海天宴會廳

营业中

休息中

有朋自遠方來，當中有朋友建議到久違了的海鮮勝地 —— 鯉魚門 —— 食海鮮，大家齊聲附和，於是決定前來一試。餐廳離鯉魚門牌坊有點距離，步行大約需七分鐘才能到達。未開餐前，正值黃昏日落時份，我們先到餐廳外的小碼頭，欣賞那醉人的日落美景及拍照打卡。餐廳裝修堂皇華麗，樓底很高，空間寬敞，侍應話二樓可擺二十圍枱都沒問題 😲。我們預先訂定廚師發辦，人均五百，菜式如下：-📌椒鹽瀨尿蝦📌砵酒蠔📌清蒸鮮鮑魚📌蒜蓉粉絲蒸扇貝📌清蒸海班 📌芝士焗龍蝦-伊麵底📌咕嚕肉📌海鮮豆腐湯📌郊外靚時蔬📌楊州炒飯📌炸饅頭 📌生果拼盤📌精美甜品每道菜都好大碟頭，份量相當充足，我哋一邊品嚐美食一邊談天說地，說到童年往事，笑聲不斷，渡過了一個愉快的晚上。

今日來了鯉魚門到食飯因為朋友回港探親，所以去食個海鮮晚餐聚聚舊。朋友預先寫了菜單（呢度可以按人頭計去寫菜），所以今日去食好有「廚師發辦」既感覺。最鍾意食呢度既芝士龍蝦🦞伊面、避風塘瀨尿蝦、黃金咕嚕肉、東升斑蒸得火候啱啱好…….樣樣都好有風味😋黃金炸饅頭，記得要醮煉奶呢度分大堂同埋可以包廂，冷氣充足，接近日落時分仲可以見到海景同日落🌄，很美麗。💕如果人多/家庭聚餐記得預先book枱，呢度walk in都可以。

上年又係呢個時候第一次幫襯，今年再嚟因為又有老友遠走它鄉啦。 年紀大，身邊朋友至話移居海外，真係好唔捨得㗎，唯有用食物既味道，可以令朋友記著呢個時刻。冇嚟一年，食物質素一如以往既保持，味道就更加唔駛講，每一道都可以令你食指大動㗎。先嚟羊肚菌蟲草花燉螺頭雞湯暖暖肚， 炆鮑魚稔到冇牙都可以食到😋，加埋鵝掌同冬菇，絕配。 豉椒帶子好爽脆， 煎虎蝦大大隻連個売都脆卜卜。咕嚕肉招牌菜仍然係水準，最驚喜係芝士焗龍蝦，個芝士混入左南瓜，濃郁芝士味但食落口又唔會好膩，真係very very 👌。 加埋其他大蟹，班腩，上湯浸菜真係又再飽到頂住個肚。最後食埋水果同桂花糕清清味蕾， 成件事好完滿🥺。 亦都希望老友記，迎接美好新生活，日日有口福。❤️

臨近新年，好多飯局🫢今次嘅飯局係去鯉魚門食海鮮，之前都試過其他鯉魚門嘅酒家，今次主人家揀咗海天宴會廳😉脆皮乳豬皮脆肉嫩，乳豬亦有肉汁唔乾，再配甜醬及砂糖十分惹味😍阿拉斯加長腳蟹一上枱十分巨型，亦都好細心剪開晒，肉質一疏疏，味道鮮甜😗可惜嘅係已經凍咗🥹蒜蓉粉絲蒸扇貝扇貝尺寸夠大，驟眼睇色水比較淺，以為調味不夠，但係一食入口味道惹味，配上粉絲及鮮味的扇貝，一流👍🏻西芹炒龍躉片呢道菜要讚一讚，因為龍躉片嘅調味好好，而且有煎過，好有鑊氣😀龍躉片亦都好新鮮😉椒鹽瀨尿蝦味道十分惹味，亦有一大堆炸蒜喺面頭，瀨尿蝦頭有膏，蝦身啖啖肉😋龍蝦伊麵這呢味餸比較普通，因為伊麵比較腍同埋唔索味，龍蝦肉又冇咩味😐水果拼盤及桂花椰汁糕水果拼盤賣相精美，但係唔甜😵‍💫而桂花椰汁糕有驚喜，桂花清甜，配合濃郁椰汁🥥好好味

喺鯉魚門食海鮮就揀間望到海景裝修靚嘅餐廳😚平時通常食龍蝦，今次試吓琵琶蝦，琵琶蝦同龍蝦口感差唔多都係爽口彈牙啖啖肉👍🏻豉椒蟶子正常水準，有獲氣蒜蓉粉絲蒸北寄貝好好味，比起帶子口感不一樣，間中試吓唔同海鮮會帶來不同感覺整體來講呢間餐廳環境好坐得舒服

