汀汀烤活魚 (已結業)

不合理的茶界每位八蚊，花生$10，但從來沒看過花生。差不多$300的雞煲，但是份量只像半隻雞。還有將牛丸切開一半，以減低成本。簡直不知所謂。以後一定不會再幫襯。。

那天在太子做完三伏天灸，過來這邊吃烤魽魚鍋保暖，說實話兩個人吃不了很多，加上T先生又不太吃辣，我們都是旨在吃魚。本想說點個酸菜魚不要辣，怎知店員一味說不加辣不好吃，那就難為T先生多吃一點了。魚很新鮮很滑溜，沒有很多骨頭，我最喜愛的就是這個樣了。酸菜味沒有放很多椒，不過卻帶大量孜然粉，沒有完全溶掉的粉粒，食起來口感一般。點了一份串燒拼盤$88，價錢稍稍比散叫這幾樣著數一點點，有豬頸肉，雞軟骨，魷魚鬚，各2串，而且醬汁燒得入味，肉夠鮮，都沒有黏著竹簽。我們怕自己未夠飽，中段時已經多點一份肥牛粒$88 ，說老實話不是很抵食，而且牛肉粒未完全解凍，仍處於寒冰狀態，放到烤魚爐上，湯汁未能把肉粒蓋上。鬼馬蝦膠，是油炸鬼內釀入蝦膠，不過蝦膠沒有釀到好深，份量有點小，不過配搭幾香口美味，點上雞醬更惹味。餐廳是有茶位費用，不過全晚都沒有REFILL，不太值。

今日吃了一魚兩吃的重庆水煮魚和椒盐鱼腩骨，併花膠蟲草花湯底重庆的汤地味道麻辣适中，汤底里面有草乾辣椒節、花椒，配上豆芽等蔬菜，吃的时候只要將將魚片放入開水中，快速燒煮30秒。完美😘😘🎉水煮魚片的口味嫩、辣，放花椒的，則還很麻辣哦。重庆香辣雞煲真的是夠麻又夠辣吖。雞肉夠香滑。里面有洋蔥芹菜豆芽等蔬菜。跟我在重庆吃的味道一模一樣吖。椒盐鱼腩骨现杀现炸的非常香脆。今天所有東西都吃完了。你说好不好吃吖。

最近俾我無意中發現原來旺角都有得食烤魚即刻要搵埋志同道合既辣友一齊去食食物款式都多，又有得純打邊邊爐，又可以食烤魚，仲有雞煲&川式串燒食添其實樣樣我都好想食不過最後還是食烤桂花魚，因為唔係好多地方都有得食烤桂花魚鍋（一魚兩食）一魚兩食既意思係一條魚一半做烤魚，一半就起肉打邊爐，有兩種食法麻辣味超香是用魚湯加多款辣椒製成的，特別惹味連湯都飲左好多啖桂花魚片每塊都切得好均勻厚薄適中，淥一陣就好快食得，肉質超滑田園併盤紅薯粉每次食親麻辣，又點少得紅薯粉呢

呢間烤魚店其實經過過好多次，一路想搵機會試下，今晚天氣又再度轉涼，我想是機會吧!呢度除左有重慶鍋外，仲有川式串燒，即叫即燒，價錢相當親民今晚主打重慶鍋，係鷄/魚鍋嘅選擇，結果係...........烤桂花魚鍋 ($368)，湯底選擇有數款，我地點左香辣湯底 (小辣級)一魚兩食另加$22，點為之兩食呢? 即係半條烤，半條起肉成魚片用黎打邊爐湯底配菜都幾豐富，有青瓜、大荳芽、豆卜、洋蔥、芫茜、芹菜及白蘿蔔; 香辣醬落於已香烤嘅桂花魚上，原爐上當煮滾時香味四飄!  原條桂花魚絶對唔細條，魚皮香烤後口感脆口，桂花魚賣點就算烚耐D，魚肉都仍然保持嫩滑，又無細骨，真係外脆內滑!連頭都唔可以錯過，用黎送啤酒就正呀!食晒半條烤魚後加湯就可開始邊爐時間，火鍋配料都多選擇由於人少關係，只點多娃娃菜 ($32)及蜂巢豆腐 ($38)由於香辣湯底味道正，呢客蜂巢豆腐用黎索湯就岩數，索滿湯入口軟綿綿，但小心被熱湯辣口!而半條桂花魚片切得厚薄適中，烚完食到多一份魚肉鮮甜味，肉質都係嫩滑!叫碗白飯黎伴食，滋味到無朋友!侍應服務態度唔錯，主動加茶及換碟加湯，回頭率絶對唔低!

