正 麻辣·茶·雲吞 (已結業)

前晚七點幾放工，就想係公司附近食d野，行行下見到有間食麻辣野既餐廳就同同事去試下。一入門口就聞到好大陣麻辣味，口水都流埋。見到舖頭都好乾淨，仲要有吧檯，不過位就唔算好多，大概有20個位。一打開menu，見到d野唔貴，同埋個樣都幾吸引，就叫左幾款填左個肚先。率先登場既係麻辣手絲雞，佢係用雞腿肉整既，所以食落係超滑，麻同辣度都岩岩好。如果你好食得辣，你可以叫餐廳幫你加辣，唔洗怕醜，因為佢地都好nice仲會同你傾下計。之後就叫左雙拼手打雲吞，有粟米同白菜餡，仲有瑤柱同麻辣湯底，咁我今次就叫個清d既瑤柱湯平衡下先。我想講，一上菜個陣係見到每粒雲吞都好飽滿，同埋好香，咬一啖就食得出個皮超簿，唔似平時出面食個d雲吞，果然真係手打雲吞，名不虛傳。淨係食呢啲又點夠飽呢，梗係叫多個面啦，有湯面又有撈面簡，我今次就試左個麻辣撈面。呢個麻辣撈面，相比起個手絲雞就冇咁重味既，但就愈食愈開胃，好唔捨得同我同事一人一半，想一個人食哂佢，哈哈哈。個撈面可以加送既，但我就冇加，反而見到個炸韮菜餃有啲吸引。一拎到黎就feel到佢係熱辣辣既，食落係超酥脆，而且入面個餡勁香，用黎做結尾一流。叫左咁多野食，加埋野飲，兩個人只

今晚去左呢個四川菜餐廳，呢度既整個裝修都偏向家庭式餐廳，加上開放式廚房 感覺簡單又企理～Menu上有各樣唔同既川菜仲有涼拌冷盆。因為今晚同男友唔太餓，所以我地叫左啲小食過下口癮～～香煎麻醬鮮腸粉 ～呢樣真係好推薦！即點即煎 ～金黃色既腸粉上淋滿滿花生粒同櫻花蝦！加上麻醬甜醬 十分惹味！入口時仲係熱騰騰同表面脆卜卜！另外個川味口水雞絲 ～～麻辣得來又有淡淡既青瓜味 ，整個感覺變得好清爽，唔會只得麻辣咁單調！麻辣撈雲吞～～雲吞每粒都包到好飽滿 ！大大粒 肉質鮮美，食落口都仲有肉汁，加上秘製既麻辣底 ，非常引人入勝！另外飲品都有啲幾特別既選擇～洛神花茶烏莓山揸同野生靈芝羅漢果。都有另於坊間大眾化既檸檬茶，奶茶，但太遲去既關係所以賣哂....最後叫左杯海鹽青檸茶，亦是不錯之選！有種意想唔到既驚喜！

好耐冇食麻辣，但又唔想食大路野。今日咁啱經過依間麻辣茶雲吞，即便入去試一試！我地叫手撕雞擔擔麵、秘製麻辣撈麵、韮菜餅，雙拼雲吞同一杯海鹽青檸茶。手撕雞擔擔麵麵身爽口彈牙，湯底亦充滿麻香。中辣都唔算好辣，湯底非常香濃。雞肉嫩滑好食，整體配合得相當好。麻辣撈麵就比擔擔麵辣，麵身乾爽。醬料唔單麻辣，咸香味同酸味配合成非常惹味嘅醬料。我地加配左腩肉，同撈麵都非常配合。韮菜餅非常香脆，脆卜卜嘅炸皮包住大大份嘅韮菜豬肉。啖啖韮菜，非常過癮。鐘意食韮菜嘅朋友不妨試下。雙拼雲吞包括粟米豬肉同薑汁椰菜豬肉雲吞。雲吞大小適中，皮薄多汁。蔬菜豬肉嘅比例剛好。薑汁能夠帶出其他食材嘅鮮味，加埋香濃嘅麻辣湯底，非常推薦！海鹽青檸茶嘅鹽味比較出眾，但唔會太咸，非常清新。清新嘅檸茶中和口腔入面嘅麻辣味道。作為餐後飲品非常出色。

