泰金鍋

营业中

休息中

這間位於荃灣海之戀的【泰金鍋】，主打泰式火鍋放題，晚市有四款放題套餐，由二百多元起。我們選了B餐，包了幾款海鮮、美國牛小排、豬羊、多款泰式串燒及沙律等，另外還有自助吧，超過40款的火鍋配料、熟食及甜品等。熱食有海南雞、泰式炒肉碎等等，十分豐富。所有套餐都可以自助夾新鮮海蝦。湯底有十款多，我點了養生菇菌清湯鍋。幾款肥牛都肥瘦均勻，而且肉質嫩腍。自助區有多款特色丸，入口彈牙，蔬菜款式都很多。泰式甜品一定要試椰汁西米糕。最後一定要試這個刨冰，自助區有多款配料，打卡一流，製作一份獨特的刨冰。

這間新開的火鍋專門店位於荃灣海之戀商場，主打泰式火鍋放題任飲任食。店內環境寬敞開揚，感覺悠閒，裝潢充滿泰式風情。晚市時段設有四款120分鐘放題套餐，均可體驗捕捉活蝦放題。捕捉活蝦放題可親自動手捉蝦，即捉即食充滿樂趣！鮮蝦來自本地蝦場頗肥美，使用有機飼料養殖，每日新鮮運送到店，味道十分鮮甜。九款泰式湯底每日新鮮熬製，最受歡迎是冬陰功湯底。青檸椰奶雞湯鍋，濃稠的雞湯鮮甜十足，帶一層油脂充滿膠原蛋白，青檸椰奶酸甜順滑好開胃；藥膳豬骨白湯鍋鮮甜美味，更含豐富的營養。澳洲產M6和牛餐 - $328肉類方面，澳洲產M6和牛極為嫩滑，帶有豐富的脂肪紋理，柔軟且多汁；極上牛舌最軟嫩、鮮脆且多汁；特級牛胸腹帶有肉筋且纖維較粗，帶點有嚼勁；特選豚梅肉爽口幼滑；澳洲產草飼羊肩肉不肥不膩不羶。海鮮方面，蟹籽墨魚滑鮮甜爽滑夠新鮮；紅皮魚柳細嫩且層次分明；墨魚仔嚼勁十足。小食方面，原隻大蝦米網卷金黃酥脆不油膩；泰式雞寶充滿東南亞香料味；還有泰式沙嗲雞肉及豬肉串，即燒不乾柴，嫩滑多汁好惹味。自助區超過90款火鍋食物、熟食區、配料、飲品及甜品熟食區方面，泰廚秘製海南雞肥美飽滿，有爽彈雞皮及嫩滑的雞肉；泰式黃咖喱海鮮帶

呢個位之前間牛牛火鍋新開都有幫襯過幾次, 一開始覺得唔錯所以有keep住去, 但質素每況愈下就冇再幫襯, 之後早排見轉左而家呢間諗住去試下新野, 入去之後覺得好似同牛牛冇咩分別, 連碗都仲係寫住牛牛先知係同一集團, 今次揀左C 澳洲M6和牛餐, QR Code落單+出去自助夾野食同蝦揀好湯底坐低佢會先上湯底, 2份牛肉, 如埋送既他他醬焗蝦, 睇返上面門口餐牌張相先見到佢話每位2隻, 點解我地2個人得2隻? 不過都冇所謂, 反正隻蝦都唔好食, 湯底幾香, 牛肉質素都唔錯qr code落單睇一睇有咩食, 選擇好少, 門口menu寫既已經係全部, 不過可以出去夾野食既, 但好多野睇落都乾乾地好似擺咗好耐咁所以都只係夾咗少少, 第一次食自己夾蝦既餐廳, 但我發現我唔係太適合呢種玩法, 親手夾隻蝦上黎佢抽搐嗰下有d不安, 所以夾左一次就冇再夾, 樣樣都唔啱食唯有主攻肉啦, 因為d肉一碟得4片所以每次都叫2-4碟, 但明明都係點m6和牛, 但總會有碟睇落唔係一樣既肉夾左係底都算啦, 再點多2次之後d牛直接變晒下圖既質素, 會唔會差太遠??見到咁樣都冇心情食落去, 埋單走算啦

