泓一拉麵

营业中

休息中

店面座位唔算多，但充滿日式貼心✨檯面下面可以掛袋而且提供冰水，好似去左日本咁♥️🐔雞白湯拉麵最受歡迎嘅雞白湯果然好值得期待，面頭嘅泡沫令麵體變得非常滑身湯底好濃厚，但食落嘅負擔感唔重，唔會好鹹好膩拉麵嘅小麥味好香好突出，會想特登咀嚼耐啲去感受佢嘅香氣叉燒嘅煙燻味同雞湯配合得好好雞胸肉亦唔會柴，口感軟嫩🦐海老沾麵沾麵湯有好濃厚嘅蝦味，不過味道比較單調叉燒無浸住湯，會食到更加明顯嘅煙燻味可以自己加檸檬汁，風味有明顯提升♥️🥟日式餃子正常水準，不過外皮稍腍

✰ 泓 一 拉 麵 🍜 ✰行過好多次但每次都排晒隊食唔到今日夜晚竟然比下午少人等左一概20分鐘到就入到去😃👏🏻背脂醬油拉麵$88👦🏻叫既拉麵🍜飲左佢一啖湯頭因為有背脂關係濃郁度十足👍🏻真係唔錯播雞白湯拉麵 $98我自己就食左個𝕥𝕠𝕡 1 拉麵雞湯湯底濃濃帶點厚度所以拉麵都掛到啲湯💕拉麵帶點彈牙最重要係連塊豚肉同雞肉都好軟熟真係幾高汁🤤💕排隊最大既原因係因為店孕太細容納唔到好多台客所以先引致成日排長龍下次唔多人既都可以食多次😘😘😘

裝修完　餐廳的座位都維持比較少數量大約6 7位左右　整體都是小店感覺不過熱烈騰騰天氣要排隊真會有點辛苦裝修後　有點對他們的湯底有所好奇特製醬油拉麵自家調配醬油配上簡單湯底湯面浮現油香　清澈的醬油底輕輕的依附在麵條麵條有小麥香　中細的曲麵吃的時候也有彈性　不會吸湯發漲表面的配料都是簡單的菠菜　蔥　雞叉豚叉各1雞叉偏小塊　有點乾豚叉基本款　不會失望雞白湯拉麵不過改善了會酸的味道湯底會有濃郁的雞香　細滑的湯依舊表面有奶蓋面　增添視覺效果蔥是日本版　會比較香同沖味蕾麵條沾到湯底會有雞香蛋做到流心狀態　不會太鹹覺得配合雞白和醬油這種湯底清淡點會有初戀感　不會有忘年戀

如果你鐘意食開濃湯就記得試下！佢既雞白湯拉麵湯汁濃而件雞都唔會鞋口另外加左錢叫埋餃子建議如果你個日真係好肚餓先叫埋食味道都okay的*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*而我個日去食係平日夜晚都等左半個鐘入面位置唔算多勝在張凳可以方便旋轉算係坐得okay但如果你係想同 friend 一齊傾好耐咁就唔太建議了！(=´∀｀)人(´∀｀=)重點一提個湯應該冇乜味精算係值得一試的！

利申我唔係拉麵愛好者🫢🫢Signature 雞白湯拉麵，湯底好濃郁，係正嘅，第一啖食落係surprise嘅，但係都係因為太濃郁嘅原因，食到一半就會開始滯😂 麵底偏硬（唔係al dente嗰種），我麻麻地。另外背脂醬油拉麵反而overall係好過雞白湯（冇咁滯），呢碗嘅麵底偏軟索到湯汁， 湯底偏清，可以一碗食到底。兩款嘅叉燒都有煙燻味，但襯拉麵醬油清啲反而balance啲。餃子都係正常發揮咁。總論而言嘢食係ok的，個雞白湯底係有別於好多拉麵舖嘅味道👌🏻但排咗差唔多一個鐘先入到去食，未至於值得等咁耐，如果咁啱經過冇乜人排先會revisit 😂

