泰滋美 (已結業)

週末午餐時間在銅鑼灣走著走著找到這間位於巷裡的一間很貼地、很街坊的餐廳，主打泰菜，也有些上班族在用餐。客人可以選擇坐餐廳外還是舖裡面，當日附近有工程除了嘈音之外還有點沙塵，我們當然選擇裡面啦。餐牌上的選擇都不算少，不過留意到若不是指定日子就不會有乾炒類的菜式，也沒有基本上所有餐廳也有的泰式炒金邊粉，情況有點特別香葉肉碎煎蛋飯($64)香氣十足，肉碎味道醃得恰當，青豆稍生但可以接受，如若香葉的份量更多會更佳。本身沒有抱甚麼期望的海鮮喇沙湯粉($68)表現比想像中好。喇沙湯底有椰香但不會太多，質地香滑帶有微辣，裡面的麵吸收了湯底的味道，是不錯的。可惜海鮮太少，只有細細的幾件，這個價錢來說顯得特別「小家」。午餐沒有包括餐飲，本來我們想加$2加配熱奶茶，卻被告知只有凍奶茶🤔 餐廳環境比較殘舊，衛生也是一般，但最要害的是餐廳老闆煙癮起要到門外吸煙，卻把所有的煙倒抽至餐廳室內，強逼著所有用餐客人食二手煙 食物普通、衛生麻麻、性價比一般，附近上班的朋友都應該會來食個快飯，但個人來說即使經過都未必會再來。

喺附近工作做晏咗又未食飯，見好耐無幫襯呢間泰國小店一於再試吓近期水準仲得唔得？過哂下午茶時段得我一個客叫嘢食，order咗一個炸豬扒冬蔭功金邊粉，好快手七、八分鐘左右就有得食。呢度嘅炸豬扒係分開上亦已經自動碎上不另收費，都幾細心。炸豬扒係帶骨嘅size不算大，薄身嗰隻份量ok，可能比較易熟，係即叫即炸嗰種，調味不錯，如果再炸多陣就更香口！重點嘅冬蔭功湯粉，湯底味道十分濃郁，酸度夠充滿椰香味，金邊粉份量超多，湯又多，仲有大量切成條狀嘅菇，索哂啲湯汁入面亦有蕃茄同芫荽之類，好似仲有啲芽菜，辣度適中，都幾開胃，胃口細啲都未必食得哂碗粉！跟餐叫左杯凍咖啡，味道香濃，應該不是純泰式黑啡又不是港式嗰種，總之味道不錯又大杯。整體是一間幾不錯的小店，裝修無乜不過嘢幾好食，招呼也不錯，有效率，位於內街但又不算吊腳，埋單72，要平相信有其他選擇，不過論質素、味道對得住價錢有凸，同老闆娘傾了幾句佢話可能嚟緊都未必續約再做要試嘅朋友要快啲幫襯喇！

今日中午同朋友一齊係這間食lunch, 我地係12:30左右開始食左半個鐘，朋友已食完飲完，但我仲未飲完杯熱檸水，餐廳侍應已急不急待要收盤兼且即刻比張單我地仲好大聲問係咪無野漏，我地繼續傾談無理到！侍應睇到我地無反應，過多3分鐘過來叫我地埋單因為有客人等枱，態度十分差語氣唔好又大聲👎👎👎，我同朋友呆一呆，朋友和氣為解圍，就起身埋單，但我真係覺得這間餐廳侍應服務好有問題，雖然過去埋單，都多口問收銀無其他位比客人坐？但我地係室外門口見到仲有兩張空枱可俾客坐，收銀話客人想要室內所以要我地走，好似理所當然我地唔係客。。真係痴晒架呢間野！完全唔會有下次，奉勸大家唔好呢間餐廳，佢哋表現到完全無問題係呢件事上囉😤

