泰馨 (已結業)

從來冇寫過食評,覺得好曬時間,估唔到我第一次寫食評就係為左佢。朋友同我食生日飯,揸車黎到依到,我心諗,有冇去錯人地屋企呀,點睇都唔似一間餐廳窩,咁跟住我就得個"信"字行入去啦,入到去真係好簡陋好似屋企多過餐廳。唔理咁多喇,我地勁肚餓,order左咖哩蟹粉絲(好食到癲!!!!),雞翼釀餃子,生菜包(超超好食)生蝦,豬頸肉,唔係好記得有冇打漏。我真係好耐好耐冇食過咁好味o既泰國菜,甚至九龍城o個班都不及依間。

男朋友帶我黎食隱世泰菜，洪水橋落車，要行一段黑麻麻嘅路，沿途咩都無，呢啲環境唔會令人覺得有餐廳，黎到門口，似民居，無明顯招牌，好神祕咁。餐牌上有中文泰文，但無價錢，不過據說唔太貴，鍾意食咩就揀咩啦。夜晚8點半黎到，已經無扇貝同蜆，剩返蝦，叫左咖哩粉絲蝦，咖哩粉絲有啲蛋絲，好香唔太辣，個味道真係無得頂，淨食粉絲無餸都無問題！蝦就普普通通啦，無咩鮮味但唔算太差。泰式炒雜菜，相對比較淡味，個汁就甜甜地，芥蘭有啲苦，椰菜就爽甜。濕炒貴刁，個樣就似濕炒河，不過貴刁變左長塊嘅粉，啲粉有少少焦燶味，瘦肉幾粗糙，好似煲完湯咁，其他料就同上面碟雜菜差唔多，味濃過雜菜。兩個人食左二百五，比想像中平，最好食咖哩粉絲，其餘兩樣普通。

之前同事帶我黎食過，今次就由我帶朋友黎食啦，記得第一次黎時，見到門口完全估唔到會係間食泰國菜嘅餐廳，真係會嚇親，感覺似私房菜咁，但係係泰菜版嘅私房菜，所以好想帶朋友黎比佢感受吓，講返間餐廳啦，入到去會覺得好舊咁，應該都開咗一段日子，望落去似係家庭式經營，上上下下都似係一家人，招呼當然唔似出面啲餐廳咁好，但都唔算好差，不過不失啦，衞生方面我覺得都尚算可以，又未到大排檔個啲咁差，但一定唔係高級餐廳咁架啦，到食物啦，可能我食得少泰國菜，我覺得依度嘅生蝦刺身幾好食，啲蝦都幾新鮮，蝦上面啲醬汁好襯啲蝦，同埋幾特別嘅，就係佢會另外炸埋個蝦頭比你，我依其他地方未試過嘅，個冬陰功湯都幾足料，幾夠味，炒菜就普通啲啦，無咩特別，仲有叫咗個肉碎炒飯，個炒飯就比我預其中差些少，感覺唔係好夠味道，之前黎食嘅蝦糕炒飯就好過依個，再叫嘅話就唔會叫肉碎炒飯啦，總括黎講都算係間唔錯嘅泰國餐廳黎嘅。ps : 依度地方比較偏僻，我同朋友黎係揸車，附近要行10分鐘左右先會有輕鐵站同巴士站，唔熟路就會比較難搵些少。鋪頭門口。。。生蝦刺身 ＆ 炸蝦頭肉碎炒飯

星期日朋友約左一起去食飯，去左元朗洪水橋間泰國餐館食泰國菜。其實我覺得而間餐館既食品冇咩特別，但有個餸一定要推介比大家既係咖哩粉絲蟹，真係好好食，味道真不錯，個粉絲可以送飯，蟹肉都算新鮮。其實就真係冇咩特別啦。

