沛公甜品 (已結業)

早前沛公甜品與YAHOO 團購推推團購優惠，可以以$22 團購價購買千層班戟，在網上看到網友們對班戟的評價不錯，便買了一件嚐嚐。班戟是即換即取，不需預訂。當日大概有6-7 款的班戟可供選擇，而我便選了最有名的榴槤千層班戟。榴槤千層班戟($22)打開有強烈的榴槤味。班戟皮十分薄，皮與皮之間有約0.5 CM 的忌廉。入口忌廉十分細滑，唯略嫌不夠奶香味。味道不太甜，我一向不太好甜，此甜度對我而言剛剛好。榴槤味是有的，不過榴槤肉太少，令榴槤味略嬚不足，亦缺了榴槤肉的口感。服務正常，店員十分快手。總括而言，如果以團購價$22 而言是值得一試的，始終在香港少有同類甜品。不過假若再推出同樣優惠，則未必再買。

同幾個朋友去食飯後甜品，點左三件芒果千層蛋糕，重有一件cookies.點知......(見圖)件蛋糕一黎到已經好唔堅固，溶溶地。食左一兩啖件蛋糕已經企唔穩！感覺好唔新鮮，唔知擺左幾耐......今次好失望！無下次！

第二次來到沛公，完全是為了我喜愛的榴槤而來，水準依然無變。九點半來到，有數人等位，講甜品店尖東其實不多，亦不太懂去找，沛公都是小姐帶我來的。打開餐牌，價錢尚算經濟，在尖東地段來講，平均$20-$40一款甜品總算合理，沛公較為出名的是榴槤甜品，它亦是靠榴槤起家的。先講榴槤班戟($32)，班戟夠挺身，用叉分開不會散到周圍都是，班戟皮和忌廉一層疊一層，夾著的榴槤果肉香甜成熟，果肉亦多，配搭的忌廉打得幾滑，每層班戟皮亦夠薄，每次來是必點的。飲品一人一杯沙冰，芒果沙冰($26)和藍莓沙冰($26)，幾大杯，甜度剛好，沙冰搞得均勻，不會飲到底的時候得返冰的味道。甜品好食，但座位太逼，如果鋪頭可以坐得休閒點舒適點就會更完美了。

因為怕等位, 所以晚上8點幾就走去食甜品。去到真系無咩人, 吾洗同人迫埋一齊坐既感覺真系好好。心花怒放: 俾佢花花既外表吸引而叫黎試下的。不過味道實在好普通, 好彩芒果夠熟吾太酸, 不過不失吧!~榴槤千層班戟: 好好好好好味!!!~黎到必叫的~榴槤夠熟, 甜度適中, 不會像過熟的而帶點酒味。榴槤果肉加上層層忌廉班戟, 口感非常好~食完真系會想再食......

相約團團圓到Quemo慶生，他們明明就一臉認真的跟我說好了沒有蛋糕的，心裏其實也接受了，畢竟他們都是對我那麼貼心的人，少一個蛋糕其實還是可以接受的（當然有的話是更好喇），在吃畢主菜後，突然棒出了個好美像是五片花瓣的蛋糕，細心一看，那不是芒果千層蛋糕嗎？原來還是沛公的出品！就是我一直很想吃的沛公，但團團圓應是從來不知道的，怎麼會那麼懂我呢？心內其實覺得悶很感動的。雖然看似是一大件，但其實邊吃的時候就不會覺得太膩，有很多忌廉在內面，真是令人邊吃邊叫邪惡，忌廉很細很滑，芒果也很不錯，是可以更甜一點，但對面跟旁邊的團圓吃得一滴忌廉不留，可見它的魔力吧！心意更是滿分。消費： $0

還記後半年多前，在下於住家菜用餐後，就到沛公品嚐甜品，還記得在下吃過芒果腸粉。事隔半年有多，又到這裡吃甜品，原因是在下吃過韓國燒烤後，胃納尚餘有位，因此來一個完滿的了結。晚上來吃甜品，與在下上次午餐時段來的時時候，有天淵之別，人氣多了而且甜品款式也較多。本來在下想試一下石板街千層班戟，但已被家人截足先登，並可以大顆兒一起享用。除此之外，還有點選了芒果千層班戟，椰汁涼粉，薑汁湯圓及在下的水蜜桃椰汁西米露。石板街千層班戟明顯色澤較淺，味道稍遜沒有濃郁的朱古力味，而中間部分亦有綿花糖在內。而整個甜品味道不算太甜，但但相對地有點失色。芒果千層班戟相對石板街千層班較好，起碼芒果味十足，而且忌廉也打得幾滑。至於在下的水蜜桃椰汁西米露，是一個冰涼的甜品糖水，水蜜桃固然是罐頭水果，椰汁亦然，西米如豆般的大，但是當三者遇上的時候，味道卻是麥配合，沒有誰搶了誰的風頭，甜味適中。至於妹妹的椰汁涼粉卻未夠凍及甜味不足，令口感大為失色；家姊的薑汁湯圓，在下沒嚐過，但家姊說不錯。綜合來說味道尚可，個別甜品卻有失色之處，而當沒有某甜品時，卻又不與顧客溝通，要追問才答覆，是有點不滿的。

