泓一拉麵

营业中

休息中

唔知同米紙去食過有冇關係？佢六點開，我6:30去到都要等足45分鐘😭😭😭。入到去當然點做我喜歡嘅沾麵。基本上我鍾意嘅，我鍾意佢麵嘅質地👍。但係我唔知佢點解比咁少湯？可能驚快變凍。.不過最差嘅就係環境。使唔使咁迫呀👎！？使唔使咁disorganised？舖頭細細都可以整到好Organize。不妨參考人哋‘’山系本舍‘’。人哋舖頭細過你都冇咁亂😡。不過最環境差，但就唔係污糟，希望唔好誤會。

最近好出名嘅拉麵小店，第二次到訪先食得到，因為佢舖頭比較細，入面只有六個位，基本上都要排30-45分鐘。weekend睇怕排得更耐了所以暫時未有機會二訪😫😫.‣ 雞白湯拉麵 ⋆ $88拉麵湯底好香濃而且做到好smooth.面頭仲打左泡泡落去，淨飲湯已感受到嗰份誠意。叉燒同雞肉都係慢煮，兩樣都好滑。再加上麵底係每日新鮮制、糖心蛋都醃得入味，基本上由湯底到拉麵再到每樣配料都可以話無野挑剔。唯一就係排太耐隊😂

終於試到近排非常熱門嘅拉麵 — 泓一。上星期日大概6:45到達，門外大概有35人排隊。店鋪上菜嘅速度唔算快，加上泓一鋪面非常狹窄，只得8個座位，食客用餐時間平均大概30分鐘，計返至少要排兩小時，於是就決定放棄。今次平日星期二再挑戰，同樣6:45到達，門外大概有10人排隊。排咗45分鐘終於可以入座。店面裝修較簡陋凌亂，座位亦較為迫狹。餐廳有提供冰水供客人飲用。今次點咗兩碗雞白湯拉麵同埋一客餃子。講到雞白湯拉麵，幾乎所有人都會將佢同座銀比較。之前唔少食評都話泓一嘅雞白湯同座銀嘅有得比，但我認為各配料嘅味道同質素都差一截。.1. 麵條泓一嘅拉麵加入咗小麥，有淡淡嘅麥味。質感介乎在細麵條同捲捲麵嘅中間，有少硬身爽唔，同時亦帶點嚼勁。座銀嘅麵條較粗，亦較煙韌，掛湯能力較強🏆座銀.2. 湯頭泓一嘅湯底雞味較淡，同時亦較咸。頭啖湯的確嚐到雞味，但食到中段，雞味變得冇咁顯著，最後亦未有太大衝動飲哂整碗湯。座銀嘅湯底層次更豐富，食到尾段依然有濃烈香甜嘅雞味，係令人情不自禁一滴不漏咁喝掉整碗湯。🏆座銀 .3. 叉燒泓一嘅叉燒令人非常失望，可能係前置工夫做得不夠好，未能除去豬臭味。相反，座銀嘅叉燒非常嫩滑，

依間小店真係好小 得八個位左右 一入到去就聞到有浸腥腥臊臊嘅味 🤔不過有時有啲拉麵店都有嘅可能係煮肉嘅味道😶‍🌫️//我自己叫左圖一嘅($98)聞落碗湯又係腥腥臊臊不過入口就冇問題 雞油味香濃 但由佢熱辣辣食到變暖就會感覺有啲膩 😌而麵質幾好 彈口幾好咬 掛到湯 不過唔凍 豬肉同雞肉不過不失 都算嫩滑醬油蛋冇乜味 不過有流心 🫡//另外我都試左朋友嘅($88)湯底冇咁稠 雞油味少好多 但面頭嘅豆苗味都滲左入湯 我唔太鍾意 🫤煎餃都好普通 +$25又唔會推薦 就是這樣 🫢//分數: 6.5/10✨除左麵質 我覺得冇太大優點之後再試一次 發現醬油拉麵好食過雞白湯沾麵不過份量都係較少~伏味: 5/10💩沾麵湯底太油 我有幾啖係寧願直接食淨麵舖面太窄 比人出入用patpat撞左幾次枱面都窄 食嘢隨時驚倒瀉舖頭有腥味 冰水太勁水喉味 🤢冷氣不足 店員態度麻麻地限定拉麵消失了 🫥//📌 泓一拉麵 Wonyi Ramen紅磡德民街29號德民大廈地下F4號舖

bookmarked咗好耐好想試難得唔洗點排就入咗去但唔知係咪成間舖濕水定點我坐最近廚師位 好大陣up臭味係真心臭 而且冷氣係滴水😶不過環境係點不是重點 食物好食就得唉 唔知係咪期望過高定失準我食蝦湯沾麵（平時都有食其他蝦沾）朋友食雞白湯拉麵（平時譚仔清湯）大家都一致覺得係冇味而且肉係臭嘅 咬咗幾啖完全唔得我懷疑間舖咁臭係濕毛巾＋肉嘅味真係唔新鮮 唔ok但麵質我覺得係ok嘅小食食咗個煎餃 不過不失普通嘢而且員工都ok嘅 冇乜特別唉冇食過咁難食嘅沾麵 真係失望可能真係今日咁啱唔ok但佢排隊嘅原因 可能因為真係太細入面只係坐到7至8個人唔會再返去 諗起陣味都唔太舒服

