永合成馳名煲仔飯

营业中

休息中

今天又再度光顧永合成，今次不是吃煲仔飯，而是吃簡簡單單的『豉油皇炒麵』加愛心老火湯。今日飲的湯名叫『竹芋鰂魚湯』，係我人生第一次飲，魚湯煲到奶白色，竹芋爽脆清甜，十分滋潤。我不知道甚麼是『竹芋』？店主許家二小姐，人稱『老二』，告訴我是時令湯水，只限這段時間才有，竹芋可以清肝熱。我剛返完通宵班，怪不得飲落好舒服😌。向大家特別推介，大大碗僅賣$25，還有中碗$20和小碗的，自己買料都唔得啦，唔講話用柴火去煲幾個鐘！想飲住家老火湯，一定要去試。除了街坊和熟客，我見過好多名人揸車🚗路過買湯。OL細食的你，可以叫碟炒麵配老火湯，叫碟蘿蔔糕配老火湯亦得。除了『豉油皇炒麵』，還有『乾炒牛河』等等。我好好奇幕後廚神是『老幾』？一家人用心去經營，大家一定要試下，我無介紹錯㗎。附上每星期的『Day Day 湯』，睇吓中文字寫得幾秀麗，係『老二』的字，她十分勤奮，收舖後必大清潔，所以衛生攞滿分。

北菇滑雞、排骨臘腸、窩蛋牛肉、芽菜肉片、鹹魚肉餅、黃鱔、田雞等等，很地道、很惹味、飯甘香，粒粒油潤煙韌，飯焦要多少，悉隨尊便；各類食材新鮮靚料源源不絕，每一啖直暖入心。果然名不虛傳，用心經營的老字號。最近，永合成做了我家飯堂由早餐的雞絲菜麵、豉油皇炒麵、香滑奶茶至午餐的醬爆雞翼、蕃茄牛飯、天天無添加的老火例湯等等，一試難忘。一家人用愛去做，對每一位顧客都像老街坊一樣，好有家的感覺；店舖十分清潔衛生，晚上又可以包場，搞個合家歡煲仔飯家庭樂。

一直都很想試吓永合成的煲仔飯，第一次的失望是去到食店已拉閘，原來他們下午四時便關門，想吃就真係要請早了！第二次專程二時半左右去到，滿懷歡喜期待一個熱辣辣的煲仔飯 ⋯ 落單後不消兩分鐘，煲仔飯已上枱，那麼驚人的速度，真係令我有點懷疑這煲飯是否一早已煲定先！另外他們的豉油也是其中的敗筆，通常吃煲仔飯都會跟一碗微暖的甜豉油一起上，但這裡的豉油是每枱預先放咗，用膠瓶盛載的豉油。窩蛋牛肉飯（HK$78)👍👍👍牛肉是免冶鮮牛，味道是不錯的，加上一隻生雞蛋本來是幾吸引的，但就給那樽豉油拉低一粒星，豉油過鹹加上預先一早已放在枱上，觀感上已比下去。飯粒是分明乾身的，但飯焦是完全黏在煲內，一點也吃不到，唯有再減一星。臘味飯（HK$85)👍👍臘味飯有臘腸、膶腸和臘肉，但口感比較肥和稔，同樣的問題在於豉油和飯焦。吃煲仔飯的重點在於飯焦，但刮不出來的確有點失望。例湯（HK$10)👍👍👍👍例湯味道很濃很甜，足料美味。Menu 內在環境

2020.10.13 星期五 午餐：第一次來吃。絕對不滿意。完全沒有煲仔飯的香味，絕對懷疑是在煲仔白飯上擺放另外煮好嘅餸！喺「煲仔白飯」，並唔係「黃鱔煲仔飯」！咪玩喇，「煲仔飯」變「煲仔白飯」！差到極點！

