泰馨 (已結業)

很久沒來過泰馨，今次帶埋朋友一齊黎食。格局無變，依然簡陋，但我們黎不為佢既裝修，而係為佢既美味泰菜！還沒order野食，各人已走去凍櫃自己選擇飲品，這裡都是自助形式去拿飲品的，很自在。我們四人order了: 釀雞翼兩隻 - 夠四人食，佢會切件，入面釀有粉絲，本人覺得不太脆口，但味道是可口的。清炒椰苗 - 共叫左兩次，實在太好食。菜新鮮，而且味不過咸，口感爽脆。青咖喱茄子雞 - 佢會自動配埋個烘得熱呼呼既包俾你，但包咁熱，配埋咖喱真係好好食，好軟糯，此包又係叫多左一份，因出現有人爭食既情況。青咖喱味道剛好，朋友還order白飯黎配咖喱。可惜不是用全雞，只用雞翼，有點失望。生蝦刺身 - 新鮮爽口，每次必叫燒豬頸肉 - 肥瘦適中，送酒不錯。蝦膏炒飯 - 沒有過往的濃味，相對地無咁咸，但希望佢地可以做到唔咸得黎但有濃濃既蝦膏味，唔通真係好難做到?

食左幾次, 今次第一次寫食評, LEE間野無人帶黎真黎唔會知, 因為又無店名又唔會開大個門, 餐牌無價錢, 不過唔會好貴, 一人都唔洗一百蚊就已經好飽..必食既係無骨雞翼, 入要有D泰式粉絲肉碎, 連埋泰式甜酸醬一齊食,,好香口, 皮是脆的..肉唔會鞋...炭燒豬頸肉也是必點的...油脂分佈平均...明爐魚是烏頭...引來一則笑料, 話說我們同時叫了烏頭及冬陰公湯, 當上烏頭時同昤來了一碗似面碗的冬陰公湯, 我們隋即將陰公湯分掉, 一人沒有半碗, 還埋怨大冬陰公湯這麼細, 大約3個字後, 冬陰公湯再來了, 今次真是大多了, 還有海鮮配料的, 我們才"房"然大悟, 原來我們渴掉的是用來加入明爐魚以免燒乾的後備湯...我們真的笑了....

聽到很多同事提及這間隱世泰菜，幾經辛苦終於擇了良辰吉日，決定這天前往!!!別看它位置偏僻，但幫襯的人真的不少。慶幸同事有備而來，一早打了電話訂位，否則只有看的份~~餐牌是特別的，只有菜名而沒有價錢，隨即想到會否被劏......不過，如果是黑店，同事就不會推介啦，實在是諗得太多了冬蔭公︰夠辣，不會太酸，用料十足，有香濃的海鮮鮮甜味沙嗲串燒︰肉質一般，但沙嗲醬一流，入口有陣陣的花生味。而且老闆很細心，用長碟盛醬，方便食客可以將整串串燒「上醬」炭燒豬頸肉︰本身不太好豬頸肉，但此店的不油不膩，而且燒的火喉亦很好，肉質不鞋口不乾身!!!蝦膏炒飯︰雖然是炒飯，但沒有多餘油份，而且蝦膏的味道很好，鹹淡適中生蝦刺身︰爽口彈牙，醬料既香又辣，回味!!最重要的，在一般泰國菜館，只會上「身」，但此店，竟然會把蝦頭椒鹽上碟，讓我們多了一碟充滿蝦膏的小吃。不得不提，串燒由四串起自由配搭，生蝦刺身亦有8隻/10隻/12隻自由選擇。

