河畔強記雞粥海鮮酒家 (已結業)

好耐無嚟過，琴日走嚟食下，價錢唔貴喎仲幾好食，侍應又幾有禮貌盡責，我有個炒面叫咗未嚟，我都未開口位幫我落單嘅侍應行過便話仲未到幫我追，幾好。 不況响度贊下呢間嘢食物出埸:1) 燒乳鴿: 香，肉滑有汁，骨都有味，正過龍華多多聲，有水準2) 價日海鮮三寶 $218, 自選三樣嘢，即刻諗起長洲，出嚟啲嘢幾好味，心諗叫兩個三寶，6個餸才$436都幾抵。 我叫了以下三款a) 仔煎旦: 出嚟熱辣辣，有旦香葱香，唔老b) 薑䓤焗蚧: 幾好肉又大隻，係個汁咸咗c) 西蘭花帶子花枝: 有鑊氣3) 冰飽: 彈牙，唔细隻，幾好食 ( 太易整，屋企造都得)4) 召盬瀬屎蝦加辣: 我要最大隻嘅，每隻$168, 叫咗兩隻，放入口殼唔係咁香脆，但肉好甜兼有汁，我覺得好過西貢嗰啲，起碼有肉食，又唔缩水，均真！5) 炒面: 普通，附近有舖頭好食啲

大家埋單時必須要看清楚，問清楚！他們會以廚部，味部來結賬，一不留神，佢哋就會收多費用！我一時忘了拍下賬單給大家參考！乳鴿肉梅的，雪得太耐了！蒸魚不落薑，十分腥。其他小菜超重味精！一定不會有下次！☹️😣😖各位如要去幫襯，請必須小心埋單，不要縱容這些不法手段！

住九龍城，間唔中會特登嚟西貢食呢間，以前成日嚟，因為佢啲雞粥同羽鴿真係好好味。不過近排佢不論係員工，食物嘅質素都下降得好犀利。我哋嗌咗個炒花甲，有40%都未開殼。 我哋叫佢炒多次，不過都係開多咗一隻，簡直係嘥曬我啲金錢同時間。

之前食過大圍果間都ok 但就要速食。事隔幾年搬左黎沙田 一直都無諗過再幫襯 河畔一帶又都無乜選擇 又想食乳鴿 唯有破例比多次機會。入到去清一色 上年紀侍應 服務都ok既 叫咗目標炸乳鴿 好乾 應該番炸 其實佢地出名乳鴿 連個招牌菜都整成咁 真係要檢討下再點個是日特價 豉椒炒蜆 只可以用求其黎形容 得個鹹味 獻汁得個杰字 幾粒莞茜蔥做裝飾都無 菠蘿咕嚕肉 呢個真係本人食過史上最難食既咕嚕肉 炸粉又厚又鹹 醬汁無酸 最正常係啲菠蘿 機會真係比一次就夠

沙田食雞粥乳鴿出名係人都知! 但係邊間係最好食呢..我分別都去過大圍,火炭,沙田幾間食過; 暫時覺得最抵食最好食係呢間! 飯店唔太大, 所以禮拜日晚冇book位嘅情況下六點去到門口已經有人等位. 好在我哋人少, 等左10分鐘就有枱!! 七點未夠門口已經排晒長龍..所以奉勸各位如果要去食晚飯的話, 要早啲打電話去做Booking比較穩陣..如果唔係食飯時間都唔知要係門口企幾耐!!佢哋有個$178海鮮三寶餐; 逢星期六,日,公眾假期加多$10, 有18個餸可以揀! 超扺! 我哋就揀咗1)游水蝦2)薑蔥炒蟹3)西蘭花帶子花枝片. 海鮮好新鮮而且份量適中! 出菜快!另外, 加左兩隻紅燒乳鴿每隻$55. 一碟豉油王炒麵(約$75) 同一煲$25細嘅鮑魚雞粥(大概有三碗仔左右). 三個人茶位加埋一食咗大約$500! 飯店冇乜裝修但係員工服務態度一流! 佢哋會驚客人order太多食唔晒, 會提客人食完吾夠先再叫! 好有heart!! 值得推介! 會再encore...