依間位於黃埔既拉麵小店每日經過都大排長龍～近日酷熱天氣再挑戰排隊～大概1230黎到前面已經有4-5人等緊，等左大概半個鐘入到，小店環境較狹窄有～7個座位，兩個人等有機會要分開入坐，如果想一齊坐就要等多一陣～每個座位沒有膠板間隔～但有橡筋提供幾貼心😛1️⃣雞白湯拉麵 $98依碗雞白湯拉麵湯底表面有層薄泡沫，湯底唔會好稠有雞味但唔太濃厚，麵條較幼身食落彈牙有麥香，掛湯能力一般，裡面有溏心蛋、雞肉同叉燒，溏心蛋唔太流心味道較淡，雞肉食落唔鞋帶煙燻味，有啲似煙鴨胸味，叉燒比較薄份量唔多，肉質較軟淋肉味唔太重。2️⃣日式餃子 $33依款日式餃子味道比較普通～外皮煎得幾香脆但入面餡料就唔算多～個人認為唔使排隊可以一試，但排半個鐘就唔太值～雞白湯fans嚟講暫時支持金鶴😌下次再試埋座銀～

黃埔食盡各款拉麵之旅 近排食左好多間雞白湯 直接講總結 今次呢間係我咁多間裏面最鍾意 下面慢慢講原因啦（餐牌睇圖）.呢日平日放工即去 大概1930 排咗六個人算好運 只係大概排左20分鐘 就可以入座大概八點嘅時候 竟然排咗近20人 好誇張間鋪座位唔多 只有6個位 一轉大概半個鐘 如果人多可想而知要排好耐 要有心理準備啦.呢次叫左 ⭐️雞白湯拉麵$98出餐算快 賣相幾靚仔👍🏻湯底會先打到起泡 幾滑 係呢間賣點👍🏻因為起小泡 飲落會比較厚身湯底味道相比金x 座x 佢雞味唔算重👍🏻但湯底鮮味足夠 口感濃厚👌🏻但湯底唔夠爆熱 （如果爆熱又可能一野煮熟 慢煮雞影響口感 所以2睇）表面有慢煮雞 叉燒 原隻糖心蛋 筍 蔥花👍🏻慢煮雞 叉燒 都唔錯 有煙熏味 肉質幾軟🔥原隻糖心蛋用咗紅蛋黃果種 相當入味高分🔥拉麵係佢哋嘅特點 自己整 有麥香 粗麵更彈牙（👍🏻呢碗即使凍左都冇雞腥味/唔夠雞味？）.⭐️海老沾麵$98呢碗如果嚴格 可以話佢伏👎🏻沾麵黎講 一上台已經唔夠熱👎🏻沾麵醬汁起左一大層油 （如果油用黎保溫都還好）🤔醬汁質感極極極濃 醬汁完全黐住麵條 係黐🤔如果要用一種食物形容呢種質感 我會諗起花生醬👍🏻

知道成日排隊，所以搵個週末，落大雨嘅時候去，都要排20分鐘白雞湯湯底-有啲似新年雞湯咁嘅感覺-飲到有雞湯、金華火腿熬製而成的-飲完有少少口乾，飲晒成碗會有啲膩拉麵-麵質彈牙，偏硬-都比較掛湯，所以係好味第一次見拉麵舖有女仔紮頭髮嘅橡筋俾你用，好體貼不過兩碗拉麵差唔多$200，性價比好低，仲要排咁耐隊，未必有下次啦⋯⋯其實都食到有味精，只不過睇得到師傅都好用心整，所以都係心機錢

