水門泰式海南雞飯專門店 (已結業)

依間餐廳非常之出名，出名在於又會做善事，又好食，今次就黎試吓好唔好食喺西九龍嘅8樓food court 特別多後生仔排隊嗰度就係😂本身諗住好貴原來一個飯只需要$35，就有雞飯加餐湯本身餐湯都冇乜期望，點知原來好夠料好勁藥材味，有雞腳薏米黐實，飲完個胃有一陣陣嘅暖意，估唔到小店嘅湯都咁有心意啲雞一啲骨都冇，不得不讚個師傅去骨功力非常高，同埋我本身冇諗過啲雞可以咁滑溜，佢嘅水平已經可以同好多專做海南雞飯嘅餐廳battle已$35嘅價錢來講，性價比非常之高，好抵食，要支持下小店，咁有心希望大家可以多啲幫襯佢因為真係係好食嘅

位於西九龍中心8樓，經常大排長龍，而且有兩次經過也只派學生飯，沒有做生意。今次終於品嚐到了。老闆十分好心，門口長期有水及糧食給學生拿。.泰式海南雞飯 (配油飯及雞湯) ($35)$35有飯有湯真的很便宜很抵吃。雖然我那時段雞湯已買清光，但我也堅持照點了要雞飯。油飯的味道很好，米飯偏軟身。海南雞十分嫩滑，而且很入味，沾些酸酸辣辣醬汁，𣊬間將味道更加昇華。完成整個飯後，覺得唔夠喉，很想再多吃一個，哈哈。

話說真係唔係住喺西九龍嘅區域，要間唔中先可以嚟一次深水埗食嘢，喺呢區買嘢食嘢飲其實價錢都比較親民，今日嚟到西九龍中心嘅food court，就試下排曬長龍嘅水門泰式海南雞飯，星期六未夠一點去到前面已經有15人以上，首先要排隊買飛，佢每做幾個客先再賣一次飛，所以你排隊買完飛其實已經差唔多整緊你嗰份，你見到佢處理生雞同切雞都有換手套，幾衛生！今日就試一客海南雞飯，再加泰式青檸梳打，加埋先43蚊其實有飯有湯有嘢飲真係幾抵！先講一講海南雞飯，雞肉嫩滑點汁好食，不過個人嚟講份量較少，下次可以試吓同朋友夾一隻雞會開心啲！至於個湯有一浸藥材味，唔太啱我飲；而杯泰式青檸梳打對我嚟講幾好飲，呢杯梳打只係要8蚊，其實真係好抵！

今日來到屬於香港人的水門泰式海南雞飯專門店。店舖有三間分店，分別位於深水埗、元朗及上環，而今日我去了位於深水埗西九龍中心8樓美食廣場的元祖店。去到的時候剛過了䌓忙的午膳時間，但也十分多人排隊，每人都朝著一致的目標，有秩序的耐心等候。餐點得海南雞+油飯+藥膳雞湯+青檸梳打等組合的選擇，因為正如他們所形容，出色的一款就足夠。有着目標，等待變得不漫長。我們叫了半隻海南雞，兩碗油飯及一碗藥膳雞腳湯。本來想叫一杯青檸梳打，但因為兄弟爬山各有各做原故，所以今天暫不供應。唔好睇相以為半隻海南雞細隻，因為起了骨的原故，所以看似細隻，食落卻好豐富，啖啖肉，兩人份量，極之豐盛。店舖以自家方法浸製獨有的海南雞，使海南雞食落雞味濃厚，而且非常爽滑鮮嫩，雞香清爽而不膩。油飯煮得粒粒分明，每粒均沾上海南雞湯的精華，油飯味道有好芳香的雞湯味，食落香而不膩。藥膳雞湯用不同的藥材加雞腳烹調而成，入口味道藥材味同雞味都好平衡，非常滋補，雞腳煲得非常軟淋，藥材味入晒落雞腳中，喜歡喝湯的我，後悔早知叫多碗。這裏價錢非常合理，食完後無論生理及心理都極之滿足。

We were supposed to have a strike today, yet this little joint serves their popular Hainanese chicken rice to the ones in need. This hearty soup is prepared with red dates, chicken feet and pearl barley. I couldn’t taste any msg, it is sweet and authentic. The chicken was boneless and tender. The sauce was heavenly- garlicky and very spicy ! We love it. It would be even better if the rice can be mixed with chicken oil and comes in a larger portion. Thank you for serving us.

三十五蚊連湯既海南雞飯，味道不錯，份量仲有驚喜！出餐快速，一叫即切，態度良好！擺放住支裝水俾學生免費取用，仲有其他學生優惠直至煲底相見！絕對值得學生街坊支持！會常幫襯

特登去懲罰呢間良心小店，食完竟然被感召到要寫我第一篇評論.... 🥺🥺位於food court，$35海南雞飯，+$5轉雞脾，包湯。價錢平過出面好多，雞係少啲，但絕對對得住個價錢。飲第一啖湯，oh wow，勁似我媽煲嗰啲南瓜湯，I like it! 😂😂想點名讚佢個醬汁。我平時食海南雞只點甜豉油，但佢呢個醬汁好有泰國feel，味濃、少少辣，撈飯同點雞都得，I am surprised，點佢點到青瓜都食埋。總結：又好食又有良心，一定有下次。

