泰COOL (鴻圖道) (已結業)

相約好友們喺觀塘食lunch，喺觀塘番工既提議食泰國菜，咁我地就黎左試。有超過十款午市套餐可選，我地叫左2個同幾款泰式小食share食。午市套餐可加$30轉椰青，好清甜。魚蛋肉碎湯河 $58河粉份量十足，魚蛋彈牙，味道較港式。泰式雞肉炒金邊粉 $58哩碟好味，有鑊氣而且調味得剛好，又係幾大碟 好食。小食拼盤 $88有四款炸物小食，樣樣都炸得好香脆，特別中意食炸蝦餅同炸春卷。炭燒豬頸肉 $78賣相非常吸引，好爽口，入味，但食唔到炭燒既香味，哈哈。芒果糯米飯 $48好特別，糯米飯係三款口味，原味、紫米、藍色藍碟花，芒果新鮮微甜，唔錯！

呢間位於觀塘嘅泰菜餐廳地方好大，坐得好舒適👍🏻小食拼盤 $88一共有四款小食，都唔錯，炸蝦餅同春卷都最好食！炸魚餅都幾好食😋炭燒豬頸肉 $78豬頸肉好厚身！好肥美🤣個醬汁酸酸哋好開胃呀🤤芒果糯米飯 $48糯米飯有三色呀！有咬口～芒果唔酸👌🏻但再熟啲先食會更好～魚蛋肉碎湯河 $58好大碗！河粉食極仲有咁🤣魚蛋有兩粒，肉碎肥肉多🤣個湯底較淡🙈泰式雞肉炒金邊粉 $58又係大大碟！味道調得幾好，好食呀！價錢算抵食👍🏻椰青跟餐加$30，椰青大大個👍🏻味道清甜～

走進觀塘工廈區，平食泰國菜➰海南雞飯我就鍾意海南雞拆埋骨啖啖肉 ，肉質夠滑皮唔會太厚脂肪少，配上鮮香油飯及雞湯，飯味特別香口，醬汁少不免黑豉油及薑蓉，撈埋啲油飯，Perfect➰泰皇雜錦湯河配菜有青口，蝦仁🦐魷魚🦑 ，喇沙湯底椰香味好香濃帶一點微辣，河粉粗條厚身口感比較爽口，索晒湯底好濃郁➰串燒拼盤 串燒離不開牛肉 雞肉同豬肉，原來拼盤加咗豬頸肉，所以個價錢我都覺得幾抵食，牛肉同雞肉都好腍好滑，醬料沙嗲同椰汁味好濃烈，豬頸肉最難煮得夠腍，依間店就可以做到加埋個甜甜酸酸醬，好味➰泰式春卷Order 後即炸春卷夠脆身 ，點入甜甜酸酸嘅泰式醬好開胃➰斑蘭椰奶一直以來我都好鍾意食斑蘭蛋糕呢杯斑斕味道好香濃啱晒我口味配椰奶簡直係絕配

觀塘有好多野食，但如果想抵食同坐得舒服就可以去呢間💜雖然呢間唔近港鐵站，但係枱同椅都好大，坐得好舒服🥰我地兩個女仔，只係叫左一碟河粉同埋蝦餅😛馬拉盞雞肉炒河味道唔錯，唔辣的，好大份，我地都爭d食唔哂。不過要注意，炒河粉有點油🥺另外，我地叫左一個蝦餅，蝦餅比我想像中大，一碟有5塊，岩哂小聚會食！不過味道普通，唔好有太高期望😛最重要係，呢間餐廳我地兩個人唔洗一百蚊，但坐左成晚都冇人趕我走地走，係一個幾岩女仔傾計嘅地方💜

又來懲罰黃店！今次輪到泰國嘢。呢間喺海濱附近，朋友仔去完嗰邊可以過嚟食飯😊⭐️生菜包次次食親泰國嘢一定要嗌，好惹味，味道適中，唔會太咸，山菜包住好清新。⭐️泰式生蝦生蝦係成餐飯嘅敗筆，唔夠爽口彈牙，不過勝在有醬汁搭救，酸酸辣辣好開胃。⭐️冬陰公明爐烏頭大大條烏頭，肉質鮮嫩，唔算好多骨，兩個人食都食唔晒，平時食好少見到冬陰公湯，咁樣可以滿足晒兩個願望。服務方面值得一提嘅係啲姐姐都好有禮貌，仲笑住同我講話下次再過嚟幫襯😳

終於放假可以同朋友食飯行街喇！我地晏就去左APM附近睇戲，夜晚就黎左呢度食泰國野😝因為時間尚早，場內未算太多人，但我地食到一半就已經爆場，所以會黎嘅朋友記得book枱！馬拉盞雜菜粉絲煲 $88份量都幾多，入面有菜有菇又有粉絲，種類都幾多幾豐富。但味道略嫌有點偏咸，不過都幾惹味。咖喱花甲煲 $88呢款咖喱適合唔食得辣嘅朋友，花甲份量都幾多，我地仲加左蒜蓉包$48沾咖喱食，個包焗得幾脆👍🏻蝦醬臘腸炒飯 $78看似平凡嘅炒飯，食落幾有鑊氣👍🏻用蝦醬炒飯樂惹味，我地每人都食到2-3碗。面頭鋪上雞蛋，賣相令人食指大動！同朋友一齊嘅時光總係過得特別快，飲飽食醉後就各自回家嚕！