已經唔係第一次食泰馨，以往多數一班人一齊食，可以食到多d菜式，今次兩個人，所以只食左4樣野。生菜包:　少少辣，香料味唔算重但炒得幾惹味，生菜夠大塊新鮮。燒豬頸肉：豬頸肉味道一般，燒得都香口，切得夠簿唔會成口油，反而係個汁幾好味，唔係一般的甜酸醬。布吉島炒麵：麵係油麵，配料有蝦同魷魚、菜，炒得好香好惹味，每次都一定會食！　炸釀雞亦：雞全亦，釀滿左炒過的粉絲同有ｄ食唔出係咩的配料，炸得好脆好香口，因為釀得好飽滿下，一隻都幾大隻，一個人食曬一隻會好飽，兩個人share一隻就差唔多。飲品:要自己出去雪櫃拎，罐裝椰青水都好飲，另外有泰啤，仲有一杯杯的青檸梳打，仲有d椰汁糕、南瓜糕等的甜品。其他推介:另外呢度的生蝦都好好味，差唔多次次都會食，不過好快賣曬，通常訂檯時就要留定。仲有咖哩炒蟹、焗豬仔包都係唔錯，蟹一隻都幾大隻，一隻都夠3-4人食，一定要叫埋焗豬仔包點咖哩汁!冬蔭公呢度都做得唔錯，酸辣平衡得幾好，可以一試。

成功氹到FD黎我屋企隔離食飯，嘰嘰嘰嘰.....其實一直想試呢間私房菜，但成日因不同的原因過門而不入。今次一早訂咗枱，六點半去到（梗係啦我咁近）外面看起來實在其貌不揚，裡面就是泰國一般餐館的格局，不過就是多了一部LCD電視。第一下見到張餐牌有D嚇人，冇價錢既????但來過的K先生拍心口話唔會好貴，於是照叫。最後落樓每人百多元，OK啦。。。。。但餐牌有好多我看不明白的菜，於是膽粗粗叫了個炸蟹棗來吃.....結果証明，這些菜式之所以不見於其他餐廳是有原因的.....它是一些混合的蟹肉和調味料，搓成丸子拿去炸.....我還是比較喜歡吃炸蝦餅那種比較結實的口感。遠處的生菜包，我是堅持不吃的，滿滿的一盤，份量很多。但朋友說味道一般。馬拉盞炒菜實在是很家常的味道，不像外面火侯大，味道強。雖然健康一點，但吃泰菜總喜歡吃得轟轟烈烈才對嘛香葉包雞一向非我的茶，但這裡的肉是一塊塊的雞肉，調味得宜，炸得透徹才上桌，一改我的舊觀，俾個GOOD!沙爹燒得一般，反而是沙爹醬非常出色，一股濃烈的花生味沁入，甜甜的非常可口。而且！老板非常貼心，不用小小的圓形豉油碟，而用長形的碟，方便我們替沙爹洗澡，太爽了！生蝦刺身新

訂左枱一行15人星期六晚飯，去到首先張枱唔夠坐，要加多張方枱係隔離，負責人仲叫我地坐過啲，費事陣間同後面背貼背….. 燒豬頸肉：醃得入味，醬汁亦惹味。泰式鳳爪：配料多過爪，但味道可以。布吉島炒麵：其實即係海鮮炒油麵，濃鼓油炒幾好。沙甸魚炒椰菜苗：頗特別，難得椰菜苗炒得軟硬適中，而且醬汁香濃，值得推薦。冬蔭公湯：足料！酸、辣、香俱備，愛冬蔭公的一定要試！泰式拼盆：春卷好大條，好多粉絲；荷葉包雞及魚餅ok；蝦餅無味，肉質鬆散，完全唔彈牙！明爐烏頭：個湯底係唔辣嘅冬蔭公，條魚都有十二三兩，既然冬蔭公唔錯，呢個都值得推介。肉碎生菜包：有豬同雞，兩款都有叫，但係肉碎炒唔開，味道一般。唯獨生菜幾新鮮。蝦醬炒飯：蝦醬唔係太重手，但油份稍多。肉碎粉絲湯：原始泰國風~ 胡椒粉同味精湯底。咖哩蟹：正宗泰式咖哩係甜中帶辣，用蛋醬同椰奶令個汁濃身。本來上菜時，咖哩係夠味嘅，咁我唔知個廚係自創呀定係雞蛋貴，用左粉絲碎代替大部份嘅蛋……唉！未食到一半個咖哩巳經俾粉絲出嘅水溝稀哂，如果你有興趣食呢度個咖哩蟹，咁閣下真係要同啲粉絲鬥快！生蝦剌身：一客六隻，要左兩客，真係精心製作，等左個半鐘先嚟，搞左咁耐，啲蝦個賣相一