友人無辣不歡，有時會概嘆香港好少正宗/夠辣嘅平民川菜，但依然鐘意繼續嘗試，希望發掘到到辣味寄託。早前搜尋到呢間正•麻辣•雲吞，就趁今日咁凍，一於食辣慶暖個人。涼伴雲耳雲耳都ok大朵，爽口，調有少許醋夠開胃，BB辣度，清新而不失醬料味，係食主（辣）菜前嘅熱身！煎芝心雲吞我好期待架XD 外皮超脆又唔厚，唔好以為睇相內裡空空，芝士味都夠的，有椰菜豬肉，餡料多汁清脆，唔知係洋蔥定椰菜呢？整體很正點！手撕雞擔擔麵湯底夠麻！好驚訝係，同我係重慶食過嘅擔擔麵係一樣味！好懷念！好奇同店主打聽，佢調整過口味，就返附近居民食辣嘅程度，但又不失重慶風味，算係十分正宗~~佢另外有辣菜脯提供，聽店主講係自家新鮮炒架，友人喜歡辣一點，就加左幾羹，好滿足到佢呢~下一款：重口味撈雲吞加幼麵，再加溏心蛋雲吞脹卜卜好足料，重口味似乎比擔擔麵更辣，友人食到興高采烈，而就我有啲超出負荷，哈哈，友人大讚終於有夠料嘅辣野！可惜眼闊肚窄，只能精選數款，下次想試韭菜餅同林林總總嘅花茶~~ 見店主周不時問啲食客夠唔夠辣，口味如何，關心自己嘅品質，感覺到佢哋好用心經營；而到今日，友人似乎搵到辣味依歸。

今日嚟到呢間麻辣茶雲吞，一入到去就覺得好家庭式小店，雖然鋪頭唔大，但裝修好簡單好舒服，而且店員都好親切，就算我哋諗咗好耐都完全無催過我哋。我哋最後叫咗雞絲擔擔麵、麻辣撈麵加腩肉、湯雲吞 (要咗薑汁椰菜豬肉味同埋粟米豬肉，粟米豬肉係是日雲吞)、韭菜餅同埋叫咗杯海鹽青檸。上菜速度非常快，基本上十分鐘左右已經上晒所有嘢，呢點值得讚賞！雞絲擔擔麵辣度唔算好強，就算唔係好食得辣嘅人應該都食到，雞絲份量都唔少，而且雞絲一啲都唔老。麵方面亦都幾爽口彈牙，唔會煮到腍晒，同埋會索晒啲湯，唔錯！麻辣撈同擔擔麵用同一種麵，呢個麵湯同撈都一樣好食，辣味都唔算好重但幾香，可能就返香港人口味，想食辣啲可以落單嘅時候提出。腩肉方面同我想像中唔同，呢度唔係用其他連鎖米線鋪嗰種腩肉片，而係用一嚿嚿嘅腩肉，無平時嗰啲咁肥，而且本身有另外煮過，唔係純粹靠個湯嘅味，肉質唔算好腍，但好香肉味，就咁食個腩肉都好好食！不過小小嘅缺點係個撈麵無乜汁，我加左少少麻辣雲吞個湯汁去撈，令到碗麵提升咗一個層次，大家如果去食都可以試下呢個新食法！麻辣雲吞可以叫7隻或者10隻，7隻只可以揀一種味，10隻就可以揀兩種，我哋就叫咗10隻一齊食。個湯

