泰農菜館 (已結業)

九龍城有好多家泰國菜，我每次都會試不同的餐廳。這次是了這家泰農餐廳，雖然是平日，但都很多人很熱鬧。我和男朋友兩個人叫了三個菜分別是青咖喱，炒豬頸肉和蟹肉炒飯。青咖喱方面，非常地道，在香港吃泰國菜經常都很‘香港口味’，例如回家很多椰奶，令咖喱變得甜而不辣。但這家的青咖喱卻非常地道，跟我在泰國吃的非常相似。蟹肉炒飯方面，一點都沒有偷工減料，口感豐富！整體而言，無論服務還是食物質素都值得推介，以後一定會再來！

朋友介紹的泰農菜館，走實而不華的路線，價簾物美，難怪等位的人數比其他同區的餐廳更厲害。圖文並茂的餐牌，令我地可以好快選定好菜色。我地揀左一湯、一菜、一飯、一飲品和一甜品。泰象啤酒 $16食泰菜又點少得泰啤呢？連隻杯都有雪過，真正透心凍，消暑一流！冬蔭功湯$68先上菜既係冬蔭功湯，有分大、中、細三個size，order左個細size兩個人分，每人有兩碗，份量啱啱好！冬蔭功唔少得既大蝦有兩隻，蝦肉結實爽甜。湯酸辣度適中，仲帶有少少椰香添，非常開胃，作為頭盤認真唔錯！馬拉盞炒通菜 $65夠鑊氣！馬拉盞鮮味中帶一點微辣，通菜爽口，好快俾我地清晒！蝦膏炒飯 $65蝦膏炒飯有肉鬆、䓤頭、蛋同埋飯，以為得咁多。點知原來佢收埋左勁多蝦仁喺個飯入面！整體口感豐富，有淡淡蝦膏既咸香，份量仲唔細添！香芒石榴子西米露 $40最後黎埋個甜品，西米露椰汁底又香又滑，芒果肉又靚又甜。兩個人埋單三百蚊唔洗，真係好抵食，值得推薦！

往日熙來攘往的南角道，地鐵動工、鋪租物價上升，小商戶也未必捱得起時移變遷。九龍城屹立不搖的泰農菜館至今留守這裡，見證著幾代人成長。健談的老闆很愛跟食客交流，尤其見到我這些「生面口」的客人，當然會照顧有加，他強調著重食物品質，不過我看到不少來店的街坊帶著一家大細，吃的更是人情味及回憶。可惜，也敵不過財雄勢大的地主。午餐做7折(真的很便宜!)，12點來到餐館，侍應們還在吃飯，有點早吧? 這裡沒金碧輝煌的裝潢，只有簡簡單單，燈光明亮，寬敞卡位，舒舒服服的風格。剛好是12點，我來得有點早，樓面侍應如家般在食飯，用泰文說說笑笑，差點以為來到泰國了。翻開文字版餐牌，選擇豐富，幸好另有圖文並茂menu，一目瞭然，感覺更實在。珍多冰 $30 ：椰汁味較淡，粉條令口感更豐富，剛如果粉條更多會加分  青檸梳打$30：清香解膩渴之選，好fresh，正！泰式少金邊粉$65：港人熱選！份量頗大的足料炒金邊粉，上面有幾多蝦，味道偏甜，旁邊放有花生碎，青檸檬汁具提味作用，其酸味減少當中油膩感，撈起幾開胃。串燒沙爹(豬雞雙拼)$72：串燒燒得剛剛好，表面帶點少少的焦香，肉汁還在不鞋口，而秘製沙爹醬是精華所在，醬汁應該

