泰風情

营业中

休息中

在門外被午市特價餐牌吸引著的媽媽，「就這家吧，餐牌很抵吃。」絕對服從母親大人的決定，步入了這家沒有一貫泰菜浮誇裝潢的小店用午餐。餐牌除了有經濟抵食既午市套餐，送飲品，都只是40多元，還有一整本厚厚的regular menu，不是簡單。對於炒Pad Thai有一份莫名執著的我，一定會在每一間泰菜館點這個，才算是在吃泰菜。這份金邊粉比平時的少了一件青檸佐碟，而且花生碎未叫香口。粉身偏幼細，炒得分明，蝦肉新鮮彈牙，不過不失。青芒果沙律，酸酸甜甜的很開胃，大方地用上很多腰果，辣度一般，不過略微過濕。馬拉盞炒通菜，味道不夠濃烈，辣味一般。餐廳用上這種深綠色的通菜，口感比一般淺綠色的來得硬一點。椰青炒飯，椰青內的椰肉全被起出，一同炒飯，粒粒白飯都有椰子味。甫一上桌，發現炒飯多到鋪滿椰青頂，用湯匙分飯時候，飯都滿到瀉。用上大量腰果果仁，味道很香，不過用上急凍雜豆，好像有點降級的感覺。椰汁西米糕，椰汁和西米的比例剛好一比一，份量迷你，一口一件，冰涼口感剛好為炎夏劃上句號。

今日原本約了二哥出紅磡食飯, 但由於下著密密麻麻的雨, 交通極濟塞, 我們不想把吃飯時間用在慢車行駛中, 唯有在迴旋處改變目的地, 轉移陣地往九龍城, 二哥想吃泰國菜餐廳環境舒適, 裝修整潔、別緻, 與一般泰國菜館有別時間尚早, 而二哥與我也喜愛不與人迫位, 廚師也可早些專注地炮製菜餚給我們, 早食早饗樂餐廳菜牌選擇多多, 我們二兄妹很有主見地點了喜愛的菜如下:二哥是一個火熱的人, 所以特别喜愛椰青, 清甜消暑透心涼! 原始的水果最健康不過的!青木瓜絲沙律是我的至愛, 青木瓜絲配上車厘茄、生菜、豆、少許紅蘿蔔絲及香茜、洋蔥, 醬汁酸甜開胃, 非常欣賞泰國人在這麼多年前已懂得吃這些酵數高的沙律這個豬雜湯河, 非常特別, 河粉是用米漿製出卷型的, 與一般可分不同的, 很軟滑! 豬肚、豬紅、 滷肉、豬肉、 粉腸 、豆卜、蛋再加上香茜、 炸蒜! 豬肉湯底, 香甜無比! 蠔仔煎蛋, 懂得叫的一定會叫少油, 蠔仔多份量夠, 大細剛好的蠔仔, 應該是當糙才這麼鮮甜味美的!牛、雞、豬串燒共半打, 即每人可品嚐每樣一串, 即叫即燒, 新鮮熱辣, 配上特製沙嗲醬很夾味, 我特別喜愛雞串燒的軟熟, 而二哥

