泰筏味泰國船河專門店 (已結業)

今天經過大角咀塘尾道，見到一間泰菜館，名叫泰筏味泰國船河專門店，船河？什麼意思？好奇心的我就去看看，餐廳地方整潔，有自助角，放有雞湯和冷熱飲用水，客人有需要可以自己去拎，另外是落單也是自己去收銀處，但送餐就有侍應幫忙送到客人枱上。泰象啤和菠蘿冰泰色海南雞飯：海南雞都好滑，飯軟硬適中又夠味。泰色豬手飯：豬手入味夠林滑，份量也不少。船河：特價的船河有多款選擇，上圖是豬雜船河、下圖是豬腸船河，份量不多，但湯底都濃郁，河粉滑溜，材料也入味，甘平！可以多食幾碗。串燒豬肉片：豬肉片入味，有口感不鞋口，配特製醬汁燒至金黃色，惹味可口。黃金蝦餅：蝦肉鮮甜，外脆內彈牙，點些泰式酸辣醬更美味！千絲蝦卷：香脆可口，中間的蝦彈牙，點些泰式酸辣汁，使味道提升，十分美味！空運直送五星燒雞：半隻份量，斬件後炸熟，燒雞皮脆口，雞肉比較乾身有口感。

自從喺泰國番黎之後，一直都好掛住泰國既街邊粉麵檔，細細碗真係要食番三、四碗先夠飽！不過香港好似冇乜哩d泰式粉麵檔。直至遇到哩間，所以急不及待走黎試！過左奧運站條天橋就見到喇原來！個門面都幾大，有隻唔知係咪泰妹既公仔所以都幾突出😂入去搵到位坐底，睇好食乜就可以出去點菜喇！自助調品架泰式生蝦…一碟有四隻，肉質都幾彈牙嫁，我鐘意咩都唔加食原味，蝦味都算鮮甜。牛肉船金邊粉…哩個係朋友叫，眼見牛肉得兩三塊，粉亦唔太多。不過朋友話牛肉都唔錯，唔會好韌。我試左啖金邊粉都幾有咬口。湯底都夠味。脆肉船河…脆肉好似平時食既燒腩仔咁，不過就比較薄身d。但神奇既係脆肉浸過湯之後，面層豬皮都保持到脆口感！(話說我都嗝左五分鐘先食) 半肥瘦既脆肉食落唔油膩，價錢$15得兩塊其實都合理既，但兩都真的不夠喉，如果可以加錢我會叫多幾塊。不過講到唔夠喉，我覺得黎哩度必叫既一定係河粉！同平時既好唔同，哩度既河粉真係泰國街邊食既果d黎嫁！寬身超軟滑！質感有少少煙韌，真係好鐘意哩個口感！食佢可以食四碗都唔誇張呀。海南雞飯…去到泰國一定要叫海南雞飯😂 哩度既雞最大既分別係熱既，雞肉都幾嫩滑，唔會太咸，仲有我最雞既雞翼！底下既飯都

媽媽最愛去旺角街市買水果，對於附近的街坊美食更是熟悉不過，媽媽介紹的泰筏味泰國河專門店很有泰國terminal 21 food court感覺，同時自助形式，味道也跟泰國一樣正宗呢。泰式海南雞飯旁邊伴上蔬菜，還有脆口的青瓜，美味的雞皮入口即化，雞肉有些部位雖較為瘦，但肉質不柴，相當好吃，吃過皆佔據了每個食客的心。油飯乃採用雞油烹煮米飯，所以光吃油飯也是非常濃香。黃金炸蝦餅常常出現在泰式餐廳裡面，也是我最愛的小食之一，媽媽更是讚不絕口。炸蝦餅蠻有厚度的，扎實非常，吃得超爽。蝦餅外表炸得金黃，彈牙無比，就算熱氣也要吃。燒豬頸肉飯份量十分足夠，而豬頸肉那誘人的微焦外皮也是讓人難以抗拒，最重要豬頸肉蠻有風味，並且爽彈之餘帶有肉汁，很下飯呢。泰國魚餅以魚肉打成漿，再混入紅咖哩，檸檬葉後入鍋酥炸，魚餅不沾醬本身就很有味道了，外層炸的酥嫩，內裡充滿魚肉鮮甜，還有檸檬及咖哩滋味，不錯的小食。牛雜船金邊粉牛肉很軟嫩，金錢肚富彈性嚼感，湯頭喝得到香甜的肉甜味，也沒有浮油，吃起來一點都不膩。另外配上蘿蔔，豆卜這些容易吸附湯汁的食材，味道很棒。說真的，香港很少餐廳有榴槤糯米飯供應，看見這裡有榴槤糯米飯供應，也

