江湖小棧

营业中

休息中

首先要講講，呢間舖頭有難book位, 第一次，星期六去， 準時6pm 到達拎飛，點知佢同我哋講最快要8:45pm 先有位😱。然後問佢，咁幾點來先可以有位， 女職員就叫我訂位，每日5pm 後就可以打電話來訂，咁我即場就同佢講話要訂星期二，但係 佢又同我講今日（星期六）訂星期二太早了。 所以星期日個日我5pm , 就準時打去訂位啦，點知我一打去話要訂位， 嗰男職員就同我講full booking, 我就話我訂星期二的不是今天， 咁佢就話咁就有話， 但係我話訂6:45pm ，男職員就話唔得，只可訂6pm 😰咁無辦法， 只好訂呢個時間，好彩嗰日朋友同我都請咗假，可以6pm 到🤥㶲6點來到， 入面已經full左， 除咗我訂左個張枱，之後不斷有人來拎位， 好彩有訂位，如果唔係，平日六點到都未必可以即刻入座好，入正題，呢間店以煲仔飯聞名於世，當然必試佢啲煲仔飯，我哋揀咗自選煲仔飯，最多可揀3個餸，但我哋只揀了牛肉及雞肉２項，另外叫咗個煲仔菜來試吓：川辣煮花甲煲點完菜等咗10幾分鐘，＂川辣煮花甲煲＂就來了老實講，上菜時見到啲蜆殼都幾大，都幾吸引，但係望真啲蜆肉就又細又散咁，大打折扣， 不過大細呢啲賣相

咩飯最殘忍？ 呢條iq題 相信大家都識答😂 臘味排骨 煲仔飯 價錢 : $78食用方法: 飯一到 首先要開蓋落中中豬油 再落小小豉油 再閂蓋 焗8分鐘左右 打開後 wa 係香噴噴嘅煲仔飯吖食後感 : 臘肉唔會太肥 臘腸同 各2粒 排骨都幾多 啲飯焦 脆卜卜 件件金黃色 啖啖焦香生啫土雞價錢: $108 食後感: wa呢個不得之了~ 鐘意食雞煲嘅朋友 千其千其唔好放過 用煲仔形式去整嘅雞煲 味道一流 平時唔食雞皮嘅我 呢個好味到我食埋雞皮 因為係用煲仔嘅形式整 雞皮會有小小燶邊 好正招牌燒通菜價錢: $40食後感: 呢一碟基本上枱枱都有點 食落又真係好香燒烤味 味道方面就好重蒜味 不過我自己覺得唔係真係超級好食 未至於必點牛舌串燒價錢: $20食後感: 厚切 幾好味 辣妹子表示如果可以加辣就好啦

親戚特登預早訂咗去呢間「江湖小棧」食母親節飯, 一心支持黃色經濟圈, 準時到達嘅時候, 門口已經有好多人排緊隊等位~ 依家黃店立場都好鮮明~ 門口玻璃大大隻字印住「支持政府就唔好幫襯」不過黃店身份唔可以當飯食, 不愉快嘅情況就由等入座開始. 明明已經訂咗位, 仲早左5分鐘到達, 都仲要喺門口等左半個鐘, 而且我哋唔係唯一訂咗枱都要等嘅人, 眼見仲有其他人都係訂咗位, 要坐喺門口呆等😖😖呆等到咁上下嘅時候, 有個女侍應同我地量體溫, 諗住有得入去啦就行入餐廳, 頂！原來張枱都仲未得! 又叫返我哋出門口等, 咁量體溫黎做乜?終於入得坐低咗, 不過啲座位好唔舒適👎🏻 我哋係六人枱, 佢係將D臨時椅加咗係個四人枱嗰度, 問題係嗰啲相向臨時椅好化學, 坐後邊嗰個一郁就郁到你, 食食吓上面冷氣機又滴水落嚟, 真係食都食得唔安落!!!😖快快手點左菜, 可能因為天氣熱喺出面等得耐, 又可能係因為啲位唔好坐, 我哋都比平時點得少咗嘢食~ 就係下圖嘅煲仔飯, 餸菜仲有個紫菜魚腐湯咁上下嘅嘢, 個女侍應兩次埋黎同我哋講, 「六個人叫兩個煲仔飯唔夠個喎」.. 真心吹脹~ 如果真係唔夠, 我哋食食吓就會加單㗎啦

