洋一居食屋 (已結業)

朋友請客，就由佢決定去邊到食。佢鍾意去呢間食日菜，又平又好食，咁就去試吓。我先到，坐左係門口屏風後面，旁邊有圓櫈俾我地擺野，好週到。打開菜單，冇咩清酒選擇，朋友鍾意飲果味汽酒，就果味汽酒啦！先來一客魚生拼盆，$88 有14/15 片，冇咩冰鮮魚味，完全解凍晒，好！跟住order我朋友想食既燒蠔，檸檬汁加芝士，要細味dee 蠔味之得。再食咖哩牛肉芋絲鍋，兩三片牛肉加芋絲再加津白，尚可。最後食左豬肉蝦串燒，蝦肉彈牙，加７味同食，尚可。值得一提，obaasan 招呼好好，我要求碟子都好和氣咁俾我，要呢要老都冇托手肘，真係好。價錢平，招呼親切，等候食物時間短，係一個唔錯既地方。

有一日holiz同mama黎左呢到食lunch都好耐冇食,呢個地方係同mama的回億。味道不好(更何況味道都不錯),都有感情搭夠要左鍋雜綿烏冬同泡菜拉麵lunch set有麵豉湯同洋一沙律salad都幾新鮮,麵豉湯就普通,淡淡地都幾好0既烏冬個湯好清,好好飲,唔太記得有乜料,只記得味道不俗,味精唔多。拉麵就唔太好,退步左,泡菜唔辣,mama有d失望其實食物唔算特別,但勝在平同埋service好~我得閒一定會再黎~

閒日晚上同女朋友去了九龍城搵食，之前睇過d食評，話洋一唔錯，就去試下。坐低落單，不太肚餓，叫了一個一人拉麪餐+2隻芝士蠔。拉麪餐叫了一碗牛肉拉麪，一個冷豆腐、和2件蝦薯餅。拉麪個湯普通，個麪就無冇鹼水味，ok啦! 冷豆腐好滑，蝦薯餅好正! 芝士蠔都幾甜，不過細了少少，一口一隻lor! 份量都唔錯，價錢平，收貨!

叫o左一個便當+ 兩件壽司(三文魚+帶子)便當日日唔同但有生果+3個飯團+2個主菜+沙律男仔都夠飽$31

以前中學"落城" 黎呢度食算係好豪了,次次都係叫A10/ A11轉拉面~A10 = 雜錦烏冬鍋(轉拉面)A11 = 牛肉烏冬鍋(轉拉面)今次舊地重遊, 試試叫其他的東西食, 完全唔掂,試左主打之一"站著吃拉面",味精落得超多(我呢個人一食多味精既就會喉嚨痕)..食左個豬肉包大蝦燒物, 一般...雜錦烏冬鍋, 第一次試烏冬...品質奇差~以後, 如果要再黎, 都只會食A11轉面,why?用鐵鍋上, 夠暖, 湯底用左洋葱做底, 夠甜,一開波撈開隻生蛋黃, 點牛肉食, 一流!...想起以往氣溫得10度的冬天...啊~~

我本身都住在九龍城好多年, 但唔知呢度泰國菜出名之外, 其他菜式都有好地方!2個人一齊去, 叫了:壽司拚盤--- d魚有鮮味呀~~ 上菜勁快~叫了三文魚/ 帶子(好食), 招牌燒餅- 叫左雞肉既, 會唔會唔係最出名o個個? 大致都好食, 朋友讚好白湯海鮮鍋-- 唔明點解d湯咁混濁, 依家諗起可能因為叫"白湯", 另外太多黃芽白, 好大塊.....海鮮都ok服務不錯, 成日幫我加水, waiteress都是auntie級，　有街坊feel星期一去全晚有8, 9 成滿, 好impressed , 應該是靠口碑唯一是有人吸煙，　於是我地埋單走ｌｕ～總結是一間在九龍城有競爭力的日本野！　ｇｏｏｄ！仲要比MK / TST 平!

呢間舖未搬之前我已經成日去，最鍾意食個九州拉麵，D湯好濃好清甜，食完麵真係成碗湯飲埋。不過搬左新舖之後D麵既麵質差左，連同個湯都冇以前咁好。其實佢其他刺身壽司只係麻麻地，而家連拉麵都差左就真係不去也罷。

今日我同女友去左洋一度食晚飯,我地睇左一陣餐排,就叫左牛肉薄餅,燒羊排,炸汁豆腐,壽司拼盤，and 芝麻雪糕,其中個燒羊排十分值得一試,十分有羊味,而且又唔會太油.....個豆腐都係值得一試,唔會太乾,而且十分香口...係最美中不足就係無非吸煙區...又唔會問你食唔食煙...分隔一下...不過大致上幾抵食,去開九龍城可以試下去食....

