洋一居食屋 (已結業)

琴晚d朋友黎我屋企.. 嘻~ 第一次有朋友上黎哩 (除男友外.. 哈哈哈~) 之後去左呢到食飯 (因為上次想同男友去食, 不過太多人喇.... 但係今次8點幾去, 等左一陣就有位lu~~~) 嘻~ 4個女仔, 叫左幾樣野咋:黑豚肉大蝦卷 --> 呢個我冇食... 所以唔知味道如何, 不過朋友話冇o羊蝦味窩...石頭飯 --> 好味啊~ 尤其係d飯礁... 呵呵~~~ 不過唔食得辣既唔好order啊 芝士年糕 --> 個樣好似痲薯波波啊.. .不過熱食既話好好味... 不過食成個會漏啊~海鮮薄餅 --> 有幾好味窩, 呢到既招牌菜哩 銀雪魚天婦羅 --> 唔係好似出面d天婦羅甘脆羅... d魚lum lum地..... 一般啦.. 可以pass

踏足洋一,有一份到了日本的感覺,店內正播放日本的電視節目呢!直到阿姐用流利的廣東話問:"食咩?"這種感覺一掃而空...見餐牌上寫着"站着吃拉麵"要了一碗,因為在日本都有站着吃拉麵店子,價錢仲要便宜,因為要企這裡的站着吃拉麵不用站着來吃的,湯是日式辣味,不算很辣,味道都可以,麵配料有义燒,木耳,筍,日本魚旦,麵的風味不算最正宗,但都收貨了,木耳同筍都好味,如果再加一隻溫泉旦就好下次同朋友再試其他

早前到九龍城工作,路經此店,印象中很久以前試過不錯,於是再去食lunch.入到鋪人客不多,於是坐了個電視位,因為我記得這裡會播一些日本綜藝節目.叫個牛肉飯定食,個牛肉飯d牛肉有點"un",而且份量好像唔夠,不過d飯都幾好食,粒粒分明,加埋d蛋花汁都可以用來low 飯.d電視節目都可以送飯. 哈哈.........

下午要到九龍城工作，諗來諗去都冇idea食乜，都係行番去熟悉嘅洋一，其實都有半年以上冇去囉！照舊有日本綜藝節目睇，兩個熟口熟面嘅服務員及一個待客十年如一極具性格的事頭婆(我諗係呱！)。都有啲親切感嘅，因為有啲嘢唔變係好嘅，如人事方面，都已經接受佢哋嘅有性格招待，畢竟我已經幫襯超過十二年。以前舊舖好細，二人枱一條走廊放四張，其他為大party枱，大party為八人啦！多啲人都坐唔落，以前天氣凍時食個烏冬鍋，已十分滿足，也許當時年紀小。以前食物種類冇現在咁多，至愛係牛肉麵、海鮮燒餅、烏冬鍋，百吃不厭，每星期都去至少一次。今日食返，冇咗以前嘅感覺，牛肉麵的麵變得硬，牛肉不再有彈性，碗麵我竟然食唔哂！？係唔係師傅心情欠佳定其他原因呢？我並唔係惡意批評，我只不過係有啲關心佢哋啫。只係出自真心啫，話哂都係叫做有感情吖！然而，我諗自己仲係活在過去.....其實，有啲嘢變咗就係變咗，人哋洗唔洗同你解釋呀？又或人哋都唔需要你嘅關心。我變得老套了。如果你有同感的話就送你Asha的360degrees...We still live in yesterdayMany today they waste awa