聽為食豬講呢度有個唔錯嘅泰國嘢，如果唔係有人帶路應該完全唔知呢度係餐廳。見門口寫住只招待會員，黎之前記得要book位呀。打開menu選擇雖然冇一般泰國餐廳多，但應有嘅都會有，好似仲有芒果糯米飯。menu上係冇價錢嘅，但放心，價格都幾公道嘅。泰國罐裝飲品: 見到凍櫃入面有好多第一次見嘅泰國飲品，10蚊罐，揀左兩款黎試下。分別有羅望子汁同蘆薈蜂蜜飲品。羅望子汁都幾特別，酸酸甜甜，杰杰哋咁，而另一罐就好麻麻，好似糖水入面加蘆薈粒粒咁。 總括黎講兩罐都好甜下，下次飲返本地飲品算。雞，豬串燒: 串燒燒得好香，雞肉同豬肉都唔會燒得乾爭爭，兩款都咁好味。不過雞要食到好味嘅豬串燒好似比較難，因為一般都會好乾柴。另外佢嘅沙爹醬俾得好大方，大大碟，入面仲有唔少花生粒粒，不過沙爹味略嫌淡左少少。細小食拼盤: 有春卷，蝦餅同魚餅。春卷炸等香脆，入面有粉絲同豬肉等材料，不過不失啦。魚餅都幾煙un，亦有魚味，同樣不過不失。最有驚喜嘅係蝦餅，係我地食過最好味嘅蝦餅，因為真係食得到好鮮嘅蝦味，唔會太油膩又幾彈牙。干炒貴刁: 上枱嘅賣相好一般，味道都係。用料都幾足，可以見到好多蔬菜，有蛋仲有肉片。雖然味道一般，好似冇咩

因為朋友去先摞位，所以我同男朋友一入到就可以叫野食啦。叫左生蝦，小食拼盤，咖喱粉絲蟹，鹹魚炒椰菜苗，蜆，炭燒豬頸肉個生蝦，唔算太辣，個人覺得不過不失，無特別。小食拼盤，個蝦餅最好味，魚餅都正，春卷就麻麻啦。咖喱粉絲蟹，正到無朋友，蟹系肉蟹，幾大隻，d粉絲索曬蟹既鮮味，全部掃曬，唯一不足就系咖喱如果再辣小小就好。椰菜苗其實比較少食，果日食果碟個人覺得老左d，但味道都系好的。蜆都幾大碟架，新鮮系食得出的，就系唔夠辣🙈🙈豬頸肉必須encore la, 新鮮熱辣烤出來，皮焦肉嫩，加埋個秘製醬汁(個味道好似系出面好似未食過的),直情比十個like啦👍！系窩，最後唔夠喉，仲加左個生菜包，呢個唔知系我地咁岩預著d唔靚既料定點，d肉好鞋，每人食左一塊就唔想再食了因為生菜包唔好味，決定加個甜品，芋泥芒果糯米飯😍😍（其實系比芋泥兩個字吸引左）呢個無失望，成個都好好味，唔系太飽的話真系好想食兩個。溫馨提示，因為系私房菜，所以餐牌唔可以寫價錢，但可以問店員的

炒蜆都夠新鮮，但唔知點解有幾隻得個殼，搵晒成隻碟都搵唔到啲肉，蟹棗都ok,有粒咬開重有啲膏添，不過唔太覺自己食緊蟹肉，哈。。個咖喱粉絲蝦130蚊，啲蝦係切半o既，唔叫好彈牙，又唔係梅，，貴左小小

雖說是鄰近洪水橋，但沿著丹桂村路走，也走了近十分鐘才到。的確是隱世泰式店子，像住宅形式，要認住門牌，或熟人帶路才懂得來，想不到離開時還有客人在外面等位。生蝦刺身沒夾苦瓜，上面有些醬及碎碎的，沒其他店那麼辣，有手點蝦鮮味，不錯的。蝦頭亦輕炸上枱，內含大量蝦膏，絕不欺場。冬蔭公亦是酸辣俱備，只是我一向不太愛吃。配料多又大件，又蝦又魷魚般。炭燒豬頸肉卻是近來吃過最美味，燒烤味香，熱燙得來有點脆，肥瘦平均，半邊肥半邊瘦，肉汁豐富！花甲，用香烤豬仔包醮這汁醬來吃，麵包比汁醬更美味，燙手熱呼呼，軟熟香口，醮醬更豐盈。臘腸炒飯，是泰式臘腸，微咸帶甜，炒飯一流，像提子與臘肉的混合體，又不肥，配炒飯亦佳。炒飯絕不交行貨，有荵有蛋，沒有黏著一團。沙甸魚菜，平日沒吃過，想不到原來這種沙甸魚茄汁混菜是這種搭調，但味道稍微濃了點。人多好辦事，叫多幾個菜，每樣吃少許，這樣一餐，人頭費只是$100，教人驚訝。

