泰濃麵 (蘭芳道) (已結業)

去完書展出返銅鑼灣都成九點，我哋嗱嗱臨搵嘢食，好彩蘭芳道有餐廳仲未截單，佢就係「泰濃麵」。餐廳門面幾光鮮，入口位仲放咗架篤篤添🛺！店員好友善，有禮貌，無嫌我哋阻收工。時間都唔早，餐廳剩返唔係好多枱客，我哋獲安排坐喺卡位，座位非常闊落，再加上冷氣充足，整體環境令人舒服👍️。店内嘅裝修亦有花上心思，地磚花紋好靚，牆壁就掛滿食物相片。呢度主打泰菜🇹🇭，但集中賣湯麵、飯同小食，如果想食炒金邊粉或串燒等菜式，就要稍移玉步。食物定價還好啦，普通食餐晏應該$7X搞得掂。頂級安格斯牛肉船麵($88)，船麵可以自選湯底、麵底同餸料🍜。餸料有平有貴，$188嘅款式包括鮑魚、龍蝦以及和牛，而我揀嘅安格斯牛都OK🐮。牛肉以外仲有Q彈魚蛋同大量脆脆豬皮。船湯應該係豬血豬骨湯，味道比出面食到嘅冇咁濃烈，藥材味較輕。麵底我揀咗薯粉，麵條偏幼身，口感煙韌，掛湯力強。泰式海南雞飯($68)，🐔海南雞同油飯份量同樣多，雞肉係我最鍾意嘅雞胸部份，肉身白𠽌𠽌，肉質嫩滑。醬汁只得辣醬，味道酸酸辣辣，幾惹味。🍚油飯隻色好黃，但就唔算好香。泰式小食拼盤($68)，呢個拼盤好正，因為當中嘅三款小食都好吸引😍，無任何一款係下欄嘢。泰式炸

有多款配料選擇，芫茜控必嗌芫茜山。重要寫明300g。上枱真係嘩一聲！真係成座山咁多呀！😱將芫茜浸入熱湯中，食落好香口～芫茜山船湯黃麵第一次嗌船湯湯底，味道辣辣地幾特別。黃麵類似車仔麵嘅油麵，但無油麵咁滑身。原來唔同湯底有唔同「湯料」。船湯有炸豬皮、墨魚丸、白蘿蔔和秋葵。印象中冇食過炸豬皮，建議大家要趁麵上枱嘅時候即刻食，如果唔係就會腍曬架啦。頂級美國肥牛冬蔭公湯薯粉冬蔭公湯湯底就有蝦同青口。呢款薯粉同我想像中有d出入。好幼身，睇落好似好腍咁，但食落煙煙韌韌有口感。泰式鳳爪又酸又辣，真係好辣。泰國原個新鮮椰青清甜多汁。泰式香茅斑蘭梳打特飲梳打同香茅斑蘭分開上，梳打新鮮打開，確保唔會漏氣，欣賞👍🏻！

週末嚟到我最鍾意嘅銅鑼灣shopping行到有啲肚餓就想食下啲泰國嘢啦我最鍾意食嘅就係泰國船面你到呢一間餐廳 裝修新淨有好多卡位感覺真係好似去咗泰國咁呀 咁當食泰國嘢當去咗旅行喇 我叫咗個頂級安格斯牛肉船麵湯底好濃郁好清甜 加埋牛肉加可分真係好滿足呀 牛肉係頂級安格斯牛肉冇蘇味牛肉好香真係好正 朋友嗌咗個海南雞飯黃飯好鮮甜 啲雞都啖啖肉 姦父母骨分量又多都真係好正 我哋仲嗌咗一個小食就係泰式炸蝦餅蝦肉新鮮彈牙炸得好香 咁加埋個椰青清下熱氣咁好鮮甜美味感覺嚟講真係好似去咗轉泰國呀 @siam.noodles#泰濃麵 #銅鑼灣 #船河 #船麵 #SiamNoodles #ThaiNoodle #尖沙咀 #泰國菜 #香港美食

