沐白小農 (已結業)

台灣有自家的牛奶🥛生產，聽說台灣的沐白係用在地牛奶作為原材料，吾知香港店係咪都用台灣鮮奶呢！我喜歡芋頭所以叫左大甲芋頭鮮奶，朋友喜歡黑糖珍珠所以叫左黑糖波霸鮮奶。.📍#大甲芋頭鮮奶 （$30）大甲位於台中，盛產芋頭，所以當地很多芋頭食品。上手仍然熱辣，因為剛好正在煮芋頭，所以是新鮮出爐芋頭鮮奶，口感綿滑之餘帶有芋蓉的口感和味道，推推推.....。.📍#黑糖波霸鮮奶 （$30）黑糖珍珠鮮奶對比幸福堂略為遜色，黑糖入口的香與幸福堂比較仍有距離，而且珍珠亦不夠煙韌，但整體而言仍是中上的黑糖珍珠鮮奶。味道：大甲芋頭鮮奶 8/10黑糖波霸鮮奶 6.5/10

沐白小農喺尖沙咀又開咗分店啊‼呢2日落雨不斷 喺街行都覺得辛苦😩好彩呢間沐白小農夠曬大間 入面仲有唔少位可以坐仲有得充電添 真係避雨好選擇!!!唔少靚靚打卡位 我個friend 扮女神影相影得好開心🤣👍🏻.大甲芋頭好綿密香濃 非常 smooth份量好多呀 有好多芋頭蓉 真材實料雖然會有少少搶咗啲奶味 但亦唔會太甜.黑糖波霸鮮奶嘅水準仍然keep到同我之前飲嘅一模一樣吖😍珍珠咬下去是濃濃的黑糖味道 而且好煙韌搖勻先飲呀記得‼

話說約左朋友食飯，又未夠鍾，就同朋友一齊向尖沙咀行下。行去買左兩件衫，再行下就覺得熱，咁岩就見到有賣野飲既餐廳。都好多人排隊，見到貼住波霸黑糖珍珠😍😍 就同朋友一齊去買野飲。我地睇下個餐牌，好多選擇喎。👍🏻👍🏻我緊係選我最愛 波霸波霸黑糖珍珠鮮奶，而兩位朋友就選左可可黑糖珍珠鮮奶 同埋 大甲芋頭鮮奶加芋圓。飲之前，店員提我地要大力地搖佢先飲，好攪笑。我果杯黑糖珍珠鮮奶茶入口好香奶味，好好飲，吾太甜，當我咬落去啲珍珠到，黑糖既味出晒黎，加埋啲奶，非常好飲又吾太甜，吾錯吾錯。原來啲黑糖珍珠係佢地自家制嫁，好有心思👍🏻👍🏻而朋友果杯可可黑糖珍珠鮮奶都係有相同感覺，我要介紹另一杯，大甲芋頭鮮奶。呢一杯都好特別，都係搖完先飲，一入口果一下芋頭味，香濃到呢😍 芋頭控一定要試一下。你知飲到好細好細既芋頭粒，加上鮮奶，好滑既口感👍🏻👍🏻 我朋友重加左芋圓，提升左芋頭既香濃味，無得頂。芋頭控一定要去試下👍🏻👍🏻講埋店入面先，你可以向鋪入面飲，佢地好細心咁提供埋充電線，等大家相機先食之餘，都吾駛怕無電👍🏻👍🏻貼人服務。呢間推介度都有⭐️⭐️⭐️⭐️ 鍾意黑糖珍珠 同埋 芋頭控，一定要去飲下😍

行去尖東期間覺得口渴，遠處見到呢個藍白小清新裝潢，原來係有珍珠奶茶飲架即刻去到點返杯黑糖珍珠鮮奶先舖入面仲有位俾人坐又有唔同usb線俾手機差差電，好貼心呢杯珍奶奶味幼滑，配埋黑糖超好飲，仲有珍珠都好有口感，chill 住咁飲珍奶真係第一次

