海天宴會廳

营业中

休息中

一大班人食海鮮 可以試多款 夠盡興8人份量～ 中式廚師發板！老細預人均$500（已包茶芥前菜加一），就發板上菜！因為唔知叫左咩！每一碟都有驚喜～可能識人關係，覺得特別抵食！豉椒炒蟶子配飯焦！正酥炸美國大桶蠔 外脆內軟 ！不油膩！這個特別加分！！每人有兩舊！正呀！上海龍蝦伊面！啖啖龍蝦，多到食唔曬～印尼海沙斑 （足足5斤重） 一魚三味第一味 西芹炒斑腩 好好味 少油少鹽～ 夠鮮味香脆魚骨 個個食到讚口不絕！！ 可惜飽到食唔曬仲有一味魚湯～ 正 無影相黃金蝦 不油膩 香脆 脆到蝦殼都可以吃～ 正！仲有炒菜心～ 仲有一碟炒飯面，我地話太飽，唔使煮喇～ 飯後仲上果盤及甜品！好味！這一餐是第一次在鯉魚門食海鮮晚餐！中餐煮到可少油少鹽 ，炸物都不油膩 ，都是第一次！ 所以個個食到讚不絕口！！食得好盡興開心！

由於疫情加上朋友工作忙碌，已經有好一段時間可以和好朋友好好聚餐以及傾吓計，藉住時令黃油蟹上市，今日一於約埋朋友仔一齊去咗鯉魚門食海鮮吹吓水，今日㨂左海天宴會廳，雖然行得入少少但就好有去左另一個地方嘅感覺，因為一路經過好多海鮮檔感覺好有趣，我地雖然人少少4個女仔，但都食左好多野，有辣酒煮花螺🐚豉椒炒聖子皇（煎米粉底）-超野味👍🏻👍🏻鹽焗奄仔蟹（1人1隻冇得輸呀美極煎南菲鮑魚薑汁炒芥蘭🥗咕嚕肉（好好味）仲有蒜蓉粉絲蒸元貝良朋歡聚加美味海鮮真係好幸福同好滿足呀！

行山後去食，因沒有相熟店有朋友就建議去到最入一間食，行到尾分別有南大門及海天宴會廳，由於海天有自家海鮮店在隔離，懶惰下就唔想再行去其他店選購海鮮，就決定海天，店內好多客人都似是參加完一日團，在享用團餐中。由於不懂選海鮮，就用一口價的方法叫店幫忙寫菜單。蝦不算太新鮮; 椒鹽魷魚好大舊粉; 炸蠔好大隻，但食落沒有味。清蒸長腳蟹算是好味d.....因蟹本身新鮮。蒜蓉粉絲蒸扇貝：在滿滿粉絲下找來找去才找到粒扇貝，兩者比例為4：1感覺完全被騙大家唔好好似我地咁懶惰，要食好野是要去周圍行下，望下，夾下價錢先好決定

中秋節去做節吃套餐，服務極差！食物好削，唔新鮮.環境好多烏蠅/飛蚊滋仔.樓上唱山歌好糟，樓下廳房又劈酒.唔怪之得樓下一檯客都冇.中伏！以後唔會再去，不宜和家人聚餐.海鮮加工又貴.即場冇乜海鮮叫.絕對不是海鮮餐.

對上幾次黎鯉魚門簡完海鮮都係去威龍多😝食過幾次水準都好好 冇乜挑剔地方👍🏻今年母親節原本想試下南大門 環境好又有海景😍點知去到冇曬位😢誤打誤撞就簡左呢間海天宴😛入座後每人先送上一碗木瓜豆腐魚湯味道十分鮮甜！🤤椒鹽瀨尿蝦 食海鮮必嗌！！🌟咩都可以冇但椒鹽瀨尿蝦係一定要有😆‼️瀨尿蝦大大隻 炸到脆卜卜💥厚肉鮮甜仲有膏好新鮮！配埋椒鹽、炸蒜勁惹味食到超滋味呀 ヾ(*´∀ ˋ*)ﾉ諗起都流口水🤤上湯龍蝦伊麵 通常食龍蝦伊麵都係龍蝦殼同伊麵最多🤣但今次簡左隻超巨龍蝦🤤食極都仲有！啖啖肉 好新鮮！肉質彈牙結實 龍蝦味超重！上湯都好出色 令龍蝦鮮味更突出 又冇芝士咁膩 伊麵亦煮得啱啱好 唔會太淋 保留到彈牙既口感 夠掛汁好夠味超正！！蒜蓉粉絲蒸貴妃蚌超鮮甜‼️ 火候控制得啱啱好～貴妃蚌肉厚鮮美 唔需要太多豉油已經好正🤤蒜蓉蒜香十足 撈埋啲粉絲食好好味🤤!!!!薑蔥鮑魚比起陳皮蒸我都係鍾意薑蔥炒 惹味啲😋鮑魚肉質彈牙 厚肉 口感帶嚼勁大大隻夠新鮮！😚今次幫襯開個間海鮮檔冇曬奄仔蟹😭💔如果有埋就更加正啦🥺最後送上桂花椰汁糕同生果🍉🍈為晚餐劃上完美句號🤤❣️成餐飯好滿意🥰海鮮新鮮味道正，環境相比其他酒家都光猛闊