大角咀出名多野食，價錢夠貼地質素又高，呢間泰國船麵食完立即變我既心水推介！一碗好麵，湯底同麵質好重要，上面既餸從來只係配角。佢既船河湯底非常清甜，湯汁飲後回甘唔會乾喉，河粉似自家製滑嫩煙韌，唔係出面普通既好易浸到淋既河粉，浸極都仲保持到柔韌既口感，雖然細細碗，但重點係$15一碗（唔知點解3點前會貴d，可能大碗d)，配料比例亦有誠意！呢個價錢平到難以置信，貼地如大角咀都好難再揾到咁平又質素咁好既麵！店上建議食完一碗再加追另一碗，我覺得唔錯，一來份量易控制唔會浪費，二來仲可以試另一款配料😋2碗加埋先係$30，為食如我引唔住追多一碗。其他泰國菜呢到都有（係冇冬陰公😂）芒果糯米飯熱上，係飯香唔夠出，但味道平衡得唔錯，只係$28！肉碎生菜頗辣，用生菜包住食沖淡辣味同油膩感岩岩好，都係$48蝦餅就岩岩炸起，肉質鮮甜爽口，細細件岩哂用來過下口癮，$28口喝加個椰青都係$28，夠清甜唔似花園街哂到變酸既貨仔。路經大角咀就記住試下佢！

講緊泰式船河，唔係遊船河泰式船河細細碗，一次可以食幾碗，試多幾款！雖然圖解點餐話要點4碗，不過我覺得女仔食2碗都夠飽！因為仲有好多小食同飲品可以揀。一入到去就會見到餐牌，揀完嘢食就喺counter落單。落單之後就可以坐定定等人送餐！鹹檸七最先出場，大大杯，夠冰凍！呢度有一碗牛丸金邊粉，一碗大腸金邊粉，一碗海南雞米粉。船河湯底幾濃味，但又唔會好鹹，每碗都有豆卜、蘿蔔、芽菜等大腸嗰碗得兩件大腸，唔多夠喉囉，不過先至＄15一碗，點計都係抵食海南雞嗰碗比較多餸，而且雞肉都幾滑，唔錯啊！豬頸肉米粉都幾多料，不過如果豬頸肉如果切厚身啲口感會更好。呢碗係扎肉船河，船河嘅口感幾特別，比普通嘅河粉有彈性同滑溜之後仲食咗幾款小食！$28嘅炸蝦餅抵食又好味，新鮮熱辣炸起，爽口彈牙，必食推介檸檬雞翼冇乜檸檬味，不過炸得非常香脆，而且係單支骨雞翼，食起黎好方便串燒豬肉燒得幾香口，調味足，好好食但肥膏多咗少少最後仲叫左生蝦刺身，味道幾鮮，個酸汁同辣椒蒜頭吊味一流！食咁多樣嘢先二百幾蚊，開心

