水門泰式海南雞飯專門店 (已結業)

基本上每個禮拜都去西九龍中心嘅我，雖則知道八樓food court一直有呢間黃到出汁嘅海南雞專門店，但一直未食過，最近終於有機會試了。#海南雞飯配湯 $35 評分：7/10———————————$35嘅海南雞飯去邊搵？深水埗就有，仲要送埋足料靚湯，內有松草花、龍眼肉、紅棗、杞子等營養食材，飲落清甜唔鹹，有種解暑解油的感覺。海南雞飯飯質較硬，假如煲軟少少比較好，今次好好彩，竟然有雞全翼一大隻，雞身滑流唔肥。至於醬料得一款就比較少，如果好似其他食店咁有埋薑蓉同醬油就好喇！店名：水門泰式海南雞飯專門店地點：深水埗西九龍中心八樓55號舖

去開深水埗黎左西九龍中心搵食呢度嘅美食廣場旺到不得了唔止旺丁仲旺財揀左海南雞飯食貪佢價錢實惠而且口碑好好成個套餐都只係35蚊夠晒飽肚跟餐有個雞湯入面都幾多湯汁而且飲落幾清甜唔似有味精雞好嫩滑，有雞味佢呢度只跟一款醬汁蒜味香濃，唔係一般嘅醬汁或者酸辣汁雞肉沾上醬汁，份外惹味油飯略濕無左一粒粒精精靈靈嘅樣子呢樣野就不完美可改善喇整體感覺都好好呢個價錢呢個質素無敵！

35蚊有雞有飯有湯有良心邊度搵仲要係海南雞、油飯、無味精湯 我豪加5蚊轉雞脾大家再豪氣啲加廿雞會有雞翼食既 賣相幾好🍚油飯：唔好預佢好香，但有味亦夠飽（一個飯碗有多既飯） 🍗雞脾：其實就唔算好有雞味啦但滑同肉質ok 🥣醬：酸酸辣辣撈下飯點下雞都正 🥄雞湯：痴線地足料，有玉竹、杞子、圓肉，飲完仲有少少渣係底，係啲不知名藥材一枝枝咁既物體我覺得好濃好有誠意好有係屋企飲湯既感覺（其實我又真係外賣左番屋企） 好補身㷫合合咁提提大家係有苦甘味既！睇下自己接唔接受到

外賣送餐準時！某社交平台落單等回覆 俾錢就可以喇送貨當日會text埋司機名同車牌俾你超細心【海南雞】肉嫩皮脆！不過啲醬咸左少少😛【冬陰公牛腩】個汁好好味送到黎仲好熱不過牛腩un左少少🤫

水門雞飯咁黃咁出名，我居然一直都未試過，唔少朋友覺得好奇怪，但當你知道我本身唔太鍾意食雞嘅時候，就會明白我嘅苦衷😅。早兩個禮拜去到西九龍 food court 黃店地帶，行咗兩個圈，左揀右揀，最後終於決定食雞。叫咗個海南雞飯，一睇啲雞就覺得好開心，因為係我最鍾意食嘅雞胸肉，仲有一隻翼尖。個飯雖然只係 35 蚊，但係用料一啲都冇將就，雞肉比想像中嫩滑有雞味，唔似一般雞胸肉咁嚡颯颯，點埋醬汁，酸酸辣辣，超級好食；油飯鹹鹹地，但係又唔會油淋淋，仲有淡淡雞香味，唔知係咪用雞湯煮嘅呢🤔？就算冇餸，齋食飯其實都好滋味😋。個湯都值得一讚，蟲草花無花果圓肉紅棗杞子沙參玉竹一應俱全，飲得出真材實料，既好味，感覺亦好健康😬。

呢間水門雞我摸過兩次門釘，今次終於食到喇傳聞中長期都要排隊，難怪......佢嘅菜單好簡單..雞同油飯..套餐都只係要$35，仲包個冇味精嘅雞湯，飲完覺得成個人都滋補晒❤️雞肉係鮮嫩，雞皮唔油膩

良心之選💛高CP值海南雞飯之前睇IG已經好想去試呢間海南雞飯，可惜佢嘅分店得屯門元朗上環深水埗⋯ 全部都好遠呀！今日去完整車牌，終於有機會可以去西九龍搵好西，一出𨋢轉左就見到啦！等咗大約5分鐘到就即刻有得食，雞飯係用紙碗裝住，飲埋碗湯，暖笠笠😋😋個雞好～滑～呀～！肉味濃厚，肉質厚實又滑，嗰醬少少辣辣地好正！咁嘅價錢再加呢個份量超級抵食🤩🤩🤩🤩幾時先可以去泰國啊？😭😭😭😭

睇youtuber介紹西九龍中心美食，所以揸車去買呢間位於food court嘅水門海南雞飯返屋企當晚餐。未夠5點鐘竟然人山人海，顧客不斷。我等咗起碼5分鐘先可以落單，原因係之前啲單好多又未出哂⋯⋯心諗一定好好食先咁誇張啦。不過呢度座位唔太舒適，椅子係斜嘅。。。堂食唔理想！我買咗3個海南雞髀飯外賣，等咗足足30分鐘，仲要俾幾個後面嘅人爬頭，唔明點解要俾堂食快啲。之後聽到員工傾談知道漏咗我3碗脾飯。Well, 又抵又好食嘅話I don’t care。出嚟食好西要等係好正常嘅。返到屋企同家人一齊開飯，我呆咗⋯⋯佢哋海南雞飯$35/碗，要脾加$5。我3碗脾飯全部得一節仔下脾，搭兩塊等如節下脾仔大嘅雞胸？我即時嬲咗，我唔明我隻上脾去咗邊？我鍾意食雞胸嘅話，我為乜加錢要脾？點解我3碗脾飯會有雞胸？上脾要點樣先食到？係唔係留哂俾熟客仔？好，我講返味道同質素：脾肉正常一般滑，雞胸肉唔算嚡口，雞唔會太肥但冇乜肉味，醬汁反而幾好味。海南雞飯好重要嘅油飯，肉眼睇顏色較白，徧淡唔香。介紹有提佢哋呢家湯比外面特別，唔係一般蘿蔔清湯，而係药材雞湯。可惜我俾好幾張單爬咗頭，佢哋又唔跟單留定我3碗湯俾我⋯⋯好不幸地

