江湖小棧

营业中

休息中

古有華山論劍現有荃灣論吃嘿嘿！早前相約好友一行四人到了荃灣火紅的江湖小棧吃殘忍飯，在沒有訂座又只得數十個位置的情況下我們特意預早了15分鐘到店外排隊！可幸劉總較早到排隊我們剛剛好是最後一檯可以在第一輪入座太幸福了吧！內裡的裝潢古色古香充滿武林的江湖味道！確實在荃灣區來說是有特色的一所小店！店子小小坐得較親密可幸我們四人被分到華山派門下的卡座坐得比較舒適！！不甜的飲品只有烏龍茶那就選它陪我這夜好好練功吧！快快點了兩款煲仔飯因為閉關需時20分鐘才能練成出關！那先點上雞精班中的串燒項目吧！我們選了串燒雞中翼＄24和雞軟骨＄24吃著等！我試了雞軟骨燒得挺可口加上孜然的香味吃下有嚼頭之餘更很惹人，用來佐啤酒享用是一流的選擇。另外點了招牌燒通菜＄48炒通菜吃得多了燒的也真是第一次品嚐！通菜燒得挺脆嫩加上大量乾濕香蒜吃下來是香口惹味的。等待煲仔飯出關期間看見這個寫到武功蓋世的魔鬼辣椒油！問問師姐可否一試這魔鬼辣椒油的功力！怎料師姐十分慷慨的為我們送上一碟魔鬼辣椒油，我們四人即是用舌頭跟它較量可惜有點虛有其表！如果你只追求辣度它絕對是能夠滿足到您的！但如您除了追求辣之餘還要求香氣的話以它的功力還未夠班

讚1.水準穩定，開左咁耐，斷斷續續食過四五次，煲仔飯穩陣，飯粒分明，飯焦薄脆唔會過燶，食材好似田雞、排骨都新鮮；魚腸係第一次點，夠膏香，惹味2.服務好，侍應爽手有禮貌彈1.卡位燈光暗左少少

秋高氣爽就係食煲仔飯既季節，聽聞荃灣呢間煲仔飯好出名，仲要排長龍，我就同老公黎一試究極！兩個人叫兩道菜一個煲仔飯應該食得哂呀，一上菜發現煲煲都好大份，竟然係覺得好值而唔係諗食唔哂😂道道菜都係熱辣辣上枱，即叫即整，仲係吱吱聲，卟卟卟，真係睇到留口水。豉椒炒鵝腸 HKD98辣酒煮花螺 HKD98臘腸鮮肉排窩蛋煲仔飯 HKD80味道 ★ ★ ★ ★ ★豉椒炒鵝腸，🉐🉐🉐❗️好好食，好多鵝腸，配料洋蔥好甜、紅椒都好好味，全部餸都炒得好惹味好入味，有鑊氣，豉椒味濃！辣酒煮花螺，🉐🉐❗️好多花螺，有啲仲要好大粒，酒味就冇啦，應該揮發哂，開始食個陣覺得淡而無味既，但愈食愈辣，花螺唔算好鮮，但份量真係多，食極都仲有咁😂臘腸鮮肉排窩蛋煲仔飯🉐🉐🉐❗️配合佢地自製醬油同豬油，煲仔飯好得！醬油唔會好咸，豬油好香！d飯面層層淋少少，但中底層係乾身d，撈埋一齊軟硬適中，好食！臘腸唔會好硬，肉排冇骨既，多肉仲要好嫩滑🤤.服務 ★ ★ ★ ★ ★舖頭6pm開門，好似不設訂座，我地星期六去既，未到6點已經大排長龍，目測應該要第三round先有得食。呢間安排好好，姐姐會出黎派飛，寫明時間幾點返黎，保證有位，唔使喺出邊呆等，我