非常伏，第一次食60分鐘但40分鐘已經食完。湯底檸檬香芧，無味！選擇少，用料差，丸類全部淋身，烏冬本身用幾蚊包嗰D，唔係貴貨但仲要開曬佢浸喺水，烏冬全部碎濕濕，一煮已經淋到不得了！蔬菜選擇少又唔新鮮。熟食有蝦餠魚餠冬蔭功湯，味道一般。有雪條。服務又差, D 侍應無禮貌！好伏！大伏！40分鐘就埋單走人！無下次！

炎炎夏日邊個話唔可以過嚟打邊爐？今日就帶大家嚟一間 泰式任飲任食邊爐！金泰鍋。我地點左C餐 m6和牛套餐。餐廳特別之處 就係可以一人一鍋每日可以揀返自己最想食嘅湯底。鍾意食辣嘅朋友，可以叫辣嘅湯底。食唔到辣嘅朋友可以叫其他特色嘅湯底。我哋點咗冬陰功湯底 以及椰子雞湯底。一入到嚟 就見到好多唔同嘅泰式食物。真係眼花撩亂 每樣嘢食都10分吸引。所以每樣食物我都拎咗翻位置品嚐。一開始已經有兩盤精選牛肉送上枱面。 油花都相對平均。入口幾有牛味有口感。呢個餐最主要係食澳洲和牛 我哋當然係嗌多和牛啦。和牛充滿油花 脂肪紋理十分漂亮。入口即溶 油花爆滿 而且肉味濃郁。感覺十分滿足。另一樣相當出色的就是牛胸爽。牛胸爽是牛心口的一整塊脂肪。充滿油香，爽口而不油膩。餐廳還有一個最大的特色 就是可以在魚缸夾新鮮的游水蝦。餐廳有一個獨立魚缸，養住新鮮蝦 等着你來夾。 鮮蝦肉質爽彈 10分鮮甜。好玩又好食。此外 我們還參加了一個夾蝦王大賽。 如果夾中指定重量，就能獲得獎勵。食到差唔多飽 係時候到甜品時間。佢有一個位置可以整，你自己喜歡食的刨冰。10分有特色。你可以選擇唔同嘅配料加上去 製作一個只屬於你口味的刨冰

爸爸突然話荃灣開咗間泰式嘅火鍋放題，即刻收到做野！今日就帶佢去食🤣環境餐廳闊落新淨，坐得都舒服湯底除咗一般見到嘅壽喜燒鍋、蕃茄鍋等，仲有幾款都係泰式湯底，冬陰功鍋、叻沙鍋、檸檬香茅等，啱晒食慣火鍋，又想試新嘢嘅人😆自助吧枱其實我都係第一次食泰式嘅火鍋放題，諗住都冇咩特別，不過原來真係有多啲唔同嘅泰式熱食提供，對比普通火鍋放題，有幾特別👍🏻 佢嘅熱食包括海南雞、冬陰功湯、泰式油飯、粉絲、泰式辣肉碎，味道都唔錯喎！😍菜款式都幾多，基本一般火鍋放題既菜都有🙊 飲品有泰式奶茶、香茅水！泰式奶茶甜甜地，有奶茶味，好OK！👍🏻 仲有飲品櫃有椰汁水、寫住泰文嘅飲品😂 可以試新嘢😎 我哋叫咗個泰金冬陰功鍋同埋青檸椰奶雞湯鍋，一開始嘅味道會出啲，加湯之後就會淡左，因為佢哋用同一款湯底加湯。自助刨冰機+甜品佢仲有個刨冰機，加冰落去就可以出到刨冰，仲有好多配料俾你自己，製作你自己嘅刨🤤 甜品唔少得泰式嘅嘢，包括椰汁西米糕同埋千層椰汁糕，仲有啲雪糕雪條🤟🏻B餐美國產極選肩胛牛小排餐 （120分鐘） $338 肉質都唔錯，包埋A餐既肉揀，都有五款肉，三、四款海鮮揀；食材都新鮮。B餐包埋嘅熱食都唔少，有沙嗲串燒、