呢間《江湖小棧》喺荃灣都幾出名架！呢度有小菜有煲仔飯亦都有各款串燒！基本上樣樣都好好食！😋😋😋豬油撈煲仔飯🍚：有好多配菜可以揀，任意配搭，滑雞臘味走唔甩，最特別嘅係佢會附上熱辣辣嘅豬油！出面食煲仔飯好少會有豬油，雖然好邪惡但係真係香好多！🤤淋上豬油再焗2分鐘，香味撲面！啲飯煲得啱啱好，不過我覺得太多飯焦，如果鍾意食飯焦嘅應該覺得好正！❤️串燒🍢🍢：真係估佢唔到！好好味！尢其牛舌又入味又厚身；雞軟骨又爽又脆，大大粒調味啱啱好。其實串燒都好有水準，甚至比煲仔飯更出色！豉汁炒鵝腸：嘩！超邪惡但係又係好好味，鵝腸炒得好爽，唔會縮到好細！正呀

🟡每次閒日晚市經過都人山人海，不過趁黃金週都係要黎試一試😎六點去到舖頭門口，得四五個人，以為等好快就入得，點知令完飛，佢叫我地九點前番去😱最後要20:45先入得座🥵 黃店嘅威力果然勁，邊個話黃店要等執？餐廳座位唔多，限聚令下坐得8張枱，所要有啲耐性等下位裝修行中國風，牆上面掛住刀刀劍劍，製造武俠場景感覺，連餐牌都打造成武林秘笈，莫非真係要「若練此功，必先自宮」🤣北菇滑雞煲仔飯 $78 土魷肉餅煲仔飯 $78呢一間武林餐廳出名食煲仔飯，當然要試一試招牌菜！果然無失望😌職員除煲仔飯捧上豉油及豬油，加少少豬油，令成煲煲仔飯嘅味道大大提昇😋材料都食得出很新鮮，雞一啲都唔鞋口🐥煲仔飯重點係飯焦，佢哋飯焦一啲都不黐底，又香脆又唔燶，煮到時間剛剛好錫紙花蛤粉 $103 一上枱，成碟餸已經飄來好香酒味，令人即刻好想試。隻隻花蛤都好大粒，加埋洋蔥辣椒好惹味🤤 不過真係有少少辣，唔食得辣嘅朋友仔就要留意吓

煲仔飯即叫即做 (20分鐘)但等位時已落單 入去10分鐘就食得!上菜速度都好快 好快齊曬野食~我們點了 1) 臘味肉片滑雞自選三餸煲仔飯 $782) 春菜煮花甲煲 $883) 生啫芥蘭煲 $884) 牛舌串 $23煲仔飯真係好好味!飯蕉正常! 臘味入味! 餐廳提供了豬油和豉油我們落左少少豉油+多多豬油 焗2分鐘味道好好好香口 飯既份量夠1.5-2人生啫芥蘭煲好香 真係好出色 不過好重口味! 偏油同偏咸 但一定要食!一粒粒嘅配菜係炸左嘅豬油渣+ 豬肉碎豬油渣食左2-3嚿 罪惡感UP...但D肉碎粒撈飯食一流!!!而個花甲煲 個湯好咸....搞到D菜都好咸...花甲冇咩味道我覺得一般般~至於燒 牛舌串 味道不錯 抵讚牛舌好軟腍好有味青島 $27 / bottle

