泰亭 (已結業)

來到河里活廣場同朋友吃下下午茶，隨意選了這間<泰亭>餐廳來嘆個下午茶，環境都算ok，我們坐卡位，食物方面都算不差。1)雞絲金邊粉(可轉河粉):大大碗，好抵食，肉質和金邊粉都不錯，味道好合胃口，只是$38，但如要加飲品，就要視乎加什麽($8至$18)，來到吃泰國菜，我當然要飲椰汁冰啦(加$18)。2)椰汁冰很香很可口，喜歡椰汁味的朋友一定like3)鮮蝦炒米粉贊，很香口，類似貴刁，很野味，鲜蝦很彈牙，值得推介!4)串燒+青瓜沙律串燒醬不錯，但肉質略乾，沙律有點辣5)春卷脆口，抵食總括來說，經濟又化算，悠閒嘆下午茶!

咖哩如湯水一樣，怎能跟油酥餅一起食，服務員說他們的咖哩是這樣的，真令人難以接受。炒飯無味，只食到辣椒味， 沙爹豬肉又鞋又硬，雞肉完全冇味，又唔係正宗泰國菜又要收正宗泰國的價錢，服務態度又差。永無下次。

簡簡單單嘅泰國菜馬拉盞炒通菜🌶 $68通菜爽脆，少少辣，配埋蒜頭、薑絲炒，香口惹味泰式蟹肉炒飯 $98蟹肉肉碎分配唔算多，炒飯粒粒分明椰汁青咖哩(豬)🌶 🌶 $98椰汁青咖哩香濃又滑，配白飯一流整體不過不失，環境寛闊舒適，住鑽石山嘅朋友有機會可以試試喔

以為叫青咖哩雞飯，一定無事點知就出哂事D 雞好難食好大陣冰鮮味實在太難食，我完全食唔洛口最後咖哩汁撈飯食飽就算個冬瓜湯有落左勁重胡椒，都食到有股豬騷味，飲左2啖唔敢飲

荷里活廣場有ONE PROMISE的表演，所以我們來這裡吃一個下午茶。很多餐廳還是一式一樣，但有一個泰國菜我跟未婚妻就看上眼了。來到這裡附近，看見門外有一些人正在輪候。在門外，看到下午茶的餐牌全是冠名「迷你」的，心感不妙，但在沒有其他的選擇下，也只好吃一下。餐牌不是太吸引的情況下，就挑選了1️⃣燒豬頸肉+酸辣無骨鳳爪+零系可樂2️⃣迷你雞絲清湯粉+零系可樂合共$101等了一會兒，菜式逐漸上了。雖然餐牌上註明了迷你，有點擔心。但實情是份量也是正常的，吃完也是覺得飽飽的，味道就沒有特別，正正常常一碗粉面。至於另一豬頸肉，挺好味的，配合泰式辣醬，十分惹味。酸辣無骨鳳爪，有一點辣，無骨鳳爪更加令我們不用吐骨，可以更專心嚐到當中的滋味！2022.10.02 泰亭註：需要加一

經過呢個場想食下未食過嘅店，嚟到呢間都唔錯✔️餐牌寫著馬沙文咖哩，最鐘意叫啲唔知係乜嘅嘢試，所以呢個菜式未食就已抵讚，少見嘅菜式令人有新鮮感✔️馬沙文咖喱上菜係整碗嘅，一大碗好震撼，未食見到賣相已經好有滿足感✔️一大碗，唔係湯，而係全是咖哩汁，一大碗咖哩汁每啖筆多多汁都得✔️馬沙文咖哩香濃惹味，是青紅黃咖哩外另一風味✔️另一少見菜式，炒椰菜苗，又係未食先讚，唔駛成日通菜芥蘭咁悶✔️椰菜苗食落口有獨特質感，唔係椰菜✔️椰菜苗口有餘香，唔係椰菜

喺荷里活廣場行完街，就決定嚟泰亭食吓嘢。餐廳嘅食品選擇還可以，我本身對軟殼蟹嘅期望好高，但係佢嘅軟殼蟹稍稍偏鹹，唔太啱我嘅口味。反而佢嘅串燒好好食，意想不到～^_^

一向都好喜歡泰亭的食物，現在居然外賣6折！在6點後沒有堂食的日子，要享用，唯有外賣一途。今次買了菠蘿雞粒炒飯、香辣肉碎炒河和蝦餅。菠蘿雞粒炒飯非常令人驚喜：有部分菠蘿分袋擺放，炒飯的材料還有‘擺盤’，賣相很討好，絕不欺場，令我忍不住要影下來寫食評！三道菜的味道一如以往的美味👍👍炒河的河粉是2、3cm寬的那種，正是心頭號，味道不太濃，味精感不重，感覺健康啲蝦餅味道不錯、那個甜酸梅子醬的梅子味非常香，正！真是抵食又好吃兼有誠意的外賣！

今日一行三人新春試下新舖頭。飲品：泰式特飲正常，不會過甜；中國茶普通苿莉茶茶包，正常。小食：蝦餅 只有一小塊，沒有特別；單骨雞翼（2件） 還可以，味道同M記差不多；酸辣無骨鳳爪 份量最多，但不夠入味。主菜：牛肉肉丸湯河 超失望，似港式湯河，湯底油膩，牛肉及肉丸味道超一般； 冬蔭功蝦湯粉 湯底正常，米粉有陣味，只有一隻開邊蝦 仲要是霉的；青咖哩雞配飯 味道最正常，三份之中味道最好。總結：只有青咖哩可以一試，而且價錢偏貴 。

