洋一居食屋 (已結業)

辛辣肉醬拉麵–個湯望落去毫無辛辣既感覺, 飲落係胡椒味. 肉醬好普通, 仲有好多荀同兩塊叉燒甜腐皮雜菜烏東窩- 腐皮三塊, 好甜, 食唔慣, 雜菜係椰菜, 加埋非常之多既粟米同兩塊冬菰, 烏東唔夠彈又唔夠滑羊小排–非常肥美, 惹味三文魚壽司–lee 度唔係叻整魚生壽司既地方坐左個半鐘唔夠, 見倒廚房出菜係薄餅超過十次, 下次一定要試

兩口子黎到通常都會叫一個咖哩豬仈飯,一個滑蛋雞飯,再加一個豬肉泡菜炒..佢地整既日本咖哩都整得幾好味,夠濃郁~豬仈炸得好趣又夠厚~好味道~坊間真係唔知點解好難預到好既滑蛋汁,次次都係過熟...不過洋一既就岩岩好~ 飯一流~泡菜炒就辣辣地,又大碟,幾抵食~不過由於食得太多同埋d 野熱辣辣,食落都幾熱,所以近排都少去左..耐唔耐去一次就好喇~

"站著吃"叫大辣, 愛香辣既鬼佬朋友食到出晒汗, 一啖拉麵, 一啖asahi, 十分享受. 我食最愛既鍋燒雜錦烏冬, 不過唔知點解好似唔夠滾熱辣, 烏冬唔係好夠爽, 定係我食得慢呢? 條雞串除左唔夠熱之外保持水準, 香口又夠肉地. 另嗌雞中翼香味燒, 一樣啖啖肉, 怕肥(同H5N1)都唔理喇~羊仔扒就更肥, 微騷, d肉同脂肪都ok好味, 朋友就"lun"骨"lun" 到"nam nam" (月利). 夾埋四罐asahi, 二百鬆d, 好抵~! 八點後先開始客滿, 仲有唔少年輕貌美女客陸續黎到, 秀色可餐(南角道分店)

已經幫趁幾次, 十分欣賞lee 度似家庭式經營既氣氛, 俾tips 都會唔收. 最愛係堝燒什錦烏東, 熱辣辣材料足. 反而海鮮什錦烏冬d海鮮冇乜睇頭, 牛肉鍋烏東既牛肉亦痲痲地, 唔及叫薄牛肉七味燒. 燒餅最好係牛肉, 不過因為落好重醬,會好膩. 雞肉同海鮮都係一般

洋一我幫襯過幾次﹐印象係食物唔錯﹐幾抵食。必叫的係“A1”牛肉拉麵﹐雖然唔算好高水準﹐但體黎講﹐算好食又抵﹐牛肉夠味﹐湯底同個麵都算幾“夾”。另外炸薯餅都幾好味﹐夠熱又夠脆。其實MENU上仲有好多野都係“唔算好好﹐但屬一般水準以上”而價錢只算中下﹐所以﹐一句講晒﹐幾抵食架。舊店比較擠逼﹐但食物水準較穩定。新店則環境較好﹐而食物及服務則不及舊店。新店﹖舊店﹖視乎你要求甚麼了。我現在只去舊店。

認識洋一, 你我細妹以前0係舊機場做, 經常去食飯, 係佢介紹我去. 舊鋪地方細細, 有d逼. 但係新鋪就闊落d. 食物係好典型0既日本食物, 有拉麵, 咖哩, 定食... 我0既心水就係什錦or 牛肉烏冬鍋, 好大個架, 又足料. d烏冬好彈牙, 唔會太淋!!另外就係海鮮薄餅, d沙律醬好好味, 有蝦, 魷魚.. 好多配料. 勁好味道. 而且一d都唔貴!!以前成日都好多人, 可能係市道唔好, 少左好多人啦.

記得呢間野係我中學時代既飯堂,一打鐘放lunch就仆出去食,佢既什錦烏冬鍋,海鮮燒餅同肥牛烏冬鍋都好好味,個湯底夠甜,串燒雞夠入味,咖哩係原裝既日本風味,好有水準。總括黎講,佢既麵同烏冬比飯款出色,係九龍城一帶都算好出名架!而家係過兩條街仲開左間"洋一居酒屋",賣既野食大致上都一樣,但係新呢間係星期一至五就有set lunch,比較抵食!不過可能鋪位細,坐得有少少迫,食完要走架喇!

每次到九龍城食飯, '洋一" 永遠都是我的首選, 除了因為價錢超值, 最主要的, 是我十分喜歡那裏的海鮮燒餅和炸蝦薯餅, 實在令我很回味呢!

不錯的日本拉麵,很大碗又足料幾抵食,湯,麵不錯,配料以海苔最好,又有漫畫,smap smap smap影帶,環境很好.不過中華餃子就麻麻地,叫九州,站吃可以一試.

中學時代食得最多，就係呢間麵食店！食完呢度的麵，你會覺得什麼「味精拉麵」，什麼「別家拉麵」根本不外如是。食日式拉麵講究的是湯底同麵的爽口性。前者呢度可以話係交足?課，後者由於老闆娘多次換貨，所以水準不定！絕正推介有A10 -- 鍋燒牛肉湯烏冬，記得改做拉麵，成個鐵鍋上，呷一口香甜的牛肉湯十分怡神，裏面有隻蛋黃，拿上來，攪伴一下，用來點牛肉食，十分滋味！荳腐滑得過份，冬天的時候來食，暖洋洋的，好不快慰。飯類水準還可以，燒餅嘛~~一般啦！

去kowloon city食日本菜一定要去這裡~~地方細細...但味道和服務一流^^~女孩子可以兩人食不錯~~

除o左日式燒餅可取之外，其他食品味道一般，湯麵不太彈牙、湯底不濃不香，依兩點已經係食拉麵o既大忌，想試日式燒餅可以一去無妨，但食美味拉麵的話只好另擇地方！

I tried many types of food here. Most are good. But I have only fallen in love with Japanese curry rice, and chicken is my favourite. Price is low. So next time when you are in Kowloon City, forget Thai food and try this one.

價錢合理, 極力推薦" 站吃拉麵", 不過九州湯底太咸, 那裏的豆腐也很好吃. p.s. 那裹很熱, 食到出汗.