一直覺得荔枝角冇咩好食，選擇少，但原來行遠少少都不乏好野食。今次去到呢間專食川菜同雲吞嘅鋪頭試試。當日收工去到，地點雖然比較偏辟，但去到七點幾都幾爆同幾多人買外賣。店內座位比較少，所以想嚟食嘅記得預早少少。1. 秘製麻辣撈米線唔好俾佢溫和嘅樣呃到，其實佢都幾辣下。佢地嘅麻辣醬係自家秘製，麻香十足，但又唔會食到個嘴腫哂咁。而佢嘅辣味又唔會太搶味，蓋過其他嘅味道。米線爽口彈牙！2.檸辣撈雲吞從來冇諗過食雲吞都會有泰式風味，亦都估唔到竟然會咁夾。個汁酸酸辣辣，好開胃，加上少少青瓜絲好解辣。佢嘅雲吞細細粒，一口一粒咁，一次過可以品嚐到入面嘅餡同個酸辣汁嘅配合，超正！3.擔擔麵配珍珠雲吞擔擔麵嘅湯底超香，落足哂料。坊間一般擔擔麵都只有好少嘅辣味，呢到嘅比一般鋪頭再辣少少，啱哂我呢啲鐘意食辣嘅人。配埋炸得香脆嘅珍珠雲吞，👍🏻!

今天有幸到訪，因想試一試，故只叫了一碗麻辣雲吞米線，除了辣之外，還有麻，食了很多食肆只有辣，老闆專心為你做，環境舒服，但我都趕時間，所以無所謂，藉得支持！下次如有機會，一定會再來。

今日心思思想食辣野又去開長沙灣就睇下OpenRice附近有咩食鋪頭細細但五臟俱全雖然係開放式廚房但油煙味唔會攻出嚟都幾好環境乾淨企理有客人食完埋單後會即刻執返好張枱Keep住保持鋪頭嘅清潔佢有好多唔同特色嘅雲吞令到我同朋友睇到花多眼亂🤤員工都好有禮貌同埋會推介我哋食啲咩雲吞或者小食都幾貼心溏心蛋食得出係美國雞蛋蛋黃係晶瑩剔透 有蛋香味🤤🤤上面灑左啲芝麻令到個雞蛋更加香香煎雞扒超級juicy剪完仲保留到啲肉汁唔錯香煎芝心雲吞炸得好鬆脆香口食落有啲鹹香味皆因有啲芝士嘅係到🙈時日特制雲吞（粟米豬肉雲吞)10隻加左米線湯底係瑤柱豬骨湯粟米豬肉雲吞 超足料皮薄 而且包得好實 唔會一夾就散每一粒雲吞材料都好豐富而且食落去甜甜地可能係粟米嘅關係麻辣撈雲吞加米線個雲吞係薑絲椰菜豬肉雲吞一上枱香味四散上枱前見到佢灑咗啲野落去原來係啲櫻花蝦乾同花生碎好清楚聞到好香嘅麻辣味食落辣帶點麻越食越香 啲蝦乾仔同花生碎令到成碗面更加出色增加咗唔少色彩個雲吞咬落去啖啖都係肉而且啲肉好綿唔錯食嘅過程之中都見到有唔少街坊買啲雲吞返去煮員工仲好細心咁教佢地點煮

男朋友問長沙灣有乜好西食，即刻search openrice啦，揾到間麻辣野，評分數目唔算好多，但全部都係好評，一於去試下！店舖位於斜路上，要花一點時間找找，舖裡雖少但大概可以坐到十幾人，亦算坐得舒服，特別要讚一讚員工服務態度友善細心。麻辣撈雲吞入口麻香都夠辣，加埋側邊嘅菜脯一齊食更多惹味。雲吞餡滿是肉，而且包得好結實。時菜健康點叫個菜，菜心苗好嫩，唔會好似平時係出面食果d油菜咁油，但略嫌冇乜菜甜味。川煎麻辣腸粉個人完全覺得煎腸粉係鎮店之寶！即叫即煎，外層煎得香口，然後麻辣味慢慢地淡入，我同男朋友都食到舔舔脷！強烈推介！羅漢果野生靈芝男朋友見我有幾聲咳，所以揀左杯羅漢果飲，羅漢果味重，亦唔會太甜，不過就飲唔出靈芝味。