呢間煲仔飯好出名，所以專程黎試吓。黎到見到咁多人都心知不妙，不過太想食煲仔飯嘅關係，我等！最後等左2個半鐘。。之後先知原來有得打電話拎飛先😑😑😑————————❦ 臘腸潤腸滑雞煲仔飯 $80豬油係好肥，但淋完真係好香！臘腸潤腸既味落哂d飯到，同埋d雞煲完都係咁滑！加埋飯焦冇得輸，脆而唔燶，岩岩好！不過臘腸潤腸得幾塊就少左d🥺評分：🌕🌕🌕🌕🌘-❦ 土魷肉餅煲仔飯 $80肉餅好嫩滑，土魷都多，不過肉餅整體份量較少，但個煲仔飯都係好出色！評分：🌕🌕🌕🌕🌘-❦ 豉椒炒鵝腸 $98好好食！超夠味，鵝腸爽口唔韌，但$98黎講份量太少。評分：🌕🌕🌕🌖🌑-❦ 燒原條茄子 $50超大條，落左蒜蓉同炸蒜落去燒，都夠味👍🏻評分：🌕🌕🌕🌗🌑-值得再食但我下次一定會打電話拎飛先😂😂

早2 日已經”入冬” 開始有D凍 所以就會好想食熱騰騰既煲仔飯暖一暖身咁睇過好多間出名既煲仔飯都立場 得呢一間係有鮮名既立場- 大大隻 “請光顧”咁當然首選係食佢啦!!!! 住港島既我都特登去到荃灣食!!! 去到重等左半個鐘先有位🤦🏻‍♀️烤蝦 -一般 但 幾大隻 都新鮮 唯一一個覺得好味既 - 爆粉腩肉？ 啫啫芥蘭煲 中意佢切到咁 不過咸左d窩蛋牛肉飯 牛肉都好滑 - 魚 好似係面醬鯰魚煲- 花甲粉絲煲？ D花甲好大隻 有1 2 隻有沙 還可以- 鳳爪排骨煲仔飯 中意佢係瘦肉唔係排骨🤣 岩哂我地呢d唔中意lur 骨既人😍招牌臘味煲仔飯臘肉臘腸都ok 總結而言 所有嘢都偏鹹食完好口渴 所以建議你哋煲仔飯唔好落太多豉油雖然嗰時又係偏甜不過因為佢係黃 我都會比多次機會佢 下次再試真d

秋風起 天氣涼左就想食返個煲仔飯🤤平日7點幾黎都等左個半鐘先食到～但食完係冇失望既😆👇🏻煲仔飯除左有已配搭好既組合(臘味排骨、土魷肉餅、北菇滑雞)✨亦有自選煲仔飯任揀1-3樣餸 有超多選擇！😆仲有串燒、小菜、酸菜魚食😍真係樣樣都想試呀😋～🌟自選煲仔飯 (窩蛋+滑雞+鯰魚) $80 (8.5/10)上枱後開蓋淋上秘制豉油同豬油焗1-2分鐘🤤焗完開蓋 配上滿滿既蔥花 連埋窩蛋撈埋一齊香噴噴😍～滑雞肉質嫩滑 鯰魚鮮嫩冇骨🐟飯粒粒分明有米香 軟硬適中 夠乾身煲仔飯豉油如果甜啲會更好味 呢間豉油純粹鹹但都唔影響味道 一樣咁好味😋～飯焦金黃香脆 好似食緊米餅咁 脆卜卜好正💕🐂自選煲仔飯 (鹹蛋+牛肉) $80 (8.5/10)超足料呀 啲餸鋪曬面😍牛肉份量好多 軟嫩有牛味鹹蛋又香送飯又好味 超正既配搭🌟好味到👦🏻好快就清晒成碗～🥬啫啫芥蘭煲 $88 (8/10)推介🌟炒得好香好惹味有鑊氣！🔥芥蘭新鮮爽脆 加左肉碎、豬油渣、蝦米一齊炒，超香！調味適中 唔會有油膩感/太鹹整體黎講好推介💕絕對值得支持！💛一定會encore！下次想試埋串燒同燒茄子😋建議想食又唔想等太耐既話最好係6:00開之前去到～如果唔