之前有食評話呢度係冇價錢，係真既，因為佢係私房菜所以你一係老土d，叫親都問佢價，但如果你唔叫蟹的話其實佢又唔會貴，甚至都算抵食，我地兩丁友食五樣野連飲品都係$223，除返開一樣野食就40蚊左右。交通：我本身住元朗所以係匯豐/新元朗中心對出小巴站搭32號小巴三個幾字左右到，記得小巴兜左入可道中學同崇德英文書院後面就留意，過左朗峰園就叫『垃圾站有落』，落車過對面馬路行幾米就到，門口有d閃燈好易認。食物方面，三年前幫襯過果陣覺得幾有驚喜，連我本身唔飲冬蔭功既人都愛上，但今次入來再試覺得可能已經做起左，冇上次咁好食了，生蝦刺身一早賣晒試唔到有d可惜。第一個上菜既係泰式炒雜菜，好老實全晚最失望係佢，幾乎冇味﹗食到尾先有d蒜味，pizza hut果個仲好味過佢，但講大碟佢都算大碟，其實四個人食都冇問題。黃咖哩炒飯，味道幾香，都夠辣，不過略嫌佢真係太依賴香料，食到好多香葉，入面除左幾塊肉同椰菜真係咩都冇，勝在又係大碟，兩條友的話真係食唔晒。冬陰功海鮮湯細size，佢有某幾款都係有得揀大中細，方便家庭客同附近粗活人士，如果兩個人的話叫細就夠，除非你真係好喜歡飲同埋唔打算再叫其他野，個湯有蜆兩隻、蝦兩隻

因為朋友生日所以個日去食坦白講呢間私房菜係幾好食既. 我間中都會去但對佢做生意既手法就麻麻. 因為食野既價錢由佢去UP.因為係私房菜既關係..佢餐牌係冇價錢..如果唔係一定比人告.個日我地3個人去: 叫左個咖哩粉絲蟹,6串串燒,一個炒菜,一個肉粒生菜包同埋一罐飲品.埋單個時: 見到張單 O 晒嘴. TOTAL 394. 淨係隻蟹220蚊.隻蟹都係一斤左右 夠膽死收220蚊.我就係度問個老細..220蚊隻蟹咁貴!咩蟹呀..個老細又呢樣又個樣.但係乜都食晒..唔通唔比咩個日唯有谷住條走...隔左3日又有另外一班朋友去食. 同埋叫左咖哩粉絲蟹..但只收佢140蚊.所以各位想去呢間餐廳食既朋友..一定先問左價先..否則好似小弟咁比人呃

這"泰馨"的確不易搵, 打的的話都應該會到, 如果你自己行入去就要小心小心--- 食店是村路入面, 那次行入去偶遇三隻流浪狗, 相距十尺的我們正在想辦法避開牠們, 說時慢那時快, 牠們已用兩秒9既速度打到我們面前,走避不及而嚇到花容失色,真係食幾多都補唔番...回過了神, 點了些常吃的食物: 1. 生蝦刺身 (隻汁係用青,紅辣椒剁碎而成, 不勝辣者勿試! 不過人生得意需盡歡, 既然來得, 試一隻半隻又何妨?) 仲有既係啲蝦頭會炸過,仲有膏的!2. 炸蝦餅 3. 海鮮多陰功 (每次都加辣, 每次都很刺激!)仲有好多都好味, 鐘意食咩都可以試下雪櫃裡的飲品其本上我都全試過, 本人就最愛"椰子coconut"同"蜜糖蘆薈honey aloe"嗰兩款, 好過成日飲可樂甘dry如果真係要炒飯粉就真係要想清楚先叫, 我曾經試過一個咩炒飯係好濃味又咸, 曾經叫過一個咩炒粉就好乾 如果一大班朋友開餐而佢地又真係飯桶啲朋友,甘就無辦法下都要試下.

