泰濃麵 (蘭芳道) (已結業)

逛完LEE Garden One 就在附近吃晚餐。位置: 從商場門口步行5分鐘就到達， 十分方便！環境: 餐廳外非常地吸引人進去裡面嘗試，餐廳內也帶點特色，有泰國風味，座位設計就有點像茶餐廳，有圓枱圓櫈，也有卡位。但值得稱讚的是，非常乾淨，很舒服的感覺。服務: 效率很高，服務員也有禮貌和態度友善。👍晚市: 看了餐牌，有個叫「芫茜山」的麵$68，朋友很愛吃芫茜，決定試一試🤔這個究竟有什麼特色！我就捨命陪君子，結果…芫茜真的像山一樣高😲，足足有300克之多，基本上，上菜時只看到芫茜，看不到麵或什麼！還好不只是只有芫茜，還有青口和蝦的。湯底是冬陰公，我覺得非常好喝，又香又辣，真美味😋泰色小食拼盤$68有蝦餅、雞翼、芝士雲吞各兩件。我很喜歡蝦餅，熱辣辣，很香很彈牙，外型像小冬甩🍩。雞翼和雲吞也不錯喔！

店內陳設同泰國嘅食店相近，環境已經加分。美國肥牛船麵 $68船麵有三款湯低可揀，船湯、冬陰公湯、清湯，仲可自選配河粉丶金邊粉丶薯粉丶黃麵或湯飯，我就揀咗船湯金邊粉，加埋炸豬皮，就更加泰味！泰式海南雞飯 $68無骨海南雞，雞肉夠滑泰式炸蝦餅 $38去親食泰國嘢啲會點嘅炸蝦餅，脆脆外層，蝦餃夠彈牙，好味！本來都心大心細想叫炸蝦片，原來炸蝦餅都有兩塊炸蝦片拌碟！開心！泰式香茅斑斕梳打特飲 $28梳打成支上，香茅味較出，斑斕味較淡

泰濃麵 (蘭芳道) 地址: 銅鑼灣蘭芳道13號地舖電話: 26536548=================Lee garden 對出架橫街原來有一排都是食肆，購物後入了間食泰國菜的。$68！泰式小食拼盤 雞翼蝦餅芝士雲吞，三樣都好味香口，芝士雲吞個皮脆卜卜，蝦餅食到蝦鮮甜同彈牙架口感，雞翼濃郁$78 泰式豬手軟腍，皮同脂肪入口即溶，佢好肉東坡肉個醬油汁，豉油香中帶甜$28 唐生菜加腐乳醬加腐乳有點酒香。$28青檸梳打飲完一股氣湧上，實在爽。銅鑼灣區高cp值的餐廳。作為一個生酮低碳飲食人仕$18 炸豬皮

今日大約係八點幾左右啦，咁就喺銅鑼灣到睇下有啲乜嘢食，咁就見到呢間食泰國嘢，咁就同朋友一齊入咗去食嘢， 咁其實見到啲人嘅食評都見到海南雞同豬手好似幾好， 咁就想入去試下呢兩款，點知全部賣曬…咁我哋唯有叫以下:泰式炸蝦餅: 自己覺得呢個蝦餅都炸得唔錯 都幾有泰式嗰種風味。 另外佢旁邊啲蝦片都好好食炸得好脆 ，作為餐前小食我覺得唔錯。黑豚肉/美國肥牛船湯河粉/薯粉: 咁因為去到咩都賣曬，咁我同朋友就order咗碗河粉同個薯粉，咁其實兩個粉湯底都係一樣，都係船面，咁佢就要咗豬肉我就要再牛肉，我覺得個牛肉都ok嘅，都幾有鮮牛肉味而且個薯粉都算幾多下，船麵仲有啲炸豬皮， 都幾脆不過我覺得個炸豬皮就細塊咗啲。 但overall其實唔差的。最後我飲埋杯泰式龍眼冰特飲就閃人了。 間嘢其實我覺得唔差嘅，咁價錢嚟講都應該平過一般的日本拉麵， 所以如果大家鍾意食泰國嘢嘅話可以試下。