難得有親戚朋友喺美國返黎，而佢地又想食正宗中菜喎，咁唔使諗啦，就黎我地屋企樓下啦，呢間夠哂正宗喇！可能因為落雨關係，酒家比平時更少人開飯前食個鮑魚雞粥先！一試難忘，佢有非常濃既雞味，粥又非常綿滑，食落又唔覺有好多雞油喎！真係不得了😬我地叫左五隻乳鴿。因為係bb乳鴿既關係，肉就一定唔多，但層皮非常之脆，送上枱果陣熱辣辣，好開心啊🤤雜菜煲係想balance返之前食左既肉haha! 味道唔錯，無挑剔既地方紅豆沙係意外之喜！因為係送既，而且有陣好香既陳皮味，清新！仲有一樣印象深刻既係啲店員都好好人，幾乎係一舉手就即刻過黎，真係幫到我地好多！下次會再黎既！

幫襯過強記好幾次，次次行山經過或者起呢頭附近都會想食。 佢個乳鴿好似愈黎愈貴，而家$55蚊隻。不過其實都算大隻，啖啖肉又juicy,唔會太咸，好食啊。鮑魚雞粥$25 都算抵，一大煲。 鮑片有兩塊，雖則粥不算太綿， 但啲雞幾好食幾入味，一煲都有成四碗嫁兩個人叫左個孖寳$138叫左白灼蝦，大大隻彈牙唔會霉，都幾新鮮，有鮮甜味薑蔥蟹都真係幾大隻，啖啖肉。記得以前去長洲食果啲又係二百蚊簡兩個餸，全部都係蝦毛蟹仔，所以強記真係幾抵食，起碼真係真材實料。埋單每人百四蚊仲有糖水送，紅豆大大粒，甜度岩岩好，平時最怕酒樓d 紅豆沙又甜又重果皮味。呢個好味啊，食完好滿足，超飽😍正啊。

來沙田强記，當然要吃它的鮑魚雞粥吧！晚市$28一煲有三碗左右，內有幾件雞及幾片鮑魚，非常抵食！當然，店子旨在吸引食客到來，再多點小菜呢。回說正題，除了雞粥我們還點了四個小菜。黃金鮮魷：這味黄金鮮魷可口非常！外層脆漿不厚而富蛋黃香，讚！西蘭花花枝帶子：西蘭花爽口，帶子鮮味還可以。清蒸時魚：三寶海鮮套餐，魚類沒有選擇，由厨房師傅決定。食落似是鱸魚，肉質還算實。紅燒乳鴿：這裡的沙田燒乳鴿同雞粥齊名，皮脆肉嫩，不錯。

千里迢迢過來這邊，作為咁耐老友梗系要好好招呼我喇，由於對沙田都唔算好熟所以都系就近去咗河畔強記雞粥海鮮酒家，不約而同選擇咗冬天食海鮮，滋陰補養吖！蟹一入嚟就見到好大只，而且好香吖，當然要點翻份喇。蔥薑味好香吖，同蟹真系好夾，蟹新鮮肥美，入口薑蔥已經將佢嘅腥氣都已經去除咗，可以大膽食用。乳鴿都系聽講每台基本都一隻，的確系無錯味道下，乳鴿不會太油或者太細只，甘甘好大小，酥皮得來裡面嘅鴿肉仲系好嫩口嘅，味道甘甘好。招牌雞粥都好正，雞味特別濃，粥都是綿稠嘅，口感體驗很好，簡單之中可以知道其實需要好多心機先可以熬得出咁香甜嘅雞粥。

今晚跟哥哥及媽媽一同到沙田晚膳，哥哥帶同姨甥女前來。姨甥女人仔細細已經鞋油十足，氹得我跟媽媽十分高興！我們三大一小齊齊去吃雞粥，哥哥一早訂了枱。點了2隻乳鴿～乳鴿體型中等，外皮炸得香但不夠脆。鴿胸肉厚、肌肉結實，肉質不夠嫩滑。醃料味道不太濃烈，吃到乳鴿的原味亦沒有雪藏味。一鍋粥約有8碗，材料有雞肉及鮑片，不算多但總算足料。粥底幼滑綿密，做得不錯。但白粥跟材料是分開餚製，所以雞油、肉味沒有滲入粥底，鮑片為數也不算少。很多餸菜姨甥女都不能吃，要點一道較清淡的，等小朋友也可以吃！欖菜雙蒸豆腐一邊是帶子，另一邊是蝦肉。欖菜惹味配豆腐及雞粥同吃味道不錯。姨甥女雖然不是樣樣餸菜都能吃，但可以跟我們一起吃白粥，蔬菜及豆腐，表現得很高興！haha~