你有去過泰國吃船河嗎？在水上市場，很細小的一碗，熱燙燙，很滋味！現在你不用走到泰國，更不用泛舟河上，都可以嘗到這碗好滋味，說的是「泰筏味」的mini size泰式湯河！ 雖說是大角咀，但從旺角地鐵站走過去只需要十分鐘，算是方便。餐廳採快餐店自助購票形式，除船河以外，還有其他泰國美食，價錢很相宜，多吃也不「肉赤」。 牛雜船河金邊粉、牛丸船河金邊粉、豬肉丸船河、脆肉船河 ($15@)就以船河為例，每碗只15元，但屬mini size (午市為方便趕時間的打工仔，湯河轉回正常size，售$40-$45)。如果你吃圖中這款mini size，就可以跟餐牌指示的，吃四碗也不算多，還可以多選幾碗不同口味，很適合我這種有選擇困難症的人！湯河的餸主要分兩類：豬肉、牛肉，例如是牛雜、牛腩、牛丸、豬手、脆肉、豬頸肉等等，麵底亦可選河粉、金邊粉、綠茶麵、米粉，價錢相同。我特別喜歡吃牛丸，彈牙有肉味，湯底很惹味，喜歡的還可以加點魚露。麵底的話，河粉很滑，綠茶麵雖然完全沒有綠茶味，但質地煙靭，我也覺得不錯。 肉碎生菜包 ($48) 很喜歡吃生菜包，這個價錢確是相當抵食，而且味道絕對不差，香辣惹味，必點

第一次食船面。面質比較彈牙。湯底都幾濃，幾重牛骨牛肉味。啲料都幾多，不過學佢地話，船面一般吾係好大碗 所以面既份量比較少，如果大食嘅人或者要叫兩碗先夠食喇。入面叫做半自助 買完飛會有人送過黎俾你 不過個流程有啲啲古怪 同埋買飛得一個人相對會慢少少

最近我愛上左泰國船河，周圍搵下邊到有正宗既船河食發現左大角咀呢間主打食船河，而且下晝三點起只係$15碗雖然係大角咀，其實係旺角mtr行過去都好近入到黎，自己好自助咁搵位，有d似 food court，揀好食咩後，去counter 落order俾錢，之後有個牌仔放枱，侍應就會送餐俾你睇到個簡單介紹，一個人食四碗唔過份，因為船河係泰國水上市場既小食，份量都係細細碗，我地先叫左一人一碗船麵，同因為想食埋佢豬手飯 同小食脆肉船河，脆肉仲有少少脆，用左闊身河粉，質感嫩滑；而牛腩金邊粉，牛腩味濃又軟腍，金邊粉爽口，河粉同金邊粉，各有千秋兩碗船麵河，湯底都係深啡色，非常濃郁，帶鹹香而唔油膩，配菜有豆卜， 蘿蔔，芽菜再配搭唔同香葉，感覺正宗泰式豬手飯， 滷得好深色好入味，質感軟腍，而且豬毛清得好乾淨肉碎生菜包，係我最喜愛小食之一，豬肉碎辣辣地好惹味，用新鮮生菜包住食，用手食特別有風味見炸蝦餅咁平，加一份先，蝦餅炸得好鬆脆，唔會好油，蝦膠彈牙豬丸串，又係好平喎，叫埋先味道正常，不過唔太夠熱飲品方面，大多數都已經整定係雪櫃，我叫左杯泰式奶茶，由於無冰既，不但唔會沖到味都淡哂，而且都夠凍，不過茶味唔夠濃榴槤

去泰國，我最鐘意食既唔係魚翅，唔係榴槤 而係街邊一檔檔既金邊粉 最記得以前成日一袋袋咁外賣返酒店食 之前FACEBOOK 介紹有間食泰國船河既餐廳 就趁星期日出去旺角行街時去回味下先 呢間位於塘尾道既餐廳，老實講，有少少吊腳 如果唔係有心黎，真係好少機會黎到呢頭~ 不過為左呢個粉，行遠少少又點話~ 雖然係食泰國野，店內除左個四面佛外(神像唔好影相嘛)，其他都同一般餐廳無乜分別~ 佔地都幾廣，有2邊廳，加埋都成50-60個位~ 入門口就看到呢個餐牌啦，基本上全部既野食都係哂度 睇啱食咩就去櫃位落單，之後就可以坐低等食~ 今日黎到時啱好係3點，下午茶時間~ 嘩，下午茶 竟然係15蚊麵 同正常既40蚊差3倍咁多 @@ 問左待應，原來40蚊就係正常份量，15蚊就係細碗份量 除左粉麵外，呢度仲有好多泰式小食，雖然無下午茶價 但全部都係廿幾蚊至4X幾蚊，超級抵食~ 呢度仲有個靚湯任裝 實材實料，勁似阿媽靚湯~ 呢度既醬料籃都超級齊料，有齊哂泰式既辣椒粉/魚露/酸醋同糖 而且全部干淨整齊清潔，值得一讚~ 食粉麵加5蚊或8蚊就可以有野飲 有多種泰式特色飲品，好似龍眼冰/珍多冰/菠蘿冰

