沾仔記麵食 (已結業)

已经有段时间没吃过沾仔记，他们以价格便宜吸引客人，大大粒云吞也成为卖点。今天偶然经过，有股冲动想吃云吞面，就进去吃一个便宜晚餐。店外有菜单，有粥有面，云吞面等汤面都不用30元，价钱十分实惠。店内的装修是简简单单，就是传统面店的格局。反正也没有所谓，吃完就走，不会占座太长时间。云吞面到了，碗底有三颗大大的鲜虾云吞，咬一下可以看到有七、八只小虾，表面上是好吃，但个人感觉缺少了鲜味。 面是普通幼面，但枧水味很重，普普通通的。另外，汤的味精味太重，喝了两口喉咙已经有点不舒服，没有继续下去。整体味道不怎么样，比起以前，真的退步了不少。

原先去民泰街食牛腩麵，但今天竟沒有開，所以到這間沾仔記一試。一心試一下個牛腩麵. 可惜非常失望，份量少唔緊要，但牛腩咬不入，肥膏多，腩汁不夠味; 而杯奶茶都是非常之一般，永不再去.

疫情影響，真係好少出街食，今次唔係太肚餓，外賣沾仔記回家lunch。因為仔仔較喜歡食河粉，所以叫左碗招牌雲吞河，D雲吞大大粒，好重口感，但湯底好似比平時淡，不太夠味，老公多數食撈麵，又係牛腩撈，又係好快食完。

晚上做完facial, 諗唔到食咩好。加上當日有點頭痛，想食清一點，咁多年未食過這間，試下一入店內，有一陣怪味 。因肚餓，無理會。叫了一碗雲吞河 。有三粒大雲 可惜"簡"水味重。河粉滑，湯底無味也叫了生菜，蠔油過咸$46， 是平，但質素差付錢時見到收銀機貼了青蛙，是暴徒最愛

雲吞，又一香港美食，今日晚餐無胃口，少少地，所以剩係order 左剩雲吞，大大粒雲吞真係超有口感，真正做到皮薄涵多，另外再叫左個腐乳通菜，叫做有啲纖維落肚。整體不過不失。

紅磡覓食時間雖然呢區有好多出名餐廳/必食名物但因為趕時間就選擇左食碗雲吞麵就算見到沾仔記就入左去 可惜同預期有出入….雲吞河$27水準同中環個間分別不大 有三大顆一咬開就啖啖鮮蝦肉 有好幾隻 夠彈牙.鯪魚球麵$27呢個就令人十分失望無錯都係三大顆 好巨大但完全唔彈牙 肉質鬆散 仲有骨麵質一般 冇話特別爽 就普普通通

行過紅磡黃埔依條想試下D粉麵野食，所以行過寶其利街，見間鋪無乜人，就入去食下啦，唔洗等位。發覺佢有個下午茶，一粉麵+一生菜+一飲品(coffee/milk tea) =  $35 ，都幾底，加上好少依類型粉麵鋪會有Coffee milk tea飲，都幾特別。叫左餐一分鐘就黎左了，應該好多野都Pre-made，蠔油生菜應該整左一段時間，油仲多過菜。而我叫左水餃河加色，店員忘了加色，要再提醒才幫手加番色。水餃河份量唔多唔少，不過水餃幾大隻。入面係竹生+急凍蝦，鮮味欠缺，真係好麻麻。最好飲反而係杯奶茶，幾大杯，幾有茶味，幾唔錯。總結，三十幾蚊有菜+主食+野飲係平，性價比OK，但唔好要求真係好好食。

同朋友行去黃埔搭地鐵，餓餓地又唔想食飯於是經過一間叫沾仔記麵食就入咗去叫咗個下午茶餐。我就叫咗個牛腩河，我可分嚟到嗰陣時我見到成碗河粉嘅湯都鋪滿塵，初頭我以為係嗰啲油啦，望真啲原來唔係有你嘅係塵嚟嘅，我都驚左一驚。見佢係一間舖仔諗住就算數啦點知越食越恐怖，仲食到發泡膠，唔止一粒添，都唔知食咗幾多粒落肚越諗越驚。雖然我都冇咩期望，食咗幾啖頂下肚就急急腳走喇。但係食完之後行出間鋪冇耐就開始有啲肚痛咁跟住就忍住返到屋企就肚餓左出嚟。本來我都幾支持呢啲小本經營嘅鋪仔，但係都忍唔住要上嚟發洩一下。期間仲發生咗一段小插曲，隔離枱有一對夫妻就叫下午茶餐啦。但係其中一個店員就話已經冇下午茶餐啦喎，過咗鐘喇。因為都噪得幾大聲所以我都望望隻錶，嗰陣大概五點10，對夫婦堅持話未過中國我個錶同電話都顯示未到六點喎，咁就拉鋸左一陣啦於是有個應該係比較話得事嘅人就話算啦算啦 比埋佢啦。我心諗其實嗰對夫婦冇錯，點解好似佢地錯咁呢？今時今日咁嘅服務態度真係要得，兩件事加埋呢間鋪我都唔會再去。