噚晚同好友去銅鑼灣睇戲, 先去附近醫肚,我醒起之前一直想幫襯”泰濃麵”, 就趁今次機會去啦。晚市沒有人龍等位, 仲有卡位任揀, 店員喺我地面前用滾水潔筷子及匙羹, 令我地食得放心。我地點咗: 飛驒和牛船湯金邊粉, 清湯卜卜蜆薯粉飛驒和牛船湯金邊粉: 船湯味道香濃而且唔會有好味精嘅感覺, 我之前無食過飛驒和牛,果然係好重牛肉味而且好軟身, 唔會好多筋, 靚牛肉係唔同D, 另外炸豬皮都幾出色, 好香口。清湯卜卜蜆薯粉: 雖然是清湯, 但係都有淡淡嘅咸味, 蜆肉都幾大隻, 而且好清甜,配上清湯係好夾, 薯粉仲比較健康, 適合要keep fit 嘅朋友仔。

去泰國必食嘅船河，銅鑼灣呢間餐廳，一樣食到正宗泰式風味。「卜卜蜆船湯金邊粉」大大隻，蜆肉漲卜卜好肥美，船湯嘅湯底夠哂濃郁，忍唔住連湯底都飲埋👍🏻「泰式小食拼盤」即叫即炸，一次過試哂三款小食，芝士雲吞幾特別，外皮脆卜卜，蝦餅同雞翼都係必食。直頭可以再Encore「泰式鳳爪」最愛起哂骨，入哂味嘅鳳爪，酸酸辣辣好醒胃「生菜配秘制腐乳醬」生菜唔一定只配蠔油，原來同腐乳醬都可以好夾。食完煎炸野，點返個菜中和一下「龍眼冰」炎炎夏日...龍眼冰透心涼...原粒龍眼肉，味道唔錯，又唔會太甜。餐廳門口仲擺放泰國嘅Tuk Tuk, 增添不少泰國氣氛😍

一入門口見到泰國tuk tuk，真係好想坐上去兜返一轉泰國卜卜蜆船湯薯粉($88)， 配料簡簡單單，有大蜆、魚蛋、蘿蔔等等，反而湯底先係靈魂， 味道香濃但係一啲都唔重口味， 飲得出有多種材料淆製而成，南薑、香茅、花椒、八角等，飲完絕對冇後乾，薯粉幼身，口感較淋泰式海南雞飯($68)，雞肉尚算滑溜， 不過刀功略欠完美，雞件藕斷絲連，分量亦可以有增加的空間 烚唐生菜配備製腐乳醬($28) 飲品有泰國樽裝梳打水($15)和熱薑蜜($18)

真係唔可以下下都去食灣仔嗰間米芝蓮、成舊幾水嘅和牛船麵，仲要長期排隊呢咁咪搵吓、問吓朋友，睇吓仲有邊一間食船麵好食，原來響銅鑼灣有呢一間泰國餐廳食船麵⋯坐低先知，原來除咗船麵，仲可以揀冬陰功湯底，即時兩眼發光！咁老公可以食船麵湯、我就可以食辣，食冬陰功喇店員過嚟介紹，話先揀湯底，再揀配料，最後就揀粉麵。我見個菜單有芫荽山、身為芫荽山，再次兩眼發光，但係又諗如果剩係得芫荽，咁碗麵咪好齋⋯原來揀冬陰功湯底，個湯本身已經會跟咗蝦、蟹柳、青口、菇老公就食美國頂級安格斯船麵最開心就係食炸豬皮！個湯底好濃，頂級安格斯牛有牛味、又夠淋！正正我碗芫荽山、黎到我真係嘩一聲，芫荽多到睇唔到碗麵，真係高到一座山咁冬陰功湯底，夠酸又夠辣仲叫咗個炸蝦餅，新鮮熱辣炸起，蝦膠夠彈牙，另外驚喜係有幾塊蝦片，好食

已經兩年沒去旅行，十分懷念泰國的美食，這週末決定來碗船麵位於蘭芳道的餐廳以深藍色落地玻璃鐵框窗配上花紋地磚作門面，大門旁擺放了一部泰國的Tuk Tuk船麵可選船湯、冬蔭功湯或清湯作湯底卜卜蜆薯粉的蜆肉鮮甜，深沉色的船湯用超過20種材料熬煮，極為香濃，並有配料如秋葵、芽菜、蔥、魚蛋、蘿蔔等原隻波士頓龍蝦海鮮薯粉份量十足，龍蝦肉爽口彈牙小食炸豬皮很鬆脆，充分吸收了湯底和炸蒜的香味跟餐加$18有泰式特飲！泰式龍眼冰特飲冰涼解渴