又去九龍城搵食泰菜, 今次食呢間位置係食泰菜既主場地街道, 一D都唔難搵早到關係, 唔係太多客, 環境都算幾舒適, 電視播著泰國節目, 哈..............一句都聽唔明, 可以專心食野! 我地選坐卡位, 展開我地既泰菜之旅天氣有D悶熱, 試過泰式木瓜絲沙律($48) 開下胃先 - 份量都幾多, 配送生菜一藍, 材料都幾多, 當然有青木瓜絲, 蕃茄, 伴以花生碎, 味道酸辣好開胃, 怕辣既可以伴以生菜包住一齊食, 就可減辣!店員推介我地試呢款泰國黑毛豬串燒($88/半打)燒得好香, 好香豬肉味而且肉質比較嫩滑, 點埋佢既醬汁一齊食, 半打好快就被KO了呢款係招牌海南鷄 ($88/半隻) - 上枱前再以熱湯淋上以加熱, 食落幾香鷄味, 而且肉質都幾嫩滑, 果然係招牌菜呀加多個咖喱炒大蜆($168) - 大蜆"浸泡"係香滑惹味既咖喱汁內, 蜆肉唔算大隻但食唔到有沙, 個汁配以白飯/法飽就絶配啦!每次食泰菜都會叫馬拉盞炒椰菜苗($65), 可能自己唔會買椰菜苗卦炒卦(哈..), 呢碟份量正常, 味道唔會過咸, 椰菜苗若然炒得"淋"少少會仲好D埋單時仲會送上甜品一客, 有我最愛既大菜糕

屋企人最近迷上左泰菜我地又去九龍城搵野食啊媽話想試新野見呢間好似新新地(其實開左有成年), 就入來試下燒雞翼唔知點解斬左件, 但味道唔錯, 所以食完再叫多份來鹹左少少 馬拉盞味唔出, 如果我地有個白飯可能會好d黑毛豬串燒呢個感覺幾特別, 平時少見, 食落幾juicy泰式炒金邊粉食落酸酸地, 好野味, 酸味好夠, 唔會太酸蝦餅好好食, 口感夠Q 串燒方面個醬普通d，但燒得幾香口雞肉肉質保持juicy雞腎口感爽口彈牙(有唔同套餐)甜品唔錯我地比較鍾意椰汁糕d椰汁味道勁香濃，但又唔太甜龍眼冰未算好濃味芒果沙冰好飲，好清甜，無咩酸味整體感覺都唔錯，但泰菜係九龍城競爭實在太大，老闆可能諗下計整d特色野吸引人舖頭對面有間燒烤店，都係佢地gei呢間已經開左好多年，燒烤來講佢地可以話係達人，建議佢地可以整d獨特風味自家製燒烤醬，可能會更吸引

黎到九龍城又點能夠唔食泰國菜呢？見呢排天氣濕濕凍凍咁，一於食番d 辣野暖下胃先～冬蔭功(小)：一開始飲番碗冬蔭功，暖下個身先。碗冬蔭功睇落平平無奇，其實入面落足哂料！一撈起，全部都係冬蔭功d 主要材料：鮮蝦，菇類，蔬菜，仲有多種香料，令整個冬蔭功造出多層次既味道。一飲入口，先來一陣酸酸甜甜的味道，有點像高級餐廳的羅宋湯；之後係一陣暖暖地辣辣地既味道。飲完後仍會有一陣慢慢既微辣留係口腔內。呢個冬蔭功冇想像中咁辛辣，而是一種慢慢既小辣，即使我唔太食得辣都接受到沙嗲串燒(雞/牛)：串燒黎講其實唔駛點特別做都已經好正。佢呢個牛串黎講會比較濃味少少，唔加沙嗲醬都已經幾咸。雞串會淡口少少，加番秘製既沙嗲醬會好味好多。沙嗲醬裡面有好香好脆口既花生粒，散發住好香濃既花生味。加上少量既椰汁，令對呢個沙嗲醬極為鍾情。同埋d 牛肉其實燒得幾好，中間d 位置都唔會燒到過哂龍，仲有d 紅紅地既肉，食落仲有少少鬆軟，不錯蝦醬炒飯：必食！本來店主出餐出慢左，諗住唔要，最後店主都係堅持要我地試一下呢個飯，話係佢地招牌菜之一。一食之下，不得了…未食已經聞到有一陣濃濃既蝦醬味，新鮮的滑蛋加上香口鬆化既肉鬆，配以極具火喉既