今日突然好想食海南雞，岩岩係西九龍中心附近，就上去呢間出名既黃店幫襯下。買左半隻海南雞外賣返去加餸，間舖入面得兩個店員，但未夠五分鐘已經斬好俾我，認真效率好高👍🏻而且態度友善食物方面，盒雞份量超多，最重要係肉質嫩滑，個醬汁有泰國feel，食落好香，以$75半隻而言性價比極高。我見到佢地既海南雞飯只係三十幾蚊，比平時食既平上一截下次一定會再幫襯，試埋佢地既油飯。呢間絕對值得專程去食👍🏻👍🏻

話說咁啱要去深水埗做D野，所以去咗西九龍行下，就諗到不如食呢間醫下肚支持下先~一碗雞飯只係30幾蚊，但因為男朋友鐘意食脾，所以加咗錢轉雞脾，雞夠嫩滑，而且仲有湯送，個湯仲要有蟲草花係入面，呢下已經值回票價而且個飯夠大碗，我地2個人食都夠晒飽~ 個醬汁又溝得好食，重點係，加埋脾都係40蚊呀！

之前出開深水埗諗住去西九美食廣場食水門雞飯，點知好好彩遇著佢突然冇開😂 拖到今時今日先食到（當然啦 咁出名嘅黃店已經忍唔到口去元朗分店食咗🤤）但一場黎到深水埗都係要黎支持下黃店入正題😋 $35一份泰式海南雞飯🐔配油飯仲要配埋雞湯🥰🥰🥰 海南雞雞皮薄，唔油膩，好香雞味之餘雞油又全部滲哂入油飯度🤤 油飯米粒分明唔會一舊舊，粒粒都俾雞油包裹住🤤🤤 配埋爽口青瓜☺️ 完全唔覺得自己一個人食咗成個雞飯$35睇落細細兜，但點知份量亦比想像中多，食完又唔會膩😋 雞湯有一隻雞腳加幾條蟲草花😍😍雞腳煲到軟淋淋，唔洗出力咬都入口即溶☺️正

今次五一黃金週我地為咗支持良心小店， 特登去到平時真係好少去嘅西九龍中心food court度試吓😤對我來講海南雞不外乎都係滑同香， 水門海南雞嘅去骨雞肉的確係非常之滑 而且有雞味， 加埋個醬汁， 非常好食！而我覺得可以進步嘅地方就係個油飯， 首先過油飯味道係幾好食嘅， 而且都好夠香但因為我個人唔係太喜歡食軟飯， 我覺得佢個飯少少冧，口感可以進步， 但整體來講個雞飯好好食有一個令我驚喜嘅地方， 就係佢個湯😳好多時海南雞飯舖頭，佢個湯都一定係雞湯， 因為順便可以用埋浸雞嘅湯呀嘛但水門雞飯呢個湯，佢落咗好多藥材落去煲， 令到成個湯好香好足料飲得出佢係冇味精，對於我依一個咁鍾意飲湯嘅人來講 真係好好重點係佢個價錢非常之平🥺成個餐都只係$35😳😳😳講真，單單係個湯，我都肯俾$20去買 性價比極之高👍🏻平時行開西九龍中心搵嘢食，又唔想食牛肉飯嘅，一定要去水門食番個雞飯

好耐冇落深水埗，見到經濟開始差，食店都難以生存，唯有出一分力支持一下。一個人去到西九龍中心嘅美食廣場(就係個場好逼好逼同埋會有斜到逼客走嗰個頂樓美食廣場)食一食水門泰式海南雞飯。其實之前都有食過，但個海南雞飯已經變咗好多。海南雞飯嘅主角海南雞都係咁冧身，一啲都唔鞋口，而海南雞飯個醬比之前少咗好多辣椒，唔知係咪因為好多客唔食得辣而改變咗，而以前嘅清雞湯變咗中湯嘅杞子花生雞腳湯，帶來少少驚喜！可惜依家好似冇咗梳打叫，食海南雞飯有杯青檸梳打飲就好！

呢間海南雞飯位於西九龍中心food court，座位自由選擇。.🔸泰式海南雞飯($35)分數: (7.2/10)女仔食一個夠飽，男仔可能要食兩個。雞好嫩滑，雞皮同肉的比例均勻，不會皮厚肉薄。醬汁酸酸辣辣，用嚟調味更加開胃。飯底係用油飯，偏軟身，油飯本身有味，味道很好。.🔸餐湯個飯$35包埋餐湯真係超抵！見湯渣用咗蟲草花，雞腳，參，花生去煲。飲落有啲回甘，清淡唔鹹。.去開果邊行街，可以上8樓試吓架。

今晚同朋友去深水埗食好出名海南雞飯，成層美食廣場，得呢檔排隊排到得人驚，當排到我前面果陣突然叫只剩底10個飯，好彩我地3個都買到，雞真係滑，飯都香，仲有湯送，抵食夾大件，如果黎開西九龍中心真係可以一試，但唔好咁晏去，會賣曬