相約朋友到屋企附近的汀汀烤活魚吃晚飯，每晚經過也發現許多客人等位，今晚有機會約住附近的朋友，便試下訂位，誰知又給我訂到了，便相約朋友一起去試食。汀汀烤活魚最有命名當然是她的烤魚，魚類選擇多，份量足，見許多人也專門來點叫，但我們沒有點，因想吃雞煲火鍋，向客服查詢，有小、中、大辣，我們都自認很能吃辣，香港平常的辣也不到位，但客服提議可再加辣，如此可先叫中辣，我們都認同。等了不一會，雞煲到，客服在客戶面前表演翻雞煲，又加醬，又加熱，把雞煲煮得香噴噴。我們待他煮好，便急不及待地吃下一口，嘩！雞肉嫩滑彈牙，雞味十足，但原來中辣也有來頭，起初也是惹味，越吃越有勁，雖然不是勁辣，但也足夠麻辣。我們也沒吃完所有雞，便着客服加水轉火鍋，加了清湯微強烈麻辣的味道減少了，換來是薰香味美的火鍋湯，我們只點了幾道火鍋小點，包括豆腐卜、和牛粒和津白，豆腐卜味道濃郁，和牛勁嫩勁有𡁻口，津白可能是當造，分外甜美。這裡是半個燒烤店，怎能不點一兩樣燒烤，結果選了燒茄子，大大個茄子分半，塗上秘製醬汁，分外鮮甜。豐富的晚餐，歡樂的時光，盡興而歸。

來到旺角好掛住街頭小食，但想找個地方坐下來同個老友傾計，所以選擇在汀汀烤活魚，聽個名以為一定要食烤魚，但佢選擇還有雞煲，麻辣火鍋，串燒，小食等。而今晚我地兩個女仔就選擇咗食雞煲加串燒，卜卜蜆雞煲（半只）配蒜香味湯底$188，等左幾分鐘，雞煲熱辣辣呈現，雞件金黃色，配料好香，細看之下蜆肉有點沈在雞煲下，蜆肉好鮮甜，一d沙石也沒有，雞肉醃制的口味岩岩好。燒魷魚須，魷魚切到細細粒比較容易入口，燒韭菜燒到一啲都唔會乾身，醬汁好正燒雞泡魚乾好香口，汁燒鴨舌帶點辣味而又惹味，串燒做到好出色。總結：傾計一流的地方！

近排天氣忽冷忽熱，朋友話想食啲酸辣的四川食物，我甘岩見到旺角麥花臣球場果邊有間叫［汀汀烤活魚］，排隊人流還未算多，可能我七點到，場內可容納二十幾人左右。坐下來己有花生佐食，見到餐牌上有好多選擇：雞煲烤魚打邊爐等等，我哋叫左桂花烤魚鍋$358，麻辣酸菜鍋料，條魚分量都大條，炸到金黃，大鍋裏還有些配料蘿白,青瓜，仲有金菇菜豆卜在魚底部，魚肉質鮮嫩冇物刺，口感酸辣好開胃我們另外叫左涼拌蓮藕，蓮藕片砌到好薄，食下去好麻辣，蒜香金針菇，雖然細碟，但味道不錯，可以下次再來！

前排香港人好興北上覓食，酸菜魚火鍋尤其流行，今日同屋企人黎左近近地嘅旺角試下呢種四川打邊爐！香草芝士肉醬茄子 $68食火鍋前先黎一個小食，味道似pizza，唔試都唔知竟然同茄子夾得埋。烤魽魚鍋 (酸菜味) $268一開除怕酸菜會好鹹好濃味，點知原來口感好之餘仲好開胃。魽魚滑身得黎唔會太淋，酸菜亦無蓋過本身嘅鮮味，值得一試丸類三拼$68一款$36，三款$68，咁緊係叫三拼啦！我地揀嘅係芝心丸、龍蝦丸同海膽丸，全部都正正常常。星級海鮮拼盤 $198呢個拼盤係抵食之選，有各式各樣嘅海鮮，包括廣島蠔、桂花蚌、花甲、花枝片、青口。桂花蚌尤其爽甜。手切雪花肥牛 (大) $188呢款牛肉既唔韌又唔肥，厚薄適中所以口感極佳。溫馨提示：唔好用google map搵路啊，會去左舊地址。