食開拉麵既話, 應該都會知邊間係泓一有時有限定出, 蠔拉麵, 同鴨湯.... (但一次都食唔到) 我都终於夾岩時間去排隊等位食嗯, 都等左一個幾鐘, 前面都有十幾個人第一次去食, 冇得比較, 但已經決定左食背脂醬油拉麵 話說當日, 都講得係late lunch, 應該都會有的肚餓如果呢一碗拉麵係我肚餓既時候都唔係覺得好食既話..... 拉麵黎到, 我只能夠用清清地同淡淡地黎形容 拉麵同湯完全係分開.... 食唔到有的咩特式.... 如果我要用一個幾鐘黎排隊食, 好唔值.... 滿心歡喜, 諗住呢間係頭三拉麵, 失望而回其實係咪要食雞白湯? 但個塊雞同蛋..... (只怕失望而回) 個人拉麵ranking 座銀/ 麵處一家 (佢真係好穩定) 同唔肚餓食完都有好大既滿足感 / 熊拉麵 當然... 你可以話口味唔同, 湯底都唔同 ....

愈試愈多雞白湯拉麵呢間拉麵店外牆幾有日本feel 內裡十個位都冇平日中午時間預左要等位雞白湯拉麵$88湯：面頭打到起泡🤤唔油膩唔稠身唔heavy, 飲落似老火湯重點係飲左好多湯, 一 啲 都 唔 口 渴！（而家食拉麵要求好高🤣）叉燒: 薄切, 好滑慢煮雞胸：有幾塊, 細細塊, 唔算好腍, 不過不失糖心蛋：岩岩好半熟, 鹹甜度適中, 好入味麵條：自家製幼麵條, 但唔太掛湯 拉麵有少量紫洋蔥, 幾夾, 令成碗麵昇華咗總括性價比唔錯, 拉麵師傅好有禮貌 下次想試吓醬油拉麵

背脂醬油拉麵💛🍜好多人覺得食背脂拉麵見到湯上面一層油脂一定會好肥膩，但其實唔一定嘅，泓一嘅背脂醬油就做得好好，完全無肥膩感，醬油味濃郁香醇，背脂香令醬油味更見突出，配合湯頭入面紫洋蔥碎完全飲出一份清爽感覺，喺香港食拉麵可以連湯都飲晒嘅舖頭唔多，自家制細麵條，麵質爽滑，掛湯力強，配料豬叉燒同雞叉燒名一塊，兩者都做得唔錯，尤其雞肉做得好嫩滑，調味適中，帶出雞肉鮮甜，當然仲有至愛嘅溏心蛋，夠味夠流心。店家開12點，當日11:15到店只能夠排到第三，又係排唔到第一，佢哋仲有個雞白湯亦係做得唔錯，完全對得起個價錢。小店只有6個位，想食有水準嘅拉麵就要有少少耐性。

小店係真·小店，目測只有八個座位，但不會坐滿，應該是要遵守防疫規定吧。因為座位比較少，唔想排隊12點開門11點半到埗會比較穩陣，到訪當日11:30排頭位不過好快後面就開始多人，差唔多開門嘅時候已經排左7-8枱人，好在有早少少起身🥴店內環境比較擠迫狹窄，坐得唔算舒適，屬於快食快走型～-🍜雞白湯拉麵 $88有一小片雞胸肉，一片薄薄的叉燒，口感唔算嫩滑，不過不失。溏心蛋ok，唔係好覺有調味不過做到溏心效果。拉麵係幼麵，眼望帶有小麥顆粒感食落又唔太覺同平時有咩大分別。湯底口感濃厚唔太鹹，食完會覺得有少少漿口，面層仲打左層泡沫。配料紫洋蔥、小豆苗比較搶味，我地覺得唔食好過食😂-🥟御好燒風味餃子 $36正常餃子加大阪燒醬，唔係脆身果種係半水餃半煎餃感覺～-總結：整體幾好食但未到印象深刻、念念不忘，比較出色嘅係湯底，配料、麵條等就感覺比較普通。雞白湯拉麵比較之下個人還是更喜歡座銀呢😛

之前成日都經過呢一間拉麵店有好多人排隊，今日啱啱好過咗lunch time嘅時間過到嚟見少咗好多人，終於都有機會可以食得到啦叫咗呢一個雞白湯沾麵！呢一度嘅Jimmy賣相真係好吸引，而且份量好多，望住一片片嘅雞肉喺度仲有一片豚肉，真係好吸引！呢一度嘅雞肉真係好滑，雖然係雞胸肉，但係真係食唔出！而且仲有一隻糖心蛋！全部加埋都係$98 ，都算係好抵食！