港/台式火鍋就成日食，呢間係泰式火鍋放題，究竟有咩分別?!  食力組組員就相約一齊去試下。三種價位，要咗B餐 ($268) 澳洲產極選肩胛牛小排，有成80種食品選擇。任飲任食兩個鐘，基本啦。多款特色泰式湯底，選擇檸檬香茅鍋及青檸椰奶鷄湯鍋，滾起時已經聞到好香嘅香茅味，加上有檸檬微酸味，估唔到用黎火鍋(尤其烚肉時)都幾夾。掃二維碼就可落主要肉類及小食，侍應先送上幾客極選肩胛牛小排，薄薄一片，脂肪分佈及肉色靚仔。好快轉色就食得，口感柔軟及幾重肉味，馬上追加。另有極上牛舌又係唔可以錯過，軟熟得黎又有少少嚼口。丹麥產皇冠豚梅肉唔會太肥，食得過。其他蔬菜，丸類，菇類及粉麵類都可以自己出去拎。估唔到連泰式海南鷄度都有得食隔離仲有油飯，咁就少少地自製一客海南鷄油飯啦。加埋特色鷄醬，又有有味飯，要叫自己唔好食太多呀。見到有沙嗲鷄肉豬肉串，叫D黎過下口癮。熟食方面有幾款，小試咖喱海鮮及泰式海鮮炒粉絲，質素比美散叫。仲有泰式沙律及生果出面自助區亮點莫過於自己撈蝦，未試過自己撈跟手再火鍋。活蝦黎架，入口彈牙唔係霉，食多幾隻都可以。除咗紙包/罐裝凍飲外仲有自斟泰式飲品，泰奶/泰式綠奶茶/香茅水都有。清熱之選梗

❇️與老友榮少相約在荃灣海之戀商的泰金鍋享用牛肉鍋放題,確實是一個美好的用餐體驗。✨我和榮少抵達餐廳後,立即被店鋪的幽雅舒適的環境所吸引，坐在望海的窗邊位置，倍增食慾，我們選擇了豬骨湯鍋底。泰金鍋提供澳洲穀飼肩胛牛小排放題,每位成人只需$338,實在是超值。⭐餐廳提供了新鮮生猛大蝦放題,以及各種蔬菜、菇菌類、肉丸等豐富的食材。我和榮少忙著在鍋中烹煮不同的食材,享受着美味的過程。餐後,我們又品嘗了泰式甜品和自製刨冰甜品,非常好吃。此外,餐廳無限供應罐裝飲料和雪條甜筒,讓我們吃得非常過癮。🤩整個用餐過程中,我們都感受到服務人員的熱情周到,讓我們賓至如歸。我和老友在這裏度過了一個愉快的夜晚,飽餐了一頓美味可口的泰式料理,為這一天劃上完美的句號。

今日去左泰金鍋打邊爐，呢間火鍋店有9個湯底選擇，辣同唔辣既都有，仲要一人一鍋，呢點真係好正👍🏻特別如果一大班人去既話，都唔需要特別遷就其他人，始終有啲朋友食得辣，有啲又未必食到。除左湯底之外，嘢食同嘢飲既種類都好多選擇。嘢食方面，基本上平時一般火鍋店有既蔬菜種類，呢間都有，想要特別少少既話，呢間都有蟲草花可以揀，而一般既蛙蛙菜, see you tomorrow, 粟米果啲都應有盡有。腸仔、芝心丸都係，平時打邊爐既配料，呢間都有提供俾你揀。呢間仲可以俾你QR code點嘢食，肉類基本上都係用QR code點，仲可以點埋蝦滑、雞肉同豬肉串燒等等的。出面選料區果度都有少少熟食可以揀，例如海南雞，仲有油飯配埋。由於呢間都係泰式火鍋店，所以佢熟食區都有泰式冬陰功湯俾你添飲。嘢飲方面既話，汽水佢都有，仲有啲小眾啲既，例如罐裝黑糖薑茶，嘢飲款式都幾多，可以到時再慢慢睇，揀啱自己心水。除左罐裝之外，仲有已經整好既泰式奶茶同埋香茅水，可以自己斟嚟飲。果邊仲有刨冰可以自己整，刨冰嘅醬料都有朱古力醬、士多啤梨醬同煉奶可以揀，刨冰配料亦都有菠蘿、珍多條等等選擇。見到呢間火鍋店仲有幾款泰式甜品可以揀，但由於我

