洋一居食屋 (已結業)

我食左呢間兩次．．首先係推介菜色：鍋燒烏冬，咖喱牛肉飯，海鮮燒餅鍋燒烏冬用一個煲上，熱辣辣，味道好好！係我既至愛！咖喱牛肉飯既咖喱汁做得很出色，特別係鍾意食ｄ薯仔，因為入味！海鮮燒餅份量十足，夠厚，餡料足，點沙津醬幾好食！加埋日本電視粥，一餐滿意既晚飯就係咁！

我食既係咖哩牛肉飯．．味道係幾好，不過我想個咖哩可以辣ｄ就好！ｄ磨菇片好野味，薯仔又係．．不過牛肉有少少漏，同個咖哩唔襯！！值得一提係有電視播日本節目，個ｆｅｅｌ好正！！

上次食過味道退步已經俾ok,今次再食..唉..可能都不再去了,站著吃拉麵已經令我變成喊著吃拉麵了..這個是什麼湯底呀?唔辣不特止,仲無味,d筍仲唔熱,好失望...再會吧!

之前考完完會考~諗緊去邊到食~見e道話e間ok~咁就去試下啦~入面地方唔大~服務態度好~電視系日本節目~ 唔知佢講咩~=.="個薄餅同d"木康"~好正!!!真系可以去try try~不過早少少去wo~

With all the positive reviews, wehave to come!arrived 6pm, quite early, shop staff had just finished dinner.Ordered 7-taste beef, a bit of sushi, hot sausage pizza and eel with rice.Sushi was a block of rice obviously moulded, shrimp and uni on it were ok.beef is allright.the eel with rice was a bit too sweet in taste, too much sauce that the rice was drenched.Pizza was hot, but it took a while before I can taste any sauage in it!Staff were very nice.

雖然不算是常客, 但於其舊鋪時代已經開始光顧了...由"小貓三四隻", 到現在略有人氣, 可算是見證著它的"成長之路"吧~還記得在多年前, 在街上想住食什麼, 便被它那充滿"味吉洋一"感覺的招牌吸引, 硬拉著爸爸進了去.當時的選擇不多, 只有拉麵、飯類等...實在不像現在的有刺身、壽司、小食等等...印象中點了牛井(請在中間加一點=.=")以及叉燒拉麵, 只二、三元來說, 可算是水準之上; 另看見旁邊有人點了燒餅, 發覺有些東西在上面舞動, 倍感有趣, 便嚷住爸爸叫了一客...出其地, 連我那對日本菜不太感興趣的爸爸也讚不絕口, 說有種二、三十年前跟媽媽拍拖時食燒餅的感覺(@.@")...時至今日, 洋一已經成為了我每年回港跟朋友聚餐的落腳地, 因為價錢仍算合理.可說的是, 燒餅的水準仍保持得到, 值得一試! 而那個五味燒薄牛肉(薄牛肉五味燒? 五? 七? 忘記了...)亦值得不錯, 至於其他的定食就不知道了...太少機會再試他們的水準是否保持得到.順帶一提, 他們的服務不錯, 很親切!

(補充食評)返看以往的食評中,都對此店的聲譽有很好評價!特別係燒餅於是昨晚約7:00跟女朋友入內進膳.店內人數不多,坐下後我也急不及待地看看餐牌.款式算是平均.昨夜食物如下:一份辣肉燒餅($42)size約有十吋大,木薯粉上布滿辣的碎肉同木魚碎,燒餅汁.我用筷子夾起也不易散,醬汁混和材料進食,極具口感,非叫不可.一份薄牛肉鍋烏冬(轉拉面)($48)窩size跟一個普通石頭飯的窩size一樣真係普通左d...唔可以話好正.一份牛根腩飯($40)普通普通....最後叫了兩個益力多布丁(@$14)好滑身同有益力多味,無咩特別,勁細杯.試下無妨.服務ok.不停加水.整身來講....試下啦!!

好耐無去洋一食了,回想此店曾是在下心頭愛,因為真係好日本feel今次叫左個咖喱牛肉飯,感覺上退步了,首先d磨菇好像不太新鮮,有點"縮"的感覺,其次是牛肉轉了用肥牛,有點"漏"..站著吃拉麵個湯愈來愈無味了,真可惜..為什麼呢?好吃的店好像愈來愈少了..

-日式咖喱吉列豬扖飯($36): 雖然豬扖炸得香脆,但豬扖無味,咖喱汁平淡而乏味,無特別之處. 並非食評內講得咁好食,連店內餐牌也說是人氣之作. Oh! No way! 絕對不能以味道取勝.-日式燒汁銀鱈魚飯($55): 珍珠飯剛剛好,燒汁味可以.反之銀鱈魚略為失色,收這個價錢,絕對不值.店內非常優暗,食食吓都想瞓著. 唯一加分是夜阿姐不停添茶.全日無加一收費.