一向去中環店食云吞面，之前路過此店買了生云吞水餃打邊爐，覺得好新鮮足料又好味。今日突登去試下云吞面。有d店麵好可惜湯頭無味、有d店整體太咸、有d店云吞皮太厚，重疊地方太多，一咬下去是一舊不全熟的皮、有d店蝦好大隻但條屎腸都好粗，所以會食到成口沙💩、有d麵煮到淋曬變左上海麵😅此店麵煮得剛剛好，我喜歡硬d，因為我食速慢，好怕食到中途d麵過淋。云吞鮮而爽，味道剛好不太咸太淡😋。湯頭鮮甜，有技術地提鮮👍🏻下試想試炸醬麵，如果忍到唔叫云吞面🍜

沾仔記出名乒乓波禁大，入面勁多蝦嘅雲吞。平時都會買一打雲吞返去煮麵食 / 堂食吞米。 最近食得太多麵食，想食粥清清地，但黎到紅磡又想食沾仔記雲吞，俾我望到餐牌有雲吞粥，有冇禁岩😂😂😂 即刻入去食叫完都覺得搞笑，平時應該食牛肉 / 皮蛋瘦肉粥，但自己就點吞粥😂😂😂唔記得叫佢小粥，我覺得入面可以分到至少6小碗，加埋佢有四粒大云吞，食唒都幾飽 。佢啲粥好綿，下次可以繼續黎食吞粥😋

成日行過都想試，耐何飯伴們都不太感興趣，咁岩今日打算去獨食既鋪頭冇開，就決定試食呢間既招牌雲吞麵。雲吞麵周圍都有得食，但麵同雲吞都好食既就好少。個人黎講，我覺得雲吞麵就係要食幼麵個浸鹼水味😂 剛好距地既幼麵非常之爽口彈牙，鹼水味恰到好處，十分對到我胃口。至於雲吞真係冇得頂，入面勁多蝦超足料，勁大粒之餘啲蝦非常爽口，啲皮又唔會太厚，十分高質又抵食，今時今日27蚊單拼黎講，性價比真係高到冇朋友😍 最緊要既係以呢類麵店黎講，環境其實都幾乾淨，絕對會有下次😃

以前住土瓜灣，經常都會行出紅磡食沾仔記。 記得有人話過：雲吞麵就係香港最好食嘅文化遺產之一、亦係代表茶餐廳多元化味道嘅其中一項。 今日行開寶石戲院附近，自然免不得再訪沾仔記。完全冇令我失望，同以前一樣keep到水準：雲吞皮薄滑溜，麵質爽口一咬即斷，蝦料大大顆爽口彈牙，湯底清甜且鮮，一啖湯一啖雲吞一啖麵，加上一碟青菜、一杯檸茶，不求花巧嘅民間美食，簡單好味飽腹之餘亦拾回兒時回憶😋😋食完已盤算何時再黎哈哈😆😆

沾仔記既細蓉好出名，係好多人既懷舊味道。我本身唔多中意食簡水麵，所以唔會特別中意食，只係間唔中諗起就食下。一碗細蓉有三粒雲吞，但每粒雲吞都大大舊，我一啖都食唔曬😆😆😆當宵夜食真係幾抵食

今晚要瑜伽， 所以要食個早飯，免得個胃唔舒服。 左行右行一係就茶餐廳，一係就壽司舖， 忽然眼尾睇到過傳統招牌，沾仔記麵食， 我決定入去試一試。六點前仲有下午茶，我叫咗個雲吞麵，阿叔大叫细蓉，回憶即刻返曬嚟， 以前細個冇乜快餐店， 阿媽成日帶我去中式麵舖食野，成日聽人叫细蓉，我仲問阿媽係乜……講返我碗雲吞麵，裏面有三粒乒乓波咁大嘅雲吞， 皮薄餡多， 一粒雲吞裏面起碼有四至六粒細嘅紅蝦仔，材料新鲜好彈牙， 好耐未試過食咁足料嘅雲吞。六點前嘅下午茶餐 ，只係34蚊，又有菜又有嘢飲， 雲吞仲要有水準， 路過真係要試一試。

香港不少人熟悉的麵店， 是陪伴我們成長的地方 你是否和我相同，每逢旅行或公幹完，心總是牽掛住傳統的雲吞麵？ 路經這裏， 不由分說便加速入來， 實在抵擋不了陣陣傳進鼻的麵香。。。牛腩河粉 加入大量醋， 辣椒油也是不能沒有的！ 河粉很細嫩, 有米香, 而且横切面不會太粗或太窄, 不會一就斷! 牛腩炆得夠火喉, 但又不過火, 不會溶溶爛爛的, 牛腩肉和牛筋比例合心意， 加上一支玻璃樽裝， 夠氣又夠凍的「玉泉忌廉」，人生一樂也哈哈, 你沒看錯, 有一粒雲吞, 是從友人的碗搶來的 咪以為叫牛腩, 送雲吞 很大粒雲吞, 填滿嘻嘻蝦蝦 (哈哈）, 真的爽口彈牙； 雲吞皮也薄, 好味道！