放工經過荃灣海之戀，見到泰金鍋開到來荃灣，之前食過旺角分店好鬼正，諗都冇諗即係入去品嚐泰國風味的打邊爐，我地揀左B set 美國產極選肩胛牛小排餐 $318，任飲任食2小時，時間綽綽有餘✅✅一人一小鍋的形式，青檸椰奶雞湯＆藥膳豬骨白湯，兩款味道都唔錯，湯底坐低好快已經送上👍仲送埋三碟靚牛，真係好貼心❤️火鍋配料可透過QR code 無限落單，大量牛小排、羊肩肉、肩胛肉眼、牛舌、牛胸爽，樣樣都好鬼新鮮🤗🤗最主要當然食牛，牛小排同肩胛肉眼，肉味真係好夠色澤紅潤，肉質軟嫩✨😋又可以係出面自助吧任拎，樣樣都包羅萬有，仲有多款丸類、海鮮、蔬菜、面類等等，超級豐富👍最特別嘅係呢到有新鮮活蝦🦐，客人可以即時夾起活蝦，有得玩有得食，保證新鮮🔥🔥飲品🥤🥤除咗基本飲料，仲有泰式奶茶，真係唔可以錯過😍甜品甜品選擇都幾多，有平時的雪糕雪條，最主打必食❤️斑斕糕、椰汁糕最緊要試埋新出的刨冰(自助區)，多款配料同醬料，根據自己口味，做一杯炎炎夏日的刨冰，爽呀🤩🌟大家經開可以去試❤️🥰

利伸: 係負評, 難食。(請OPENRICE保留個喊)老實講，今次呢餐飯真係令我好失望。滿心期待去試佢哋嘅「澳洲M8和牛胸腩」，點知完全唔似預期！最貴嗰個套餐，但係啲牛肉一啲都唔似M8和牛，薄到好似紙咁，油花都唔多，真係令人難以置信！（圖我上篇出咗, 有圖有真相，費時重覆又俾借口OpenRice唔畀我擺上網，希望佢哋可以改善下呢方面啦。）$328一位，只係食得120分鐘，真係唔抵！另外，餐廳話有「泰式甜品」，但係我去到嘅時候就話「暫停供應」，冇得食椰汁糕同斑蘭糕，真係有啲可惜。想食吓蝦都唔得，因為「中午時段不設夾蝦」。熟食區選擇唔算多，主要都係蝦餅、魚餅、蒸包嗰啲，雪糕就係普通嘅牛奶公司出品。OpenRice上面嘅餐牌選擇好似豐富好多，希望餐廳可以改善下。因為食物質素同選擇都未如理想，我哋食咗一陣就走咗，120分鐘都用唔晒。明白餐廳經營唔容易，不過希望佢哋可以改善食物質素同服務，唔好辜負咗食客嘅期望。OpenRice作為一個飲食平台，都希望可以繼續努力，提供更多更準確嘅餐廳資訊畀大家。隨意搣走食評D喊, 冇公信力, 有偏幫餐廳之嫌。

前排行街無意中發現呢到新開左間泰式放題邊爐喜歡食泰國菜既我 決定今晚抽時間過嚟試吓佢😋呢到環境都寬闊 好光猛 坐落亦都好舒服入座之前 係門口揀好哂湯底 一次過比埋錢店員就會直接將食物送到枱上～🔎湯底呢到湯底都有好多款選擇 樣樣都好吸引咁今次揀左青檸椰奶雞湯鍋 同埋 養生菇菌清湯鍋青檸椰奶雞湯鍋 好足料 湯入面多種香料 越煲越有味 椰奶味好香 亦唔會過分地濃 清香既椰奶味 配搭肉類同蔬菜類都份外鮮甜養生菇菌清湯鍋 有淡淡嘅菇菌香味 而且湯底非常之清 一啲油膩感都冇 非常適合唔想食太油但又想打邊爐既人🤣🔎肉類今次嗌呢個餐有幾款牛肉選擇個人最推介美國產極選肩胛牛小排牛肉一啲都唔乾 唔韌 牛味好足夠而且食左兩三盤 質素都keep到好平均絕對冇出現越食越差質素既情況出現👍🏻🔎蔬菜類呢到既蔬菜菇類種類好夠多 而且個樣好新鮮好難得地見到有西洋菜 食落完全冇渣而且係有帶甜味 芋頭好夠粉好夠香😋其他蔬菜類質素都好不錯 新鮮🔎熱食和小食類熱食同小食絕對係呢間餐廳既特色之一呢到有非常多熱食選擇 喜歡食雞既我一見到有海南雞食 即刻衝左去夾翻兩三件🤣仲有咖喱蝦、粉絲蝦、沙嗲串燒、油飯質素能夠媲美上出面既泰國菜餐

