江仔記

营业中

休息中

一個人食一個小型嘅午餐，所以去咗食麵食。呢一間餐廳位於喺天水圍屋村入邊嘅一間鋪頭，買嘅仲係好傳統嘅魚蛋粉，雲吞麵，牛腩河呢一啲嘅麵。今次我點左一碗牛筋麵，價錢係＄30。沒有配飲品。麵係比較爽口，好傳統嘅鹼水麵。牛筋比我想中係好嘅，因為真係煮得耐，而且滑身，有膠質，這一個價錢來講算交到功課。湯底偏鹹而且有味精，一個如果係好肚餓嘅時候係需要食兩碗嘅。如果唔肚餓嘅時候想食一個輕盈嘅午餐係不錯嘅選擇

只有10分鐘時間，天氣又凍，拿拿臨衝入去是旦點。上次食過魚丸怕左，今次食魚皮餃。估唔到，魚皮餃好食，塊皮夠口感，至少唔係得個爽字，豬肉夠溶，夠香。而且有五粒，比起魚丸好好多，好味

天水圍開了一間麵檔, 主打魚蛋  今天試左一個6寶麵加半份魚皮6寶麵- 魚蛋,魚片, 墨魚丸, 豬肉丸, 魚柞,魚鮫各一粒, 魚蛋,魚片確實出色, 爽口彈牙, 仲食到魚味, 魚柞同魚鮫都不錯, 同樣爽口彈牙. 墨丸魚/豬肉丸OK, 外面好多店都能做到. 麵質爽, 但不夠似橡筋效果的爽, 只能說中等合格魚皮是脆, 但沒有鬆化口感, 是死實的脆, 只能說一般.

下午茶時間去食下午茶，但沒有下午茶價錢。都質爽口，有一種透明感，麵條是半透明的。魚旦稱是自家製，的確味道同係凍肉店買的不同，亦是爽的。奇怪地....一碗爽爽爽口的東西加了什麼，爽口的麵粉，還要是半透明的爽口的魚那裡有得買？如沒有想這些奇怪的問題，評為零食的話，質感是不錯的，味精多也是零食當中正常的

我第一次去食，點左過32蚊嘅四乜河粉，無唸過原來係一碗無味清水湯，加左一D比杯麵更差嘅河粉，D河粉差到我都唔知點形容。如果有興趣挑戰個人極限，歡迎到店試食支持。

Working in Tin Shui Wai every weekend.I have lunch here normally once a week.Fish ball is my all-time favourite,and the quality here is just awesome.The environment is clean n tidy,Paying $28 for such food quality and environment, I think it's so economic!!Highly recommend

今午食得過於豐盛，還是要節制下晚餐免得肥肉橫生。一如營養師所言，多食湯粉麵有助減磅。今晚一於試試江仔記。見店長推介江仔記六寳，（$34）我點嚟試試，另加通菜一碟。所謂六寳：有魚片，魚扎，魚皮餃，豬肉丸，墨丸同魚丸。湯底是豬骨煲成，但味道未見突出， 只是普通湯底。而魚片同肉丸等都彈牙，味道比較突出的是魚皮餃同墨丸。魚皮餃皮薄，饀料鮮味。墨丸彈牙，有口感，有足夠墨魚味。腐乳通菜（$15）通菜幾嫩，唔會好油，腐乳醬鹹鹹地，令人幾開胃。以小店而言，這魚旦粉質數算中上，味道未及翠華，但比連鎖快餐店好。

天水圍天瑞村，我需要食一個快速的午餐20分鐘時間。我入咗去連餐牌都無睇到，就選擇左一個魚蛋麵。估唔到啲湯底真係唔錯喎，味精之外我真係覺得唔係剩係得鹼水味。面係非常之爽口，質感非常之好。面真係好味，好彈牙。但係美中不足嘅係魚蛋太爽口，完全冇魚嘅感覺。應該係加左水楊酸，所以我就呢個魚蛋嘅品質程度有所保留，但面嘅質地非常之好。