前幾日終於拎到等左成個世紀嘅消費卷 梗係即刻去買下野啦！喺hyson行完個街經過見到呢間泰國野就諗起去旅行嘅時候嘅船麵 於是就俾佢吸引左去食🙈呢到嘅裝修都幾標誌性 門口有大大架tok tok車頭🤣呢到嘅船麵就行較高級嘅路線 靚牛連海鮮都可以配撘👍🏻我就叫左個牛肉船麵•頂級安格斯牛肉船麵🥩🍜•-湯底我就揀左冬陰功湯 配埋牛原來好夾架🙈仲有好多海鮮配料喺湯入面😍而牛肉嘅質地好冧 一咬就咬得開 而且仲好香牛味添👍🏻個湯底都好正 但食唔到辣嘅朋友就嗌其他啦 因為真係幾辣🥵•泰式凰爪🥗•-個凰爪拎到出嚟涷冰冰咁好開胃🤤咬落爽口之餘配埋酸酸辣辣嘅汁勁惹味🙈•炸豬皮🐽•-本身船麵其實都會有配埋幾舊 但我太鐘意用個沾落個湯到一齊食啦 所以就叫多左一碟🤣脆卜卜嘅口感浸落船麵惹味嘅湯底到 口感同味道都一流🙈🙈

好耐未去過泰國啦，所以突然間好掛住嗰度啲船麵。知道銅鑼灣呢間泰濃麵都好正宗，咁就去試吓食啦。餐廳裝修都好有特色好似去咗泰國嘅小食餐廳咁。首先叫咗個泰式拼盤，入邊有炸蝦餅，炸雞翼同埋芝士雲吞。個蝦餅炸得好香口，而且入邊啲蝦仲係彈牙嘅，加埋啲泰式辣將一齊食酸酸辣辣咁樣好好味。另外仲叫咗個青木瓜沙律，呢個青木瓜沙律朋友話勁好食食完之後仲要打包左嘅返屋企。😂而我都覺得係水準之上嘅，因為個汁酸味味，而且加咗蝦米所以好香口好開胃，而且啲花生好正！至於主菜方面我就同朋友叫咗個雞肉船麵同埋個海南雞飯。船麵個湯好正宗，而且個粉仲可以有唔同嘅選擇。雞肉好滑嫩，而且仲有大量嘅沖同埋炸香蒜搞到成個湯再加分啲。至於海南雞飯就同樣有返咁上下水準，雖然雞嘅做法同啱啱嗰個薯片就有啲唔同，但係都一樣咁好食。雞肉點埋啲醬汁配埋油飯一齊食都好唔錯呀！

銅鑼灣特色泰菜平時嚟銅鑼灣好少走入呢條街，今日行街經過，發現呢度都幾多餐廳，見呢間泰式餐廳既食物都幾吸引，決定入嚟試下。泰式鳳爪鳳爪既份量都幾多，酸酸地又帶點微辣，都幾開胃。炸蝦片咬落香脆有聲，加少少醬汁味道更佳。泰式海南雞飯海南雞肉質好嫩滑，配埋油飯同醬汁都幾唔錯。黑豚肉薯粉配冬陰功湯底材料非常豐富，有豚肉、蟹柳、秋葵、鮮蝦，青口等。冬陰功味道濃郁唔太辣。薯粉係偏幼身果種，都幾有口感。龍眼冰龍眼既味道突出得嚟又唔會太甜，仲有粒粒果肉。

今日嚟位於銅鑼灣嘅既「泰濃麵」，其實我之前已經同朋友去過尖沙咀分店度食過一次， 鑒於今日係週末，銅鑼灣周圍都好難搵位，所以見到呢一間難得唔使等太耐就入咗去試吓， 睇吓質素係咪同尖沙咀分店一樣咁高！餐廳係主打泰國船麵，當然仲有其他特色小食，飲品同埋飯類。餐牌非常之簡單同埋清楚，唔會話需要花好多時間就諗到食咩。先講講服務，入面嘅職員係我哋入座嘅時候，其實都好有禮貌咁樣介紹佢哋嘅特色船麵，而且佢哋亦都好留意每一枱客人嘅需要，其實都唔使點樣舉手，佢哋就已經留意到你你哋要落單加水，服務令人滿意。而且，當我哋諗住去轉我哋嘅點餐嘅時候，佢哋都好有耐性咁幫我哋改返，真係好好至於食物方面，我同朋友點左美國肥牛船麵 ，豬手飯， 炸腩仔，同青木瓜沙律。船麵嘅湯底有好香濃既牛肉味，金邊粉非常之掛湯，鍾意食船麵嘅人一定要嚟試吓。要講最好食一定係佢哋個炸腩仔，真係令到人食唔停口。至於豬手飯同埋木瓜沙律，就保持一個泰國餐廳嘅水準，都冇令到人失望。由於喺香港有提供船麵嘅餐廳唔係話好多，泰濃麵都係大家一個唔錯嘅選擇！

