水門泰式海南雞飯專門店 (已結業)

深水埗西九龍中心既美食廣場一直都係平靚正既選擇，呢度有好多不同類型既小店，總有一間會啱食！今日我就試左一間算係比較新既泰國菜，水門泰式海南雞飯。呢間主打海南雞飯既小店比其他喺西九龍既泰茶唔同，佢既選擇唔多，主力賣海南雞飯，另外亦有飯卷。第一次黎當然先試海南雞飯。一個海南雞飯$30, 如果想食雞脾就要加$5, 而想飲青檸梳打就加$8.落單之後等一陣就好快有得拎！呢度既海南雞雞肉嫩滑，醬汁亦都好惹味，海南雞飯既都用上油飯，仲附上幾片青瓜，而且份量亦都合理，性價比高。唯一要挑剔就係湯既味精味濃，不飲也罷。

夏日炎炎，日日天氣都咁熱，搞到個人都冇乜胃口，呢啲天氣最好食泰國嘢，一個人就食得唔多，於是就上西九龍food court 逛逛，上到8樓food court 一出lift門,就見到一個光猛整潔嘅水牌，最吸引係寫住水門，去過泰國嘅人都知道海南雞飯喺水門最出名，見價錢唔貴，一於試一試！泰國廚師煮泰國嘢是常識😆雞肉滑嫩，雞油飯唔太油，醬調得好出色，唔太辣好有泰式風味，三樣野配合埋一齊，好味飲品有青檸梳打，見佢哋用泰國梳打水，仲要只係$8蚊，諗都唔使諗、立即叫一杯，青檸汁一早渣定放杯內、倒入梳打水，簡直消暑解渴👍🏻值得一讚，食完唔會好頸渴，即係食物冇落味精！食得好舒服，好有至身泰國食海南雞嘅感覺！下次想起泰國，一定再去食！

睇到介紹專程來試一試海南雞飯。飯加雞以一個中碗盛載，配以青瓜作為配菜。雞的份量算多，肉質十分滑，但有一點薄。雞皮味道都不錯，雞肉有雞味。飯的油香稍為淡了一點，但尚可接受。加錢還可有青檸梳打，幾好味的。價錢三十二元全肉無骨海南雞飯，只要要求不高，絕對是性價比之選！

今天晚上想食個平平地的晚餐，深水埗最多平野食，最後同朋友去左深水埗西九龍中心food court水門泰式海南雞飯專門店，有朋友介紹話呢間平靚正就去試下。呢度主打海南雞飯，我梗係要叫泰式海南雞飯套餐$30（如果想轉脾加$5），配油飯及無添加雞湯，再配上泰國嘅泰式青檸soda水，吾係周圍有得飲，呢度加$8就有，仲有配檸檬做底，埋單不係$38。海南雞好滑，都算幾大分，呢個價錢真抵食，但food court環境就一般般。

西九龍中心food court向都幾多野食既，呢次就叫左個外賣海南雞套餐，價錢$30跟左油飯同餐湯~咁雞肉都好滑，不過就偏肥~我自己覺得ok，配埋油飯都唔算好油膩~呢個質素30蚊，係抵既

深水埗出咗名多 平靚正多元化美食餐廳 ！！今次放假同朋友過嚟深水埗 西九龍中心 尋找好嘢食 西九龍中心上上下下 基本上層層都有餐廳可以選擇。而我選擇咗8樓美食廣場 🤩 上面美食林立 有 韓式 ，泰式 ，中式 ， 日式， 印尼嘢 .....等 我哋就選擇咗 泰式嘢食 泰式海南雞飯 套餐包括 : 去骨海南雞 + 油飯 + 瘦肉冬瓜湯 呢度連下午茶都系用 去骨海南雞㗎 ，啖啖肉呀 😋 而且佢仲跟埋個油飯 加埋 小小青瓜 一齊食好 fresh 啊 幾廿蚊 仲有湯送 簡直係糧尾之選

星期六下午去左深水埗，睇openrice見禁多人比好評呢間餐廳諗住去試下，去到比完錢，職員就有份已經整好左嘅餐放係枱面，話可以拎左個份先，唔洗等。點知拎到埋位，見到個雞翼有毛仲要係黑色既， d 汁有蟲既， 個湯仲要好一般，30蚊諗住食到落肚就算， 但係呢間d 衛生認真麻麻，仲要去買個陣係無咩人，無冧檔教出d 咁嘅食物比人， 最後無乜食過就走😡🤬🤬完全唔明點解呢間餐廳會有禁多好評？點解會有人介紹？幾平都好，d 野食唔衛生，點威得落肚？

睇到網上好多推介水門又平又正，所以成日都想試，次次去到都唔好彩，唔係撞岩佢地落場，就係無開。今日我就早啲去，好開心見到佢開點左個雞飯，$30送碗湯好驚喜，竟然有雞脾啲雞超級超級 嫩滑，好有雞味添，雞皮下冇乜脂肪，好滑好香。個油飯都好抵讚，好香，正到爆成碗清晒唯一唔好既係雞太少，唔夠我食大佬呀，$30食海南雞飯仲想點喎？我估真係深水埗先搵到啲甘平既雞飯另外，老闆好nice好有禮貌！搞到我聽日又想去食添