紅磡超人氣拉麵舖泓一，當日平日下午12點左右已經需要排隊，大約要等6個位等待時間大約30~45分鐘左右食物就以雞白湯同背脂都係相對出名，而我當日就order 左個海老沾麵Order 嘅時候，同一般拉麵舖唔同嘅係唔需要選擇麵軟硬，湯底濃度所有野都交晒比舖頭話事沾麵份量都足夠，跟餐有一隻糖心蛋，煙燻雞肉，叉燒，及筍（跟餐時已經係湯到）糖心蛋超級正，生熟控制得好好，蛋都係靚貨好濃好味道叉燒出色，特別有驚喜嘅野煙燻過雞肉，食完雞肉再飲湯會有第二種味蕾上分別難以文字形容湯同麵都係十分出色同match, 因為沽麵湯十分濃 濃 濃 同唔係死鹹麵十分掛湯，超級出色

咁啱喺尖沙咀搞完啲嘢有啲時間所以揸車過咗嚟紅磡食過泓一. 大約11:45嚟到都要第二輪先食到因為入面好似得七個位. 咁當然計到自己第二輪先至繼續等啦如果唔係分分鐘要等一個鐘😟其實見到餐牌都有唔同款嘅拉麵不過第一次嚟同老婆都係每人一碗雞白湯. 飲第一啖覺得個湯都幾舒服，感覺真係有少少似飲緊比較濃嘅中湯，口感都少少 Creamy, 當然冇得同座銀比較啦. 拉麵係比較幼身嘅但係麥味都幾香我個人係幾鍾意. 啲配菜洋蔥每樣少少正常啦，反而兩嚿叉燒之前睇啲食評話唔掂我唔知係咪佢有調校個又幾好食，有個應該係慢煮雞胸同埋另外一個叉燒個煙熏味比較重,兩款都好唔同所以各有特色. 最後糖心蛋整出嚟就係一隻糖心蛋.服務正常，應有禮貌嘅都有.如果有機會都會返嚟再食，不過自己等一輪就係極限始終自己最唔鍾意就係排隊

門口已經系排緊隧　舖頭入面吾算話有好多位有個好開放既廚房　員工幾個度整體系好小店既佈置佢地既麵條系自家製既　幾有心機好少舖頭會咁做　通常都會揀拎貨比較多濃雞白湯拉麵雞湯底　有少少雞香飄飄下都會覺得好濃郁既湯底表面浮起泡沫其實有少少似咖啡上面既奶蓋咁雞肉幾滑既　嫩嫩既質感夾翻個雞湯都幾好　另外有塊叉燒跟翻　其實平衡翻口質都幾好粉嫩既叉燒　食落就會好舒服吾會鞋口同柴

最近好多人推介呢間係黃埔既拉麵店 鍾意雞白湯既我 無理由唔去試一試🤩平日6點15左右去排隊 前面都有大約10人等緊 最後等咗大約40分鐘先入到 同朋友叫咗一個海老沾麵$98 一個雞白湯拉麵$98 同埋大阪燒風餃子$36 《海老沾麵》海老沾麵同雞白湯拉麵都係跟一塊叉燒 一塊雞胸 同一隻流心蛋 仲有啲筍 沾麵個麵底係呢種扁身既粗麵口感正正常常 麵條都幾掛湯 蛋係真係完全流心既 個人比較鍾意熟少少 比較溏心既蛋 略嫌覺得呢到既蛋有啲啲太生 塊叉燒都煮得唔錯 個雞胸就食到好明顯有啲煙燻既味道 但略為有少少鞋口 扣咗啲分 沾麵個湯味道都唔錯 食得出有蝦既香味 不過就都凍得幾快⋯ 《雞白湯拉麵》呢個係朋友叫既 自己都試咗幾啖 同海老沾麵比呢碗雞白湯拉麵就比較優勝個湯底好香好濃 唔係好知餐廳點樣準備呢個湯 但食落有少少少少中式老火湯雞湯既感覺🤣🤣 但係幾有驚喜既 朋友食完個拉麵都飲哂成碗湯👍🏻👍🏻 《大阪燒風餃子》 呢個就無咩特別 都係普通急凍日式餃子再加啲木魚 大阪燒醬係面🤣🤣 其實而家係香港食碗拉麵好似10間有8間閒閒地都收你百幾蚊 泓一呢個價錢 仲係無加一 自己覺得佢個質素絕對唔差 對得住價錢