喺附近返學，同學話想食煲仔飯就入咗去試吓，餐廳裝修比較傳統，好似舊式嘅冰室咁樣，平日午飯時間都幾多人一攞起個menu，發現煲仔飯嘅價錢都起碼$65，以煲仔飯來講算係唔平，如果要飯焦就要加$10，咁我即管試吓冇飯焦嘅煲仔飯會係點😅豉椒排骨煲仔飯$65 平時都好鍾意食豉椒排骨，他們的排骨醃得入味，但是肉的質感比較軟，醬汁也好像加了粉一樣，飯的質感和酒樓蒸飯差不多，食到佢個底都見唔到有飯焦🧐 冇飯焦嘅煲仔飯點可以叫做煲仔飯呢？整體來講，價錢就唔太抵食，味道同質素就普普通通，如果加埋飯焦嘅話，個價錢可以喺第二度食到兩個煲仔飯了

秋天到，突然好想食煲仔飯，食呢間想試好耐既煲仔飯！因為店舖平日收4點關係，今日提早收工黎。叫左兩個煲仔飯，一個窩蛋牛肉飯同排骨煲仔飯，一開蓋睇啲飯已見真章，飯身粒粒分明，好乾身，軟硬岩岩好！尤其窩蛋牛肉飯特別出色，牛肉不會多根，已切小粒，再伴雞蛋混在一起，簡直完美！另外仲叫左一碗例湯，是日例湯：粉葛排骨湯同樣出色，沒有味精，今餐真係大滿足！再凍啲會再黎食！

由老店上環幫襯到搬新店呢個係煎蛋牛肉飯飯粒乾身 牛肉有咬口 唔係會落鬆肉粉個種牛肉吃得出係新鮮 呢度既豉油係咸豉油 所有唔可以落咁多 飯蕉方面我冇加10蚊 但都會有少少飯蕉 唔會話完全冇哂 來呢度除左吃煲仔飯係吃一份人情味 支持小店

原來我已經有四個月無去永合成（因為每日等到我得閒食午餐時已經過了 3:30，他們 4:00 關門）今天夠時間吃到我的 all time favorite - 餐蛋治 + 凍檸茶今日隻蛋炒得超好，還滴著蛋汁呢！大滿足！

原本見開飯評語好壞參半，但見到煲仔飯又想食最後都係便貢左入黎，上菜後發現原來佢的煲仔飯係無飯焦的，無飯焦的煲仔飯差好遠，連冬天時候大乜乜煲仔飯都有呢。不過窩蛋牛肉飯的味道還可以的，重要嘢講兩次 -- 可惜無飯焦 (又唔捨得加 $10)。另外還叫了個肉絲炒面，味道同色水都炒得幾好，係多啲油，不過炒面要$65 都幾貴。整體黎講呢間嘢係偏貴，無餐呢樣唔包嗰樣又唔包，又要加錢買奶茶檸茶，味道又唔係話值呢個價。

從未食過咁難食煲仔飯，果煲飯係同蒸飯冇分别，又唔香，又冇飯焦，餐牌上原來仲寫明飯焦加10蚊。一煲飯已经冇香味又冇飯焦已经差，仲要鳳爪排骨係煮好晒放上去，排骨咬落死死實實，鞋過砂纸，只係鳯爪正常啲。呢煲咁嘢仲賣78元，真係差上加差，又超贵超垃圾。另外牛肉米通粉，未試過又試吓，滑滑地又冧冧地，一般般。呢間铺從上环搬到西环2年。註明每位最低消费40元，真夠性价以前朋友介绍佢D煲仔飯好食.