星期四晚同同事落左銅鑼灣happy hour+Dinner. 行到禮頓道同希雲街附近，發現左有間泰國餐廳，突然諗起好耐無食過肉碎煎蛋飯，於是就坐低左坐低後先黎兩杯Premium Malt. 飲左兩round後有d肚餓，我就order左香辣肉碎煎蛋飯。而我個friend就order左菠蘿炒飯，我地再加多左個馬拉盞炒介蘭😆老實講，兩個飯賣相真係一般，但味道係真係唔錯。肉碎乾身得黎可口，我個人覺得都幾辣，好野味。但可惜隻蛋煎得太熟，如果係流心蛋黃會更正。另外我個friend個菠蘿炒飯都有鍋氣，分量都唔少，同樣味道都不錯馬拉盞炒介蘭就有少少辣，好野味，鍾意食濃味嘅菜嘅人就最啱Overall黎講，間餐廳食物質素都算中上

好多年冇嚟食，以前係附近返工，午餐呢度係首選👍🏼前晚同個朋友係附近唔知食咩就再次幫襯，啤酒加一碟泰式炒河粉，味道冇問題，招呼都好好，可能冇咩客人，唯一問題係價錢，呢個位置成一百蚊一碟炒河粉真係🤦🏻‍♂️如果價錢正常少少應該好啲生意🍺

入店舖打算點外賣，個店員比中午set嘅menu比我，我見選擇得咁少以為仲有其他單點嘅menu，就問一句有冇豬頸肉飯，店員就唔耐煩咁話「你出去睇清楚個menu有咩先再嗌」。我食過咁多泰國餐廳都有豬頸肉，我都係問一句有冇，態度洗唔洗咁惡劣😅。

喺銅鑼灣開工，搞掂十二點幾，唔知食乜好於是就跟住班打工仔，睇吓佢哋食咩，見有間泰國餐廳，價錢合理而且有位，就決定咗係呢間。餐牌有兩頁，一邊係一般All day午市套餐另一邊係Daily set午市套餐，由於星期三嘅套餐唔啱我胃口，我嗌咗個香葉肉碎煎蛋飯算。喺講嘢食之前要講一講衛生，我哋坐低睇住阿姐抹枱但係張枱仲係黐笠笠，唔敢放對手落張枱上面。肉碎飯第一眼望落好頹，好似喺大學啲飯堂見到嗰啲，雖然啲肉碎炒到乾咗少少，不過味道係ok嘅，感咸哋，好彩隻蛋仲生生哋，如果唔係就成碟一啲汁都冇。總結係ok嘅，頹咗啲不過未至於難食。

呢間泰國嘢位於加路連山道，車房隔離，餐廳位置較為隱蔽，所以平時好難發現到，有室內室外位置俾你簡！.📌 #招牌泰式無骨豬手🐷 $148無骨豬手切到一片片，份量好多，肉質好淋，而且個皮有膠質，有少少彈牙口感，滷得好入味！旁邊有啲酸菜，但我就無食到了！.📌 #炭燒豬頸肉 🐷 $88豬頸肉厚薄剛好，肉質爽口，好香香茅味同炭香，跟一小碟泰式酸辣汁，好食👍🏾.📌 #香葉肉碎煎蛋飯🍳 $78 香葉肉碎煮得香囗，辣味適中🌶仲有隻半熟蛋，連埋D飯食好開胃。.📌Cream Soda .總括嚟講，食物質素唔錯，而且坐左好耐都無趕我地走🤣🤣🤣會回頭!.=========================..