在公司附近,行5分鐘就到,之前食過$15下午茶船河餐, 湯底濃,似肉骨茶味,蘿蔔又甜又淋,份量少左D,今次食lunch份量$45,比下午茶多好多,上次食過豬手唔錯,今次食牛雜,朋友食豬雜,金邊粉仍舊好彈牙,湯底濃,水準無變,好多牛雜,叫多左個小食share,生蝦$45有4隻,個醬同平時食開既唔一樣, 呢個係綠色,少少辣,生蝦大隻,有膠質,好抵食又好味道!無熱飲只有凍飲,叫左洛神花茶,一叫即到,唔洗等, 入面無冰,只係雪凍左,唔會愈飲愈淡!除左船河,仲有好多小食,甜品,飯,總有一款岩食

見到Facebook介紹呢間餐廳 ＄15一碗麵 細細碗可以試多幾隻味 又有唔同湯底同餸 胃口細細嘅女仔叫咗一兩碗麵仲可以試多幾款小食 啱晒😛😛😛 最好食係佢個小食！不過唔記得咗叫咩名🙈😂 大家睇相叫啦🙉🙉🙉 味道好香口感彈牙🤓

今次試佢地嘅牛雜船河 (beef-mix boat noodle). 45蚊大大碗、份量底食。湯底ok, 好多河粉。不過冇咩牛味,不算太濃牛雜大約每樣有一舊，可惜牛腩帶有碎骨。而且比較難咬、其他牛肚和牛肉亦只有少少。希望品質可以改善加多5蚊仲有杯凍泰奶茶。再order咗碟黃金蝦餅 、依個賣相幾好，味道也不錯👍🏼 , 不過食落乾咗d。值得一贊佢地d員工服務有禮貌，店內環境尚好如果佢地既signature 船河再好食d會更好。

今日同fd去屋企附近傾開計，然後肚餓，就去左呢間泰式餐廳食下午茶每碗麵都係$15，加多$8飲泰式奶茶，餐廳係用自助既形式。買完之後好快就有野飲同豬頸肉金邊粉雖然細碗左啲，但味道一流，行開大角咀既朋友可以試下！

媽媽睇到某報既廣告又話想試下呢間船面餐牌環境幾好，尚算寬敞此店係半自助形式的，自己去買票等專人送食物過來。泰國魚餅因為冇蝦餅，轉左魚餅本來對魚餅冇興趣，外面食既都好重香料味但呢個味道適中。串燒豬肉＆泰國雞寶串燒豬係腩肉來的，略甜。雞寶係腐皮包住雞肉同紅蘿蔔我個人較喜歡女神好難飲，吹波膠溝奶咁味，又甜。泰色奶茶＆龍眼冰泰色奶茶又係好甜，奶精味好重。龍眼冰係最正常。豬手船河/ 豬雜船河/ 脆肉船金邊粉船河配料都係得一兩舊，都預左既但豬手就一舊豬皮一舊肉，好似又真係少左Ｄ喎。脆肉就三舊燒肉；最抵食係豬雜，咩都有Ｄ。河粉好似陳村粉，軟滑彈牙。金邊粉未熟透，好硬。食物都幾抵食既，但飲品期望改進

平日去泰國餐單，見到樣樣都想食。但兩個人食實在叫唔到咁多款。今次試嘅呢間泰國船麵餐廳，每款平平地細細份，就算兩個女仔黎都可以叫多幾款唔怕食唔晒晚市每款船麵都係$15一碗，有豬同牛嘅不同部位揀。如果加埋飲品都係$5-8，都幾抵。假如你胃口細細，一碗麵一杯泰式飲品，埋單都只需要$20！