九龍城出名泰國菜館多，聽聞有間幾有水準，都要去試吓。冇豪華裝修，尚是寬敞整齊 ，未到七點， 已有七八成客人。 心想食物應該都有水準，再睇餐牌有仲有打折。麵包咖哩蝦賣相幾吸引， 一定先試吓嗰蝦，炸到香脆，連蝦壳都食埋，蝦肉新鮮，再用蒜蓉包點住咖哩汁齊食，啲汁又唔太辣，好啱我D怕辣嘅人，今次真的連汁都撈埋。扎肉沙律柚子沙律食得多，今次轉轉口味，叫這個沙律，扎肉真多，個汁配得幾好，如果加多D生菜索埋嗰汁齊食，會更加好。椰汁焗海鮮飯喺原煲上幾特色，濃濃椰汁味，海鮮都好多，粒粒飯香，食落原來喺甜飯，不過配埋清香椰汁又幾夾。泰式春卷泰式春卷沒有多大驚喜，勝在熱騰騰又脆卜卜，是一道唔錯小食。椰青椰青水夠冰涼， 配有一隻小匙，可慢慢挖出椰青肉，一口椰青水，一淡椰青肉，是極佳嘅消暑飲品。最後吃埋個芋頭西米露，是晚好滿足。

去九龍城食泰國菜都有好多選擇，今日試吓「泰農」～ 星期六午飯時間，大約一點已經差不多全場滿座，應該質素唔錯👍🏻 而且佢午餐有七折😍 所以好抵食！應該因為咁，都吸引左唔少人去～ 餐廳設有卡位，兩個人或四個人都可以，亦有大圓枱，一家大細食飯都適合，食物選擇豐富～甘柚子沙律 $65主要係新鮮柚子肉，上面加上一絲絲嘅椰子肉乾，配上酸酸地嘅沙律汁，清新好味又開胃👍🏻 泰式蝦多士 $34我哋叫咗半份，有四件蝦多士，熱辣辣即時炸，炸得好香脆，泰式蝦多士嘅蝦肉冇我哋平時食開嘅咁彈牙，不過都好鮮味👍🏻，配埋甜酸汁一齊食，更加好味😋泰式炒蘿蔔糕 $88份量好多，平時食開炒蘿蔔糕，蘿蔔糕會比較細件，今次嘅會偏大件，而且亦都同我地平時食開的中式蘿蔔糕有啲唔同，佢粉嘅比例比蘿蔔多，有啲似潮州嘅炒粿條，炒得外面好香口，蘿蔔糕每一面都沾上醬汁，炒得好平均，配上其他配料例如肉碎，更加惹味香口👏🏻😋麵包咖喱蝦＄98一份有五隻蝦，亦有五片多士，蝦大隻爽口鮮甜，多士香脆，配埋咖喱汁食一流👍🏻😋 咖喱香滑味道濃郁👍🏻鮮芒果特飲＄32完全感受到係芒果肉打成，非常鮮甜芒果味😍 覺得好正！非常解渴☺️芒果椰汁糯米飯 $55芒果香甜多

與女朋友走過九龍城，故找了間泰菜館醫肚殊不知，這間泰菜館原來已經在九龍城屹立廿九載，正邁向30年的重要階段這間泰菜館名叫泰農，位置在南角道。一進門口就發現有很多食客，甚至是本地的泰藉人士也在可想而之，這間餐廳是相當正宗及受歡迎。特別是九龍城一帶，泰菜館林立，而在這裡生存29年，必有它過人之處。今日與女友叫了幾樣菜1. 泰式生菜包 (食過好多間泰國餐廳，依間的生菜包係最好食，香口多汁; 但要留意佢係有兩款，記得叫多汁炒出來果款)2. 燒雞 (好滑，即使係雞胸部份一d都唔鞋)3. 菠蘿海鮮炒飯 (足料冇偷雞)4. 油酥薄餅 (香口)5. 椰青 (好fresh好甜，而且多水)老闆仲好細心比濕紙巾我地抹手，又介紹下餐廳做左29年，好nice呀!