日日Lunch煩食咩有時真係幾頭痛,始終返公司既時間多過係屋企,所以都想食唔同既野令返工都無咁悶,最近發現蘭芳道多左幾間餐廳未食過,今日要OT所以決定收工同同事去試下新野!食物方面:⚪️炸芝士雲吞芝士味唔會好濃,但好脆口作為小食唔錯👏🏻⚪️頂級安格斯牛肉金邊粉(冬陰公湯底)牛肉好重肉味入口即溶,有5塊,湯底無平時飲既咁濃,但作為麵既湯底就岩岩好😽酸辣味好出幾正宗!⚪️泰式豬手飯豬手下面有好多酸菜一齊食唔會好膩,豬手好淋好入味,份量都幾多!⚪️泰式青檸梳打特飲泰式青檸係酸得黎有少少青澀味,我特別喜歡,加埋泰式梳打水夏天飲真係好解渴!⚪️泰式龍眼冰特飲成杯飲品好像食緊半磅龍眼咁,但又唔會太甜🥤而杯內既龍眼已經出哂味所以唔洗食都得,就咁飲就已經好滿足!!整體方面:餐廳裝修好特別,門口位放左泰國最出名交通工具-TUKTUK,只係有個車頭,但一睇就會認得出👀食物唔算好多,但想食既都有,味道好岩我胃口,經過想食泰國粉麵/飯一定要試下!

沒有旅行的日子好難熬今天想吃泰國船河就出了銅鑼灣這家店主打吃泰式船河晚餐時間去不用等位直接入座點了芫荽山船河和美國肥牛船河芫荽據說有三百克堆得像座山高身為芫荽控的我興奮得心跳加快呷一口船河湯頭的確是曼谷的味道所有船河已包含兩粒魚蛋炸豬皮絲上面還灑炸蒜粒增加口感朋友的牛肉也相當有牛味小食則點了炸芝士雲吞大大塊雲吞皮即叫即炸中間餡料是微鹹的芝士粒飲品點了泰式香茅斑蘭梳打梳打水以玻璃樽另外奉上混合新鮮的香茅味道十分清新不用出國卻能品嚐地道的泰國風味這個晚上可謂吃得相當滿足

LunchTime想食泰式船麵，醒起銅鑼灣呢間「泰濃麵」都有一排無食，最鍾意佢個船麵湯底好正。18:00前免加一，+$5又有汽水送。.🍴泰式海南雞半隻$98海南雞好似係有菜式，記得以前黎好似無既，叫左半隻雞係因為本身唔太鍾意油飯😏 海南雞已去骨，肉厚有雞味，雞皮比較薄，雞油脂肪不多 ，色澤夠黃！.🍴泰式豬手一份$78豬手炆煮到好淋身，淋到食落口會溶個隻，最正係佢個豉油汁唔會太鹹，甜甜地咁既味！最中意豬手個豬皮，整得好食。.🍴黑豚肉冬陰功船麵$68冬陰功湯底香濃，陣陣酸加辣味好開胃，黑豚肉切成一小片，腍得黎有咬口，呢個價錢仲跟埋青口、蝦🦐，肉質新鮮。