近排好鍾意去觀塘 嗰度好多餐廳嘅選擇 🍴真係去多幾次都唔會厭 😁今日又約咗朋友去觀塘食飯 沿住鴻圖道行冇幾耐 見到一間餐廳入口處放咗兩個人咁高嘅泰女公仔🥻餐牌有唔少泰式套餐選擇 二話不說 我哋就入咗去-🍛#香葉玉碎煎蛋飯($58)🥙#春卷 (兩條$6)🧉#椰青 ($30)呢個套餐非常受歡迎 香葉甘香撲鼻 係呢碟飯嘅靈魂肉碎份量多 味道豐腴 再配隻荷包蛋🍳話咁快就食晒食泰國菜又點可以唔食春卷！春卷炸到香脆 點啲甜酸醬再食 好開胃-🍗#泰式單骨雞翼($48)懶人之選 唔使整肥隻手就可以食甘香鬆化嘅炸雞翼咬落仲啖啖肉 價錢只不過喺Greyhound嘅一半 食多兩碟都唔會肉痛 🥰-🥩#炭燒羊架 ($88)羊架燒到七成熟 既冇羶味 肉質又嫩又juicy大廚手勢果然一流 下次再嚟 我一定會encore🤪-🍹#碟豆花特飲 ($30)碟豆花本身無味 佢呈現出淡淡嘅紫色好有少女情懷特飲加咗梳打水同熱情果汁 將佢哋攪勻再飲 有驚喜係一個賣相討好而又味道唔錯嘅飲品 大推✔️

好少特登過來觀塘食野，呢日做野經過鴻圖道，而我同朋友都好鍾意食泰國野🇹🇭見到呢間泰cool嘅lunch menu好似幾吸引，就入左去食lunch啦，呢間餐廳都幾大間，不過正值lunch hour幾乎爆場🤪值得一讚嘅係上菜時間都幾快👍🏻-巨型麵包釀咖喱牛腩 $58大大個麵包🥯裡面放左咖哩牛腩，望落好邪惡，而且打卡一流🤩裡面有牛腩同薯仔，每一舊牛腩都大大舊，而且肥瘦均勻，唔會好鞋咁🤪麵包亦都焗得好脆，最後就切開塊麵包點咖喱食，雖然有d邪惡，不過好正🤩-冬蔭海鮮湯河 $58唔好睇佢賣相普通，呢個湯河cp值好高，想食濃味d要叫佢個冬陰公湯底好濃味，裡面有蝦、墨魚、青口等配料，超級大碗，食完已經飽飽😂-肉碎生菜包🥬 +$10生菜包食過好多次，呢度嘅肉碎份量真係好多！要分幾啖食😂酸同辣嘅味道都幾出，係有小小辣嘅，食開小辣嘅我都覺得ok-炸魚餅(4件) +$15表面香煎到脆脆地，食落都好香嘅魷魚味，中間有粒粒魷魚肉，口感唔錯👍🏻-嘢飲方面就叫咗椰青($46)同埋菠蘿沙冰($38)，推介佢哋嘅椰青，冇加其他野所以飲落好清好解膩💞

係觀塘食野本身已經有好多選擇呢個位置比較少黎所以就決定試試佢上到去發現間舖都幾大又有bar枱 🍺嘢食方面其實佢都好多選擇搞到有選擇困難症嘅人都唔知點揀好😻最常叫嘅一定係泰式鳳爪啦蟹肉香芒炒飯（蟹肉份量唔算明顯，不過幾鍾意個芒果味）串燒🤤仲有個好吸引嘅咖喱軟殻蟹巨型麵包

觀塘工廈多。食肆都特別多。同事帶我去搵食。天氣涼涼地。食泰菜cool一cool 。襯番個天氣單骨雞翼配無骨鳳爪～單骨雞翼一條條易入口。鳳爪味道偏辣。好開胃炸蝦餅配無骨鳳爪～蝦餅肉質彈好大牙。想一食再食追加春卷兩條+肉碎生菜包兩件抵食之選生菜包好出色。生菜食落索索聲。肉碎份量一大堆。午餐包咖啡奶茶。轉飲椰青+$30轉飲冰沙+$16芒果🥭冰沙芒果味濃厚。唔太甜。足料午餐有呢個水準。真係要再黎Encore 。

