泰家

营业中

休息中

幾個月前嚟食過，諗住食返呢間實冇死，點知中伏，我嗌咗海南雞油飯，但店員喺購買之前無事先通知冇晒油飯，最後攞餐問佢先話冇。本身買完有問店員要等幾耐，佢話10分鐘，點知個餐等咗半個鐘都未有……到坐低食嗰陣，白飯係硬既，不過個冬瓜湯唔錯，類似普通例湯咁上下水準，不過應該唔會再考慮過嚟食

泰式豬扒金邊粉 ($48)店員親切友善 ，食物因即刻整，可能要等一等。金邊粉酸酸甜甜幾好食，不過略濕；豬扒都多同入味👍🏻但切得有D細舊同過左火🙈 煎蛋幾好果😍配料都豐富，對得住價錢，仲附有一碗湯，湯就正正常常啦。結論🫰店員有禮🫰味道正常🫰送碗湯⚡️多單要等多一陣CP值：6.5/10餐廳資料餐廳名稱：泰家餐廳地址：深水埗欽州街37K號西九龍中心8樓59號舖

🌦️暴雨中陽光,平靚正,有水準,有態度“泰家”😋✨後生女店員們精靈醒目又有笑容😀之前傍晚.因為去開的太多人湧,所以試吓呢度？！驚喜✨食品無論陰晴依舊有水準😋濃郁香辣紅油光澤冬蔭功湯嫩滑海南雞金邊粉有水準,也有小草菇,香菜,辣椒和多多香茅$55😋.....鮮艷金黃油雞飯配嫩滑海南雞和惹味辣椒醬黑豉油養眼好味,還有清甜雞湯只售$40😋份量對我來說適量,男人可能僅僅夠？可是連日翻天覆雨,遇上攔路雨入美食廣場避雨兼食嘢下午,卻遇上當值穿灰色衫女店員仍玩手機當客人落單時,就不太尊重無視客人！咁樣或者要試吓其它檔比較吓？！反正此商場滿佈泰式,辣味猶如一個細小微縮泰國街,總會搵到心頭好？！

今日晚餐去咗西九龍中心上層個food court。食泰國菜。個泰式海南雞飯加椰子冰特飲$50。點咗要油飯。十分鐘先有得食。個賣相好正。油飯甘香入口。混入去骨白切雞。加入醬汁。好滋味。杯椰子冰好冰凍好重椰子味。個人誠意推介。

走了一圈，結果選中了這間。叫了豬頸肉炒金邊粉和海南雞飯。炒金邊粉挺好吃，甜甜的，不知道正常不，但挺好吃的，但粉量太少，豬頸肉大約有4,5件左右，有一些芽菜。海南雞飯我很失望，雖然才$40,但相比其它同層同行雞要差一些，給的部位大部份是胸，腿的只有幾片，而且腿和胸都不怎麼嫩滑，份量也挺少，飯正常吧，若想吃海南雞飯不推薦吃這間。最後，服務態度倒是挺好的，有笑容很容氣，等了挺久還會在拿餐時跟你說不好意思。

深水埗西九龍中心臥虎藏龍，淨係泰國菜，閒閒哋都唔少選擇。試過4、5間都冇中伏，仲要抵食指數爆燈💡💡💡💡💡回頭率極高！👁👁呢間係我其中一間私心推介： 高質《海南滑雞飯$40》平絕全場！質素一啲都唔揸流灘。鍾意食雞皮嘅我將舊肥美雞皮放入口，雞油香爆發！是日幸運地有雞髀，好滑好滑真係好滑！仲要送湯同油飯，冇嘢可以挑剔。我嘅第二最愛《菠蘿鮮蝦炒飯$45》另一高質之作。 鹹鹹甜甜，唔係雪藏蝦，採用新鮮菠蘿，仲有肉鬆舖面，非常惹味。正正子！小店位置離開咗 food court 中心，比較近溜冰場嗰邊，容易錯失唔少人流，值得多啲人留意。

