沙田一至尊燒鵝·生滾粥品專門店 (已結業)

每碗飯也會奉送一碗湯，沒什麼料的，但味道還可以，一行三人，各叫了不同的飯，現在去相叉燒飯賣相不錯（$40）味道都可以，可要求半肥瘦叉燒再來就是叉雞飯（$46），叉燒沒有剛才那碗叉燒飯的好，比較乾和瘦，雞就一般吧到我食的燒腩仔拼燒鵝飯（$52），燒腩仔皮脆肉嫩，好好食，但燒鵝就麻麻地了，比較乾，同無咩香味，那醬的酸味我很喜歡，因本人很喜歡食酸的，但也十分甜，如果無咁甜，個醬會好吃d，依d口味上既野，很難說總括來說，以燒味飯和味道來說，價錢偏貴

開完OT返黎，攰到7彩，行出地鐵離遠見到佢裝修咁靚（冇錯 樣靚做乜都是對的），日式裝修得黎又有返d本土feel，個名又叫做沙田一咁得意，，跟手就拿拿臨take away翻個豬手返屋企加餸la，等嗰陣仲有得搵個位坐底玩下電話，個waiter仲問我要唔要呢樣個樣咁我都係叫份豬手啫，講返個豬手，古理吳島又真係爽滑彈牙又夠味，d毛又處理得幾好，送飯一流 以後晚黑斬料有著落啦 下次有機會試下燒鵝叉燒嗰d先 寫完又有小小肚餓tim 😅😅😅

剛巧經過這裡看到古井燒鵝做賣點，身為到過真正國內古井食過當地燒鵝的我卡是一試，其實香港有不少所謂古井燒鵝但得個名。裝修竟然係日系風格，幾驚喜。服務明顯地很混亂，侍應們明顯地手忙腳亂，似是新來的，整體很需要時間再熟識一點，剛巧下午茶，40蚊價錢叫左個燒鵝燒腩仔瀨粉，熱檸茶一杯。我忘記叫佢分碟上，其實燒鵝腩仔係最唔應該一齊上的，因為皮即使脆都浸到唔脆。好采分到我最愛的鵝脾面肉，腩仔有幾舊切得太細了，根本試唔到個脆皮。雖然真正古井燒鵝係唔會脆，因為佢地會張汁倒在鵝身上。先試腩仔，皮唔脆，肉算嫩，帶有咸味不算香，鵝的皮完全唔脆，偏硬身，肉卻很嫩帶微粉紅，是剛剛熟的程度，這點很好。肥膏完全沒有弄走，但味道有香味，醃料味比較淡口，但事實上脾位係好難先會有醃料味，所以那香味應是本身的鵝味。瀨粉很失望因為用了平價的幼身假瀨粉。整體來說價錢正常，味道還可以。

前兩日經過石門，見到呢間新開既燒味店裝修幾靚幾日式，又咁啱肚餓，就同frd入左去試下。見到主打係古井燒鵝，就緊係要試下啦。作為燒鵝狂人既我覺得呢間店既出品相當可以，酸梅jam味道唔錯，配住食好掂，燒鵝皮都燒得啱啱好，而且仲帶有少少荔枝柴火味燒肉既口感同味道都可以，唔錯仲食左招牌生滚粥，但唔記得影相，總體黎講味道都ok，主要環境唔錯，日式風格令人感覺好舒服，價錢同就餐過程都可以算得上成正比。下次會再來試下其他菜式

今日落班見肚餓同埋兩個同事經過石門 發現呢間新開噶燒味鋪裝修非常別緻 於是乎就排隊試下 排隊人數都唔算特別多 等左十分鐘就有得入去坐 點左個腸粉同埋個燒鵝拼燒腩仔瀨粉總體感覺唔錯 下次會再嘗試下其他菜品

開張時嚟過一次，勁多人，今日嚟第二次，都係好多多人 😅嘢食質素好ok , 始終係場內即燒，同交貨嘅無得比！今時今日，有幾多腩仔係脆嘅？有幾多燒鵝係唔會咬落口一啖油 😭 呢度做到吖！！！！！唯一要彈嘅係嚟兩次都要等位。