夜媽媽10點半先黎肚餓，得兩個人又唔想食雞煲/打邊爐，仲有咩選擇呢？好，就去食煲仔飯！.我地嗌左黃金翠肉瓜、馬拉盞通菜、花甲同榨菜牛肉煲仔飯。樣樣都好好好味，首先講下黃金翠肉瓜，雖然佢個樣冇乜特別，但估唔到鹹蛋黃同翠肉瓜都幾夾，翠肉瓜好juice，佢啲黃金都好好味。.馬拉盞通菜炒得岩岩好，唔會太鹹。.佢個花甲有得揀辣道，花甲新鮮清甜，配埋金菇粉絲，好惹味，會再encore。.煲仔飯要時間製作，最後先上。佢啲牛肉有牛味，又唔會韌，配榨菜好好味。

之前和友人都有聽聞這間餐廳，去到門口都要等位。疫情下，好多餐廳都冇太多堂食客，這間餐廳依然要等位，不過等位都值得的。雖然外面有人等位，但也不會搭台。我們點了咸蛋蒸肉餅煲仔飯、花甲菜煲、燒馬拉盞通菜、燒牛肉和燒雞肉。咸蛋蒸肉餅煲仔飯好好味，飯蕉唔算多，豬肉鬆軟。餐廳提供了豬油和豉油，我們落了少少豬油，味道香口。飯的份量好大，足夠1.5人吃，我們也吃剩了。最推介是花甲菜煲，個湯很香，有花甲的海鮮味道，花甲也是新鮮，很好味。我們忍不住喝了好幾口湯，哈哈。另外，我們被燒馬拉盞通菜的‘燒’字吸引著，想睇睇如何燒菜。通菜有一點點辣，上面一粒粒配料，味道不錯。至於燒牛串和燒雞串，用椒鹽做調味，味道也不錯。

讚1. 煲仔飯固然唔錯，估唔到連煲仔粥都好味，綿滑足料，好多田雞；另外點左雞翼尖，夠肥美，皮好爽，相當入味2. 服務好，哥仔問左我係咪醫護，話可以送野飲咁，好主動噃彈1. 煲仔粥既煲係略為薄身左少少，保溫力弱雞左啲

江湖小棧，餐牌係武林秘笈，店內有倚天劍同屠龍刀幾有趣，雖然排隊排左差唔多一個鐘，雖然即叫即做，但上菜速度好快，落完單，唔洗十分鐘，好快有野食。我地叫左燒韮菜，避風塘雞翼尖同埋雞軟骨，仲有兩個煲仔飯。先上枱係燒韮菜，呢個好味，又香又有咬口，推介！再嚟係避風塘雞亦尖都幾好食，雞軟骨一般。之後到臘腸雞煲仔飯，另一個冬菇滑雞煲仔飯。由於好肚餓，食食吓先記得影相，最後原來冇影到冬菇滑雞果個，個煲仔飯上枱熱辣辣香噴噴，太吸引了，另外枱上有特製豬油同豉油可以隨便自己加，中意食飯焦可以焗耐少少。打開蓋終於食得，米飯粒粒分明，不過餸既比例少左d,如果多啲餸就好，我又食唔晒d飯價格實惠，良心小店，排下隊我覺得ok

約咗朋友喺荃灣食飯，佢話成個冬天都無食過煲仔煲，所以就同佢嚟咗呢度食啦😁鋪面唔算大，坐位唔多，但以少少古代嘅風格嚟裝修，都幾吸引㗎。兩個人叫咗個啫啫芥蘭煲 未上菜，離遠已經聞到香味同朋友都諗緊一粒粒嘅配菜係咩嚟，食落發覺原來係炸好咗嘅豬油渣，配搭都幾特別黑椒豬手分量都幾多，而且豬手炆到非常之淋，但個人認為唔太夠味重頭戲～煲仔飯 連埋豬油撈👍🏻砵仔煲魚腸入面加咗啲油炸鬼，相對其他食店比較與別不同，整體嚟講比較濃味