估唔到銅鑼灣都有間咁高質又平價嘅泰國菜🤩🤟🏻依間餐廳其實將會成為我日常嘅餐廳，今日係假日，晏晝嘅時候喺銅鑼灣都想同朋友搵啲平平哋又好食嘅泰國菜，俾我上網見到依間叫做泰濃面，平時食開泰國菜都唔平，但係估唔到依間餐廳keep到水準之餘，仲可以做到咁平嘅價錢😆👍🏻嘢食方面好多元化，基本上喺泰國食到嘅嘢食依度都有💕泰式豬手飯 豬手醃得好入味淋滑，配上甜甜酸菜，沾上另外附上泰式甜酸醬味道，一流😚仲有跟白飯上，超級飽同豐富泰式鳳爪 生菜墊底既無骨鳳爪，夾雜青瓜絲、木瓜絲、紅椒、紫洋蔥🧅酸酸甜甜帶少許辣😆炸雞翼 皮脆肉嫩，外層炸到脆卜卜，裏邊嘅雞肉肉汁鮮嫩，超級抵食，必食推介🤟🏻斑蘭香茅梳打，清涼解渴🤟🏻

呢間泰式食肆位於銅鑼灣橫街小巷，位置唔太顯眼，朋友推介下先第一次黎食。呢到裝修乾淨簡樸，坐位間夠寛敞，環境舒適。店內最吸睛係門口格Tuk Tuk 車擺設，見到就即刻想去泰國行一轉。餐廳食物款式唔算多，不過就有香港泰國餐廳較為少見既船麵。今次就試咗個卜卜蜆冬陰功湯麵。麵份量好多，海鮮都非常足料。卜卜蜆有6大隻，仲有蝦，味道鮮甜，一粒沙都食唔到。冬陰功湯底同海鮮好夾，啲菇菇都入哂味，好食。湯底唔辣，食完個麵，仲可以飲哂成個湯。小食拼盤有齊哂我最愛既小食，有蝦餅，雞翼同炸雲吞。蝦餅真材實料，食到有蝦肉，好彈牙。炸芝士雲吞，皮薄夠脆，芝士份量恰度好。泰式炸腩仔，呢個平時出街好少食，因為好擔心腩肉肥膩，不過呢個炸腩仔完全冇油膩感，食落好乾身，外皮爽口，本身腩肉有啲香料味，再點埋個泰式醬就非常好食。

♥️一入門口就見個泰國tuktuk車頭，幻想下自己去左泰國，打打卡先！我真係 冬陰功 嘅味道，呢度嘅冬陰功湯底不辣，好啱我本身唔係好食到辣野，而且味道仲非常香甜～我仲鐘意呢度嘅餸、湯底同麵係自由配搭，想食咩味自己揀～⭐️卜卜蜆船河 （卜卜蜆幾大隻，船河配有肉丸、蘿蔔、炸豬皮等）⭐️頂級安格斯牛肉冬陰功湯河 （牛肉份量偏少，湯底超讚，配有蝦同青口等）⭐️泰式炸蝦餅 （係我食過最厚實嘅蝦餅，有料到～）⭐️炸豬皮 （呢款就唔推介呢，味道太淡，如果叫船河會配埋少量炸豬皮架）更多美食分享：IG aor.annie

