民豐粉麵行

营业中

休息中

依間係上網見到糯米糍排行榜排第三既 睇到佢介紹幾吸引 同埋係街市老店感覺傳統 鐘意食煙韌鐘意糯米糍 難得黎開荃灣尊登過黎食鋪頭係好傳統老店 攤晒d野食出黎 睇岩要咩就同d姐姐講 一早鎖定左目標要食芝麻味芝麻糯米糍 $5個面鋪滿粉 所以用膠袋裝唔會痴住 個皮的確好軟熟 但我自己鐘意煙韌有咬口d既 而個餡係多糖到嚇人 當然就非常非常甜 幾乎食唔到芝麻味韮菜餅 $13俾係門口煎餅既味吸引左買埋依個 熱辣辣既韮菜餅好香 個皮有d太厚 好似餡都幾多 而且調味幾好 唔會好咸抵食 唔值尊登去 不過如果經過會試佢既茶粿

花生糯米糍民豐糯米糍有3款味: 紅豆、花生、芝麻，,全部都係$5.00一件, 比起一般糯米糍大粒得多抵食，性價比很高。糯米糍入口幾煙韌軟綿，粉感唔重最好食都係花生🥜，餡係多到瀉出黎，花生餡澎湃足料，不過糖度較高

今日經過荃灣街市附近，看見一條人龍，便上前行行，原來是一間叫民豐的店舖，分別有兩條人龍一條是買韭菜餅，一條是排糯米糍，聽聞很多人都讚糯米糍是爆多餡料的，所以便買了兩件芝麻糯米糍品嚐，原來是黑芝麻，當咬下去餡料便湧出來，以為會很甜，但原來一點也不甜，因為本人不喜歡吃甜的東西，但這個糯米糍我一個人可以吃兩件，都不會覺得厭倦，吃完也不會很口乾。價錢是只需（$5）1件，十分便宜，最後本人買了半打回家品嚐，這個價錢可以吃到爆多餡料的黑芝麻糯米糍，相信沒有其他地方可找到！

大前日 (4-8-2018 Sat)晏晝同老公o係貓の茶房食完晏後,覺得唔係好夠,於是又邊行邊搵o野食,老公突然記得呢間o既眉豆茶粿,啊.我o地去到睇,除o左眉豆外,竟然有豆沙同蘿蔔茶粿咁新奇,就買齊佢啦,重買多個芝麻糯米糍俾爸爸食,全部都係$5.00一件.我o係坐車途中,發現手機有好多塵,o係係貓の茶房攪成咁,我就撥咔佢,好彩民豐o既店員將裝芝麻糯米糍o既袋打o左結,否則啲塵入晒去.而3個茶粿都熱騰騰o既.返到屋企,即同老公食茶粿.1. 蘿蔔茶粿內裡o既蘿蔔絲好豐滿,味道幾清,不過同糯米皮好似唔多夾.味道: 3.5分2. 豆沙茶粿紅豆大大粒夠腍,味道又唔太甜,感覺呢個夾啲啲.味道: 4.5分3. 眉豆茶粿一食落去就食到好濃o既五香粉味道,明顯呢個係鹹啲,而眉豆夠腍,唔錯.味道: 4.5分3個茶粿皮都軟糯同帶點煙韌o既.4. 芝麻糯米糍呢個size明顯比以前細o左好多,爸爸o係前日食o左,冇問佢覺得點.抵食係2.8分上次食評: https://www.openrice.com/zh/hongkong/review/%E8%A8%98%E4%BD%8F1-30pm%E5%BE%8C%E8

最鍾意掃街嘅我 ，知道荃灣有一間出色嘅韭菜餅， 就算唔識路都要專登google下點樣去朝聖。皇天不負有心人， 路痴嘅我終於搵到， 佢正正喺楊屋道街市對面， 排曬長龍嗰間就係啦。已經係六點鐘, 過曬下午茶 ,又即將晚市, 仍然都有人排隊, 因為係即煎即賣， 我去到啱啱煎好，只係等入袋比$。大過手掌嘅韭菜餅 ，用料十分充足，入面有大量韭菜加豬肉 ，而且仲有好多肉汁，香味濃郁， 令人一試難忘 ，最重要係十三蚊咋， 質素非常之好。 掃街王推介美食。

👉🏻糯米糍(芝麻、花生、豆沙)💲5 超好食🤤💕平得嚟又勁大粒又勁多餡😽多到爆哂出嚟 唔小心啲食仲會食到成地成身都係😹多餡之餘個糯米片又勁soft💕軟冧冧💛個人認為芝麻最好食😻豆沙就冇爆餡嘅效果喇不過都好好味好smooth嘅豆沙蓉😛