食左兩個餐，今是今日呢個價真係好低食，一個係巨型麵包咖啡牛腩。。。。嘩嘩嘩，個包真係好大，又趣又夠份量，賣相又好，講返牛腩。。。。椰味好香，真係唔似呢個價位，呢個味道真係可以賣貴好多，牛腩口感正常，但個咖啡味真係好正，而且最重要係。。。。入味，坦白講食平價咖啡最怕係直接上汁就算，肉入面完全無味既感覺真係唔好。。。另一個係我覺得最正既海南雞飯。。。嘩嘩嘩嘩嘩，D雞肉係滑架，幾十蚊個餐，有滑既雞肉你食，你想點呀。。。。汁既味道都ok，真係絕對超值，要做到滑真係好講心機架，呢D味誠意攞，非常好食最後再上一杯即磨咖啡，雖然好似好簡單，但咖啡既油份迫到出黎，未飲已經好香，飲左就都幾好，好過去巴巴克飲果D奶水，呢D先係咖啡不過。。。。之前食過下午茶湯麵呢就真係一般啦，希望可以改進，等我再多D選擇，不過餐廳絕對值得推介

位於觀塘工業區的隱世平價泰國料理，地方寬躺，裝修有泰國feel，洗手間闊落乾淨。見到個餐牌咁經濟，估唔到食物份量大，好抵食巨型麵包釀咖喱牛腩好少見有餐廳做呢個款式，諗住即本一試，點知個麵包真係超巨，麵包外皮仲要係脆脆，加埋D咖喱牛楠超正，D咖喱香而不辣，咖喱汁又夠多，簡直夠2個人食魚蛋肉碎湯河魚蛋彈牙，大大碗，個湯底好味，河粉夠滑，泰式湯河嘅一貫水準泰式雞肉金邊粉即叫即炒，夠鑊氣，配料足，河粉夠滑，不過，份量略嫌多了點。

星期日行過觀塘海濱，見到呢間餐廳係星期六、日都有做下午茶套餐，由湯河粉/金邊粉到炒飯、海南雞飯、沙律等都有做下午茶，一於試下。炸蝦餅配無骨鳳爪沙律 $46佢地個炸蝦餅係即炸嫁，所以食落個外層超級脆，好香口！而且舊蝦餅好大舊，夠彈牙，點一點泰式辣醬真係邪惡度滿分~佢地個無骨鳳爪份量都好多，成碗放滿哂鳳爪。泰式生牛肉牛丸湯金邊粉 $48呢碗金邊粉用左牛骨湯底所以牛味好濃，不過亦偏重口味同油，牛丸係比較淋身果款，仲有好多片牛肉片，金邊粉幾滑溜，食完一碗都好飽~下午茶餐仲可以加錢要小食，可以揀春卷、炸魚餅同肉碎生菜包，每款小食都係大約十零蚊，價錢比較相宜。肉碎生菜包 +$10 (2件)肉碎都幾辣幾惹味嫁，但果日就無另外附上生菜了~炸魚餅 +$15 (4件)呢款炸魚餅係用章魚膠做，入面會食到啲章魚粒， 口感較為軟熟

下午茶套餐優惠😛海南雞飯🐔$58雞肉新鮮夠厚身😝肉質幼嫩，而且仲好滑溜𠻹🤤配埋黃油飯，最佳組合😛香煎香茅豬扒配無骨鳳爪沙律🐷$46豬扒新鮮即炸，香脆肉厚😝鳳爪沙律酸酸甜甜，又唔算辣🥳食完特別開胃👍馬拉盞雞肉炒河粉🐓$48即叫即炒，馬拉盞味夠香😚每份套餐都可以追加一款小食😛結果叫曬三款試吓😉春卷(2條)☺️$6炸魚餅(4件)🐟$15肉碎生菜包(2件)😆$10春卷還可以😌炸魚餅彈牙爽口😊肉碎生菜包，有少少辣，味道幾好☺️套餐配特飲每款只需要加$12🍹結果叫咗碟豆花特飲、香芒椰子奶同龍眼冰😁香芒椰子奶，香芒嘅甜配上椰汁嘅香，好飲👍龍眼冰，清甜解渴，粒粒龍眼肉夠爽口😉泰COOL (觀塘)觀塘鴻圖道48號新榮大廈1樓

放工想食泰國菜， 記得觀塘鴻圖道有一間泰國菜叫泰COOL， 即刻去試下。 餐廳環境闊落， 大約八點半左右到達，店內已經有好多客人， 因為太肚餓的關係，好快就點了炒通菜$68， 鮮蝦炒金邊粉$88， 泰皇雜錦湯河$68。炒通菜～ 第一碟上的菜式就是炒通菜， 馬拉盞炒通菜辣辣地好開胃， 炒得剛剛好不會太乾。鮮蝦炒金邊粉～ 金邊粉上層有一隻大蝦， 賣相很有氣派， 金黃色的蛋絲包住金邊粉外圍， 令到外觀特別精美。 甜甜酸酸， 是我喜歡的味道， 一邊食一邊發現有很多蝦，真材實了。泰皇雜錦湯河～ 湯河又有另一番風味， 講得雜錦湯可當然有很多餸啦！ 貢丸，魚蛋，肥牛， 豬肉丸， 豬肉碎和生菜， 份量十足。餐廳食物質素唔錯， 仲要夠大份， 在觀塘區來說，是一間值得去的泰國餐廳。