咁耐都未試過打泰邊，首先每人簡一個湯底，以小鍋的形式，簡左叻沙湯&青檸椰奶雞湯。主要分左4個set ，今次簡左set B，可以掃QR code order 肉類/沙津/串燒/炸物，set B 肉類主打牛小排，味道都唔錯，肉味幾濃油花分布均勻～另外，可以係外面自助區自取食材，蔬菜、丸、飲品、熟食款式都幾多選擇，員工都不停refill，當中比較吸引，竟然有得自己夾蝦，蝦肉都幾彈牙！仲有加入左不少泰式的元素，如泰國麵、米粉、泰奶、泰式醬料等，自家製的甜品：椰汁西米糕、椰汁斑斕千層，味道都唔錯～

海之戀新開既泰式火鍋放題 瘋狂任夾新鮮流水蝦 湯底同小食款式都行泰式路線 感覺幾新穎 宜家天氣咁熱去食實在泰有feel🥹🥹晚市火鍋放題分四級 我地試左set B 平日正價$288加一 主攻美國極選肩胛牛小排同澳洲下肩胛眼肉 油花同肉香均勻 唔會太膩岩岩好 湯底一人一鍋 八款特色湯底之中試左 馬來娘惹叻沙同青檸椰奶雞湯 兩者味道幾溫和 唔會太辛辣 覺得可以重口味d就更加刺激~一入門口有個大水池 原來可以任夾本地新鮮流水蝦 大人細路都圍住一大缸流水蝦 很想去捕捉蝦 肉質的確新鮮彈牙🦐🦐出面自助區除左丸類蔬菜火鍋配料 仲有幾十款泰式小食! 海南雞keep到幾嫩滑有雞味 冬蔭功湯足料香濃 泰式肉碎同粉絲炒蝦都幾惹味 最後配返個泰國mama麵同泰式奶茶就泰滿足😇另外仲有部分炸物係手機落單 確保送到黎熱辣辣 有迷網炸春卷 沙嗲串燒 魚餅都唔錯 仲有個蟹籽墨魚滑打邊爐都係必點甜品有椰汁糕 斑蘭糕 椰汁香濃亦唔會太甜質感都唔錯👍🏿 最後仲可以DIY泰式刨冰 有泰式三色啫喱做配料 遊玩性一流🤪

伏伏伏伏伏伏伏伏伏伏伏伏伏伏伏伏廢話不多說: 睇圖這是「澳洲產M8和牛胸腩」即是最貴個plan嗰隻牛lunch $328成人120分鐘(湯底再加10蚊)為免個別差異，黎！我哋睇多一盤！嗱！平時為免中伏，寧願俾貴小小食好啲既PLAN，點知…俾啲咁既嘢我？認真？完咗。伏伏伏伏伏伏伏伏伏伏伏伏伏伏伏伏泰式甜品暫停供應。乜嘢泰式椰汁糕、泰式斑蘭糕…是日乜都冇。完咗。伏伏伏伏伏伏伏伏伏伏伏伏伏伏伏伏中午時段不設夾蝦。完咗。伏伏伏伏伏伏伏伏伏伏伏伏伏伏伏伏熟菜得蝦餅魚餅、蒸包、蝦餃燒賣(仲要鬥搶)雪糕食牛奶公司。得兩間菜櫃，一眼睇晒，APP點單既選擇都好有限。伏伏伏伏伏伏伏伏伏伏伏伏伏伏伏伏120分鐘完全用唔晒，因為根本冇咁多嘢食，好耐冇食過咁伏既餐廳，真係唔怪得星期日得佢唔洗等位。真係有原因。必需寫出黎警世。