喺尖沙咀行街行到口渴搵嘢飲，聽聞沐白最近嚟咗尖沙咀寶勒巷，上次喺澳門飲過，念念不忘，終於畀我再遇上。呢家由台灣開到嚟香港嘅台式茶飲店賣點係佢自家農場嘅牛奶，新鮮味美，百份百天然健康原材料調製，讓人安心享用。少有地呢度買完飲品可以行入去有些位置，可坐下歇歇腳，有需要嘅有些手機叉電位，方便食客。另一個特色喺呢度嘅手搖杯，飲之前左右搖勻杯裏面嘅材料，然後才插入飲管，慢慢享用。大甲芋頭小芋圓鮮奶~老公係芋頭控，呢個芋頭鮮奶最啱佢，芋頭香，仲有煙煙韌韌嘅芋圓，唔單止飲品咁簡單，喺一個好好飲嘅甜品。沐白黑糖波霸鮮奶~鮮奶本身好香，唔會太甜，黑糖珍珠係一個好好嘅配搭，原來珍珠唔一定要配茶，只配鮮奶都係一個好好嘅選擇，珍珠控一定要試。沐白紅茶鮮豆乳~鮮豆乳配紅茶係另一個飲法，有另一種香味，味道清香，阿女鍾意呢個。

沐白小農由台灣引入，在元朗分店喝過一次，今日經尖沙咀看到，毫不猶豫衝入去叫了三杯。全港現時分店只有幾間，所以每經必點！草莓牛奶（少少甜走冰）必點飲品，台家以新鮮原粒草莓及日本明治牛奶攪拌。顏生嫩紅，飲前搖晃至完全混合一起。乳白牛奶混上草莓粒，形成淡淡淺紅帶豔紅莓碎。口感香醇奶滑柔順，奶香鮮香帶草莓香甜，整體很不錯！黑糖波霸鮮奶（走冰）有別於一般黑糖鮮奶店，沐白以鮮奶作基底，加上黑糖珍珠。珍珠Q彈煙韌中帶柔軟，鮮奶香醇可口，簡直把整杯評分拉高。大甲芋頭小芋圓鮮奶台中大甲水質、土壤、風向都適合芋頭生長，每年出產全台最出名的芋頭，品質好、口感佳。沐白把芋頭攪拌成芋頭蓉再配上芋圓鮮奶。喝下芋香足而帶芋蓉粒，芋圓煙韌彈牙，鮮奶香濃。店家服務態度頂瓜瓜，笑容十足，重點是她對飲品有堅持有執著，看她眉飛色舞地介紹最佳品飲方法，也異常滿足。

週末同幾個朋友到尖沙咀行街，行行下開始落雨，就到咗呢間位於寶勒巷嘅《沐白小農》飲杯嘢，順便避下雨。裝修用上好多原木顏色，感覺十分舒服。餐枱下面仲有手機叉電線，相當體貼。Menu上有多種台式飲品選擇，見上面講明“採用優質鮮奶，非人工奶精粉”，就決定喺“小農牧場鮮奶”系列度揀幾個飲品試下。沐白黑糖波霸鮮奶 ($30) - 採用新鮮鮮奶，奶味香得嚟有好香嘅黑糖味，入面嘅黑糖波霸咬落Q彈煙韌有黑糖味得嚟唔會太甜，yummy!大甲芋頭鮮奶 ($30) - 香滑嘅牛奶味中滲透著香濃的芋頭味，入面除咗有芋圓外，仲加有地瓜圓，兩者口感爽腍而且有好香嘅芋頭同番薯味，甜度適中，芋頭控必試！紅豆鮮奶 ($28) - 紅豆煮得夠曬腍，甜味啱啱好。飲落味道比一般嘅紅豆冰更多出一份鮮奶香味，口感十分香滑，啱曬我口味！

喺尖沙咀食完個午餐之後，就去附近成條街都係茶飲店嘅寶勒巷，買返杯飲品來做甜品。之前都有嚟過呢條街，而家茶飲店開到成行成市，每次黎都會見到啲新店，我哋就揀咗呢間我之前未見過嘅沐白小農。呢度主要都係賣奶類飲品。我同朋友就揀咗大甲芋頭鮮奶，黑糖珍珠鮮奶同埋伯爵紅茶拿鐵。見到呢度最近推出左芋圓，好似好色彩繽紛！就決定要芋圓。等左10分鐘就有啦，打返卡先。呢度有一張長枱可以坐喺度飲，仲有啲叉電線可以喺度叉電。店員特別提醒我哋每杯都要搖15下先好飲。果然係好有奶味，原來係用咗明治牛奶。我呢杯伯爵茶拿鐵好有茶味，芋圓好有咬口，少少甜味，絕對同珍珠有過之而無不及。朋友大讚黑糖虎紋夠曬靚。芋頭味又超濃郁。呢度有好多打卡位，我地就飲埋先走。