老朋友就嚟移民，出發前一定要食餐好。 朋友鍾意食海鮮同我一樣，而佢又有好介紹就嚟左海天啦。 又多肉又多膏既阿拉斯加皇帝蟹腳，蟹膏仲超級香，太好味😍。 磯燒冰鎮鮑魚，大大隻又彈牙。 美極干煎海虎蝦，惹味。蒸元貝，超大隻。 朋友唔食辣，所以出現左鹽焗田螺，不過應該都係辣惹味好多。 呢度既咕嚕肉都好好食，外脆內軟，正呀😋。 最後食埋個桂花糕，完美👍一行9人食到個個頂住個肚，單都未埋就已經講定下次再安哥🤭

［鯉魚門］豐富大滿足的海鮮餐鯉魚門有好多間海鮮酒家，屋企人就揀左lee 間，book 左間房，酒樓有3層。地下同2樓就無特別，3樓係玻璃房間，需要經過露台位置，景觀開陽同有海景。如果黃昏黎嘅話，應該都唔錯，睇到日落🌄🥰☁️ 酸薑配皮蛋酸薑開累，係一個好的前菜味道：🌕🌕🌑🌑🌑☁️蜜汁叉燒平燒腩仔叉燒好軟熟，好好食😋，燒腩仔肥瘦均勻，個皮燒得脆口味道：🌕🌕🌕🌗🌑☁️豆腐木瓜海鮮湯🍲有好多料，有螺頭，豆腐，菜，蝦乾等，個湯味道清清地，但都海鮮的鹹香味🤩味道：🌕🌕🌕🌑🌑☁️豉椒炒蟶子煎米底蟶子好新鮮，又彈牙，但米粉底就硬左少少。我地同經理反映左，佢就係上湯焗龍蝦補返個煎米底俾我地🙈，今次米底質感外少脆內軟，好過之前個個。😆味道：🌕🌕🌕🌗🌑☁️上湯焗生猛龍蝦🦞龍蝦新鮮，所以肉質彈牙👍🏻。米粉底吸收晒上湯味道，有煎香左個面，味道濃厚和容入口🤩。同埋出面少啲有煎米粉底味道：🌕🌕🌕🌑🌑☁️鹹魚雞粒炒飯通常鹹魚雞粒炒飯係茶餐廳先會叫得多。但這個炒飯粒粒分明，鹹香味同鑊氣俱全。值得一試⭐️☺️味道：🌕🌕🌕🌑🌑☁️椰汁桂花糕正常，無特別味道：🌕🌕🌑🌑🌑整體味道：🌕🌕🌕🌑🌑環境：🌕🌕🌕🌑🌑如果一大班朋友/屋企人想食海鮮，可以一

話說約咗新嘅合作夥伴一齊去食餐靚嘅海鮮除咗環境要靚望到海之外食物嘅多數一定係非常之重視 vip房 都唔錯, 當日有得唱k唱飽佢當然唔少得 我帶嘅美酒啦講下食物質素先個脆皮燒腩仔真係超級好食皮脆肉嫩, 加上我最愛嘅乳豬醬,第一主菜象拔蚌, 非常鮮甜新鮮 真係食到上哂癮第二燒鵝, 個皮好香 燒鵝汁嘅味 啲肉過得去第三炒蟶子， 豉椒炒本身已經夠好的再加上佢好鮮甜, 依家海鮮質素的確唔錯！跟住叫咗個椰子雞湯 補下囉補下身先香濃多料我最愛嘅椒鹽瀨尿蝦 超大嚿肉仲有好大隻嘅扇貝 啖啖肉薰香鮑魚 非常之 彈滑 口感一流成隻鮑魚索曬啲汁仲有個炒花螺☺️真係好正呀香到 不斷係度食！最後仲有咕嚕肉同埋龍蝦伊麵芝士底成個餐好食 抵食 同超級邪惡🤣🤣樣樣都係我鍾意食嘅海鮮 冇得唔畀滿分

今日帶家人來鯉魚門，本來要去南門，無位，於是來對面這間海天宴。餐廳自己海鮮檔買海鮮，餐廳另收加工費120一位，貴過米芝蓮級數的收費。海鮮本身也賣得極貴，最離曬譜是入座，空等50分鐘，咩都無野上。又唔係很暴滿，據知樓上成層都空。小朋友都等得無耐煩問點解未上。買單果陣投訴上菜慢，老闆非常傲慢，些少歉意都無，諸多不知所謂解釋唔通後，居然講未見過男人講數。原來係咁樣對客…食材本身也無咩特色，未見到好食過西貢三分一價錢的餐廳。各位食客注意繞道。

公司揀咗呢間一齊食飯，食物質素極差，完全無味，收得又貴，去外面一間普通得酒樓食好過佢一百倍。如果想食一餐正常的飯，一定唔好揀呢間。好似只煮熟比你地食，一啲味都無。魚湯同飲白開水無分別，菜又生生地，啲海鮮一食就知唔新鮮。粉絲帶子應該有啲豉油掛，問返個阿姐，仲答我地清食幾好味服務態度極差，成程個部長惱爆爆，成村人得罪左佢地咁。話就話全餐包任飲酒水，但又唔凍，又試得慢。態度極差。唔怪得無人，做開婚宴生意，就唔好打招牌話食海鮮，中伏到不得了