上星期去左荃灣，順便試埋好多人都介紹既民豐糯米糍😍😍... 糯米糍 $5 一粒好墜手，有芝麻味同埋花生味，我就要左花生味😗😗原諒我影得好hea，事關又落雨我又心急既關係😛😛糯米糍外層厚得黎但又好軟熟，入面就好似傳說中咁爆曬餡🤣花生食落好香，而且因為好多時砂糖關係，食起黎有種沙沙嘅口感❤️❤️個度仲有好多小食都好吸引，餃子湯圓都唔錯🤣🤣🤣🤣。。～～～～民豐粉麵行地址：荃灣街市街35號

講真 一兩年前民豐只係荃灣人/老街坊嘅口袋美食 都會有人龍👀但絕對唔係而家9成時間都咁多人 所以我都停食咗好耐(最近又少人翻)🐤見無人即買6個糯米滋 3個茶果 一食就知質素下降了少許👐糯米滋外皮厚度同口感依舊很好 煙韌又綿綿的 芝麻/花生糯米滋亦爆餡(不過花生少過芝麻🙊) 芝麻非常香口 仍然推薦👍👍奈何花生無以前的驚喜 沒有的完整花生粒 花生碎亦不太香 太多沙糖啦😭.韭菜煎餅$14同樣保持水準🌿🌿餡料飽滿有水份 帶點肥肉 很香👍餅皮厚度不一更顯手工感 (當然沒有相差太遠🙈)而且喜歡有微微韌度 越嚼越香👍 唯一不喜歡的是現在早早煎滿一堆山的煎餅 吃不了新鮮煎起的感覺 只能回家翻熱(然後你就發覺紙袋全是油!!!!)😭.蘿蔔絲茶果令我小失望(面頭黑色點點係因為我食完芝麻糯米糍😂)😢餡料少又唔香 沒有炒過/調味 比較淡味 皮亦厚 有點吃不濟呢😥.

吃了那麼久東西，你會漸漸發覺某些食品是很極端，你只會 愛 或 不愛，沒有麻麻地/沒所謂的選擇。例如？...... 芫茜、苦瓜、榴槤、蔥等等等等，那些「大味」之食真是令人非愛即恨。我都是那類人，我完全受不了榴槤、臭豆腐那「香味」，但我對香料香菜類就大愛特愛，大蔥、蒜頭，然而韮菜更是每次走過蒸包店，都要買一個煎韮菜餅來吃，哪怕其重口味，根本愛的就是那陣味！而說到哪裡有好味的韮菜餅，必定有荃灣的民豐！即煎的香煎韮菜餅，香噴噴十三蚊一大塊，攞上手熱到傻了，那那聲攞返屋企慢慢歎。你可以見到它的外皮煎得金黃色，焦糖的外表，美麗得很！分開一半，滿滿的韮菜、豬肉碎在內，還要充滿肉汁！每咬一啖，先有脆口的外皮，後有濕潤而香口的韮菜豬肉餡子，60秒完全殲滅！其實它出名的還有糯米糍，但是我還是喜愛那「大味」之美。

其實聽朋友推介特登走過黎食，黎到先知原來冇得坐低食，哈哈！本人係食韮菜餃fans，當然要左韮菜餃，同朋友力推嘅韮菜餅，見食評講到糯米滋好出名好正咁，就買左紅豆同芝麻味。由於韮菜餃係本身煎好哂擺埋一邊，所以唔熱都正常，但感覺每粒都超多油，唔講以為油炸，味道好普通，最衰就係冇辣醬等調味料提供，只可淨咁啪韮菜餅就熱辣辣，韮菜味道濃過餃子,係唔錯嘅，都係果句啦，有辣醬就好喇。本身對糯米滋抱有好大期望，買左返去俾家人試，佢地話味道好普通，麻麻地，芝麻味入面真係一半係糖太甜，唔太好食。

講真 一兩年前民豐只係荃灣人/老街坊嘅口袋美食 都會有人龍 但絕對唔係而家9成時間都咁多人 所以我都停食咗好耐最近有日見無人即買6個糯米滋 3個茶果 ermmm還好的吧🐤糯米滋外皮厚度同口感依舊很好 煙韌又綿綿的 芝麻/花生糯米滋亦爆餡(不過花生少過芝麻🙈) 芝麻非常香口 仍然推薦👍👍奈何花生無以前的驚喜 沒有的完整花生粒 花生碎亦不太香 太多沙糖啦😭.韭菜煎餅同樣保持水準 餡料飽滿有水份 餅皮厚度不一更顯手工感 而且喜歡有微微韌度 越嚼越香 唯一不喜歡的是現在早早煎滿一堆山的煎餅 吃不了新鮮煎起的感覺 只能回家翻熱😭.蘿蔔絲茶果令我小失望 餡料少又唔香 沒有炒過/調味 比較淡味 有點吃不濟呢😢