周日要到Aeon購物，不想到黃埔shopping，就轉轉地點，到九龍城逛逛，順到與媽媽吃泰國菜。 這區的泰國食店非常多，就在南角道發現了一間泰農菜館，午市有7折大優惠。再看看店內的食客挺多，就試試吧！ 天氣太熱先來兩個椰青，椰青大大個的，內裏的椰青裝得滿滿，味道清甜，非常消暑解喝。 酸辣脫骨鳳爪平日吃到的無骨鳳爪，通常都是沙律多，鳳爪少，但這裏就完全不同，碟上幾乎全都是鳳爪，味道酸辣惹味，鳳爪爽脆，非常好吃。 馬拉盞炒貴妃苗貴妃苗以馬拉盞炒香，味道香濃惹味，帶點微辣，而貴妃苗口感爽脆鮮嫩，不老不韌，讚。 濕炒海鮮河粉河粉內的材料挺多，包括: 鮮蝦、青口、菜心、紅蘿蔔等，河粉入口濕潤，味道濃而不鹹，配上不同配料令口感層次豐富。 炸皮蛋蝦餅這個蝦餅非常特別，因為內裏加了皮蛋，入口時外層香脆，內層口感Q彈，鮮滑爽口，蘸上甜酸醬後，蝦餅的鮮度大大提升。 南瓜布甸 甜品賣相很可愛，既保留了南瓜肉，又可以吃到布甸，布甸口感滑滑的，帶有淡淡南瓜及奶香味，甜度適中，既有益又美味。

今日一心諗住同朋友食泰國嘢，地點就揀咗最多泰國嘢食嘅九龍城喇。 好多人都覺得食得泰國嘢一定唔方平啦，但今次居然畀我搵到一間性價比極高嘅泰國餐廳呀，無論價錢、食物質素同服務都非常之好丫喺門口見到啲優惠餐牌 ，好似好抵咁，哈哈，咁一定要試下啦一入到去老闆同店員就好熱情咁招呼我地，安排左我地坐car位，座位幾寬敞闊落，好方便我哋傾偈餐牌裏面好多嘢食，好多選擇！相信有選擇困難症嘅話一定非常難揀，就好似我咁 其實我有好多嘢想食㗎，可惜我哋得兩個人食，食唔到咁多唯有下次約多啲朋友或者同屋企人再嚟食過啦😌喺好多好多嘢食入面，我哋終於揀到幾樣嘢食喇 呢個麵包咖哩蝦係我揀㗎！ 本身我唔食得辣，都有啲擔心會唔會食唔到呢但原來食唔到辣都唔使驚，雖然呢隻咖喱有微辣，但入口非常ok好好味呀！！ 麵包加埋啲咖哩汁一齊食，簡直無敵！真係超級超級超級好味，真心嘅一定要講三次！！啲蝦好新鮮彈牙， 同咖哩汁都非常之夾，總之就係超級好食！！ 我地仲唔夠喉叫多一碗白飯黎撈汁潻呢朋友叫咗串燒，本來我哋呢係叫三豬三雞既，好彩老闆提一提我哋，原來係有牛串燒㗎！！ 牛魔王當然要試埋牛啦！！所以我哋最後叫兩雞兩豬兩牛，三種肉都可以食到

去九龍城當然不能錯過泰國菜啦！朋友提起以前試過這間開業很久的泰菜館不錯，那不如到這間吃吧。餐廳裝潢新淨，有卡位、有大枱，感覺挺舒適。最近天氣酷熱，一坐下先點些飲品消暑，椰青當然是不錯的解渴良品，清甜椰香。看看餐牌，附有食物照片較吸引，價錢亦很經濟。另外，有些菜式更加有特價優惠，又另有飲品、甜品的餐牌，選擇眾多。柚子沙律：價錢非常抵食，以這個特價優惠來說，份量算多，柚子多汁不酸澀，最適合夏天的開胃菜。最特別的是上面的一絲絲都是炒過的椰絲，十分特別。泰式炒金邊粉：食泰菜必點的主菜；醬汁稍為甜，酸味相對少，自己較喜歡酸一點，不過份量很足，材料如蝦都頗多。香辣軟殼蟹：非常香口美味的菜式，鋪滿煎炸過的蒜粒、洋蔥、蔥粒，椒絲等等惹味的材料。底下就是切成一塊塊的軟殼蟹，炸得剛好，不會太乾。泰式燒春雞：表皮燒至香脆，內裡肉質頗嫩滑，亦很入味，不用蘸甜酸醬已經夠了。吃過正餐，真是敵不過甜品的誘惑。泰式甜品多以椰汁為主，見到泰式南瓜布甸，就試試吧，反正未試過嘛。泰式南瓜布甸：侍應告訴我們原来這小小的南瓜是泰式南瓜，可熱食亦可冷食，釀入布甸，帶濃濃的蛋味，很特別！南瓜肉不會太甜，飯後食最適合。結帳時，還送上