第一次去西九龍中心 8樓foodcourt原來有咁多嘢食😲雖然環境吾算好光猛 但整體都好乾淨 座位稍微傾斜坐得舒服今次黎一心想試海南雞飯 果然冇失望😆雞肉無骨兼且好鬼滑 最讚係醬汁 細微有咩材料我就吾知 但👦🏽食得出有黃薑👏🏻 辣味吾搶喉 會係口腔留一段時間 飯係普通油飯但就吾係黃油飯 鐘意食雞脾都只係+$5就有都咪話吾抵平時飲埋青檸梳打都可能要10幾蚊 呢到$8就有仲大大杯😨 絕對值得一試👍🏻

呢日放工去左深水埗行街, 行完去左西九龍中心Food court食晚飯,我地其中一樣係叫左水門泰式海南雞飯專門店的泰式海南雞飯。其實呢間野元朗有分店, 都食過一次, 都ok的。 但估唔到呢間難食到咁...我叫左個泰式海南雞飯, 諗住食好d, 加左$5轉脾。另外叫左杯青檸梳打$8。但由我去拎個餐.. 我已感到非常失望.....雖然話$40唔係好貴...但d雞, 係咪少到咁少!?又少又細舊...側邊個2舊搭嘅雞肉, 仲要肯定唔係脾肉來!係胸肉來! 咁我加$轉脾肉的意義何在!?姐係脾肉得4舊咁大把, 仲要本身已細舊,個柄位個度仲細....雖然味道ok, 但都唔見得有咩特別..加上一開波得咁少已影響晒心情..真係食個$20叉雞飯d雞都多過佢..人地仲有叉燒呢...到d飯, 林到"張"口...係油飯來, 味道都ok..但林到咁... 全冇口感可言...爛飯來。沒有更差, 只有更差...終極大佬出場!!!! 本身見佢個樣都正正常常, 食到口乾諗住飲下!點知!!!!!  lur都lur唔切!個湯好似餿水咁!我都唔知點形容! 你話佢變壞左咩?又唔一定係, 但又好似真係有少少, 但完全唔係正常湯應有嘅味

跟住朋友介紹嚟食呢間先，去第二次先有開，comment 同友人一樣，雞好好食，夠滑又唔肥，個醬非常好食，少少辣，但餸雞係帶到個鮮味岀黎，不過雞個份量真係好少，加咗五蚊轉雞脾，都係得四五舊，仲要好細舊吓，同埋個油飯麻麻，唔夠香，不過真係好抵食！以咁嘅價錢，絕對算得上好ok. 但湯都幾好飲，同好解渴，飲完又唔會成口味精。個青檸soda 加$8 就有，又係抵，但味道就唔係話好重青檸味，所以我都係飲到一半就放棄，費事成肚氣。鐘意食海南雞嘅人應該會鐘意的，建議可以再加啲錢要半隻雞，先夠食

深水埗西九龍八樓美食廣場競爭好激烈, 周圍鬥平, 3x元飯處處可見... 依間水門泰式海南雞飯獨沽一味食海南雞飯, 應該唔會太差, 重點係 HKD 30咋好平吖喂, 難怪怎住都有人排隊幫櫬跟餐有雞湯, +$8可以有杯泰式青檸梳打。雞湯就不過不失, 沒有大驚喜, 當作有碗湯送飯.. 海南雞是無骨的, 啖啖肉而且嫩口, 雞皮薄薄的不像燒爉店那樣厚肥, 所以連皮一起吃了 ♥ 油飯香口, 配汁可以, 不會太鹹點雞正好 ... 唯份量有點少男生可能未必夠飽 ~

西九龍中心food court向來多平靚正的好東西，這天幫襯呢間「水門泰式海南雞飯專門店」，想不到又有意外驚喜。坊間近期多了很多泰式海南雞飯店，但大多水準平平，不是雞皮成吋厚，便是雞肉又鞋又冇味。這次經過這小店，check吓食評算唔錯，但晚市準備中，但直覺話比我聽值得嘗試，於事在商場行吓等其開門。結果成了當天晚上第一個幫襯之人。基本是菜牌亦只有海南雞這一東西，最終要了一個海南雞飯，加五元要雞脾，但都係三十幾蚊。份量唔多，肚餓的大男人應該唔夠飽，但當小食的話則OK。可以算是無骨雞。雞肉相當嫩滑，有雞味，而且雞皮與肉之間呈啫喱狀，是煮雞中完美的狀況也。難得雞皮厚度剛好，連我這個減肥中的人，也忍不住全部將爽身的雞皮食晒。雖然雞飯附有點雞用的醬汁，但其實唔點亦夠味。至於雞油飯唔太油，顏色較淺，還屬清爽得來夠味的那一種。反而附送的湯冇乜特別，淡如水，有改善空間。整體而言，這一餐沒有令我失望，亦證明我的直覺還是有用的。

因為唔太肚餓，所以當時隨便咁叫左個廿二蚊既海南雞翼飯。份量大，賣相亦見心思。雞翼算幾入味，又有青瓜伴碟雞油飯幾香，配合醬汁食幾惹味湯就比較味精feel，但都正常接受到~$22黎講真係平靚正🤗

今日突然間想食海南雞飯醒起西九龍中心有間平平地係美食廣場嘅，一於去食啦…份量雖然唔係好大用即棄紙碗就唔係咁環保喇睇雖然份量唔係好大但雞件全部去骨啖啖肉，雞胸肉亦都唔會「嚡口」仲有幾片青瓜油飯份量都可以接受每個飯配有一碗無添加雞湯添平平地都可以接受

店鋪選擇唔多，得海南雞飯食，正岩我胃口，試一試下先，佢係用紙碗裝著，感覺好細碗，但雞肉好滑，配埋個醬汁好好食，，30蚊黎講唔係貴，不過食完唔夠飽，最後在附近買雪糕球食。