聽到喺尖沙咀開左呢間台灣過黎嘅台式飲品睇個門口俾人感覺新清又簡單入到去過左飲品吧gei位置 係必需打卡位雪白gei牆身配上一張彩虹椅 感覺清新田園風格帶點調皮飲品方面 - 大甲芋頭鮮奶用了台灣的大甲芋頭與天然無添加鮮奶飲落好甜味剛好 不會有太甜糖水味而且芋泥是新鮮芋頭制作 入邊芋圓都軟QQ黑糖波霸鮮奶 - 黑糖味道甘香味美飲落係清甜 而唔係死甜 配上鮮奶甜剛好波霸煮得好煙韌 令人飲完一啖再一啖伯爵紅茶拿鐵 - 伯爵茶味好香未飲已經聞到佢陣茶味 配上香滑牛奶呢度好細心gei地方喺吧枱底仲可以差電大家可以行完街黎坐底飲杯野 傾下計影下相另外一樣係飲品上面係有封好好多飲品店啲飲品都要搖勻gei 但因為佢地無封好 只可以拎飲管攪勻 真係好難 所以我覺得呢個設計真係方便又細心

大熱天時喺街行过茶飲店， 不其然行入去歇歇腳， 撞啱嘅係新品牌《沐白小農》。行入D望吓竟然仲有地方可以坐低歇歇腳飲杯嘢。就揀咗兩大熱門推介先！黑糖波霸鮮奶$30好香好滑嘅鮮奶， 襯托著微甜的黑糖， 黑糖散發獨特嘅香味，亦有少少焦糖嘅味道， 非常有層次嘅黑糖鮮奶。 反而波霸 （珍珠） 充滿較甜嘅黑糖味， 煙煙靭靭咬吓趙吓唔使齋飲咁單調。大甲芋頭鮮奶（加芋圓）$30 ＋$6来自台灣嘅芋頭， 相當有信心， 果然芋香味勁濃， 看見店員不斷攪拌著那鍋芋蓉和芋圓， 杯底還是熱的， 撞起嘅農場鮮奶又香又滑又濃郁， 搖勻後更吸到啖啖芋蓉和芋圓，非常美味。 芋圓比波霸冇咁煙韌彈牙， 帶少少實心嘅粉糯。西施柚子茶 $28有獨特嘅柚子味， 有柚子嘅香但係冇柚子嘅苦澀， 仲有些柚子果肉， 感覺天然清新， 印象深刻嘅一款茶飲， 沒有奶蓋哪些濃郁甜膩嘅感覺。

雖然沐白係元朗同荃灣都有分店但係真係大西北咁遠呀佢地終於喺尖沙咀開新店啦～新店店面比較大可以坐低慢慢享受仲有有靚靚打卡位添！1️⃣大甲芋頭鮮奶 🥛💰HK $30👉🏿係沐白嘅招牌芋頭鮮奶啊！果然不負眾望，呢杯非常足料！有真材實料嘅台中大甲芋頭同芋圓而芋泥食落柔軟細滑，加上用咗明治3.6牛奶整體口感有層次，甜度適中，讚！2️⃣黑糖波霸鮮奶🥛💰HK $30👉🏿超多黑糖波霸，佔左成杯嘅1/3～ 而波霸同奶嘅比例都啱啱好不過一咬落啲波霸到啲黑糖甜味就湧出嚟我個人來講覺得太甜不過如果你嗜甜就一定覺得好正🥰3️⃣鐵觀音烏龍拿鐵 ☕️💰HK $24👉🏿呢杯啲奶係底，茶係面，營造出來嘅漸層好靚呀鐵觀音係烏龍茶入面比較清香雅韻，仲有獨特嘅回甘，不過今次個茶底唔夠濃郁，比明治3.6牛奶搶左風頭🥺