天氣熱辣辣 最好就係食啲開胃嘅嘢， 於是今日放工就同朋友一齊去九龍城食泰國菜 由於今日準時放工，所以六點九就到餐廳 ，唔需要等位就入座正！七點開始人流慢慢多。 餐廳環境唔錯 ，位於位之間都幾寬敞。 打開menu有好多選擇 ，有選擇困難嘅我都花咗一啲時間 樣樣都想試呀！我哋叫咗一個沙嗲串燒， 餐廳好貼心，可以畀我哋選擇三串雞肉三串豬肉， 啱曬我哋呢啲花心嘅人 串燒 串燒燒到恰到好處， 唔係好似出面啲餐廳咁， 燒到好乾！ 而個沙嗲醬唔係辣嗰種 ，啱曬唔食辣嘅朋友 其後， 食完雞串燒同豬肉串燒 ，我同朋友 都忍唔住想試埋個牛， 完全冇失望 ！個牛串燒真係好正！ 牛肉好juicy，依然保留肉汁， 而且肉質好淋！我覺得呢個牛串燒係必食！ 香辣肉碎生菜包， 肉碎可以揀豬 ，牛 ，雞 ，我哋就揀咗牛。 生菜好新鮮，洗得好乾淨 ，所以食落都好放心 ，至於肉碎份量足夠，有啲辣但可以接受，食落好開胃！ 另外 ，值得一讚嘅係，呢一個肉碎無落好多好濃嘅泰國香料 ，岩哂我口味 另外 ，仲叫咗一個泰式炒金邊粉 ，大大碟 好抵食至於飲品就叫左食泰國菜必飲嘅椰青， 椰青水好甜 ，好解渴 ，我食哂裏面啲果肉 另外想補

已經成兩年冇去過泰國，今晚真係好想搵間正宗啲既泰國菜食。住九龍城既中學同學推介呢間泰農，於是就同左佢去食！食完真正感受到咩叫大件夾抵食👏🏻👏🏻👏🏻先上個次次食泰國野都叫既青木瓜沙律 除左份量大外 佢啲木瓜絲都好清新好爽脆 做前菜夠哂開胃 睇下幾大碟👇🏻👇🏻👇🏻👇🏻👇🏻之後呀老闆見我地仲未揀到食咩，走左過黎同我地講佢話佢地有兩種生菜包，一種炒一種醃。又話醃嗰個正啲，同埋其他地方好少有兩種，所以就叫左個泰南肉碎沙律包生菜😂我想講：真係超級惹味！！肉碎係粒粒都入哂味，包埋新鮮生菜食係一流！十分推介大家去既話叫呢道菜！！！個干炒紅咖哩雞都ok既，不過真係幾辣🌶 🌶🌶食到我標哂眼水😂芒果糯米飯：呢個我comment唔到，因為我唔食芒果的，但我朋友話芒果ok甜同糯米飯幾好食！總括黎講 呢間泰菜幾抵食！我會為左佢再揸車入黎九龍城的🙆🏻‍♀️