傳統打邊爐時常都會食，沒有什麼特別，經朋友介紹昨晚就去嘗試咗食烤魚鍋。原來烤魚鍋係將原條魚先烤後再把魚放在有不同配料的上湯裏滾住來食，有些似食泰國明爐烏頭的形式，但湯汁較多，吃完魚後，再添加湯底継續來個傳統打邊爐。朋友介紹的這間餐廳位於旺角，頗多客人光顧，平日晚上也要等位入座。店主刻意訂來方形鍋，火力均勻。雖然店名叫「汀汀烤活魚」，除了烤魚煱外，還有串燒、雞煲、麻辣火鍋等可以選擇。先來黃豆花生作前菜小食，脆卜卜！之後還有香草芝士肉醬茄子作頭盤，芝士和肉醬使本來沒有味道的茄子變得很惹味。烤魽魚鍋未食過魽魚，原來蠻不錯，肉質嫩滑，沒有太多的細骨。湯底可以選擇麻辣、香辣、酸菜或麻辣酸菜。由於不嗜辣，所以我們選擇酸菜湯底，除了有大量酸菜外，還有芫荽、豆卜、黃豆等配料。窩夠大，魚也大條，加上配料又夠多，賣相好有睇頭。滾下滾下，魚肉索埋D湯汁一齊食，份外美味，簡直食到停唔到口。我們另外叫了些打邊爐配料，待食完魚之後來過傳統火鍋。星級海鮮拼盤包括有廣島蠔、桂花蚌、鮮花甲、花枝片和青口，食材新鮮。手切雪花肥牛雪花均勻,厚度唔會太薄,有咬口。丸類：海膽丸、芝心丸、龍蝦丸第一次 食海膽丸，感覺有啲似蟹子丸

冬天梗係要打邊爐， 因為唔知媽媽想食雞定食魚， 選擇呢間叮叮活烤魚就肯定冇錯嚟到當然畀媽媽發板啦， 又想食魚又想食雞， 最後選擇左雞煲出面嘅雞煲一般都係畀你揀辣或者唔辣，呢間舖嘅雞煲好特別，選用嘅除咗係走地雞，雞味重，肉質比較實淨，肥膏較少，仲有蒜香味， 用蒜蓉，乾蔥， 洋蔥 ，西芹，芫茜，八角等等嘅配料炒過嘅雞煲， 特別香口惹味當然要嗌返個海鮮拼盤: 青口，蜆，魷魚，桂花蚌，生蠔蜆肉好鮮甜，青口都好彈牙魷魚唔會碌兩碌就縮水， 生蠔重蠔味桂花蚌肉鮮甜，爽口當然唔少得嗌稻庭烏冬同金菇菜啦， 吸進盡湯底精華，好味油炸鬼炸都好脆， 上面嘅蝦膠同墨魚膠，全部人手打，唔怪得之咁彈牙， 可以就咁食， 或者浸湯食。 個人鐘意食咁點醬食，個醬類似泰式辣醬，再辣少少.最緊要係新鮮炸起， 熱辣辣上枱， 真係即叫即炸即食