見有70個好評，無OK又無負評，如此高評價的餐廳，就算從長沙灣地鐵站行10分鐘先嚟到，我都覺得要一試，餐廳位於蘇屋邨旁邊一個私人商場地下。我今次試下午餐嘅手打雲吞+麻辣味+麵+薑茶，雲吞餡料密度高，材料足，有口感，麻辣味香濃，辣度夠勁。既然麻辣做得出色，再叫一碟麻辣煎腸粉試試，呢樣食物，我未見過外面餐廳有得食，腸粉煎得乾身，表面稍微焦脆，食落較鹹，麻辣味撲鼻，我覺得值得試試。全面得到70個好評，難能可貴，我亦覺得實至名歸。

跟著Openrice評分來到，雖然裝修新穎，但夜晚八點只見到空蕩蕩的店內兩個外賣客，有點擔心會否中了「打手」伏。加上餐牌上菜式的價錢都是$3x-4x，就沒抱太大期望（平嘢冇好的謬誤）。豈料食物質素喜出望外，味道細緻而有特色，真材實料吃不出味精，實為香港食肆少見！由於開頭以為求其食餐，有字冇圖，唯有齋噏 😂。同行四人嗌咗五樣嘢，冇嗌嘢飲，食到飽飽，總共$20x，平均$50一位，晚餐嚟講我覺得價錢公道，甚至算平。午餐餐牌好似好抵，但未食過唔知質素係咪一樣。* 清湯韮菜豬肉雲吞湯底同饀料稍稍偏鹹，但我個人口味一向比較清淡，所以朋友覺得啱啱好。皮薄煙韌，湯底似乎冇落味精，蔬菜湯底清新但不普通，椰菜和微微的蕃茄味竟然沒有互相掩過了對方，實在十分出色。*檸辣撈雲吞落單時半抱chok怪嘢心態，但原來青檸夾雲吞異常合理。朋友們得出結論，因為餃子有時也沾醋來吃，所以青檸的味道也吃得很舒服。*五寶麵, 麻辣湯第一啖差啲哽親，因為辣得好認真，同檸辣雲吞兩個level，而且麵條好入味，所以攤涼咗一陣先敢再戰。配料腩肉，雞扒，墨丸同蘿蔔，每一樣都煮得好好食，唔似係同時間求其烚熟撈埋一碗嘅水準。湯底攤凍很有種深遂

星期日係九龍區補選日，人流多嘅地方都成為各侯選人拉票重點地。所以同男友路經長沙灣時就行左條少D人街搵餐廳醫醫肚。餐廳位距離地鐵站唔算近，不過人流都幾多，可能小本經營吸引唔少街坊～既然店鋪以麻辣、茶同雲吞作招牌就點都要叫黎試試啦。檸辣撈雲吞檸辣同泰式酸辣相約，呢個配搭幾新奇正牌五寶麵湯底揀左秘製麻辣味，麻辣味適中，湯底飲落唔渴喉。五寶係雲吞、蘿蔔、腩肉、雞扒同豬肉丸等等，材料都幾豐富。麵身就用左上海麵，唔會因為浸於麻辣湯太耐而變淋，保持爽口。點得多辣野，當然就要揀D清熱飲品啦羅漢果野生靈芝海鹽青檸茶出門時先發現門口旁邊有店舖推介，另外餐廳唔同時段都有各類套餐揀。