星期六同朋友到九龍城覓食，依舊採用霓虹光管做招牌的「泰農」，原來是九龍城六十間泰菜的老字號，屹立九龍城近三十載，皆因老闆對食物質素的堅持，提供Thai food authentic，讓街坊們不用遠赴泰國也能享用正宗泰饌。椰青身無菸痕，力證新鮮空運，美味清甜。明爐蒸筍殼魚，魚肉鮮嫩鮮甜，大量酸菜淆湯底，魚湯酸鮮惹味，營養豐富。泰式炒金邊粉，甜甜酸酸可口非常。泰式椰汁糕，班蘭葉味幽香蠻吸引，皆因即叫即蒸。成本價錢，滿分的質素，做人做事應以此為目標。 款式五花八門，應有盡有。「泰農」仍然堅守着開店初衷及宗旨，盼望着沙中線(屯馬線)開通後，人流一躍而升。

眾所周知九龍城多美食，單是泰國菜館已六十數間。已歷三十年的「泰農」可謂堅持用上泰國人師傅，堅持原汁原味。食完飯後老板過來打招呼傾談，和我們分享九龍城小區的轉變與在港泰菜的口味微妙變化。椰青水清甜可口，食泰國菜的飲品首選。菠蘿炒飯$98，香港人對此熟悉不過，酸甜清新，且色香味俱全，不必多加介紹。泰式海南雞半隻$88，廚師用泰式秘製醬料後浸泡 ,醬料香濃肉味滋滿，必點！南瓜燉蛋$45 南瓜雪至冰凍，燉蛋蛋味濃郁，清甜可口。泰國菜有很多出名的菜式，明爐蒸魚是出眾之一。餐廳以成本價推出精選特價菜式 ,回饋九龍城街坊們鼎力的支持。

是夜來到䇄立九龍城良久的泰農一試。環境比附近的泰菜館寬敞舒適，老闆亦耐心介紹特色招牌菜。先來蠔仔春卷，表面炸得香脆又不太油膩，以蠔仔作餡料，有海鮮的鹹香又具創意。蠔油冬菇炒椰芯同樣是少見菜式。椰芯清甜爽脆，簡單以蒜蓉蠔油炒香，惹味又不過鹹。辣椒膏大蜆是經典泰菜。蜆肉結實鮮嫩，加上蔬菜同炒，惹味又較健康。這不是金邊粉，是青木瓜!酸甜醬汁配合爽口青木瓜，十分適合夏天享用，更是low carb diet 之選。甜品芒果糯米飯，熱騰騰的黑白糯米同時有黏稠和粒粒分明兩種口感，芒果偏生但十分清甜爽口，中和糯米較難消化的感覺，十分不錯。

今日同男朋友去左九龍城揼骨，揼完肚仔有d餓。九龍城除左多泰式按摩店之外，泰菜都有好多，我地去嘅係已經開店29年嘅泰農菜館。我地叫左馬拉盞炒貴妃苗（$70）非常翠綠鮮嫩，加上用馬拉盞炒，好香口令我地食唔停！香辣豬肉碎生菜包（$88）香濃惹味嘅豬肉碎生菜包極開胃，必食！酥炸咖喱雞翼（$58）即叫即炸，咬落脆卜卜、啖啖咖喱香~~冬蔭功湯（Small $68）本身我地打算叫Middle，但staff話Small都夠我地飲。點知個湯黎到，我地都大愛！Small等於3碗，一人一碗之後，我要快過男朋友，拿拿聲舀埋剩低嗰d先可以飲多碗XD冬蔭功湯非常正宗，香辣得黎唔會嗆喉，而且飲完都唔會口渴，並非市面上部分餐廳落味精嘅冬蔭功湯可媲美！香葉辣椒牛肉碎炒飯（$65）因為怕唔夠飽而叫，泰式風味嘅炒飯真係好吸引，連我呢個唔嗅米氣嘅人都食左一半XD飲品方面，我飲嘅係清甜夠fresh龍眼冰（$30）而男朋友飲嘅係充滿鮮果嘅椰纖雜果冰（$30）。埋單時staff送左7折優惠券比我地，男朋友當晚已經即刻轉送比朋友，叫朋友快d黎食XD