同朋友行吓行吓唔經唔覺就兩點，因為夜晚仲有飯局所以就搵啲麵食類試吓👀 經過呢間見有船麵就二話不說入咗去喇！😆❤️ 頂級安格斯牛肉-船湯 $88呢度主打食船麵，麵底同湯底可以自行配搭😙 湯底可以揀船湯、冬陰功湯同清湯，唔同湯底會跟唔同配菜，如冬陰功會跟蝦同青口，船湯會跟魚蛋同豬皮💁🏻‍♀️ 配料上雖然冬陰功吸引啲，但都真係好想試一試佢哋嘅船麵🤭 麵底都有5款選擇，我哋揀咗金邊粉。牛肉上枱時係半熟狀態，影吓相浸咗陣生熟程度啱啱好。湯底都濃郁，另外仲有秋葵同個大蘿蔔喺底索哂啲湯👌🏻❤️ 泰式小食拼盤 $68小食拼盤有炸蝦餅，炸雞翼同炸芝士雲吞各兩件，啱哂兩個人share 又可以試多幾款嘢🤩 每樣都炸得好食又唔油，個人最鍾意炸蝦餅夠哂彈牙！❤️ 烚唐生菜配秘製腐乳醬 $28食咁多炸嘢就最好叫返個菜清清腸胃，腐乳醬係分開上嘅，所以唔需要擔心食落會太鹹啦！😄❤️ 泰式蝶豆花特飲 $28/ 泰式樽裝梳打水 $15小心枝梳打水啲氣好勁呀，最好放一陣先好飲🤣 蝶豆花特飲隻色好靚，飲落酸酸甜甜，幾開胃！餐廳推薦度：⭐️⭐️⭐️⭐️ (4/5)呢度其中一個吸引我嘅原因係佢哋嘅服務非常好，佢係會一眼關七咁留意各位客人，態度又好

朋友帶我去佢公司附近食泰國野，搭地鐵過黎，店舖幾近地鐵站非常好我地叫左兩個主食+一個小食share，無叫飲品，比左兩杯水我地頂級安格斯牛肉船麵 - 河粉 $88船湯湯底味道非常濃郁，牛肉半生熟呈上，可自由調節生熟度，肉質嫩滑，仲有多種配料增加口感海南雞飯 $68原本想轉雞髀，但好可惜呢晚已經賣哂，但好彩雞胸肉尚算肉嫩味鮮，配埋特色醬汁有點酸辣，為雞肉增加一點風味泰式小食拼盤 $68-泰式炸蝦餅 2件外皮脆肉質彈口香味十足，配埋泰式辣醬增加美味感-炸雞翼 2件炸得香脆，肉質軟嫩，可選擇性點醬汁伴食-炸芝士雲吞 2件炸雲吞的皮雖然不算太爽脆，但勝在個涵幾特別，入面既芝士涵好似麻薯咁煙煙銀銀幾好味裝修好別緻，富有特色

平日比較少行去白沙道同蘭芳道嗰邊，sogo同times square直行直過🤣今日難得兜左入去，發現條街好多新既食肆小店，聽到呢間播住泰文歌就衝左入去。睇一睇餐牌，小店比起大集團餐廳選擇當然無咁多，不過夠就得啦😊嗌完之後啲野食秒速上左😲卜卜蜆冬蔭公湯麵雖然係冬蔭公湯，但係唔算好辣，而且湯底已經包左蝦同青口，非常足料！泰式豬手呢個炆得好腍好腍好腍！連皮食個膠質係會痴咀🤩泰式炸蝦餅呢個相對比較一般，但係勝在新鮮即炸出爐，熱辣辣👍🏻泰式香茅斑蘭梳打特飲呢個超特別，令我捨棄平時最愛既椰青🤣大少表示有香茅同斑蘭味，出面街無架！

約了朋友去泰濃麵那天，下著傾盤大雨，真的感覺像去了雨季的泰國～餐廳內的佈置亦有點像泰國的街頭，有督督deco。泰式海南雞飯的上碟方式頗有心思，而且味道也不錯！雞肉的雞味濃，而且肉質香嫩，份量足夠。另外卜卜蜆冬蔭功麵也好有泰國特色，可以配船湯、冬陰功湯或清湯，亦有唔同麵甚至係湯飯配。冬陰功湯底非常香濃，蜆也相當多和鮮甜。湯內還有青口、彈口蝦肉和秋葵等，真係幾豐富！泰國原個新鮮椰青好輕甜，真係無論幾時都想開個來飲，懷念一下可以去泰國的日子！