好少出深水埗行街，今日就去下久違既西九龍中心食飯，聽說 food court 有唔少美食😋上到8樓美食廣場，滿滿都是人，真係想搵個位都唔容易，唯有一邊搵位一邊睇下有咩美食，又睇下OpenRice 有邊間好食，就發現呢間叫泰家既泰國菜，價錢仲相當抵，二人餐 $188就有去骨海南雞拼去骨豬仔脾，飯 x 2個，飲杯 x 2杯，仲有湯，炸魚餅，馬拉盞炒通菜(原本係酸辣鳳爪，但同職員講唔想要鳳爪，所以換咗通菜)，每碟餸份量都唔算少飯，可選油飯或者白飯去骨海南雞，雞肉嫩滑炸魚餅馬拉盞炒通菜去骨豬仔脾

平時西九龍中心啲外國菜都算正宗，因為好多外國人自己煮返～ 西九龍中心地方細細，但已經有3間泰菜⋯⋯ 哩間泰家位置相對偏，食品種類相對冇咁多，但味道都唔錯👍🏻起碼今日試左泰式醃豬頸肉飯（$48），色香味俱全，咸、酸、辣，仲附送一碗冬瓜湯。食完唔會話好口渴，扺讚👍🏻👍🏻👍🏻

週四下午五時多在附近辦完事，順便到西九龍買埋晚餐返屋企。買咗：1/ 鮮蝦炒金邊粉（$48）2/ 冬蔭脆腩跟飯 （$58）3/ 泰式奶茶 （$10）1/ 鮮蝦炒金邊粉蝦新鮮，肉質不會梅。金邊粉調味好好。2/ 冬蔭脆腩跟飯本身已想試吓冬蔭共，見到有得配埋餸同飯（可選配金邊粉），就叫左。脆腩即係平時食既燒肉，落單後有聽到廚房有炸返啲脆腩，食落都有7、8舊，粉量唔少。個冬蔭共不得了。夠酸夠辣，味道非常貼近係泰國飲既冬蔭共。食到有好多香料。可以話係香港飲過最好飲既冬蔭共。3/ 泰式奶茶相對以上兩個食品就較為一般。跟餐仲送咗碗冬瓜湯，正常。

Intro: 去西九龍中心嘅感覺好似去左九十年代嘅香港咁，而佢地8樓嘅foodcourt嘅斜凳出哂名難坐，但其實呢到都有多好野食嘅，今次就揀左食泰國野，連埋野飲$60蚊都有找呀～___________________🍽泰家去骨海南雞飯💰 40 ⭐️8.5/10✍🏻 海南雞真係好滑好出色；✍🏻 再點佢地嘅秘撈醬汁更加正，一隻汁甜，另一隻比較辣，視乎個人口味；✍🏻 油飯好香，但飯質偏硬。🍽 菠蘿鮮蝦炒飯💰 45 ⭐️8/10✍🏻 炒飯炒得粒粒分明，仲要係即叫即炒咁上；✍🏻 炒飯配料好多，有青瓜、大蝦、菠蘿粒、腰果同提子乾；✍🏻 蝦好新鮮又大隻，仲有好多粒；✍🏻 飯嘅菠蘿味冇咁突出，腰果炒冧左，而炒飯炒得偏乾，個人比較喜歡炒得乾啲嘅飯。🍹 龍眼冰💰 加配$10 ⭐️8/10✍🏻 龍眼味夠而甜度岩岩好；✍🏻 飲到最底有龍眼肉食，微微地帶點甜。🍹椰汁冰💰 加配$10 ⭐️8/10✍🏻 椰汁味真係好重，但就太甜；✍🏻 而口感真係幾滑。___________________🏠 泰家📍 深水埗欽州街37號西九龍中心8樓59號舖⭐️ 8/10___________________