昨日同老公女女到九龍城閒逛，到七點鐘就肚仔餓，在南角道見小曼谷大排長龍，另一間有人等位就係洋一，見佢幾得意就係佢門口等左一陣，都好快有位。入到去人多就好似嘈左少少，無所謂ｌａ，熱鬧麻；叫左两款熟既銀雪魚壽司同炸蠔壽司，前者肉質幾滑，暖暖地有ｄ薑葱放面幾好食；個炸蠔壽司將隻蠔好似頂帽咁放响壽司上面，有ｄ怪但蠔有肉汁都ｏｋ。老公係食肉獸，所以叫左個乜野牛柳炭火燒，牛肉一口一塊上面有ｄ酸酸地既唔知係乜，整得幾ｊｕｉｃｙ；有個炸魷魚圈ｄ魷魚唔乾又有鮮味，應該係自家製；有個咖哩撈麵都幾特別，上面有ｄ味道好似東坡肉既肉碎，配咖哩都幾對味。阿姐介紹左個味噌煮青花魚配白飯，佢話唔腥細路女都啱食，阿妹平時唔係好食魚都肯食，我都覺得個煮汁甜甜地麵豉味，要黎餸飯幾好。另外加多個日式雜菜鍋，純粹想食ｄ菜啫。呢度ｄ阿姐做野好急下，唔係果種入門口講哂日文歡迎果ｄ，不過毎次上菜都會提我小朋友小心ｄ，大家都係媽媽，世上只有媽媽好呢！ｈｅ！ｈｅ！地方就係逼ｄ，嘈ｄ，不過消費二百幾蚊ｏｋ喎，開心又一餐，唔開心又一餐；我梗係比個開心佢ｌａ。

短期內有得0係九龍城食lunch 的最後一個weekday, 今日試試呢間門口望落好似好日本feel 的日本店. 一個人12:20pm 入到去, 入座率不足40%, 阿姐竟然指揮(無錯, 係「指揮」,「權威」度拍得住音樂家朋友A!) 我搭檯到已坐了一男一女的4 人檯. 當然, 呢度唔係乜0野高級餐廳, 有需要的話我唔會介意搭檯, 不過隔0黎其實成排檯都無人坐0架喎! 夾硬要客人迫埋一堆0既安排真係令人費解lak!拎起menu 左睇右睇, 叫了個招牌海鮮燒餅, 加個「店長推介」的燒牛舌沙律.先0黎牛舌沙律, 賣相真係不敢恭維... 牛舌切成絲, 車厘茄/ 生菜/ 青瓜絲/ 粟米/ 紫菜絲乜都有d, dressing 係麻醬, 加了好多胡椒之餘仲離奇地灑了勁多芝士粉(!?!?), 我睇到啞0左. 另一樣搞笑0既係呢碟沙律serve 時店員係俾一小只鐵匙羹(ie 一般用0黎食雪糕或落糖0個d) 的, 完全食唔到, 最後當然要用筷子-_- 食一啖, 皺晒眉頭-- 蔬菜叫做可以接受, 雖然(罐頭)粟米無乜味, 腍腍的又出出0地水, 車厘茄係幾甜, 但牛舌就鹹得不能接受, 而且好0鞋又好

慕名而去，專登行幾條街找佢出來，要等位，以為對板啦..典知..海鮮拉面+豚肉拉面+咖哩牛腩，全部都只係一般咋wor，無之前d食友講得咁物有所值，全完唔會叮一聲，亦唔會番兜呀!唯一印象深刻係，入面用小型電視播懷舊日本廣告lor..

午飯係食咖哩牛肉飯,因為午餐關係,可以跟一罐汽水或者一碟壽司!我選左三文魚壽司!飯到了,味道一般,咖哩汁唔夠辣,唔夠香,唔夠甜,又唔夠味,但係又未至於難食,只係無突出既味令我印象深刻咁!牛肉味道都係一般,飯ok,不過雖然係珍珠米但唔覺有咩飯香可言!三文魚壽司味道都係一般,不過無加一,價錢又唔算係貴,我只可以講呢間係一間一般既舖!

太座想食碗熱嘢，來吃碗拉麵或udon就實冇走雞...下晝兩點幾去到，仍然其門如市，日本菜响香港人心目中真係no.1最受歡迎嘅料理...不過對於呢亭港式日本菜，小弟一向都冇乜期望...太座叫碗立食拉麵，小弟嘅就係鍋海鮮烏冬。一貫港式水準，拉麵淥得太淰，配料只係嗰D雪藏獅子狗卷、日式魚蛋及蟹柳，難吃得可以；小弟嘅烏冬亦係相類水準...okonomiyaki係呢度嘅賣點之一。上次食海鮮，今次則係牛肉。味道普通，不嬲日式燒餅都唔算係乜嘢出色嘅日本料理。對小弟嚟講，懷石料理及天婦羅先至係日本料理嘅精粹所在...