上個月黎呢道食過,d 燒餅好正,好好味價錢又唔算貴

第一次食lunch...起初驚d水準冇咁好點知又唔係一行4人,叫左:咖哩雞扒飯–是我喜愛的咖哩味^^加上珍珠米,絕。可能唔係最好0既珍珠米/咖哩,但呢間野不嬲比我0既感覺都好有heart,佢地盡量做到最好架喇。雞扒...好似有dd overcook...同油。不是最好選擇咖哩豬扒飯–朋友叫的。試過豬扒,好食呀,炸得金黃。同oriental有得fight。滑蛋牛肉飯–朋友叫。我之前食過呢個。今次同上次一樣咁好食。朋友話if d牛肉切細d會更好。牛肉拉麵(唔sure個名)–uncertain~!!!朋友冇comment,我亦冇食。每次食呢間野都好開心因為同mama+呢到0既老闆娘有一段memory可惜今日見唔到好人老闆娘。好在d阿姐都好好,,,加水加得好密。

早兩晚又同男朋友黎食晚飯,唔知係咪假期前夕,食食下見間舖居然full晒,我之前就未見過喇.另外今次發現左佢地出左個新menu.個晚order左金菰燒帶子(4隻),煮牛筋跟飯,仲有唔少得既就係燒餅,今次order左牛肉燒餅.+SAKE金菰燒帶子(4隻),一客4隻,有d牛油同芝士味,味道唔錯.煮牛筋印象中以前個menu好似無既,今次發現左就試下啦.我選擇左跟飯上,牛筋同蘿蔔煮得好淋好入味,好彩同男朋友share,因為都幾滯下.牛肉燒餅唔多講,一貫水準,必食產品.其實見到D sushi同壽司好新鮮好想食,但係個牛筋實在太滯喇,唯有留番下次再食過.

由於小曼谷收左, 唯有去對面間洋一居食屋啦, 男友試過話唔錯, 今次又比佢叻番次!店仔細細但裝修都幾企理, 全店都播緊日本節目, 個menu都幾精美, 咦?有個拉麵叫"站著吃拉麵"咁得意, 叫呢個啦唔該! 另再叫一個薄牛肉燒餅, 咖哩吉烈豬扒餅同波子汽水一支呢個站著吃拉麵雖然叫了中辣但係都唔辣的拉麵, $43都唔係好抵, 因為只有獅子狗, 粟米, 海帶等, 一片肉都無, 湯係唔錯麵都彈牙, 但係無辣味, 有d失望, 賣$43有d貴. 咖哩豬扒飯$48個賣相同日本的好似, 日本咖哩好香唔辣, 豬扒大塊炸得岩岩好, 都唔錯唔錯, 但最好食的係燒餅, $38好大塊, 個餅個賣相都唔錯, 有好多木魚絲係上面, 薄牛肉雖然唔太多, 但餅底好軟熟又唔易散, citysuper 個d反而好難夾, 呢度個燒汁又唔會太多, 味道調得非常好, service唔錯, 食物都幾好, 食得過喎

氣溫驟然下降, 最好還是來一個拉麵暖曖身子, 中午時拉麵店已客滿, 和朋友等候了五分鐘才入坐, 雖說是中午但環境比較昏暗擠迫.先來了一個關西燒牛肉拉麵, 對拉麵沒有太大研究, 但從賣相看來用料充足, 包括了牛肉薄燒, 粟米, 雞蛋, 荀, 蔥等等; 麵質彈牙討好, 牛肉薄燒和湯底味道偏濃感覺一般; 煙牛吞, 牛吞十分軟熟可口味道不太咸, 表面加了黑糊椒粉野味討好; 燒銀雪魚, 約小半片銀雪魚味道輕清, 感覺亦是一般; 最後點了一個朋友喜愛的海膽魚生飯, 魚生份量和種類不小味道不過不失, 相比起來海膽味道太討好. 服務一般, 人手不足.午飯過後已是下午三時左右, 和朋友道別後正好趕及和老師同學們來另一個下午茶聚.

七點零八點黎到, 估唔到出奇o既多人,不過服務仍然好勤快, 叫左三文魚壽司, 質素同連瑣店迴轉壽司店o既出品近似, 但貴少少; 明太子雞翼同羊仔扒都好好味, 雜菜窩令人驚喜, 有大量o既菰, 包括冬菰金菰同一d不知名o既菰, 好鮮味(!)o既紫菜, 豆腐, 粟米, 黃芽白, 同一d好似粉絲o既麵, 個湯好清甜. 再加一個雜錦烏冬同一個Asahi, 就好滿足!可能今晚零舍多人, 隔離檯食煙都幾難頂!P.S. TO OPENRICE EDITOR: 洋一O係九龍城南角道5號地下有分店, 名為"洋一居食屋", 煩請加入DATABASE, 唔該!(By editor : added, thx!)

4月17日一行五人黎食飯。要左餃子拉麵，三色飯（肉碎＋炒蛋＋青豆），燒雞飯，牛肉薄餅，海鮮薄餅，炒什菜，什菜鍋，大家都食得好飽，總共二百幾蚊唔算貴。唔覺有咩特別出色，但又唔係難食，即係OK咁啦。服務就幾好，加茶加得好密（因為我係飲好多茶水0既人）。