之前見裝修好靚，新開張每日lunch行過都成堆人等位，所以抽晚市時間去，但食過之後就真係冇下次了首先叫左燒鵝燒腩，見到menu話可轉瀨粉/米粉，就轉左米粉燒鵝同燒腩細細舊，燒鵝有2分1是剩皮，燒腩好食叉燒飯，叉燒都浸太耐沒口感，而且用來調味的汁感覺是自己調的味道怪怪雙拼飯粉收52元，不便宜但如果好食的話是值得的，可惜白飯沒汁而已是用碗上Menu說送例湯，但問職員時說米粉沒有飯才有，但你menu沒寫轉了粉就不送湯啊????難道湯底就是那些例湯???結帳時行過地面都是污漬也有骨頭沒清理好

見到佢裝修時，圍板介紹好吸引，又話師傅閉關修練、等待開張令沙田街坊食到咁高水準嘅燒鵝云云。期待一段時間，終於開張，結果是柴皮燒鵝，乾爭爭，淡而無味，飯面連汁都冇一滴，真真正正的白飯另外職員態度都好差，懶懶閒，人就多，但又混亂，見到客人走左成台骨都唔執台！同埋好多台客都係食淨一半就走忠告：真係食定唔食，唔怕柴皮燒鵝乾到哽頸先好食

今日公司附近開左間古井燒鵝店. 幾年前我特登去新會古井恒益食燒鵝, 我當然知道古井燒鵝做得正唔正宗. 所以lunch 就走去試下.一去到, 坐滿人, 我聽個店員話等下, 點知後面有四條友入左去, 店員都冇阻止, 白白被打了尖. 坐到入去之後, 明明係兩個位, 點知店員屈多個人坐黎, 勁逼. 咁既服務, 1星都比多. 叫左個燒鵝飯. 一上黎, 頂, 有舊骨係碗底痴住. 頂, 唔那係. 碗有冇洗干淨? 衛生1星都比多.再睇下個飯, 點解係用碗上? 碟上在於飯氣可以散開, 唔會食到底時太淋. 再睇, 佢幾舊比左肋骨我, 根本冇肉食, 明昆水.個梅醬係我以為係草莓果jam, 超甜. 點舊燒鵝, 燒鵝變左個甜品.重點個古井燒鵝, 古井燒鵝係食燒鵝既荔枝柴火味. 係食醃鵝味. 鵝既腿位完全冇醃過既味, 肉又冇荔枝柴火味. 再差既係, 個鵝係涼既. 我以為自己食緊冷盤. 一隻冇荔枝柴火味既燒鵝, 還能算是燒鵝咩? 間餐廳咁多流量, 有心做既, 唔使燒定晒放冰晒先比客食. 一個字, 差. 我唔明, 間野一隻隻鵝既死屍掛晒出黎做乜, 好影響食欲.

今日中午同班fd行去石門京瑞廣場食飯，見到剛剛新開左一間食店，好多人幫襯，即管入去尋食吓先環境裝修幾正，新派日式和風味道睇餐牌有粥、特色小食和燒味飯，聽侍應推介話叉燒、燒鵝和沾鵝自家製冰梅醬好正，我哋就即管試吓就叫左叉燒燒鵝飯，個飯送湯，飲品另外加錢飯未來就飲住個湯先，個湯入口唔係一般用燒味骨，頭頭尾尾來煲既味精湯原來係菜乾煲豬肺湯，叫做有落心機去做叉燒燒鵝飯，賣相幾好白飯入口唔嚡，叉燒咬落幾軟腍鬆化，祗係覺得唔夠蜜汁燒鵝可能佢哋唔係用好大隻既鵝，皮係脆，肉係嫩，但冇乜肉，本人覺得未到至尊級，普通d但個冰梅醬要讚，同平時食開既味道真係唔同，感覺個梅味鮮d濃d整體來説呢間都叫做ok，係就係比其他食店貴幾蚊，間唔中一次半次冇問題

唔係化，間店仲裝修緊，都未開張，就在openrice見到店名，又知道晒d營業時間，真利害。點解唔貼張menu呀，等我知道吓咩價位和有咩食嘛。生滾粥在石門區真係無㗎。