地方小小但都幾多人光顧，就正正見這店有人排隊，所以便趁墟入內試試。這店有電影不停播日本綜藝節目，我兩次去都好似播近同一條片。日本魚生飯有幾款，但選擇只是兩種刺身、三種刺身、四種刺身．．．看價錢而定。這店的魚生飯我不太會欣賞，我個人喜歡什錦魚生粒的那款，因為有一種豐富、繽紛的感覺，同時每口飯都有不同的魚生，令人吃到停不下手。這店的魚生是一片片的，質感一般，而飯就似係珍珠米但煮得麻麻，所以沒有什麼好評價。日式沙律：干身不多醬汁，味道麻麻牛肉燒餅：讚、好食，牛肉本身醃得好味，燒餅的材料份量用得很好，而且燒得好平均，食落彈牙而不是一團粉。材料還有鰹魚片及沙律醬，十分配合。海鮮燒餅都不錯但牛肉燒餅最好。日式釀蠔：個汁偏酸，我不喜歡，但蠔味幾好；相對地炸蠔處理得比較好。拉麵：味淡、無特色、麵不太靚、食材又不吸引。

見有不少人提話好食,就去左試試!我地兩個人叫左個壽司拼盆,一客咖哩牛肉飯同埋一個燒餅!首先係壽司拼盆,有三文魚,蟹子,帶子,甜蝦,等等,壽司飯只係一般而已,材料都算新鮮,但係個酸薑有陣怪味...咖哩牛肉飯係比較好的一味,因為咖哩汁好好味,但係d薯仔又好像有點怪,不是變了,而且有點滑潺潺...燒餅ok啦,不過我覺得如果薄身一點會仲好食!

同老婆間鐘都黎開飯，佢主打日式小食，拉麵同燒餅做得唔錯，我鐘意食佢個燒牛肉拉麵，因為湯底有濃香肉味。燒物即叫即燒，叫黎送清酒幾正，我老婆最鐘意個燒蠔同鯖花魚燒。壽司中規中矩，剌身選擇不多，試過叫個細剌身拼盆只係賣１０８，都幾多同新鮮，可能集中賣幾樣野去到貨啦。睌市有多欵二人定食，入面有４，５樣野，壽司，燒物，湯，甜品等等等等．．．順便一提佢個餐牌都無吞拿魚賣，對落果個食評有無放錯地方呀？？？

同老婆間中都會來開飯，呢度主打日式小食，拉麵同燒餅做得唔錯，燒物即叫即燒；我最鐘意食燒牛肉拉麵，湯底幾濃。壽司中規中矩，剌身選擇唔多，不過佢個細剌身拼盆只售１０８，樣樣都幾新鮮，可能只集中賣幾種魚生，去到貨既原因啦。有時會食下佢地ｄ二人定食，裏面有剌身，湯，燒物同甜品等等，都只賣１５０至２００蚊，有幾個ｓｅｔ俾人選擇，都唔錯架。呢度個餐牌好似唔見有吞拿魚賣噃，樓下個食評係唔係放錯地方呀！

對於這間餐廳只光顧過一次, 就已經怕怕, 以後請我都唔去.食品: 上次見到其他食客食O個D刺身, D顏色好唔對路, 一睇就知好唔新鮮, 但係又好想食, 唯一選擇就只係叫咗D吞拿魚(開始變壞, 臭), 帶子壽司(已經開始收水), 每樣都只係食咗一啖, 不過無辦法, 真係好難食.而湯面方面尚可, 不過係超級市場貨, 無可能差得去邊, 而湯底好求奇, 好似水鬼尿, 完全無味, 配料方面我只有膽叫一些穩陣D, 有蟹柳, 魚蛋, 滷蛋.座位: 太迫人, 一張十人檯分分鐘有三班人坐, 太物盡其用, 完全無私人空間.環境: 太多人, 太嘈雜, 無裝修, 感覺又污穢又殘舊.服務: 服務態度不太差, 但WAITRESS不太細心, 清理檯面的時間, 把食物殘渣倒在我的衣服上.價錢: 合理. 真係幾十蚊日本料理.後感: 平野無好, 好野無平!!!

是夜到了此店晚膳!入門氣氛好像很不錯,日文水牌,日本電視節目,日本化的陳設!叫左個鍋燒烏冬,咖哩牛肉飯,壽司拼盆,味道唔係差,可是除左咖哩牛肉飯個咖哩汁,其他的都很本地化的味道,吃不到日本的特徵!特別係個壽司,似乎這店不是善於做壽司呢!不過又不是難食,中等評價!