💛💛💛泓一拉麵💛💛💛排隊排到世界末日都要食😭。座位真係好少，得8個位左右，環境逼逼地，反而我地好鍾意，好有日本屋台feel🇯🇵。如果排隊時間短啲會開心啲😮‍💨。雞白湯拉麵 $88真係好正，個湯好似用奶打成既泡泡咁，好濃好滑，不過無可否認有少少鹹，食得拉麵都預左啦🤔。麵既粗幼度有得揀，我地揀左幼麵，佢雖然唔係沾麵，但掛湯掛到傻😂。叉燒得兩大塊薄薄地既，雞肉唔係好嫩，有啲可惜。溏心蛋正，原來好既溏水蛋係會入左味😍。海老沾麵 $98我地兩個為左試唔同既野，所以叫左碗海老沾麵。麵款我地揀左粗麵，又係因為為左揀啲唔同既野😂。粗麵有咬口，重麥味，我地都好鍾意🥰。海老湯好濃好濃，蝦味！海鮮味！不過我地都係鍾意雞白湯多啲🤔。埋單$186（無加一）

有吧枱位嘅拉麵店~裝潢上都真係好有日本嘅感覺🥰點解會話係狹窄版，事關成間鋪得三台，個袋大少少/個人肥少少都冇可能過到條走廊👉🏻👈🏻雖然個環境算唔上舒服，但啲拉麵好吸引❣️🧞‍♂️雞白湯拉麵硬度適中，算係好吸到個湯🥰湯底好香雞味～睇落好似有一層油咁，但食落其實唔會油膩，反而會覺得好補咁😂食完之後都飲咗唔少湯🧞‍♂️魚介沾麵麵嘅種類同拉麵唔同，偏硬身，口感好好🤤湯底就咁飲會偏濃，但唔會有好重味精嘅感覺！美中不足嘅係上菜嗰陣，湯底都唔係太熱👉🏻👈🏻覺得有少少失色

🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽-見拉麵關注組極力推薦話性價比高，甚至比得上差唔多貴一倍嘅座銀，就決定去試下🤔。🥢 雞白湯拉麵 $88 🆗泓一由拉麵、湯頭到叉燒都係每日新鮮自家製，麵條因加咗小麥粒所以食落有些許麥香🌾，同埋比普通拉麵掛汁。同沾麵唔同係麵條比較幼身同埋湯底稀啲。但我自己就麻麻地個拉麵，食落無乜味咁🧐。叉燒同雞肉幾滑嫩，溏心蛋滷得幾入味。🥢 雞白湯沾麵 $98 🆗湯底都幾濃又Creamy，沾麵麵條比較粗身，食落彈牙有咬口，食落好掛汁。配料同拉麵基本上一樣，但好食好多🤣🤣。📌 舖頭都幾細，得大概8個Bar檯位，都幾唔好坐🤣。夜晚6點去到都排咗40分鐘先有位，條龍完全無短過😂。🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 4/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10整體 𝗢𝘃𝗲𝗿𝗮𝗹𝗹 6.5/10-🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽

📍泓一拉麵 - 黃埔-泓一拉麵一直都係喺拉麵關注組好多人大推既拉麵舖頭聽講佢既雞白湯沾面係最出名既 但去到嗰日咁啱佢地停水 就無緣一試沾麵美味喇😣-🔸雞白湯拉麵 $98湯底濃稠黏口 但溫和而細滑 見到有層泡係面飲落有一陣好清香既雞湯味 絕對唔係令人好口渴既味精味入面有兩款慢煮既叉燒 分別係豬肉同雞肉 肉質一啲都唔鞋口 另外糖心蛋都幾有驚喜 生熟程度控制得好好麵條見到上面有粒粒小麥粉 扁身既質地好掛湯整體黎講係一碗值得一試既拉麵 🍜-🔸背脂醬油拉麵 $88背脂即係豬背脊既脂肪 🐖一黎到見到個湯底好油 心覺不妙但點知食落冇想像中咁油 湯底幾清爽下清甜不油膩既配搭比想像中有驚喜！

見今日冬至，獎勵一下自己去食拉麵，拉麵群組一睇，泓一久居首位，甘就緊係去試下，真係一試難忘，再試投降。鋪頭開12點，我11點半經過都見到入面未有人，甘我都有個疑惑既係甘早都未有人開工試問佢地係點煲湯🙈甘恕我孤陋寡聞，我未見過拉麵鋪要煲湯既甘早都未有人，甘可能我唔知佢哋既運作還是有獨特方法煲湯或者12號點先煲啦，但就甘諗總係奇奇怪怪。真係入去食已經係2點左右既時間(之前有野做加排左一少陣隊)，甘我就叫左大家係網上都推薦既拉麵，我叫左背脂醬油，我自己都鍾意食醬油，立體派、金色不如歸、蔦、富山全部都食過，而呢間我食落去味道同係donki 買既背脂醬油係一模一樣。如果係甘點解我唔去donki 買。以80幾銀既實力性價比絕對唔高。餃子一食落去就知唔係自家制，煎都煎得麻麻地，無煎餃子食落去果個香。認真呢間野，真係有今生無來世。(順帶一題，有人表明過佢係黃店，但mee、和理pay、黃店關注組都無出現過，我覺得有待相確，有人答到我點解會甘就最好🙏🏻)