剛搬到附近，所以周圍打探附近環境，無意中發現這沒招牌，又隱蔽的舖頭仔(初時以為是家庭小型士多)，但後來發現好多人坐的士下車入舖頭，一輪Openrice後，才發現是泰國餐廳！但不要太晚去，遲過我們入座約半小時搭台的夫婦，好多美食都已買完了！另外，餐牌上並沒有標上價錢，除了炒蟶子外，其他我們點的東西，都比外面的便宜小小！

收工 有同事順路車我同另外同事回家，沿路講起洪水橋而家冇咩其他國家菜式選擇，原來係我無知，在一個隱蔽地方裡有一間泰國菜，枉我曾經係洪水橋返過幾個月工😌😌同事好好咁即興話帶我見識見識🙊🙊一間外邊睇落地方唔大既店 一開門都好熱鬧7點幾就已經有好多人開餐 好在 幸運之神眷顧 我地仲有位唔洗等 👏👏 坐低左發現原來入邊仲有得入 不過未有機會參觀再入邊 唔知餐廳入邊仲有幾大一打開餐牌 都好多野食揀 餐牌奇怪地冇價錢我問同事價錢會唔會海鮮價 佢話佢食過幾次價錢同出邊泰國野差不多 唔算係貴果啲 咁我就放心叫野食喇叫左個冬蔭公湯（細）、一條魚、豬頸肉、泰式鳳爪沙律 仲有通菜 同椰汁糕個魚 燒得幾好 唔太腥 幾好 同事唔愛魚腥味都夾左幾次 幾好👍呢個鳳爪好辣 我唔食得辣 食得好辛苦😂😂 不過都要食 因為我喜歡佢果種帶洋蔥味同埋酸味得黎辣果種（唔識形容，總之一定要試既頭盤黎）咁辣緊係要叫野飲啦 唔知係唔係自己拎就得 因為我自己行左出去拎罐芬達飲 我真心覺得好得意 因為佢幼身 比起我平時飲開個包裝有唔同 本身我想試其他 但太辣 我驚試新野唔岩飲 變左我冇得飲黎止辣😂😂丫 值得推介係佢個招牌豬頸肉好正 好脆

較早前已聽朋友說這間泰菜好吃, 但因為地點不方便一直都沒有去試, 不過而家有了車仔方便得多, 但已沒有車位可供泊車, 幸好附近有錶位. 當晚我們訂了枱, 但伙記說你們是要搭枱的, 其實我都可以既但當時訂枱確實沒有說給我們知要搭枱, 誰不知伙計跟老闆互罵..其實我都不是太介意~我們去到還很早只是六時多, 人流並不多所以快快點菜, 接近冬至怕多人來吃等了又等都未能醫肚.自行取飲品, 泰國入口的罐裝檸檬茶真的不錯先送上來的是竟然是薑絲炒飯, 很香很和, 飯粒分明不算太油, 薑絲味很重又不會太咸蜆很大隻十分鮮甜, 數量亦很多, 泰式汁一流, 用來撈飯真是令我吃多幾碗啊~~~~~細SIZE的配料都十足, 大大蕃茄, 豬肉片, 菇等等, 最令人驚喜是用上大頭蝦, 很多膏啊~~~~~~~酸辣味適中, 是用心製作之選~每人一隻, 但送上來時我即時覺得賣相真的有點兒那個!!!!帶子有點乾吃起來不鮮不甜質感不好, 咖喱沒有咖喱味粉絲是散散的..真的估不到竟然會做出一欂那麼失敗的菜式!!!!蟹字對我這個蟹痴來說真是很敏感, 所以點了這個蟹棗..什麼是蟹棗伙記解譯一番後都決定一試, 感覺上似扎肉卷, 豬肉加馬

因爺爺舊時是在洪水橋開米舖, 一家人對洪水橋都很有情意結, 間中都會駕車來食飯。洪水橋一直是比較"鄉下", 任元朗屯門天水圍點發展亦未被波及, 可是近年已被規劃為發現地區, 開始愈來愈多高樓, 但希望這類舊式的士多仍舊保留吧!好幾年前已經經常幫襯<泰馨>, 最高峰時期差不多隔個星期就黎幫襯! 但幾年前有一次同爸爸的朋友兩家人來食, 好似計貴了, 對數時又有少少不愉快! 自此之後就很少幫襯了...剛巧我今日超想食泰國菜, 突然想起泰韾, 就提議不如去多次呀, 最多又計貴就不再幫襯吧! 於是一家四口就出發喇~ 老闆夫婦是泰國人, 所做的泰菜夠地道又抵食, 門口不起眼見稱!  雖然餐廳內外都是很簡陋, 但星期六日都經常爆滿! 以前更要6點未夠就黎等位, 今晚差不多9點來到, 可能剛剛做完第一輪, 不算多人! Menu是沒有價錢, 如是海鮮類最好問定價錢, 以免有之前的事發生! 就是因為第二輪, 一家都鍾意食的美極蝦沽清>_<!好在必食的燒豬頸肉仲有! 味道跟幾年前完全沒有變, 燒得好香, 肉質嫩, 邊邊位燒得脆脆的, 超正! 本來想叫馬拉盞通菜, 又是因為次輪