近排天氣炎熱，同朋友行過見到做緊優惠當然唔執輸啦，就係咁點了黑糖波霸鮮奶，店員落單即做，等候出來效果好靚，兩層色，下面就係黑糖同波霸珍珠，飲用前要先自行搖勻，在取飲品處有個螢幕提示如果搖勻飲品，當然店員已將杯用機封密，不用擔心會漏出！甜味的黑糖與香滑鮮奶搖勻後，味道好香滑嘅奶味之餘還有超煙韌彈牙嘅波霸珍珠十分有口感！而其中一個朋友就點了杯大甲芋頭小芋圓鮮奶，用了鮮奶及大甲芋同小芋圓，還有在杯底嘅芋蓉，令到口感豐富味道濃郁。當搖勻後入口味道更佳，真係唔止滿足解渴咁簡單，還有充滿口感嘅大甲芋頭，同限量嘅小芋圓，真係有驚喜！遲到嘅朋友追加了杯草莓鮮奶，草莓鮮奶以原粒草莓打成草莓果泥，加上鮮奶沖製而成，杯內充滿草莓嘅果肉，有種酸酸甜甜的味道，夠晒消暑解渴！

台灣出名嘅🐮沐白小農嚟咗尖沙咀，喺熱辣辣嘅天氣之下，都冇辦法唔買番杯飲啦掛。鍾意黎呢間飲嘅原因係佢哋用鮮奶、天然蔗糖，杯嘅設計方便得來又衛生。有位坐又有差電位。🔆我嘅大愛係「大甲芋頭鮮奶」🥛，真係有芋頭粒喺裏面，再另加小芋圓，好香奶味同芋頭味，芋圓有咬口，同杯嘢飲勁夾。哈哈！似食甜品多個飲嘢，勁滿足！🔆我另外兩個friend就飲「翡翠檸檬」🍋同埋「莓莓果茶」🍓，唔好睇個名普普通通，「莓莓果茶」充滿果肉同埋見得到嘅士多啤梨核，非常香士多啤梨味。另外個friend就話「翡翠檸檬」好似佢咁Fresh，啖啖檸檬味，冰涼又醒胃～雖然有晒指示，但店員不厭其煩提醒我搖勻先至好飲～服務態度都幾好喎～

成日見人推介佢，一直都未飲過，難得係尖沙咀開左香港既第3間分店，經開就梗係要飲下杯招牌啦😉店內有少量座位，枱底有插座，仲要竟然連usb線都提供埋，實在太貼心啦💕----------沐白黑糖波霸鮮奶 $30呢款係固定甜度😊黑糖掛杯力算強，證明幾濃稠，飲落確實好香濃，同鮮奶混合埋一齊，特別帶出鮮奶既香滑👍波霸未同鮮奶混合之前，暖暖地都已經煙韌，混合左之後凍左就更加有咬口😀大甲芋頭鮮奶 $30 + 小芋圓 $6呢款都係固定甜度😊芋頭泥去到杯既一半，唔知係加左小芋圓，定原本已經係咁呢🤔禁多芋頭泥真係完全滿足倒芋頭控😍芋頭泥入面有芋頭粒粒，配埋煙煙韌韌既小芋圓，夠晒口感😆重點係大甲芋頭又綿又香，好正😚沐白紅茶鮮豆乳 $22暫時市面上唔係好多茶飲店提供豆乳系列，唔飲得鮮奶既朋友，呢個就係好既選擇🙂沐白紅茶係佢地自家調配既紅茶，茶香帶甘🍃豆乳有淡淡既豆味，攪勻之後更加能夠突出茶味，飲落亦都更順滑，冇茶澀👍

台式飲品係飲品界始祖,得知沐白小農係香港加盟一定要去試試!黎到尖沙咀分店裝修簡約得黎又富有色彩,係牆上加上乳牛同招牌飲品既插畫,輕鬆得黎又可愛.店內有得坐同時又有唔同打卡位.大甲芋頭鮮奶加芋圓.用上日本明治奶味香加上打磨好既芋圓蓉更突出芋頭香味,飲落幼滑.芋圓同地瓜圓帶淡淡芋頭同地瓜甜味.濃情可可黑糖波霸鮮奶.可可味果然幾突出但同時又唔會過甜.波霸好Q彈咬落唔會中間未熟透.反轉望住黑糖同可可融入鮮奶好治癒.翡翠檸檬.飲太多奶類要飲返水果味飲品平衡返.上層沙冰好冰涼而且帶點青檸檬酸十分解渴.