這陣子因為球隊的關係常在九龍城搵食沿著衙前圍道走, 餐廳十分多, 過馬路時看到這家店, 因之前吃過對面他的串燒分店不錯吃, 便選這間吧泰有氣氛的裝飾, 招牌菜在牆上任君選擇走路久了有點累, 先點了青檸梳打及椰汁冰青檸梳打夠酸又夠氣, 色水不會太誇張, 不怕色素落肚椰汁冰有好濃的椰汁香氣,不會太杰身海南雞上枱時已被黃色外皮吸引, 睇落新鮮, 半隻雞2人食用剛好上枱時已被黃色外皮吸引, 睇落新鮮, 半隻雞2人食用剛好食落皮爽肉滑,現在香港人都比較怕油, 海南雞的皮可以做到沒有肥膏, 不怕膩肉質夠滑而且有雞味, 特別要讚雞胸部份, 煮得剛熟唔硬而起骨都起得好清, 伴碟的汁是微酸辣的黑毛豬串燒我們是欣賞他分店的串燒而來的, 當然要點半打串燒職員推薦了餐牌上沒有的黑毛豬串燒串燒微焦, 以偏甜味的醬料燒製每串都混和了爽肉及淋肉, 半肥瘦, 亦是燒得剛剛熟, 不會過老點上酸辣汁食, 亦非常惹味招牌豬手豬手的皮有特別的香料味皮明顯煎過, 令外皮比較有咬口豬手煮得夠淋, 已骨肉分離, 肉味比較淡, 記得拌勻底下的滷水肉汁及酸菜食, 口味會比較豐富酸菜底也做得好淋南瓜咖哩軟殼蟹看到原個南瓜盅上枱, 實在有

平時好少同屋企人食泰菜,今次就揀左呢間泰國菜黎試。原來泰風情唔止有主菜,對面街仲有串燒店,下次經過會試下。酸辣鳳爪沙律$68屋企人鐘意食鳳爪,於是就點左酸辣鳳爪。酸辣鳳爪食落酸既味多過辣,水準都OK,沙律主要係生菜溝酸辣汁。鳳爪同沙律既味道都幾夾。沙嗲串燒$88沙嗲串燒燒得幾香同入味,烤得外皮脆,一咬開食落好juicy。厚度都岩岩好,係黑毛豬黎,點埋沙嗲醬食更加滋味。不過食太多會濟。芒果糯米飯$50味道方面, 芒果生左少少，但都入到口，未真係熟到好甜。糯米飯整得煙煙韌韌，少少咸咸地，溝粉溝得唔錯，口感十足。糯米飯配上芒果片，一甜一咸，味道特別。呢個係我最鐘意既甜品。蝦醬炒通菜$55蝦醬炒好香,但蝦醬太多,令個菜咸左少少,不過通菜都幾新鮮,如果送飯就一流。招牌海南雞飯$48屋企人都讚好食,話油飯夠香同入味,份量足夠,D雞夠新鮮同滑,食唔出雪味。呢個價錢黎講算出色。兩個人食左接近400百蚊,但食到好飽呢。

今日朋友揸車嚟一齊去九龍塘食飯，車終於搵到位拍，就去附近嘅泰國店食晚飯，今次去左呢間，泰風情！入到去，環境舒適，地方算大，坐位都比一般泰國餐館要大，所以幾舒服！我地嗌左炸蝦餅，呢個最好食！熱辣辣好香好脆，入面嘅肉又彈牙，又熱，又有蝦味，配上酸甜醬！正，好開胃！另外嗌左個黃咖啡雞同薄餅，我喜歡薄餅點咖啡食，所以一定咁嗌，又驚太辣吾食得，所以黃咖啡應該最吾辣？呢個就真係吾辣，咖啡味，雞都幾嫩身，份量都多，有洋蔥青椒等配料，更加惹味，薄餅都好好食，其實只要熱就已經好正，所以正丫，夠熱丫！最後嗌埋個蟹肉炒飯，呢個就不過不失，味道較淡，蟹肉都算多，炒得都算乾身，但如果喜歡重味嘅朋友就可能覺得會淡左少少啦，不過我同朋友都岩食！！呢間餐廳都算中上，食物有好食都不過不失嘅，不過勝在價錢平，又方便迫車，所以都幾好！！大家可試下！