幸好老爸一早來攞位，不然要在門外大排長龍一行四人，點了五樣菜、一個湯和一個甜品。因為小妹和老爸先到，而且又見餓，就先行叫左一碟燒豬頸肉和串燒（豬雞和二），飲品則自行於雪柜取。燒豬頸肉（抱歉、因太餓而忘記拍照）肉汁多，不會燒至太乾，是下酒的一道小吃！當品嘗小吃過後，家姐姐夫先黎到，就額外點了：1. 海鮮冬蔭公2. 鹹魚炒椰菜苗3. 泰式金邊粉4. 青咖哩雞配焗包（之後再散叫多一客包！）5. 甜品 - 椰汁西米糕串燒（豬、雞各二串）本來打算和爸爸每人兩串，在家姐姐夫未來之前把他吃光，但最後事敗。嘻嘻，四串四人分吃，一人一串，算是過過嘴癮。沙爹汁另上，愛吃濃味的爸爸每吃一口都要沾上豐富的汁液、讓每顆肉粒都能沾上惹味之感，可想而知，串燒的味道不差吧？鹹魚炒椰菜苗不算出色的小菜，鹹香味道欠俸，只是椰菜苗夠嫩夠甜，不過不失。泰式金邊粉味道和之前的沒有多大變化，依舊好吃！不會過酸，而且金邊粉勝在夠多料，而且金邊粉上還有花生碎調味，令口感更是豐富！青咖哩雞配焗包頗為失望的一道菜，咖哩雞雖採用雞件，但奈何沒有雞味，而且雞件多骨少肉，令人有搵笨之感，不過附送的焗包皮脆包鬆，與咖哩相配得宜！很快便被清光，以

星期日，晚上8點去食嘢，好多地方都要等位。所以就揸車去洪水橋泰馨食飯，貪嗰度有地方泊車，唔洗又要等車位，又要等枱。 到餐廳8點15分，已經唔洗等位，餐廳無裝修，好似去了曼谷郊區食店，但我係嚟食好嘢，有無裝修對我沒有影響，反而店內整齊又乾淨，我食得好安心。 ，兩個人點了4樣嘢，咖哩扇貝，我最鍾意，每次來都order,咖哩夠香又夠熱，正。冬蔭功材料十足，但我覺得椰奶落得太多，但都好好味。炸下餅一拎出嚟有6大塊（我哋食咗一塊先記得影相，所以相只有5塊 ），嚇到我與虾子餅呆了。虾餅大塊又有虾味，但與其他泰菜館不同，這啲虾餅個皮不1是脆的。 最後是炒聖子，聖子大隻新鮮，又足料，並且充滿金不換香味。今餐埋單275元，一d 都唔貴，因為其實份量足夠4個人食用。

今晚約左朋友飯聚，諗住試下洪水橋呢間泰國菜，禾地一行4人，未去前已經聽講過食店環境平庸冇裝修架喇！去到果然係咁，唔緊要！因為無得訂座，結果等左約二三十分鍾，都唔緊要！到點菜……果D服務員亞姐，串爆飲品呀?自己攞啦！！！問佢有乜好介紹呀?咁多點講呀自己睇啦！！！嘩！咩人黎架禾地自問都好禮貌吖，點解換黎咁嘅態度呢禾地唔即時起身走，係因為費事再去第二間等位咋！最係點左冬陰公（味道一般）炭燒豬頸肉（太乾鞋左D）釀雞翼（不外如是）蟹棗炒椰菜苗（等如清炒味道）生蝦刺身（不太新鮮）蝦膏炒飯（冇蝦膏味）辣椒膏炒蟹（根本就只係咖喱炒蟹，重要水汪汪，成碟黃色但冇辣味 只係咸嘅汁，D蟹養得太耐，冇鮮味）真係極極極失望！相都費事影呀！下次請都唔會再黎……