平時好少睇電視的我, 未睇過 <甜姐兒>, 見有人推介 yahoo 團購有就買來試下之前友人買左同樣係曲奇味o係旺角分店拿, 佢話好甜好’漏’, 我初初都有點擔心, 還好無想像中咁甜, 其實我這個唔算甜, 係 cream 味重, 無咩曲奇味, 不過 cream 好幼滑, 都okay有機會想試下其他味~~

前幾日係YAHOO團購得知這裡有千層蛋糕 再SEARCH下先發覺電視節目都介紹過 所以之後約埋朋友一齊去食由千層蛋糕個名同團購相片中 起初對個蛋糕都有一定既期待 expect會幾有口感去到間鋪比我想像中細 但感覺都幾整潔呢間既甜品種類唔算多 puddings 千層蛋糕最後自己要左朱古力千層蛋糕($22)同曲奇千層蛋糕($24)各一件朱古力千層蛋糕朱古力cream幾滑 唔太甜幾好 但朱古力唔夠 味道淡左少少 cream同pancake皮分佈均勻 但pancake皮略薄 令到千層既感覺唔突出曲奇千層蛋糕大致上同朱古力千層蛋糕差唔多但值得一提既係用左oreo曲奇整cream 味道比朱古力cream濃 又唔會太甜 所以比朱古力千層蛋糕好食雖然比想像中有些少出入 味道比較普通 但價錢幾合理 食到千層蛋糕既地方又少 所以都值得一試。

早幾日電視重播甜姐兒看到關於沛公甜品的介紹以往都有光顧過沛公不過都只限於千層蛋糕這次電視推介的是此店的心花怒放看來蠻吸引的是晚於尖沙咀吃完晚飯路過沛公 又有點心癢癢 就點一客來過口癮吧心花怒放其實是芒果布甸 外面包著一層pancake皮上面再加一朵以芒果砌成的花外表非常吸引原本還擔心現在不是芒果當造的季節這朵芒果花會不會很酸呢不過證明了我的擔心是多餘的芒果入口不但一點都不酸而且充滿果香 還帶著微甜是這客甜品的亮點相反底下的芒果布甸及pancake皮就顯得失色了pancake皮比較乾 也吃不出蛋或麵粉的香味而布甸的質感不錯 不會太實可惜味道太假 只吃到很碎的芒果粒還有調味劑飾演的芒果味除了心花怒放之外我們還點了一客曲奇千層蛋糕所用的曲奇大概是Oreo蛋糕每一層的忌廉都鋪得很平均而且雪得剛好 不會太稀 也不會太實保持到蛋糕的形狀 但入口就會很快融化果然是此店的主角兩款甜品比較起來顯然是千層蛋糕略勝一籌了而且性價比也高得多店外還貼了很多關於心花怒放的圖片來宣傳看來店方要再在這款甜品上下一點苦功才行啊

我承認我是因為"甜姐兒" TVB飲食節目才得知呢間甜品店!下午三點三入去,一個人都冇,得我一枱!店裏非常緑色!還貼滿甜品相片!一坐底,就叫了主打甜品 心花怒放!心花怒放真的很漂亮!我就係為了它的外貌而來!!!haaaaaa但而家四圍都好多餅店都咁樣裝飾芒果!!●心花怒放($38) - 上面是一推一片片的芒果,裝飾成玫瑰!現在不是當令生果,,但都ok甜,,不酸!一推芒果下是cream,沒什麼特別!cream只是結合芒果 & 班戟! cream下是班戟包著芒果布丁覺得班戟"鞋鞋"地,,麻麻地......不及mother's crepe 滑!裏面的芒果布丁有芒果肉,,都幾多肉吓!!齋甜,,食唔到芒果味道!可能真係因為不是當令生果laaaaaa!haaaaa呢舊心花怒放售三十八元正.....貴!!!出面高級西餅三十多元,佢又三十多元!人地有靚碟, 準備一件西餅也要很長時間!所以心花怒放真係貴lorrrr!還有, 服務是有點慢...成間鋪得我一枱....等一件心花怒放都等了四五分鐘....可能即叫即整吧!~好..算laaa~btw,心花怒放我就應該下次唔會再叫!想叫 "山楂話梅沙冰" !看似好吸

同女朋友行過,想搵d野食下女朋友一經過就話呢個好靚,就試下啦開頭都有d驚,始終而家d芒果唔係當造ma點知一食唔酸仲ok 甜佢底個芒果布甸都唔差架!好好味!!中間d dream又唔係好多,會食得好流咁overall it"s taste good!!可以encore!