幾年前剛開店時初嘗，煲仔飯質素不好。從以前到宜家都覺得老闆幾時開舖都係睇心情，想幾時開門就幾時開。講翻食物質素，飯好似啲就咁用電飯煲煲出黎嘅飯，又淋又水，而唔係真正嘅煲仔飯，明顯係從電飯煲盛出黎。食嗰陣啲飯餸都唔係熱嘅。正宗嘅煲仔飯應該係用明火燒出黎，飯係乾身，會有瓦味，仲會係熱辣辣有煙出。咁嘅質素竟然都要等好耐，價錢又唔係話等別平，下次唔會再幫襯。唔知宜家點？剛才經過舖頭諗翻起自己幾年前嘅經歷，諗翻起都覺得唔抵。

1月2日車爸爸中午已收工！變相在連放3、4號之下多了一天假期，我們便先在西環吃個雙重午餐，再殺落葵涌廣場掃街，很久沒這樣拍拖了勁開心啊！先到期待已久的永合成吃煲仔飯，此店營業時間星期一至六開早七時收下午四時，對於離島人的我真的不易吃到呢！！ 點了黃鱔排骨煲仔飯＄105，過相時發緊夢錯手Delete咗，大家唯有睇吃至樣殘的煲仔飯啦！第一次到來不知規矩後來才發現飯焦要加＄10才有！飯粒算挺身飽滿濕潤度亦煮得恰好，黃鱔佐以大量香甜洋蔥烹調，鱔肉鮮彈冇泥味，不過似小菜多於煲仔飯！另外那排骨則十分有驚喜，彈牙口感肥瘦均稱肉香四射！ 另外點上半碟足料蘿蔔糕＄30，是質感較削身的版本，喜歡有咬口的朋友未必愛吃，內裡確有不少臘味足料冇騙人，蘿蔔味是有的但個人覺得可以再多些！加上一杯風味不錯的熱奶茶和凍檸茶埋單＄170著實不便宜！

永合成，40年上環老字號，煲仔飯最耍家，兩年前搬到西環依然客似雲來，位於香港大學站行數分鐘便到。想食得輕鬆點，我們11時左右到達，點菜後先來個例湯，這兒例湯天天不同，沒味精夠火候，吃後沒有口渴的感覺。 煲仔飯明火煮開後，放入麵包焗爐，以180度高溫烘烤，最後回明火燒出飯焦，記住，如要飯焦須落單時講明，另加收十元。點了馳名的窩蛋牛肉飯，手剁牛肉口感帶點嚼勁，肉味鮮濃，不需加煲仔飯豉油也夠味，把窩蛋均勻地與飯融合，香滑好吃。如果不食生蛋是可以選擇煎蛋的。田雞煲仔飯香噴噴，極之吸引。 豉汁鳳爪排骨飯的排骨相當腍滑有肉味。姍姍來遲就是我期待的黃鱔煲仔飯，黃鱔新鮮有咬口，醬汁惹味。飯焦不太會過硬過焦，又有米飯的香氣，好吃。最後朋友介紹腐乳蒸雞，雞肉滑而不過鹹，不錯。溫馨提示：店子營業至下午四時，沒有晚市的喔，星期日同公眾假期都休息。 #hkfoodblogger #hkfoodies #食評分享 #餐廳食評 #西環美食 #煲仔飯 #獨自開餐 #二人世界#三五知己

This small eatery is located in Sai Ying Pun, and as its Chinese name signifies famous for 'rice in clay pot', the local delicacy that the HK people are very fond of, particularly in winter times when the temperature are low. As luck would have it, today the weather suddenly turned quite cold and so it was the perfect time for trying it out.One thing to remember is that the eatery does not serve dinner, and would close by 4pm, and also not opening on Sun or public holiday. The first thing that g

天氣好凍，同朋友一直想食煲仔飯，這一家提供午餐煲仔飯，剛好朋友過來這一帶工作，lunch time可以煲仔飯一聚！天氣太凍，加上撞正lunch time，門口排起長長的人龍，風也是冷颼颼的。排了10分鐘，和朋友可以進去了，點了網上十分好評的窩蛋牛肉煲仔飯和素菇煲仔飯。1. 窩蛋牛肉煲仔飯：還蠻香的，牛肉鮮嫩2. 素菇煲仔飯：和朋友都覺得，好清淡，甚至是沒什麼味道。點評：沒有到網上的評論那麼好吃，而且好像沒有太煲仔飯的感覺，更像是煲仔裝的碟頭飯，也沒有飯焦。價格也不便宜。