實在太過份，我叫外賣等咗一個鐘，不但送餐員未能出車，仍然在製作最初階段。送餐時間起碼改咗3次。我cancel order重要收我全費，小朋友已經等晚飯等到瞓咗。就算幾好食，都唔應該有咁股務態度。重要收咗我全費。作為用家真係無辦法接受。疫情食市生意吾好，我地都幫襯，而家市道好番，竟然冇理食客感受！

小弟今日lunch選左係公司附近呢間泰式餐廳食飯～呢間餐廳個位較為隱蔽，係車房隔離。餐廳有提供戶外餐位比客人坐抵咁慢慢食～外賣 泰式蛋漿咖哩飯配香茅豬扒 $60個咖哩蛋漿汁較為浠身，未食聞落去都幾香，食落去咖喱味就味道，但有輕微辣味，撈飯食唔錯～香茅味唔算好儂，豬扒處理上感覺都有點馬虎。不過抵讚就係個豬扒唔算油膩同飯底熱辣辣🌝👍泰式餐六十蚊來講表現不過不失啦😶

銅鑼灣區嘅泰菜都試左好多間，通常味道叫做好少少嘅價錢都跟住高少少。不過就無一間我覺得有正宗泰國味道。泰滋美一d都唔起眼，但lunch hours就好多人食。今日試左香葉肉碎煎蛋飯，辣味調教得適中，好開胃。同行其他朋友食炒粉絲，海南雞飯，咖喱都好好味呀！ 推薦！ 銅鑼灣呢間泰菜都算好出色！

蝦冬蔭公湯麵：整體味道不錯，但麵身太淋。冬蔭公湯底幾出色，係偏辣既味道，而且香料味都好足。但麵身就太淋，食到最後，完全痴哂一舊，夾唔開。啲蝦就應該係同個冬蔭公湯底分開煮，因為蝦入面無咩冬䕃公味，但食落爽口既，無冰鮮味，都ok啦。環境：間鋪係銅鑼灣比較偏僻既位置，但我覺得整體環境都唔錯，起碼食緊既時候無蚊飛黎飛去，同埋鋪頭廚房抽氣系統做得幾好，食完出番黎，個身都無痴到油煙味。整體：整體黎講，我都會推薦依晒餐廳，因為佢都算幾多選擇，同埋價錢算平。而且味道都算正宗。

位於銅鑼灣某街盡頭位置嘅呢間餐廳比較難搵，所以感覺上只有附近打班仔先識路去食，而且店鋪面積不大，只有十檯以內的座位。餐廳有泰國菜館的感覺，座位空間嶵月適中，但由於位於街尾近後巷，感覺上不太衛生。食物方面：試食當日食左【香草肉碎炒飯】：HKD60 及【鮮蝦冬蔭公湯河粉】:HKD64。【香草肉碎炒飯】有D辣，我本身食唔到辣，但呢個飯嘅肉碎真係煮得好香，連埋D飯食真係一流！相信如果更貼近正宗泰菜的話應該會更辣，呢個程度仲食到。【鮮蝦冬蔭公湯河粉】湯底濃郁、辣，第一下食真係會比佢辣親，之後再食落後就係好香，蝦同湯好夾！整體黎講食物質素高，價錢尚算合理，唯餐廳位置略扣分。食物：正環境：普通，但算好坐衛生：近後巷，有D污糟服務：正常抵食：接近正宗

逢星期五嘅lunch都會跟同事識新嘢，今次就搵間泰式嘢試吓先講個冬陰公同雞腳先，味道唔算太辣有冬陰公味夠又夠爽口招牌泰式豬手飯個豬手都夠淋，泰式豬扒飯個汁都ok但個豬扒就一般，冬陰功冬粉個湯就淡咗少少，整體食物，環境，服務嚟講不過不失。

久唔久經過利園附近會諗番起舊公司嘅情景。以前放飯都會享希雲街，加路連山果頭覓食。泰滋美係我以前去開嘅飯堂，趁今日去跑馬地，就入去食個lunch懷緬一下。餐牌款式都冇咩改變，當然價錢唔同左呢個係理解嘅。以前泥親靑咖哩係必選，今日都係，而肉呢今日食豬扒。青咖哩汁香囗送飯一流，同之前一樣，我鍾意佢裡面有矮瓜同豆角，但唯獨是個汁唔夠熱。豬扒醃得入味，而飯呢質感就腍左啲，可能我自己比較喜歡硬身。呢個set lunch 改凍飲盛惠$64。