食完鐵板燒,來到沛公食正餐.(今晚友人約了在赫德道食日燒.前去路中'我和愛人都定了飯後目標)留了肚食甜品.今晚可以盡情一點.在荃灣食了沛公都四年有多啦.九成都是食榴槤千層班戟.今晚也不例外.但這裡有好多產品是荃灣店沒有的.食佐四年幾都要詳詳細細看一次餐牌.叫了榴槤千層班戟.食佐四年幾.每次都是必叫的.榴槤迷首選.榴槤法式燉蛋.蛋好滑.好香.好特別.但榴槤肉不多.未能滿足我的重口味.石斛燉雪梨.原個雪梨去皮去心.入口即溶.真係燉左好耐.比我所想的好味好多.一滴都清晒.酥皮焗榴槤西米露.等了二十多分鍾.送到來不但覺得值得等.還要送上"嘩".龍蝦酥皮潟的甜品.當我一"筆"落去時.一股榴槤香味隨煙撲上.好妙.妙絕.未食都己值回票價.

2-10-2012(Tue)同男友行完去尖沙咀,大約3:35pm,佢話食啲o野,咁又去邊o度食呢?尖沙咀冇o度平o架喎.呀!沛公,我記得沛公o係尖沙咀開o左間,我只記得o係K11同堪富利士道o個邊,男友話佢知o係邊,因為佢買過,咁行過去啦.去到冇客人,我o地坐低後研究食咩o野,有$58.00o既沛公併盤,有千層班戟,有料腸粉o既白裡透紅同胚芽好立克鮮奶布甸各一,而沛公併盤下午茶套餐就係$78.00,有多兩杯o野飲.咁我o地就要呢個,問問有咩o野可以轉款?個男仔答可自選$26.00以下o既千層班戟,飲品可以o係特飲o度揀,其他就冇得轉.好,我o地揀o左朱古力皮芝士千層班戟,男友飲山楂話梅沙冰,我要好立克沙冰(因為order前冇留意有甸係胚芽好立克鮮奶布甸).好快,男友o既山楂話梅沙冰到o黎,同時個男友同我講冇好立克沙冰.啊,咁我揀芒果沙冰啦,先飲吓山楂話梅沙,飲到山楂味,話梅味就少啲,不過都幾開胃好味.併盤到喇,我先試布甸,係咩o野o黎?咖啡?唔係,但,味道好熟.男友睇睇menu,原來係胚芽好立克鮮奶布甸,好睇佢o地話冇好立克沙冰咋.呢個味道較得o岩o岩好,不過胚芽就咁乾爭爭咁擺上面,食

不知大家仍否記得以前有家金龍船店, 所賣的千層蛋糕很有名, 當時更俘虜了我的心, 但大了之後, 興趣漸漸減低, 不太愛那重重忌廉的膩口感。 不過偶然也希望尋回舊有的味道, 往往會投向沛公的懷抱, 口味特多, 水準一向穩定, 這天放工後又匆匆趕來一看。餅櫃早放著各種口味, 一數之下, 足有十數款, 變化竟可以如此多。 心知忌廉佔著不輕的份量, 忍手地買下三件已足夠四人分吃。 最大路且基本的芒果千層班戟總是我的心水之選, 班戟皮很薄身, 輕煎至金黃細嫩, 蛋味香濃突出, 塗抹忌廉這程序看似容易, 然而掌握的技巧可高, 要每層都厚薄一致, 又夠挺身, 才帶出豐富有序的層次。 軟綿的餅皮跟細滑的忌廉很匹配, 夾雜香甜多汁的芒果肉, 唯份量沒預期的多, 未算甜得完美。朱古力為主的石板街千層的賣相討好, 餅皮以致忌廉都換上啡色的衣裳, 不失柔軟透薄, 很愛皮層表面一塊塊的焦黃痕跡。 層層相間, 忌廉沒有偏甜的弊病, 當然也離不開膩口, 帶淡淡的朱古力香, 多份甘甜, 夾著棉花糖和碎果仁, 柔韌脆口感覺交錯, 更多種變化, 非常豐富。剩下的一款選下濃味重果仁香的榛子千層, 同樣以原味的班戟皮作底,

同朋友係附近食完飯，跟住去左沛公食甜品，這店子的總店在荃灣，只是一間很小型的外賣甜品店，以前放學日日都經過，但都未曾幫襯~今次是第一次幫襯，我選了石板街千層，內餡是淡淡朱古力味配上綿花糖，就如同食石板街雪糕般，而且cream很幼滑，真的不錯，可惜有些少膩朋友叫的千層是甚麼名字我不記得了，內裡亦有朱古力，但為何餅皮是淡黃色的呢?她說味道也很好~多謝朋友陪我吃飯又陪食甜品，thz