貪方便去咗屋企附近嘅荷里活廣場食飯 揀咗呢一間食泰國菜嘅泰亭 餐廳有好多卡位 坐得比較舒服😌 我哋又想食咖喱 又想食烏頭🐟 小朋友才選擇 大人全都要🤤 所以叫咗咖喱炒軟殼蟹同埋青檸辣汁蒸烏頭☺️ 咖喱係我最鍾意食 加咗雞蛋個款 所以叫咗一份牛油酥餅點😋 入邊有好多件炸軟殼蟹 非常惹味🥰 青檸辣汁蒸烏頭好大條 湯底唔會好辣 酸酸地好開胃👍🏻 仲點左一個軟殼蟹卷做小食 軟殼蟹加上大量蔬菜 一d都唔膩😋 配上嘅醬汁竟然係沙嗲醬 出奇地惹味🤣食咖喱當然要叫返杯飲品 揀咗芒果沙冰 鮮甜清新😍 仲試咗佢哋幾款甜品 分別有芒果糯米飯 椰汁西米糕同埋椰青大菜糕👅 芒果糯米飯嘅糯米飯加熱左 口感份外軟糯👍🏻 椰汁西米糕加左粟米 口感豐富好好食😋 椰青大菜糕仲有多片椰子肉 非常滿足🌟

-泰式燒雞二人套餐 $388🔸軟殼蟹青木瓜沙律🔸大頭蝦冬蔭功湯🔸海南雞（半隻）🔸馬拉盞炒通菜🔸明爐青檸辣汁蒸烏頭魚 +$128🔸咖喱炒軟殼蟹 $178-同中學同學喺好耐冇行過嘅荷里活廣場行街食飯，把握最後堂食機會，叫咗個非常抵食嘅套餐。以酸辣嘅青木瓜沙律同冬蔭功湯開胃，再食半隻去咗骨又超嫩滑嘅海南雞，馬拉盞炒通菜亦非常之惹味，調味恰到好處。另加$128食明爐蒸烏頭，原條直上非常震撼，魚肉厚實而不腥。最後一味以咖喱炒軟殼蟹作結，再用薄餅沾滿咖喱汁，超級滿足！

今次再次嚟到荷里活廣場，見到呢一間午市套餐幾抵，所以就試吓，叫咗一個乾炒雞肉河粉，呢一個己有鑊氣幾香，唔會太鹹，幾開胃。但係另一個蝦頭膏豬頸肉炒飯就真係唔係幾得，首先嚟到一啲味都冇，完全冇蝦味，豬頸肉嘅份量少到嚇親人，得兩三粒，仲要切細炒飯炒得唔夠乾身，感覺到有啲求其，伴碟青瓜亦都好大舊，切多一下應該靚啲？不過午市套餐五十幾六十蚊商場入面食都差唔多係呢個質素果然一分錢一分貨期待下一次炒飯可以進步多啲

同事約我去鑽石山食泰國菜晚餐,餐廳門口見有人買外賣椰汁西米糕和海南雞和飯。餐廳裝修簡潔時尚的泰式風格，雲石枱面十分美觀。我們點左海南雞半隻，去左骨的雞肉很嫩滑，配三種醬料 ，增添美味。黑胡椒炒蟹，黑椒味香濃夠惹味，大大隻蟹肉味甜，很好味😊😊😋。焗香草粉絲老虎蝦煲，有二隻開邊蝦，粉絲索蝦味道很美味👍👍👍。炸蝦餅，即叫即炸，香脆彈牙。椰汁西米糕，比一般較大件，上層椰漿香濃，西米、粟米很夾，抵食又清甜。新鮮椰青，味道清甜，椰肉嫩滑可口。

這間位於荷里活廣場內的泰亭，主打泰國菜，有小食、沙律、咖喱等等，款式甚多，而且份量十足。沙爹雞&豬沙爹醬惹味，有粒粒花生碎，帶點微微辣香，雞肉及豬肉串燒至表面焦香，肉質嫩腍。炸蝦餅蝦餅炸至金黃香脆，中間蝦膠彈牙，加上酸梅醬減輕油膩感。軟殼蟹米紙卷軟殼蟹炸至金黃香脆，以米紙包裹著生菜及酸甜的芒果，十分開胃。秘製泰式豬手豬手炆至豬皮爽彈，不會太腍，豬皮膠骨豐富，肉質嫩腍，配上酸菜十分滋味。明爐香草蒸烏頭魚烏頭魚完全唔腥，反而帶有泰式香料風味，加上肉鮮味，魚肉嫩滑。芒果糯米飯&椰汁西米糕&椰青大菜糕大菜糕是三款甜品中最清甜；糯米飯新鮮熱辣，所以很軟糯；西米糕反而椰汁香味最重及最甜。

27號紅日去食午餐，行過去嘅時候用THE GULU攞左飛，之後去到見到過咗一張，之後問佢可唔可以排反，之後條友話唔得要再攞過張。之後睇返THE GULU寫住過咗五張之內可以排反，就拎入去問佢，佢一開始都話唔得，之後俾埋佢睇佢先話得。又唔係好多人排隊，都唔明點解要講大話。嘢食唔差，價錢都適中，坐到卡位所以都幾闊落，喺張枱有幾污糟。啲嘢食就嚟得快。總括來講係囉返嗰陣有個侍應扮睇唔到，同埋一開始入去嘅時候佢講大話，其他都唔錯。