在一個小小的領展商場中，竟然有一間長期人龍絡繹不絕的粉麵店，那就是由市區開到新界區的江仔記了。每次來江仔記，我總會點它的「六寶河」，因為可以甚麼也能吃一點。今次有點小插曲，我在點算和尋找河粉中的魚蛋，因為碗中只有五款丸子，結果真的少給我魚蛋，我跟職員說很快就補回魚蛋給我。我最愛墨魚丸，魚皮餃和魚扎，用料新鮮，魚扎中更有紅蘿蔔絲，口感豐富。至於魚蛋更是比坊間的更為彈牙，它全是自家製的，出品有保證，而它的河粉都是自設工場製造，白滑之餘又挺薄身。不過清甜的湯頭很快就被河粉吸收，所以最好趁快吃。另外點了半份香脆炸魚皮及沒有很多食店供應的小麥草飲品，小麥草飲品味道濃厚，值得推薦喝。

淨雲吞:好似記得有6-8粒, 我細食, 已經好夠, 入面都幾足料, 大大隻蝦, 仲有肥肉, 所以肥膩左D LAW, 湯底都比較多油牛腩麵: 沒有試, 朋友說味道OK, 但太細碗了炒通菜:呢碟野完全呃秤LAW, 得D 菜葉, 仲要勁細碟!!! 味道一般

在銅鑼灣、中環開業的江仔記, 竟然大駕光臨, 到極偏遠的天水圍區, 還要是在一個屋邨商場, 真令人不解。剛開業不久, 甚為受歡迎, 常見排隊人潮, 現時熱潮稍減, 總算在中午12點幾的時間, 能不用等位入座。師傅推介: 江仔魚六寶河 $32既然是推介名物, 當然要一試了, 內裡有魚蛋、魚片、魚扎、魚皮鮫、墨魚丸、豬肉丸, 全部味道帶鮮, 但略咸, 丸類有彈性, 魚扎中間夾有小甘筍, 幾得意。河粉幼身, 易碎, 吸水快, 湯底據說是豬骨湯, 味道頗清鮮, 可惜的是, 湯粉太熱辣辣, 我要稍涼才吃到, 到稍涼時已索乾水, 沒湯可喝, 而且剩下的粉, 也令人沒意慾再吃, 或者下次叫麵或米粉或會比較好。腐乳通菜$13 - 切到細段, 好方便食, 菜好翠綠, 灼到軟腍, 腐乳都幾惹味, 唔會好咸。

放假諗唔到食咩，落街兜番個圈個時見到江仔記🙈，之前一直想試，見到成日都好多人食，但係我總係夾唔岩時間，平日放工番黎餐廳已經埋緊數，今日咁岩一於試下啦！😚都唔洗點睇張餐牌，就叫魚六寶麵食啦，一次試晒六樣野🤗。落單之後周圍兜左陣，好快就拎得個外賣。店家好細心咁分開麵同湯裝 仲有一小盒辣油幾香(出前一丁麻油SIZE)。一拎起碗麵就覺得咁細既，打開見到份量真係細左小小🤔😥😥面頭有小許芫茜同蔥花，我個人覺得ok既，另外加番盒辣油落麵先。打開另一碗湯餸，一夾塊魚片就feel到有小小伏😨，咁薄既，目測只有2-3mm厚💩💩，將六寶麵個六件餸岩岩好可以放埋落一碗就開始食喇~魚片真心薄，但係係爽口彈牙嘅，另外可能冇搞均勻魚片吸收左大部份辣油，有小小辣🤔魚蛋柔軟彈牙，有種鮮甜就算咬碎吞左落肚都仲會停留係口。 魚皮餃外表有小小糊，應該係一大兜一齊煮，但又太小水搞成咁，食落我覺得口感肉質味道都OK嘅，只係冇咩特別。🙄墨魚丸，口感扎實，味道唔腥。豬肉丸普普通通魚扎好扎實冇散開，入面有紅蘿蔔(微甜)、豬肉(唔鞋)同木耳(爽口)，但可惜外面包的魚片過熟有點鞋口。☹️麵質彈牙但衰在有好大陣梘水味，辣油加湯底味都救

Went here for some quick noodles before going to the famous Wetland park.I am not familiar with this area so decided to try this new restaurant which was just listed on openrice.It is the same branch as the one in Causeway Bay round the corner from Times Square and Soundwill plaza which I will try too.This joint is big and spacious.I got the flat rice noodles with four treasures.The broth was really good, it was thick and strong with a hint of fried garlic.The four treasures were fish skin dumpl