開始秋涼了，又到食煲仔飯嘅季節，而小弟事前做咗唔少功課，見呢間長期大排長龍，食評又不俗，仲要係黃店，就試吓佢啦！見網上有評論話可於當日下午5點致電book枱，但經驗係電話一係長響一係唔通，大家可以再試吓舖頭六點開始營業，我哋六點去到，已經要等36張枱了！果然人龍係名不虛傳，最終等咗1小時45分鐘先入座..而舖內座位唔多，大概得十數張枱獲得黯然銷魂掌+英雄帖 餐牌店內裝修充滿金庸小說特色，但對我就冇咩共鳴喇除咗招牌配搭，仲可以自選三餸，都係均一價錢$80，夠晒彈性👍落單後大概15分鐘就上飯，時間合理👆🏻臘味排骨煲仔飯臘味都幾香口，一半係肥肉，至於排骨就同平時酒樓食嘅無乜分別見隔離枱對情侶想食飯焦又整唔到，呢方面我有經驗，步驟好簡單：1）喺飯嘅外圍落豉油2）冚蓋焗2-5分鐘3）先食中間既飯，等煲既餘溫煎脆外圍既飯4）最後先食外圍既飯，用匙羹起飯焦就食得😋👆🏻北菇滑雞飯菇同雞都冇點醃過，味偏淡，好彩有葱油吊下味，才不叫不色我哋仲幾不幸地獲得雞背一排，冇乜肉食飯粒粒分明，軟硬適中，豬油獨有嘅油香同飯香相輔相成，再加埋甜豉油色澤實在誘人👍通菜可選蒜蓉或者馬拉盞唔

特登去試食，冇諗過咁樣。台好細張兩個人如果點多啲野根本放唔落，叫左蠟味排骨煲仔飯，豬油係好香，豉油係淡味嘅豉油，啲蠟腸正常，潤腸好乾好實一啲都唔粉好失望太薄，排骨好評。我仲叫左其他野食食完冇印咩味，總之係非常普通可以自己係屋企整，唔好晒時間出去排隊食。要等要排不了，唔知係因為出面有幾難食先話佢好食。

之前聽朋友講話荃灣有間煲仔飯好正呢日終於黎試下啦六點幾到左 等到七點到就入得去啦煲仔飯都係即叫即整入到去要快d嗌左先啦店員會比豬油同豉油，建議煲仔飯嚟咗之後，落咗豬油同豉油焗一陣再食豉油唔係甜豉油，比較淡味既咸豉油嗌左個土魷蒸肉餅煲仔飯土魷味唔太出，肉餅個質感岩岩好，唔會太乾配合埋個豉油同豬油，都好夾勁多飯焦！成個煲底都係飯焦！燒通菜幾特別，好有蒜蓉味，勁惹味又嗌左蘋果醋飲 同煲仔飯又幾夾wo 會再黎!

次次經過， 都見到有人排隊， 今次經過仲有8 mins先六點( 星期日時間)， 前面大約十鬆啲人， 又排下啦， 準時六點就開始安排入座。見出名煲仔飯，叫咗鹹蛋肉餅，但係上錯咗鹹魚肉餅，為免再等是但啦照要。 味道都ok嘅，飯焦唔黐底， 值得一試。至於辣酒花螺，我就覺得一般般啦，酒味唔夠濃而且都唔夠辣， 唔值得推介。見到幾得意，有燒野食， 叫咗燒墨魚丸、司華力腸、 雞軟骨等等，味道唔錯嘅，都幾得意另外叫咗個燒蒜蓉通菜， 其實我估馬拉盞會好食啲， 不過不失啦。

間野都係入到去先知原來好多金庸武俠小說的佈置，睇黎店主係fans黎。我中學的時候都好鍾意睇金庸d書，雖然睇完都唔太記得睇過邊本，又唔記得當中的情節，但睇的時候係好入迷的。上網睇一睇d書名，原來我睇過書劍恩仇錄，射鵰英雄傳，神鵰俠侶，雪山飛狐，飛狐外傳，倚天屠龍記，天龍八部，笑傲江湖同埋鹿鼎記。每次睇完一套，就好興奮lol 因為對我咁冇興趣睇書的人黎講算好神奇的了，竟然會坐定定睇完厚厚的。而且，真係好引人入勝。成日覺得d作者點解咁勁，作得出咁好睇的故事之餘，竟然記得邊個角色死左就唔好再寫番lolmenu 黎LOL呢到除左煲仔飯豉油外，仲會提供豬油(用寫住vinegar的樽裝住lol) ，好香好好味。-黎過食兩次，暫時兩次的飯焦都keep 到水準，好脆夠乾身唔痴牙實在真係好過廟街最出名個間好多!-除左煲仔飯外，煲仔菜都超好味。