响香港搵嘢食唔難，搵好既泰國菜就...! 今日一個人出左銅鑼灣，諗緊食乜既時候突然諗到不如去試灣仔船麵 但好似好遠，結果上網睇下銅鑼灣有冇泰國菜食，就搵左呢間泰濃麵!一去到見到冇乜人(心諗星期六2點前銅鑼灣居然有餐廳唔駛等位，唔通中伏，佢旁邊有另一間泰國菜要排隊)算啦，都入左去就食呢間!見到餐牌，選擇唔多，同埋都會有D比都高級既食材例如龍蝦， 飛驒和牛等等， 可以自己算湯底同食乜嘢麵(湯有船麵湯，冬蔭功湯用同埋一種唔記得乜嘢啦！ 咁我就叫左個卜卜蜆+河粉+冬蔭功，另外一杯碟豆花特飲同小食拼盤!我左5分鐘左右先嚟嘢飲，跟住上麵，跟尾係小食!個麵都唔差，河粉唔算太淋，有7至8隻大蜆，一隻青口，一隻蝦同一條蟹棒，個略嫌個湯唔夠酸唔夠辣，略為偏甜，似香港人口味! 唔差，唔似味精湯(我有飲曬個湯)， 特飲都冇特嘢普通碟豆花特飲酸酸甜甜!小食拼盤有2個芝士雲吞，2個蝦餅，2隻雞翼蝦餅唔差雞翼正常嘢， 雲吞就...因為佢個餡係只得一舊芝士，口感似海綿同埋冇乜芝士味!😅但呢間餐廳服務唔錯!如果整體(唔計個雲吞)都有70分以上，未到一試難忘既程度! 如果一個人食飯，可以一試

假期路過打算食籠太子點心 點知見到隔離有呢間泰國餐廳 見到價錢合理 環境又乾淨 所以改變主意入去呢間試吓入到黎員工好有禮貌 主動幫我哋將餐具放入熱水中清洗 從來未見有甘好態度既職員 真係值得一讚我哋食既時間未見有好多人 但就見到有不少外賣單 今次我地叫左一個小食拼盤同一個面（送+湯底+面底）都係由自己選擇 小食拼盤 入面嘅芝士雲吞 真係有片芝士但無肉 雞翼好Juice 蝦餅就中規中矩牛肉薯粉冬陰功湯冬陰功湯真唔錯 我都飲左一半整體來講 呢間店真係唔錯 好推介大家黎食 係銅鑼灣黎講 呢個價錢真係好合理 無論環境定係食物質素都就中上 平時好少食評打甘多字既我 都忍唔住為呢間野大讚兩個人埋單食左$136 呢間野係六點後先會加一 唔洗加一都有呢個服務質素 大讚

🥚🥚🐷《泰式船面愛好者系列》懷念泰國風味 銅鑼灣船面 濃湯重口味之選✨性價比：8.5/10🍳食物：8.5/10 🌏環境：8/10🕺🏻服務：6/10💰是次消費：$88/碗#蛋蛋豬 🏝地點分類: #蛋蛋豬在銅鑼灣 🍰食物分類: #蛋蛋豬吃船面———————這家是兩三年前有一次路經附近，就碰運氣入去試試的。怎知一試滿意，現在連上班都會叫他的外賣，這家就是銅鑼灣的泰濃麵。最令人難忘的是湯底，濃不見底，是令人想吃畢麵條後，會禁不住喝幾口湯的級數，後來才知道原來是用了超過二十種材料熬煮而成的麵條的部分可以選擇 河粉、金邊粉、薯粉、黃麵和湯飯，我多數會跟著傳統選金邊粉，份量就剛剛夠一份午餐頂級安格斯牛肉船湯金邊粉 ᴜs ᴘʀᴇᴍɪᴜᴍ ᴀɴɢᴜs ʙᴇᴇғ ʙᴏᴀᴛ ɴᴏᴏᴅʟᴇ ($88)除了湯底，最重要的部分當然是牛肉，生肉以湯的熱力浸熟，安格斯牛肉果然美味，濃濃牛味配上濃湯味道很合適我們重口味人士，但只有兩三片，不慢點吃就馬上只剩麵條和伴碟，不過伴碟亦有魚蛋，蘿白，秋葵和我最愛的炸豬皮泰式蝶豆花特飲 ʙᴜᴛᴛᴇʀғʟʏ ᴘᴇᴀ ᴄᴏᴏʟ ($28)雖然預了會酸，但真的酸得誇張。建議試飲其他特飲

2點半下午茶有好多選擇，泰濃麵的下午茶不錯48蚊一碗麵，比正價平了20蚊，小食可以半價冬陰功湯肥牛麵，我選了薯粉，薯粉Q彈，湯好好飲，仲有一隻🦐一隻青口，牛肉就一般，份量唔多。