間唔中就會陪男人黎深水埗買嘢順便上黎西九龍呢層food court睇下有咩食男人見親d兩餸飯加個湯就雙眼發曬光我冇咁易滿足見到呢間獨沽一味，就係食水門海南雞飯！自問嗜辣，諗起個雞飯醬就流口水價錢超吸引，有雞油飯有雞仲包埋個雞湯另加咗個青檸梳打油飯香，雞都有好多件，連男人都滿意個份量！雞湯就清清地青檸梳打真係用咗泰式嗰樽例牌梳打汽水！可惜個青檸底麻麻地，應該只係加咗d樽裝青檸汁，失色不過咁嘅價錢，完全係冇得投訴呀！而且老闆非常nice!! 見我一個人黎拎嘢食，仲問我男人去咗邊😂hahaa支持小店！

今日盲中中上咗西九龍中心揾食，一出𨋢就見到呢間鷄飯，就呢間啦（我好肚餓。。。）唔使揀，非常清𥇦（因爲個餐牌只有一味）「海南雞飯唔該」起我等飯中途（其實好快1分鐘唔使）2位店東背住我密斟密斟，咁奇怪🤔點知一擰轉身，親切笑容嘅店東「請你食雞脾呀！媽媽」🤣係呀，我呢個大肚婆無端端有滑滑雞脾食，thank you🙏🏻(雞脾要加$5𠺢）BB你腳頭好，媽咪成日有得食好嘢😋我最like個油飯，軟硬適中，油度夠但又唔會過火（你知啦大肚婆對油膩野好大反應𠺢嘛）又有幾片爽脆青瓜清清喉嚨（好新鮮絕非為伴碟而伴碟嘅青瓜）雞，當然好味不過可能我太肚餓，食完成碗未係好夠飽（利申：我平時係大食嘅）

好耐無去過西九既food count !! 今晚見無心機煮飯決定同2公2個人再戰food count!! 西九龍food count 出名選擇多,價錢實惠! 當我去到選擇性困難時既時候,老公就叫我拎部電話出黎open rice 一番! 最終決定試下d 間海南雞!! 一去到食物選擇真係唔多!根本上得一款,對我dd 選擇性困難既人黎講!絕對係目標清晰!! 老公話未試過~~怕中伏所以我哋只叫咗個飯加脾!!唔駛等好耐快就到我哋!!!一拎到唔駛講梗係相機食先啦!!! 佢既賣相唔差, 雞非常嫩滑~我最欣賞就係個汁~~酸酸辣辣好開胃,有別於平時食開既醬汁! 海南雞飯朿當然唔少得油飯啦!! d 到既油飯唔算好油!! 但食得出濃濃既雞味!!! 一開始$35 仲以為分量好少tim !! 但原來唔係架!對一個正常既女生黎講完全夠哂!食完明白點解可以話出色一款就夠!!

Sham Shui Po's Dragon Center food court ... so many stalls. So many choices. And SO SO cheap! If you are looking for cheap eats, it's here all one floor of the mall. But perhaps due to extreme competition, some shops open and close at a rapid rate. I always seem to find something new whenever I'm here.On this day, I discovered 水門泰式海南雞飯專門店 (there is no English name). Like all the other stalls in this food court, it's super tiny with one tiny kitchen in the back.Menu is in Chinese only. There is n

$28 蚊海南🐔飯😱仲要好食！抵到核爆💥👍🏼雞夠滑，飯夠香，醬夠濃！啲醬用曬老闆會即刻用攪拌機即場制造，夠新鮮😂😋 新開張，支持吓老闆！One man band💪🏼#海南雞飯 #hainanchicken hkfoodblogger#hkblogger #hkfoodie #hkfoodies #hktravelblogger #hkfoodporn #eatplaysleep #foodporn #相機食先 #食好西 #好味道 #好吃 #nomnom#delicious#yummy#oishi#chrizxfoodie

突然想食泰國菜，搵到呢間好評的平價海南雞飯。姑且一試的心態，叫左半隻雞 $60，兩個油飯（$8 X 2），兩個青檸梳打（$8 X 2），共$92（平均 $46 / 位）。雞件多，冇數，但印象中應該有 16件以上，配個汁好滋味、好幸福。每件都嫩滑，咁嘅價錢真心抵。以前對food count印象麻麻，感覺食物同快餐店無異。但現在我改觀了，會優先選擇去西九的food count，因為食物都是平靚正

之前網上見到呢間店有$30海南雞飯，今日去食完晚餐覺得幾值得推介！店舖好顯眼，一出𨋢口就見到～因為通常海南雞飯啲雞都比較少，所以我地兩人嗌咗一個$30飯（包雞湯）同半隻雞（$60），再另外加一碗油飯（$8）同青檸梳打（$8）。因為六點都未到，唔多人，好快就有得食。啲雞好軟滑，飯嘅雞大約5-7隻，好多飯，雞唔係好夠。好彩嗌咗半隻，食完太飽，如果兩個人食，建議嗌半隻再加飯就夠。雞湯講明無添加比較清淡，感覺較健康。個汁好惹味，少少辣。青檸水都好好飲，但唔好咁快撈晒啲青檸汁，唔係冇得再溝梳打水。美中不足係油飯唔夠油～總結黎講好抵食！順路經過值得去試！