原來荃灣都有間咁有風味嘅菜館😌仲要咁有骨氣 野食都好高質 一定會翻桌🥰·🍲北菇田雞煲仔飯🍲有得落自家豬油+豉油 份外香口飯粒水份剛好 粒粉分明又飽滿田雞同冬菇份量都好足飯焦可以成翻起😍性價比好高👍🏻·🥘砵仔焗魚腸🥘好罕見嘅功夫菜 但價錢咁平民😭係用咗巨多魚腸 蛋 同少量油炸鬼第一次食魚腸 好軟口 ermm唔太識形容總之唔會腥嫁 放心🤭鐘意蛋個表面焗得好金黃焦香真係必點🥰.🍜花甲🍜一上枱就feel到酒味好重 花甲洗得乾淨 肉質又彈牙有好多洋蔥同粉絲 好惹味🤙🏻·🥬炒菜同酸菜煲🥬唔多講啦 都係好好食 .全家公認 一定會再食嘅菜館🥰🥰

今次介紹係呢間荃灣街坊推介嘅煲仔飯店。唔係旺區嘅小舖，weekend黎到都等咗陣位。推介加埋豬油豉油撈煲仔飯臘味滑雞煲仔飯👍🏻 足料好味欖角排骨煲仔飯 👍🏻👍🏻欖角好香有特色惹味炒蜆😋 夠辣夠香飛天通菜 🤭 有驚喜

情人節都可以簡單過，其實之前都嚟過一次，感覺唔錯所以再嚟，今次食過後我肯定會再返嚟食😛唔記得影，有啲肉酸，叫左個三餸煲仔飯，分別係:蒜蓉，窩蛋，肉餅肉餅分量唔太夠，原來蒜蓉配煲仔飯係咁夾，好香好濃蒜味，飯焦要即食先脆黑椒豬手，豬手煮到好腍好入味，個人認為黑椒味可以再加強，咁就完美燒蒜蓉通菜，可能係燒嘅關係，通菜有些小乾，但蒜蓉嘅香味搭夠雞軟骨好香黑椒同孜然味，軟骨夠脆，唔駛好似出面啲餐廳咁加檸檬汁都好味

【黃店推介 - 荃灣自家製豬油煲仔飯 - 江湖小棧🧨】🐷🐷 💭大家好！大家新年快樂🍾豬仔喺度祝大家食好訓好！身體健康！心想事成！萬事如意！恭喜發財！（利是逗來！🤩🧧）🐷🐷💭最近天氣凍左好多！又有強國流感😷！大家要注意個人衛生呀！凍冰冰嘅天氣最岩就梗係食煲仔飯啦！之前介紹過光榮煲仔飯，以為已經係唯一嘅黃色煲仔飯？今次介紹嘅呢間絕對係煲仔飯迷嘅恩物！佢嘅豬油撈煲仔飯真係無得輸！🐷🐷💬1⃣佢嘅煲仔飯係自選3餸，豬仔好努力💪係咁食係咁試都未試齊！但暫時覺得較為正嘅分別有臘腸、臘肉、滑雞、排骨、鯰魚、窩蛋、滑牛等等！全部揀三款都係$78！佢嘅蒜茸排骨煲仔飯都好吸引！而最特別嘅當然係自家製豬油，記得煲仔飯嚟到時開蓋用豬油圍住煲邊落一個圈！（唔怕肥落多啲都唔怕，因為真係好好食🐷🥰）再加適量豉油，閂埋個蓋幾分鐘等佢入味啲！然後開蓋開餐！你會發現豬油令飯香更出，而且飯焦唔痴煲唔痴牙，一定要試下呀！🐷🐷💬2⃣除左必食煲仔飯，豬仔仲同大家試左好多煲仔菜、小菜同串燒！怕煲仔飯太頂胃可以加個燒茄子🍆、馬拉盞通菜或者炒芥蘭，個茄子平平哋但又好大條，燒得啱啱好唔燶，配上蒜茸好惹味！🐷🐷💬3⃣再介紹多個