我frd幫手排隊，所以去到5分鐘內就有得食可能落雨無咁多人，佢排嘅時候前面有3人 total應該排咗15-20分鐘，如果再耐就唔值得排拉麵份量真心細，女仔大啖食嚟講都無十啖，食埋餃子5隻都唔夠飽。餃子唔算特別好食，肉汁唔多亦唔算香，同普普通通超市買到嘅差不多拉麵洋蔥好多，麵太淋，鐘唔鐘意就見人見智，我自己係有得揀超硬麵會揀超硬嗰種。塊肉都係唔算香口，湯底唔啱我口味，有啲澀同酸味，飲第一啖有啲難頂，唔係好覺得重雞味，最尾都無飲哂（平時好食嘅我會飲哂服務還好，兩個店員，我frd要求多啲木魚應該真係有俾多到掛？（雖然感覺都係好少碗麵細食唔耐，想講多兩句又費時阻後面嘅人，所以自己一人食會好啲唔明點解最入嗰兩個位係有一級，然後我腳kick親，紅咗frd食嘅魚介拉麵湯濃好多，而且清啲啱我啲OVERALL要我排真係不了，路過無乜人食下OK嘅

見社交平台好多人吹捧呢間店咁即管試吓佢嘅招牌雞白湯拉麵🍜可能期望愈大失望愈大真係覺得佢嘅湯底好一般味道好淡朋友評價同金寶湯差唔多唔難食，但亦未好食到值得排一個鐘以上去食真心覺得呢間店比唔同media捧得太高如果同樣係sell雞白湯嘅舖座銀實在好太多太多當然我都明白價錢差好遠不能比較但座銀係受吹捧又真係好食泓一就講返店舖環境即使係入6個客都坐得好迫冷氣機風口位吹正我個位成餐都食得唔太舒服嘢飲亦只有冰水提供如果有檸檬水/茶會好好多如果唔洗排隊，都叫可接受嘅但如果又要排長龍又要坐得咁辛苦我寧願去食金鶴算

琴日臨放工突然好想食拉麵，上網見到泓一呢間超人氣拉麵店，就即刻拉左女朋友過黎紅磡排隊！我地大概6點半左右已經到左，但前面竟然仲有成8，9個人係度等緊位🥲🥲 冇計啦一場黎到點都要試下個拉麵，我地大概等到7點2左右就有得入座～咁我地就叫左 雞白湯拉麵($98) 海老沾麵 ($98) 同埋一客大阪燒風餃子 ($36)係等緊上菜嘅期間仲有冰水提供，真係好似日本啲拉麵店🤣🤣不枉我地等左咁耐，呢碗拉麵真係飲第一淡湯就知冇失望，湯底好厚🤤，一食就知係煲左好耐，唔係溝味精嘅湯底。另外再試麵，麵好有咬口，feel到有少少彈牙嘅感覺，我就覺得好襯呢個雞白湯底。其他配菜都有唔錯嘅水準，雞呢就應該就較到岩岩好熟，入口好嫩滑😜，其實好似食到有第二舊雞，個舊就有其他嘅味道，唔知係咪唔同煮法🤔🤔再黎就係隻溏心蛋，個人感覺有少少少少少生左啲啲，如果熟返少少呢就完美！🤩我地仲有叫左大阪燒風餃子，都幾有大阪燒風味嘅🤣🤣如果鍾意大阪燒或者餃子嘅朋友都可以試下架最後埋單先知原來呢間係冇加一的！！ 個人認為咁嘅價錢食到咁嘅質素嘅拉麵，全港應該真係冇乜邊幾間，唔怪得之咁多人排隊食呢間啦，黎緊又有一間可以長期幫襯嘅拉麵店😋😋