如果唔系識徒老馬介紹，都唔知平房區內有這麼一間泰菜館。裏面沒甚麼裝修，但就好似去咗曼谷的小廳館一樣。這店的食物很對胃口。冬蔭公湯非 常足料好味扇貝好新鮮，不過粉絲多了點，把粉絲全吃掉便會太飽烏頭已忘記是甚麼鳥頭了，總之好吃，個汁好味咖哩炒蟹大家都話好吃，但我吃唔清楚，因為我沒有吃另外我們還叫了釀雞翼、蛋包飯、抄蟶子、 海鮮煲，全枱10人都讚好吃。該店還有很多特色甜品和罐裝飲料，值得一試。

哩個地方係朋友介紹，其實自己都係住o係附近，都唔知有哩間泰國菜！餐廰斜對面有個免費停車場，只要食完飯，叫餐廰蓋印，就可免費泊車，唔錯。去到餐廰附近，都幾偏僻，但一入到餐廳就好多人，環境唔算太好，比較舊，但估唔到菜色都幾多，最搶手係個刺生蝦，我地七點幾叫，都已經係最後一碟，想叫多d都無，一試味道真係唔錯，好鮮甜，難怪咁快就無晒。個冬陰公湯都非常出色，我朋友最欣賞佢個蝦醬炒飯，整體食物都很好，份量又夠，價錢都幾抵，值得推介！！

之前有晚3號風球，又黑雨，但係屋企又無野食，又唔想去太遠地方食野，於是乎係網上面見到呢間「泰馨」私房菜，雖然得一個評語，但係評價唔錯之餘見價錢都相宜，於是乎就膽粗粗去試下。晚上9點半，男朋友開車去，去到附近都幾荒蕪，全部地舖都已經關門，去到附近都覺得似乎唔對路，正準備掉頭之際，發現有「X豐」停車場，記得網上面有提過之餘，斜對面有間只有門牌家住「329」但又無名既地方，出面掛有燈飾，一落車就有人問係咪食野，原來係食客黎既~ 仲教我地泊車去對面個停車場，食完飯後叫佢地蓋印就可以免費泊車，真係好人呢！去到門口，發現門上面無舖名，只得門牌，同埋一個門鐘，門口左手邊有個幾靚既信箱，上面大大隻字寫住329，但係其他就係泰文；最欣賞既係佢地既心思，門口有好多植物，係個信箱下面係個花盆，遠睇以為係另一盆盆栽，點知原來係俾人掉煙灰同煙頭的！我地兩個人order左細既冬蔭公湯$30、釀雞翼兩隻$40 ($20@)、蝦醬炒通菜$30、生蝦6隻$54 ($9@)，呢個係問佢既價錢，不過唔知點解埋單個陣收$160，不過都算好平。第一個到既係冬蔭公湯，本身唔太肚餓既我，一飲之後，都讚不絕口呢！以往飲開既，大部份都

5/6/2007 7:30PM為提早慶祝母親節, 早左一星期食飯, 泰馨係早兩年朋友帶路一試既私房菜, 估唔到佢既水準幾高. 作為第一個寫呢間餐廳食評既人, 先講下佢既特色:交通: 搭車去到洪水橋, 要再步行10分鐘, 但係唔識路最好打的.佢都幾易認, 對住一個大貨倉停車場(x 豐), 揸車泊係度係免費的.環境: 由於佢係私房, 門口係無招牌既, 遠睇只係一間舊式平房,睇清楚門牌329就係喇~地方唔大, 無咩裝修, 有家庭feel.入到門口有3,4張枱, 入面就有d細房咁. 所以6點幾就開始多人, 7點左右更要企係門口等位.食物: 餐牌係唔會有價錢既, 無套餐, 但都好多選擇, 唔會好貴, 可放心叫. 罐裝飲品同甜點就可以自己出雪櫃拎, 埋單計. 我地一行5人, 以下既食物都係我食左幾次, 質數穩定, 推介之作:燒豬頸肉: 燒得好香, 仲好林, 唔會實的的. 點左佢d少辣既汁, 好惹味.釀雞翼: 每隻計既, 4-5個人兩隻都好夠, 因為佢會切開3-4 件. 皮炸得脆, 入面釀左雞翼肉, 加埋粉絲同d香料, 口感豐富, 有特色, 好過叫香矛雞翼.海鮮冬陰公(大,$75): 係一家至愛!