本來想去"清真牛肉館", 但係太多人... 所以黎左e間叫左個:黑豬柳大蝦卷($30) ★★★★★★★☆☆☆得2串~ 都幾貴~ 用黑豬柳卷住條大蝦+ 了少少鹽and黑椒~ 幾好味~薄牛肉燒餅($40) ★★★★★★★★☆☆都幾大件and 足料~ 有好多木魚係面~ 好味~益力多布甸($12) ★★★★★★★★★☆酸酸地~甜甜地~好味~

離開馬場已經有d餓就出發去九龍城食飯本來係想食泰國野但為左朋友仔最後轉軚食日本野叫左鍋燒雜錦烏冬($38)普普通通食完無驚喜無失望我都識煮勝在即叫即煮夠新鮮熱辣再有日式咖哩豬扒飯($36)其實本身我麻麻地想食飯但因為中午朋友仔食左牛o係馬場朋友仔又食左雞脾豬似乎係最好所以一日食左兩次咖哩咖哩加埋磨菇一齊煮唔辣豬扒即炸粉皮唔厚,ok最尾係招牌菜日式海鮮燒餅($42)其實唔算真係好驚喜勝在煎得唔油餡料亦算足點d沙津醬幾好食

作為龍城常客，今次竟然係首次响度食日本菜，實在有D慚愧...老友食家突擊登門造訪，實在殺我哋兩公婆一個措手不及。馬上放低所有工作，大家好好聊一聊...兩大巨頭聚會，食餐飯當然少不免。上嚟OR望望，發覺原來自己未响龍城食過日本嘢。見佢平平哋，風評亦不俗，值得一試...星期天少不免要等吓位，若果連呢個時間都冷冷清清就大鑊嘞...叫晒佢哋"味自慢"嘅嘢。廣島石蠔燒，蠔不算十分肥美，個sauce就幾creamy，但落得檸檬汁太多，酸到暈，活該活該...蟹膏蝦籽炒飯，飯炒得粒粒分明，蝦籽味好"搶"，係全晚最好嘅一道菜...炒雜菜太鹹，麻麻哋...太座叫嘅uni甜蝦壽司，蝦好似有D營養不良咁；uni顏色味覺都覺有D噯昧，完全唔合格...海鮮燒餅sauce唔夠多之餘，煎得亦死死實實。完全冇得同日本原產地相比...價錢相宜，食物水準當然亦將貨就價la，打死無怨...

碰著中學同學從他邦暑期歸港, 於是幾個朋友兼中學同學乘機聚首.1行5人, 約晤於龍城晚飯, 選上洋一, 純粹貪能多坐一會.先各自點個飯或麵, 再叫兩道小吃對分.飯或麵, 分別要了咖哩海鮮飯, 咖哩雞扒飯, 滑蛋鰻魚飯, 紅燒牛肉撈麵, 青花魚跟白飯, 另點了辣肉碎燒餅, 及刺身拼盤.先上刺身拼盤. 內有八爪魚, 三文魚, 鱆紅, 帶子等, 每樣都新鮮. 見三文魚肥美, 不過不夠分, 是故無試, 而鱆紅亦爽口, 但有人認為偏硬.然後上飯麵, 此時自顧自. 但留意到兩碟咖哩飯, 汁皆略顯過剩.朋友的滑蛋鰻魚飯, 沒吃完, 大概麻麻.自己的青花魚跟白飯, 賣相較住家風味, 汁甜甜的, 魚亦煮得入味, 在飯上搗碎魚肉, 加上些芥辣, 吃得一粒米也不留.最後是處理掉辣肉碎燒餅. 廚子先將之分成5件, 這可方便了大家. 肉碎香口, 燒餅都不太鬆散. 個人覺得這個勝過海鮮燒餅.席間有說有笑, 談談近況, 不亦樂乎.雖然告別校園只3年, 但彼此相識10年, 聚首還是難得的…

我每次來都是吃這個雜錦面烏冬。雖然這碗烏冬很熱，但是我十五分鐘便可以把它吃清光！因為非常好吃！店鋪內還有書給顧客們看的。

海鮮燒餅:幾好食,有好多木魚碎同燒餅汁同沙律汁,不過d燒餅汁好似多左d,所以我覺得咸左少少.三文魚他他多士:一片烤到脆既麵包上面有d三文魚撈沙律,好似仲有d蛋,我覺得麻麻地,因為好少三文魚,但爸爸覺得不錯銀雪魚壽司:我鍾意食銀雪魚,所以覺得好食雜烏冬:好熱咖,真係乜都有d,味道普通,唔難食!食物質素唔錯,仲免收加一添,食日本野黎講算平!