是日約了朋友交收兼且到附近行山。上網見這間吃川味雲吞和麵類餐廳與山的步行距離不用半小時，評價普遍也不錯，便決定先到這裡用午膳才散步。店鋪不是位於餐廳林立的一帶，沒像此區其他地方一般熙熙攘攘，反而更適合讓人暫時離開繁囂，安靜地吃飯。店內面積不大但勝在樓底夠高、裝潢簡潔明亮，彌補空間感的不足。我們點了三款主菜一起吃。兩碟雲吞從外貌便知道非常飽滿，吃的時候質感固然是皮薄餡豐富新鮮肉汁多。雲吞不論餡料和湯汁調味天然，濃度恰好。韮菜豬肉雲吞 (7隻) （$42）的韮菜青嫩，秘製麻辣湯底惹味香辣，不會蓋過雲吞的鮮味。至於檸辣撈雲吞 (10隻)（$45）的汁料不乏青瓜、椰菜和紅辣椒，雲吞內有椰菜和豬肉，整個組合很清新和刺激食慾。秘製麻辣撈麵 （$24）像是加了麻辣湯底的醬料，香辣更明顯，對我不吃太鹹的人來說鹹味可以淡一點，若是沒點配菜的情況下就可以接受。麵質韌性和乾濕度剛好，跟雲吞伴著吃是很好的配搭。飲品方面，餐牌有數款特色果茶。我們各點了杯烏梅山楂洛神花茶（跟餐 $15；單點 $22）。這比果汁汽水更吸引我，很喜歡洛神花香及酸甜，生津止渴，或多或少亦中和麻辣酸辣。整餐都感受到餐廳的誠意，味道和份量

係深水電子商場買完東西，行下行下來到這條街，原來都有十分多食店，走到了這家食店門口，被各種手制雲吞餃子的相片吸引，就和朋友推門入內吃晚餐，多種款式雲吞是這裡的主打食物，原來仲有麵類、小食及飲品供應，枱上放滿各式醬料，有自家製的菜脯，特別加了豆豉醃的菜脯。店面雖然不大，但是很整齊光猛，除了有4人座位外，還有靠住開放式廚房的吧枱可以坐，牆上掛了不少食物相。我們坐下就決定叫幾款小食試試，點了一份重口味腸粉（$28），麻辣撈雲吞（$34），檸辣撈雲吞（$34），正招牌五寶湯麵（$48）和一杯烏梅山楂落神花茶（$15）。除了雲吞，從店名所見，茶亦喺店家主打的都是自家制出品，有幾款健康茶，我就選擇了由3種天然材料制成的烏梅山楂洛神花菜，微酸，很開胃，夠冰涼，以玻璃樽裝住，很美觀，味道也不會太甜，大推介 !重口味腸粉, 腸粉即點即煎，所以要5-10 分鐘左右。腸粉表面煎到金黃色香脆，入口有外脆內軟的口感。有點XO辣醬味，腸粉面上還有點櫻花蝦米和蔥花，非常香口！加上自家製的菜脯，十分惹味！麻辣撈雲吞旁邊有他們家的特制酸菜，雲吞面上同樣有蔥花和櫻花蝦米，辣得很爽，麻辣味也夠濃，十分喜歡每顆雲吞肉質都包得

一向都中意支持小店，呢間位於長沙灣的小店，位置不多，不過就勝在開放式廚房，入到去嘅空間感都大。岩晒人少少一位起四位止，自己一個人食就可以試下坐吧枱，望住大廚煮真係好正好有feel的。小食來了，點了這款炸物。這是一款炸蛟，雖然外型不是圓形的，但是不會影響到餡料的份量。一上枱時已感受到熱哄哄的，絕對係新鮮出品。一口咬入去，見到好豐富的餡料，菜與肉都包含在內，而且都好豐富。而且味道都唔會太咸，幾適合飯前小食。主食點了這份拌麵，有墨魚及溏心蛋在內，而且份量都超級大。拌麵的汁有少少麻辣的，平時食麻辣都只是有色但無乜辣味，但呢款堅係食出辣味，而且都唔會好油，絕對值得推介。中意食蛋嘅朋友一定會中意呢度嘅溏心蛋了，溏心蛋非常鮮味，而且真係有蛋汁流出嚟嘅，拌麵一流。