平日都會返深圳, 係深圳食烤魚, 水煮魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~ 但係朋友介紹我, 係旺角泉章居下面有一間食烤魚,重慶燒, 叫"烤魚工房" 佢話佢個度D烤魚同重慶燒都幾好食, 所以今晚約埋朋友一齊去試下... 開心開心~ 去到環境真係好唔錯, D位好濶, 坐得好舒服~~ 我地點咗一個必食烤魽魚鍋$268, 加咗D配菜有芝士腸$32, 黑牛栢葉$48, 紅薯粉$22, 蔬菜豆卜個D可以叫半份$22 尚叫低食~ (烤魚開頭覺得有D貴, 上枱原來洗面盤咁大碗, 足夠4人食) 因為有朋友唔食得太辣我地點咗小辣, 未食聞到已經流哂口水~ 魚好滑, 但肉質好實淨好新鮮~ 開始後悔頭先點咗咁多野~ 有D驚食唔哂~ 但個湯麻辣好惹味, 面頭D花椒好正~ 好好味~ 而重慶燒, 燒茄子, 金菇牛肉卷必食推介, 好辣既朋友必定要試既餐廳~~ 全給滿分~~ 正~

成日行過都見到佢好多人喺門口等位，見到他又好似火鍋又似雞煲, 感覺都好吸引。 今日一早收工, 六點經過見到有位 , 又見成條魚的麻辣鍋所以好想試。其實餐牌應該主要有魚煲同埋雞煲可以選擇，但見門口有一條條新鮮的魚，那當然吃新鮮魚煲啦。這個鉗魚煲會係先烤過，再用麻辣湯底煮到係入晒味。我們先叫了小辣, 但真的太微辣了,老闆行過都會問句: ( 點呀, 啱唔啱食呀? ) 絕對係小店作風, 咁老闆知道辣不夠不過癮, 就從廚房拿來辣醬 加以調味, 個麻辣味即刻提升曬。魚絕對是新鮮比你睇住攞入廚房, 大條又新鮮而且很滑, 啖啖肉, 足料配料; 豆卜,酸菜, 芽菜,京蔥....食飽魚再食埋D 配菜已經很飽很滿足。 不過貪心的我 會再加點小吃...酸辣土豆絲- 酸和辣的比例剛好, 沒有誰比誰搶風頭, 再加上蒜蓉 ,這是最理想的酸辣程度。土豆絲也是軟硬適中, 份量足夠。同時點了兩串串燒, 燒豬頸肉 - 切得些少厚身,這樣比較有咬口,非常彈牙。燒雞軟骨- 不錯。 兩款串燒吸引之處必定是個醬汁, 係少許孜然粉加上蜜糖的味道。最尾加個菜真係飽到不得了。說真的 , 整體都好滿意, 難怪食到中途已經好多人在門外等位

香港的烤魚也食過幾間，覺得這間的比較抵食，味道也很好。等位唔算太耐，門面齊體都乾淨舒服，位置都幾好坐，最緊要方便傾計。餐牌同大部分烤魚店差不多，食品選擇唔會好多。鐘意食辣可選麻辣、豆豉泡椒、青椒等；唔鐘意食辣，仲有其他口味選擇，有酸菜、蒜香、蘿蔔等。另有涼菜、配菜，以蔬菜類為主，金菇、豆腐、蘿蔔、寬粉。店員推介的這個烤魚確實不多骨，魚也比一般店舖的大，魚肉很滑，叫了bb辣，初初吃也覺得有點辣，但吃下去還好，加了酸菜也很惹味，外皮焦脆而肉質鮮嫩到不行，魚已經拆起魚骨，方便食用。魚肉算幾滑，有彈性，質素有驚喜，間中只有一兩條肉眼可見嘅小骨。食烤魚唔會好似打火鍋咁食咁多野，食得划算，加上喺呢邊食酸食辣，一般都不會令人失望。

近排天氣凍凍最適宜去食烤魚，次次系旺角搭小巴返屋企都系車上見到汀汀烤活魚呢間，今晚終於有時間來食啦！有3種烤魚鍋和有幾種湯底選擇麻辣味，香辣味，酸菜味。另外可以加$18有麻辣酸菜味和香辣酸菜味。我點左烤魽魚鍋和湯底是加$18香辣酸菜味。一坐低就有一碟餐前小食，豆又幾脆卜卜又香口。烤魽魚鍋上面舖滿芫茜，魚又切開一半，拎過來已聞到一陣香味香噴噴。等魚鍋滾一下就可以食，魚肉嫩滑又幾大條，食左一陣就放上一些配菜上去滾再加湯。蓮藕和豆卜放進入烤魚滾可以索晒湯的精華好美味。酸辣土豆絲酸酸辣辣土豆絲又爽口幾野味。