之前經過lee度都會去隔離噶叉燒大王吃飯噶，但係前2日同朋友經過想轉下口味就又來了，好耐之前來過，覺得D雞粥都系好味噶。兩個人其實就系無需要點甘多噶，一個雞粥，2只乳鴿。乳鴿，今日點噶乳鴿呢，都系幾滑 幾脆，不過有1件系無熱噶，我就唔知點解啦。48HK一只，好抵食噶啦。招牌雞粥，120HK一煲，鸡粥好好味喇，好好味，好好味，我中意噶咸雞嘅味，人地話D雞粥系先用雞骨煲粥底，之後再放咸雞嘅喔。所以D雞五會好老，而且D粥又好有雞味。我中意，2個人一人2碗左右，分量我覺得2個人巖巖好。一般五使等位噶。會有服務費咯，不過服務態度又真係幾好噶，個碟有小小骨都會埋來幫你換碟。

由於要陪媽咪去寶褔山， 所以順便開車來呢度試下雞粥同乳鴿。一行4人， 餐廳冇咩人， 叫左個4人餐加黃金鮮魷。雞粥的份量好多， 4個人每人食到2碗半粥， 雞的份量都算多， 粥都夠綿， 但好明顯係雞同粥唔係一齊煲，應該係只係把白切雞放落白粥加小小雞湯， 所以唔夠正宗。粟米斑塊好一般， 不過份量都算多。反而個梅子骨好好味， 酸酸甜甜， 很入味， 而且香口， 送飯一流。黃金鮮魷十分失望， 咸蛋唔夠多， 魷魚唔新鮮， 唔爽口， 肉質太淋。乳鴿， 十分好食， 係全餐最好食的， 上枱時熱辣辣， 炸得香脆， 又大隻唔係B B鴿， 肉多， 食到停唔到口， 要叫多隻!

諗起沙田 就諗起雞粥同乳鴿習慣每逢去沙田文化博物館之前都會去食雞粥同乳鴿做午餐之後食飽行一段路當作消化今次選擇強記 見到餐牌上價錢比較合理就入左去一試雞粥 香噴噴仲煲到綿綿的 雞肉少鹹 配搭粥還好乳鴿唔駛再加調味料已經夠味 同埋唔係BB鴿 肉質唔算嫩 但還可以

小菜超鹹，乳鴿雞粥OK 叫左每人一隻乳鴿，性價比OK，同一般舖比，大隻皮脆，抵食 鮑魚雞粥採用罐頭鮑片，雞份量頗少，味道有小小鹹但都OK能入口。然後重點來了。。。。。 叫左六道小菜，全部均超級鹹！！！ 大佬洗唔洗咁重手。 鹹魚餅更加入口不能，幾乎無食過。 炒韮菜都超鹹，唔知點解要咁鹹，大整蠱！ 唯一一道能入口且食晒的是蒜蓉開邊蒸蝦。完。 總結：點小菜千萬要小心太鹹！！！

揸住架車，係沙田區夜晚最好就係去河畔果個大圈果度泊車食飯，其實都好少抄牌。到左之後等左幾分鐘，店員就安排左我地入坐啦。睇到餐牌，野食都唔貴，我地一行五人就決定叫一個三寶，三碗粥，三隻乳鴿同埋一碟炒油墨菜，三寶我地就叫左清酒浸大蜆，炒蟹同埋西蘭花帶子花姿！上菜啦，見到佢地價錢平但係其實都幾大碟，蜆肉好足料，蟹係足一隻，而且重有好多膏！雞粥就同預期差不多啦，最讚就係隻乳鴿，真係好好好好食，夠大隻， 好夠味，佢唔會太咸但係就好有鴿味，食到我地停唔到口，好想加單時但係店員話已經無晒啦，唯有下次再黎回味啦！不過如果黎就奉勸大家要早少少黎，因為其實佢地本身每日有一個特價品，今日就係五蚊一兩蝦，但係都係因為遲左賣晒啦！