同朋友聚會,順便慶祝朋友生日 有個朋友介紹呢間泰風情唔錯因為人多嘅關係嗱嗱聲預早1星期Book位啦~為咗talk得儘興就Request咗間房認真唔錯 雖然影咗好少相其實果晚叫咗好多野食例如海南雞, 青咖喱雞, 蒜蓉包, 芒果糯米飯等等每樣野食好都fresh, 好好食 果晚我地有帶birthday cake入去而果度都唔駛收切餅費而且d Staff都好nice, 好識做, 仲主動幫我地影相添 以後一大班朋友聚會又多個地方揀啦

招牌泰式豬手飯-第一次食泰式豬手飯，$48有蛋有菜心梅菜，有酸辣汁點，幾辣下。豬手皮不厚，脂肪和皮和肉分離，免去肢解的麻煩，豬手肉好淋，配梅菜食似食緊梅菜扣肉但沒有肥膩感，皮肉入味，真唔錯，回頭率高!芒果糯米飯-個人喜好白色糯米,好似泰國那種, 椰汁淋入飯裡面, 靜候一陣才放入口,正!!夠淋夠甜夠煙韌!芒果雖然顏色好淺色, 似白色多過黃色,但食落不會酸,OK甜.由於太夜大部份才已經賣曬, 下次會再黎!

是夜朋友想吃泰菜，一講就會想吃九龍城。和朋友行行下，在這橫街發現這裝修新穎個泰菜，一向愛試新事物即管試試。餐廳裝飾充滿泰國味道，燈光及座位都舒適，坐得幾舒服。打開餐牌，除了正常泰菜餐廳供應的菜式外，還有一些特別菜式。就例如這個黑毛豬串燒（$88）一碟五燒得焦香，肉質較普通豬肉爽口，咬開肉和肉中間充滿肉汁一點都唔會鞋口。配上甜甜的沙嗲醬，十分惹味。另外還點了海鮮冬蔭公，這個湯做得極似泰國當地的味道，我認為是超讚的。我們叫了個小號的都盛到6碗左右，入口有濃濃的香料味道，做得到又酸又辣但不嗆喉，湯中加入椰奶又增添一份香滑感覺，令人忍不住一口一口送進嘴巴！湯裡又有不少新鮮的秀珍菇、鮮蝦、青口、蜆和魚肉，增添了一份鮮甜味。在這冬季節喝到又香又濃的熱湯，喝完渾身暖和起來！我們都叫了一杯龍眼冰和泰國名物 - 象啤。解辣一流！飛天通菜是我食泰菜必點的。炒得鹹香又惹味，通菜都食得到鮮嫩無渣的，可惜份量小了一點。不得不介紹這裡另外一個特色菜式 - 原個南瓜咖哩軟殼蟹 ($188) 。原個南瓜盛滿了黃咖哩、青椒、洋蔥等配菜，賣相精緻。咖哩只有少少辣，適合一家大細。估不到稔甜的南瓜和咖哩是好夾的，有驚喜！廚師