久聞江湖小棧大名，也目睹門外經常有人在輪候。今晚6:15已到達，幸好不用等位。店內充滿武俠小說氣氛，漫畫插圖及字句作牆壁裝飾，食譜封面是線裝書模樣。煲仔飯主要材料以雞、肉餅、排骨、臘肉傳統為主。我們選了北菇滑雞煲仔飯。等候20分鐘左右上枱，同時送上兩瓶醬料 - 豉油及豬油。打開煲蓋，佈滿雞件、北菇及大量蔥花。 香味四溢。按店員的提示，馬上把豉油及豬油沿煲邊隨隨落下，蓋上煲蓋，待2分鐘便可品嚐。米飯乾身，煲底焦香的飯焦更是精華。 $78 一煲約有4碗，不算貴，難怪這麼多捧場客。

相信喱間餐廳應該好出名😂不論係咪住荃灣區都好都應該知喱間餐廳🤪而我同我阿媽更加係忠實擁躉🤭🤭間野既煲仔飯好足料豬油好香！🥰我覺得好過廟街果d好多🙈🙈🙈間餐廳既裝修都好江湖味😂😂😂今次我地發現原來佢有酸菜魚叫！之前都冇發覺，今次就試試佢🤩酸菜魚一上枱即刻嘩一聲😮😮好大碗好多魚😍😍佢仲有舊野heat住煲酸菜魚，好正👍🏻加上煲酸菜魚唔太辣，連我阿媽都食到證明真係唔算太辣！👏🏻👏🏻其次我地仲叫左一個煲仔飯同一個凈煲仔飯凈煲仔飯既份量同有餸煲仔飯既份量係一樣差在有冇餸😂😂😂😂所以凈煲仔飯係好岩鐘意食飯既我地！加上豬油仲要係任落🤪🤪🤪真係無得彈👍🏻

剛恢復返晚市堂食 就即刻要出去搵食啦～一心諗住星期日晚一定好多人啦不過可能因為我8點先去到 所以都即刻有位 馬上就坐甫坐低 急不及待 睇下本武林秘笈有咩好食 都幾多選擇 好多樣都想試 可惜得兩條友撐枱腳 搞盡腦汁扭盡任督二脈 最終揀咗三樣嘢 錫紙花甲粉 啲花甲好大隻而且份量唔少 入邊仲有金菇洋蔥 個醬汁都好鮮甜 而且熱辣辣好快就食晒 緊接上枱嘅就係...鮑魚海鮮粥 其實之前都有食過不過因為某啲原因 果次冇試真個味 今次一定要叫返 入面好足料 都係有大蜆 鮑魚片 魚腩 同埋好多蠔 啲蠔都幾肥㗎 蒜蓉田雞煲仔飯 一打開煲蓋香噴噴 見到鋪滿左蔥花喺面 然後自己加豉油同埋豬油 啲飯果粒分明 而且仲有飯焦 田雞又鮮甜嫩滑 高質 捧住個肚走啊～

好早之前已經有收藏呢間餐廳，但係成日都搵唔到機會去。終於有一日6點15分去到， 姐姐同我講攞張飛排隊要8:30 唯有食過第二間....但係今日終於的起心肝5:50分去到門口排第二!!!六點一開門就可以衝入去實在太高興了🎉🎉1)在門口已經諗定要食排骨煲仔飯加潤腸 呢度有自製豉油熟油 ，加完之後煲仔飯香噴噴 一級水準 👍2) 一早order煲仔飯之後就慢慢睇下餐牌有咩食 見到有串燒, 本人又好鍾意食牛脷。於是就叫 牛脷，雞軟骨，雞腎，羊架。一嚟到食過牛脷先!燒得好好味 texture一流好juicy!! 個雞腎又係驚為天人 我一路食一路讚🏆 個羊架又係燒得好淋 又唔騷3) 見到隔離嗰枱點咗個花甲 不過不失用料新鮮4) 我係酸菜魚嘅粉絲見到有就點下啦.... 都係麻麻地，始終唔係專業做酸菜魚的餐廳🤷‍♀️