深水埗西九龍中心8樓，位置唔算最就腳，勝在性價比高，幾十蚊食到正宗泰國廚師手世😋，唔洗吓吓去食裝修餐廳比人當水魚，食物質素屬ok以上，海南雞飯份量都足加個煎蛋🍳好食到跳起，所以我成日當飯堂同朋友吹水食飯。自己唔係特別食得太辣🌶，有時鐘意食炒飯🍲炒金邊粉同串燒。最最最正嘅其實係杯龍眼冰🍹同泰式奶茶🧋真係夏天必備解暑聖物👍🏻唔趕時間可以選擇食串燒派對再加個黃油飯😍😍可以梘豬，牛，雞😊配埋沙嗲汁🤩絕配😏

西九龍中心的 food court ，是我們一家人最 like 的地方。選擇多，甚少中伏，各國美食都有就是令大家最喜歡來西九用餐的原因。這一次來，我想起了海南雞飯，而場內就有好幾間泰國菜的小店供我選擇。結果，因為我們找到的座位就在《泰家》的附近，所以我就先試一試這小店的出品。第一次來，看中了他們的海南雞，也看中了他們的豬髀飯。泰式鹵水去骨豬髀飯，加埋一整隻鹵水蛋，味道香滑可口，豬皮固然是最精彩的一 part，豬肉同鹵水汁，用來伴白飯也是夠美味。食用時，再加點那微微辣的汁，更加惹味。當日，我點了一個青檸梳打同埋跟餐的一個冬瓜湯，整個感覺就是夠涼爽。因為這一餐是要同仔女一齊分享的，所以另叫了一份海南雞。這一份雞，可以用皮嫩肉滑來形容。而且很難得，這雞直頭是由雞皮開始到雞肉內心，都充滿了雞油香。點一點醬油，點一點辣醬，更添香口及可口的味道。時隔幾個月了，又想起食泰國菜了。這一次決定正正經經地來一個海南雞飯。兩次來，店方都俾好多好多飯。這次食的海南雞飯就感覺到小店想將該日的黃油飯清倉的一般。當然，這黃油飯有雞香，雞肉同上一段介紹的一樣，香口嫩滑，是一個大滿足。其實，這一次 trigger 我想

西九龍中心 8 樓 food court 有非常多嘢食，價錢實惠之餘，種類又超多，每次去到，都有選擇困難症。早前試咗泰家嘅香茅燒豬頸肉飯，平靚正之餘，份量亦夠，豬頸肉彈牙得嚟都算 juicy，唔錯。至於個餐湯就冇咩特別，唯獨隻腳好頂癮，無奈我唔鍾意吮腳趾，嘥咗😂。

離遠見到大大個招牌寫住招牌鮮蝦蝦頭膏炒飯，望落好似好吸引，叫招牌嘢通常實冇死，於是就放膽一試。點知好失望，一個五十幾蚊既招牌炒飯，咩都冇，一兜米飯，極少量罐頭粟米粒，幾粒臘腸，大約五舊蝦 ，蝦膏見唔到，亦食唔到蝦膏味，味道淡，料又少，獲氣又冇，餐牌上邊仲話「香口惹味」，真係完全相反。 呢個招牌菜真係……. 連招牌菜都搞成咁，其他嘢更加可以唔使試。 佢仲有個冬瓜湯送，反而個冬瓜湯好飲，夠味。好過一般例湯。服務方面就一般啦

路過，隔離有間九份茶舍，朋友買茶，我聞到隔離好香既炒飯味決定試下，叫咗泰式鮮蝦炒飯，份量超多，蝦好新鮮，味道都好好，飯每一粒都好乾身，炒得好好，最有驚喜係個跟餐冬瓜湯，好有冬瓜既天然香味，有驚喜仲試咗泰式炒金邊粉，味道都好好，濕炒的感覺，辣椒粉同花生碎放喺一邊，可以根據自己口味調整，非常好