-🦄民豐粉麵行-芝麻糯米糍 Hkd5@1Rating🌕🌕🌕🌖🌑-終於食到好出名既民豐粉麵行喇！之前睇佢全港都排第3🤭好似好勁咁 就要試試佢係點🙊去到都唔係話有好多人買緊但都周不時有啲街坊入去幫襯🙈一買買左4粒芝麻味既😝估唔到都幾重手下😃佢啲粉比較多🤥🤥🤥食個陣可能有啲狼狽🤪🤪但都ok既 暫時放低儀態先👌🏻佢既皮係比較薄身其實咁既厚度剛剛好🙃餡料方面都好似傳聞中咁足料咁爆餡😏但就過份甜左啲 可能係撈左頗多砂糖既關係雖然做到個種口感 種咬口😌但甜味會稍稍蓋過芝麻既味道咁就扣左啲分喇😗😗但都有食到芝麻香既 不過可以更加好啦😗而$5咁大粒我覺得抵食既🙈🙈睇下會唔會有機會買第二次haha🧐-P.s.當我想拎來食個陣一下唔小心個膠袋反左😅粒可愛既糯米糍就咁掉左落地😀我個下即刻心都碎埋🌚酷熱天氣警告⚠️下 咩都冇食過🌚🌚想食個陣就掉左出來影左張相佢就親吻大地😭😭😭😭好彩最後都可以一試佢既味道大家食個陣千其唔好好似我咁要小心呀haha

糯米糍煙煙韌韌，唔少人都鐘意食。呢間店係荃灣已經許多年，仍然屹立不倒，有好多街坊經常來買野。呢度有傳統的豆沙、芝麻、花生餡，三種味道。我地今次買左芝麻同花生餡，兩款口味都香濃，糯米糍皮軟而不甜，配上入面香甜餡料剛剛好。但見到餡料裡面比較多砂糖，應該同呢間的湯圓餡料係一樣，下次買盒湯圓試試😋______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether

經常喺社交平台見到荃灣嘅民豐粉麵行出沒，已有多年歷史，有粉麵、餃子、雲吞、湯丸出售，當然唔少得網紅糯米糍、煎餅呢類傳統食品。除左街坊幫襯，亦有不少經過網絡介紹，而專程過黎嘅人，相信都有。週日下午茶時間，人流絡繹不絕，店員見到我地，都好快問我地要啲乜。試試聞名已久嘅糯米糍，一共三款：芝麻、花生、豆沙，定價$5/粒。始終客多，見去貨都快，都冇可能話即叫即整。食呢類糯米糍，我就最怕食到好邐迆，於是買左每款兩粒，有個紙盒裝住。芝麻、花生、豆沙糯米糍 $30/6粒糯米糍面頭沾粉不少，拎上手就唔會黏，比起一般糯米糍大粒得多真係大件夾抵食，5蚊黎計，性價比很高。糯米糍最忌皮厚餡少，呢度唔厚唔薄，可接受，入口幾煙韌軟綿，粉感唔重。花生同芝麻值得試，同所有人意見一樣，餡係多到瀉出黎，花生餡最澎湃足料，芝麻味幾香不過兩款都係，糖度較高。至於豆沙餡就唔係我杯茶，口感糊黏，而且頗甜，有少少受不了。寧願食多兩粒花生、芝麻。

所有荃灣友都知道民豐嘅水餃好好食， 我唔係成日食，因為民峰豐成日都排長龍，同埋太夜會賣晒。 今日同老公想喺屋企夜晚自己煮啲簡單嘢，我哋去左民豐排隊。我地買左:韭菜餡餅 ~ 好香 、味道好好， 不過由於係煎嘅，所以有啲肥。 另外，仲食到一片碎骨。冬菇菜肉水餃 ~ 水餃係每日新鮮喺舖頭包嘅。 盒上面有指示點樣煮: 煲滾水，放水餃落去煮五分鐘就得 。餡料嘅味道食中， 有冬菇香味。 不過都係食到碎骨， 七隻水餃食到4塊碎骨芝麻糯米糍、 花生糯米糍 : 皮非常軟熟、 好薄， 兩款餡料都好香、好好食