前兩日同老婆無野做就去左鯉魚門、本身係諗住去食墨魚刺身。 但撞正休魚期唯有改食牡丹蝦刺身。行哂成個市場黎到呢間、上次睇 YouTube 介紹南大門、食完覺得菜式偏鹹。食完出黎散步見到呢個有個大陽台、種下下次黎試下既種子。係距地魚市簡左兩隻賴尿蝦、12隻牡丹蝦。牡丹蝦兩食（刺身+ 鼓油王蝦頭）、椒鹽賴尿蝦。牡丹蝦比平時食壽司刺身好食好多😂、以為應該食唔落壽司鋪果d。鼓油王蝦頭：味道適中、可以連埋殼食椒鹽賴尿蝦：有羔、味道岩岩好、唔會太鹹。值得一讚係服務態度十分好、食完叫我上天台行下睇風景。唯一可惜點就係食完行過魚市、同個伙記傾左兩句、距叫我下次試黃油蟹、我話你唔早d講、我個肚仲有位😂。唯有下次再黎

老闆請食海鮮餐，黎到鯉魚門，差唔多行到最入，當日大約30幾人，可以包房，另外有麻雀房，有卡拉OK唱🍽冰鎮南非海鮑魚爽口彈牙，好夠味🍽 豉椒炒聖子皇（煎米底)聖子好大隻好新鮮，米底有少少可惜，好淋🍽金蒜銀絲蒸北海道元貝元貝新鮮大隻，但唔知係味師傅唔記得落豉油好淡味🍽椒鹽印尼大瀨尿蝦瀨尿蝦炒得好香，夠乾身，惹味🍽 芝士焗龍蝦（伊麵底）龍蝦啖啖肉，麵底夠味🍽 黃金流沙脆香鮮魷魚本身好鐘意食魷魚，炒得好好食其他就一般酒樓水平，整體野食都好滿意，環境都唔錯，出面仲有大平台，吹下風，黎緊有機會都會再黎食

全部食物都一般差，完全吾會再離🫣真係吾好入離，揾自己笨，又貴又吾好食，份量又小，吾怪得知越來越越小人幫襯，完全煮得吾好食，簡單到連炒個蒜蓉白菜仔都完全無味，白灼一樣， 去附近酒樓食都冇咁嬲🤣

今晚 搵娜姐 去依間人頭價 飲 團友餐 $470位我地黎試下 鮮唔鮮先自加 半隻 炸子雞香脆 雞肉滑 唔點汁都幾夠味 唔錯再黎碟 大蟶子 隻隻長長 肉質剛幾 軟熟 唔in但豉椒味唔夠重同香跟住黎個 黃金炸大蝦 大蝦🍤炸得可連報食 肉質彈口 唔錯 殼身 黃金味剛好 唔算太咸蒸鮑魚 隻隻大細相約 用刀切時 肉質有點un 肉身有清洗得算唔錯 唔會成隻黑蚊蚊食落 唔算太難咬 還過得去 但似我尋日 街市買$60一兜既感覺龍蝦🦞伊麵蝦量6人 好足夠 但 佢用 車打芝士 好岩港人口味但 對 芝士有要求的 還是愛 白身芝士味道 多點龍蝦 都夠大隻 隻隻肉質 剛好 唔un 唔鞋 送人頭木瓜魚湯 好味 木瓜味唔重 魚味….一般 但湯精想飲多碗蒸魚 呀娜姐話 條條有 両幾 唔會俾少 但6人份量 似少左 可能我地都愛魚魚蒸得好好 👍🏼 滑滑 好味炒飯 炒得乾身 粒粒的 我用飯撈龍蝦芝士汁 好食依個 搞笑 唔是平時食開既魷魚係墨魚 🦑肉質比較林身 唔夠魷魚好咬口都係 椒鹽味唔夠 有點失望桂花椰汁糕 好味喎滑滑的 唔太甜 幾好味佢會有埋西瓜同密瓜水果盤炸饅頭 真係 係水果後先黎架 炸得唔夠乾身呀 色澤靚既 口感

朋友要移民，送別要食餐好既！多謝另一位朋友幫手同師傅協調，提供人均消費，師傅就提前出左菜單確認菜單後就等當日去鯉魚門食酒樓安排左位於二樓既房比我地，更加方便傾計凍食阿拉斯加長腳帝王蟹長腳蟹已經大致切好，食起上黎好方便白灼甜海生蝦味道一般，蝦唔算太甜豉椒炒蟶子皇(煎米底)蟶子新鮮，配埋脆脆既煎米底，口感良好金蒜銀絲蒸象拔蚌大量蒜蓉配粉絲再配海鮮，金牌配搭蒸南非鮑魚蒸既時間岩岩好，鮑魚肉質彈牙芝士焗龍蝦伊麵芝士焗龍蝦加左南瓜，色澤比起平時見到既偏橙色仲有鮮魚湯，炒豆苗，咕嚕肉，石斑兩味