當晚朋友生日,原本到附近只是取蛋糕剛好碰到呢間食店,又有點肚餓加上未到晚餐時間唔會太多人要等位,順理成章我就獨個兒入內入內座位算寬敞餐牌都多選擇令我好難決擇最終.....看了看餐牌決定點呢個招牌粉豬什湯粉HKD37賣相真不錯用粒十分豐富食材有豬紅,豬心,豬肺,豬大腸,叉燒,雞蛋及豆卜等食落口知道食物新鮮豬紅豬心豬肺夠軟而不硬,豬大腸好爽口,叉燒完全被湯汁滲透,雞蛋及豆卜,一口咬下有湯汁滲出,好味美呢湯面上仲有一絲絲泰式香料令食落口更香湯底更是精髓,濃郁好飲香濃,不鹹不膩,飲一口又想多飲一口而湯粉亦完全被湯完全滲透其中,味道好鮮味,但唔會感到油外型好得意,十足腸粉一樣唔會煮得過腍,口感不錯呢,連我平時吃唔完都成碗吃掉湯粉咬落口好彈牙滑溜,不錯飲品必點我最愛龍眼冰HKD18飲落口夠冰凍清新好重龍眼味味道唔會過甜,尚算適中夏天飲更適合不過略嫌冰較多,如果小一點更好下次會再來哦!!

當晚朋友生日,原來到附近取蛋糕剛好碰到呢間食店,又有點肚餓順理成章,就來此食了點醫肚看了看決定點呢個招牌粉豬什湯粉HKD37賣相真不錯食材有豬紅,豬心,豬肺,豬大腸,叉燒,雞蛋及豆卜湯底濃郁好飲,湯完全滲入粉中,不鹹不膩湯粉外型好得意,十足腸粉一樣又唔會煮得過腍,口感不錯呢,連我平時吃唔完都成碗吃掉其他食材亦煮得不硬不軟,反而煙韌好咬口味道亦調得不錯飲品必點我最愛龍眼冰HKD18飲落口夠冰凍清新好重龍眼味而且唔會太甜,如果夏天飲更正下次會再來哦!!

九龍城o既地道泰菜真係超多, 今次專登搵一間唔係平時食開o既睇下有冇新驚喜~~ 沿住衙前圍道行,就遇上泰風情, 見唔洗等位就決定試下~食泰國菜, 生蝦刺身係我必點item, 今次都唔例外。生蝦好新鮮, 蝦似爽甜  配上辣汁太好味了. 鐵板蠔仔煎蛋, 蠔仔數量都幾多而且肥美, 蛋香味濃, 而且唔算好油 青咖哩-牛肉 配 薄餅 , 青咖哩creamy, 不過牛肉實在好un,咬唔開   遜色!店舖寬敞, 同平時高人氣泰菜餐廳比較, 坐得舒服好多 而且價錢唔貴,都幾抵食! 

來到了九龍城，怎能夠不吃泰國食品。但餐廳實在是非常的多，實在不知如何選擇，所以都隨隨便便就找了一間坐了下來。餐廳Menu 上的菜式都是大同小異，泰菜來來去去也是吃那幾款吧。但這一間店勝在光猛，而且空間較大，坐得十分舒服。本想食串燒的，但老闆更推薦我們吃這個新的黑毛豬串燒。我想反正價錢沒差別，也就試一試吧，誰不知一試就愛上了。黑毛豬肉質較鮮較爽，亦較淋身。這款串燒不怕會很硬很難咬開。大大塊的黑毛豬，先不點汁，已經充滿了豬油的香。再配了沙爹醬，就更為惹味。菠蘿炒飯，不是用菠蘿上枱的菠蘿炒飯。雖然賣相會差了一點，但勝在份量大了，餸菜也自然多了。海鮮種類多，而且熟的程度也剛剛好，不怕會老。飯有很香的菠蘿味，就算沒有了菠蘿盛裝，對於味道來說影響並不大。半隻海南雞。雞肉肉質非常嫩滑，果然是這裡的招牌菜。雞不會太肥，雞皮感覺上也沒有一種肥膩的感覺。醬汁非常開胃惹味，味道較濃。唯一美中不足的是雞是暖的，要是可以再熱一點就更好。紅咖哩雞。可算是較失望的一碟。雞並不多，較多不同的雜菜。紅咖哩味濃，送飯是不錯的，但就咁吃就略為有點咸。不算很辣，只是咸味較重。龍眼冰。可見龍眼早已煮至變了色。味道非常突出。略甜