿很香甜，用豉椒炒不僅不辣而且非常好吃，這是我喜歡的一道美食。辣酒花螺花螺個個飽滿新鮮，煮的火侯剛好，用辣酒炒肉質不會老，而且鮮嫩，一點點辣口感更入味，更好吃。墨魚咀墨魚咀不但口感脆爽口蛋白質含量高，有較高的營養價值，最主要它的味道極好，很香甜。鵝腸很肥美新鮮的鵝腸，脆脆的很爽口，好有嚼勁，處理的很乾淨，口感特別好。魚茸粥鮮美的魚茸粥，口感鮮，甜，香，甘滑，令人大快朵頤，粥看似清淡吃起來真的很好吃。朋友之間能在一起簡單吃餐飯也是種幸福，而美味的食材是種享受。

又黎放低小朋友兩公婆撐下枱腳既時候了～估唔到正品有咁多海鮮食～仲好多選擇Tim!首先叫左個豉椒花甲～好惹味～夠新鮮，又唔會太辣～勁快清哂成碟，佢地仲會畀定隻碗你放榖，咁唔駛食到成枱都係丫ma!服務唔錯～跟住叫左半隻海南雞，真係勁好味～好滑！我連d酸蘿蔔都食哂！講真自己一個都食得哂！不過點都要留番d畀老公食既！十個讚好耐無飲過d滋潤既湯水，平時自己煲親都係去下濕，依個杏汁花膠湯就正了，飲完都覺得好補～好岩女仕飲！而老公就叫左個杏汁豬肺湯，其實味一樣，不過轉左豬肺,老公都飲到一滴無剩～再黎就係黃金蝦仁，送飯一流～又唔會太咸，蝦又爽口，唔錯再黎就係蒸蠔喇～真係好飽滿，隻隻都大大隻～佢畀左d醬料可以點黎食或就咁食都得，任君選擇～其實食到le度已好飽下，但忍唔住又叫左石蟹，細細隻岩哂我地咁飽咁食～好清甜～下次要再黎試下其他小菜先得～

這家無意中路過，遇到店員大力推薦叫賣超抵食海南雞飯XD入到去發現是一間小菜館，店內都幾大，座位夠多，而且空間很夠，非常舒適。牆上有寫上不少推薦菜色，而餐牌中都有很多的選擇。最重點的是，細心一看，每樣小菜價錢都非常親民!!!!!我們兩個人，點了幾個小菜來配啤酒~首先有豉椒炒鵝腸~鵝腸有一點肥膏，但不是很多，所以吃起來很香，但不會太油膩。好滋味爽口，而且味道很夠~很好下飯的一個小菜。再來一個豉椒炒蜆，蜆夠新鮮，隻隻都有肉，而且都算大隻~要了一個腐乳炒通菜，通菜是我最喜歡的菜~~~一點點的辣，好開胃~~!!再來的是我覺得非常重點推薦的凍食鹽焗馬友(魚)!!!!上枱外層的魚皮已經剪開，魚肉好嫩，帶一點點的鹽味，可以再自行沾附上的豆瓣醬或豉油來吃，不過本身都好夠味，我覺得不沾醬也可以。這個夏天食真心開胃，凍凍的~超正~這麼多的小菜，除了喝可樂，當然要來個啤酒~~~!!整體小菜做得很好吃，加上價錢真的是超值，強推~!!

正品小館地理環境優越，佐敦地鐵站c2出口右轉，就在周生生旁邊。餐廳佈局有如餐廳名字一樣，是小館式裝修。座位及餐桌全都是以啡色木子製作，很有傳統裝風味。反之，牆上有螢光食物展示牌，每天有得悉的小菜及海鮮，價錢亦相當 大眾化。豉椒炒鮮鵝腸 及 豉椒炒蜆 各$58鑊氣有地道風味，鵝腸很爽口，蜆有很多肉，並不像其他餐廳有很多還未開殼。椒鹽雞軟骨 $38超級好吃，外邊鬆脆無比，內裏的雞軟骨很軟易進口，很惹味。黃金四季豆 $38 及 黃金蝦球 $88如果鹹蛋黃的味再濃郁一些應該會很好吃。蒜蓉炒菜心苗 $48餸菜份量比較多，菜心很新鮮。菠蘿咕嚕肉 $68熱辣辣的咕嚕肉味道適中，不太酸，菠蘿是新鮮的，並非罐頭菠蘿。杏汁花膠湯 $48女人之寶首選和家人一起吃了豐富的晚餐，由於份量適中，所以可以選擇多款的餸菜。餐廳餐有啤酒供應呢！如果想吃海鮮類別，記得預早訂位及留海鮮，否則很快售罄。

最近就約咗親友食飯，忽然想返起呢家小店。「正品小館」雖然叫小館，但裝修簡潔，企理乾淨 ，兩邊牆都掛上大電視，播緊羽毛球比賽，正岩睇！鹽燒酥香，大隻肉厚口感極之彈牙，淨外表都好有「睇頭」，是必點的小食之一！杏汁花膠湯都係店家嘅招牌湯水，一定要點！入口是滿滿的杏仁香氣，鮮磨帶微粒的杏仁口感，花膠切粒易食。見到門口玻璃門嘅「招牌海南雞飯」， 大部分雞肉都已去骨。雞味香濃，肉質鮮嫩，令人食得很滋味。套餐，連湯、連雞油飯，都喺賣$38，非常抵食！另一個38蚊有齊白飯、熱湯係柱侯牛腩飯。柱侯牛腩份量勁多，入味香軟，必食！豉油皇茄子,幾鹹, 但好味!豉椒鵝腸, 送飯送酒一流!黃金蝦仁, 味道可以但略嫌太油! 無茶芥收費，又唔收加一，真喺比起上酒樓抵得多，環境又光猛企理喎，怪唔之得咁多街坊嚟幫襯啦！

佐敦熙來攘往，食肆林立！今次來試試這間中式餐館，餐館座無虛席，需要搭枱，而且大部份海鮮已經賣光。我們快快手點菜，免得想吃的都沒有！海南雞飯 雞肉嫩滑有彈性，油飯味道跟白飯差不多。辣醬味道剛剛好點，點姜蓉同吃非常醒胃。椒鹽豆腐 新鮮炸起，傳來陣陣椒鹽香氣。豆腐脆口非常，讓人停不了口！杏汁豬肺湯絕對是滋補靚湯，可惜處理步驟繁複，難得這裡售賣，當然不會放過～杏仁味突出，豬肺乾淨，沒有腥味，略嫌份量太少。喝一口潤肺化痰。