傍邊海鮮檔靚仔，揀的海鮮十分生猛，廚房調味有一手。最先上枱的是魚湯，鮮甜，吊起胃口。鮑魚竹節蝦爽口彈牙，瀨尿蝦還有膏，很滋味。最後來的甜品，桂花榚，清新，為這餐畫上完美句號。

之前在網上團購買了優惠券， 難得放假，於是和屋企人一齊到鯉魚門食海鮮，放鬆一下，想不到有意外收獲。首先， 蒜蓉粉絲蒸扇貝，扇貝蒸得剛剛好， 鮮甜味美，蒜蓉為扇貝提了味，不用點醬油，味道也十分足夠， 再配合粉絲，可以送到一碗飯。之後的木瓜豆腐海鮮湯更是實而不華得來令人喜出望外，奶白色的魚湯，與清甜的木瓜和嫩滑的滑豆，想不到如此的合拍，味道不俗。黃金蝦一上桌已覺得很靚， 金黃色的咸蛋黃佈滿海蝦表面，既香且濃，超邪惡但勁好味， 令人忍唔住一食再食，酥炸金蠔外脆內軟， 清蒸海班蒸得剛剛好。至於揚州炒飯也不錯，雖然沒有正宗揚州炒飯般足料， 但也穫氣十足， 令人食得津洋有味。 食完八道菜之後， 當然是食甜品和水果。是日甜品是桂花椰汁糕， 糕點和水果剛好中和菜式油膩感， 亦為這頓飯畫上完的句號。

百日宴都可以搞得好隆重， 去咗鯉魚門食海鮮， 非常期待！用了都非常新鮮，而且好大隻當然唔少得鮑魚， 用陳皮蒸，加上小小豉油 已經好好食。扇貝上面放滿咗粉絲同埋香蒜， 真係非常香口。條魚都非常大， 最鍾意同人爭個「面豬登」， 因為「面豬登」會特別滑。另外，仲有唔少菜、飯、甜品， 其他菜式平均嚟講都好出色， 果然鯉魚門係食海鮮嘅聖地，今次絕對冇令我失望， 都唔知幾時先再有機會嚟鯉魚門食海鮮，而家諗返起都流口水， 真係要叫個朋友快啲生多幾個先得🤭

上星期大班朋友去完東龍島一天遊之後，相約一齊去鯉魚門食海鮮，補充體力。。沿途直入有很多海鮮檔及酒樓，一路直入接近燈塔位置，欣賞完日落，就去到附近的海鮮酒家。 今天人數不多，所以很快便可以入坐。這裡地方很大，裝修亦很寛闊。大家坐下不久，每人先來碗豆腐魚燙，魚燙清甜。避風塘炒蟹，椒鹽鮮魷，都非常冶味，越食越想食。 豉汁蒸鮑，蒜蓉蒸元貝及蒸海上鮮，非常新鮮可口。另外還有芝士龍蝦伊麵，伊麵沾滿濃濃的芝士，十分好味。

表妹請食飯， 一夥人就去鯉魚門食海鮮！ 表妹買的是團購券， 原價500元， 團購價200元， 又看看 有啲咩食...黃金焗海生蝦用中蝦製作， 沒有蝦味只有鹹蛋黃味。 蒜蓉粉絲蒸元貝有很多蒜蓉及粉絲， 元貝只係一元硬幣的大小， 仲要開邊攤大， 放上一隻翻用的元貝殼上面。 酥炸生蠔的炸粉很厚。 豆腐木瓜海鮮湯夠熱， 只係海鮮味欠奉。 清蒸石斑都有一斤 大小， 蒸得啱啱好。 芝士龍蝦大約有五件半隻的波士頓龍蝦，用 cheddar cheese 十分重未及野味！ 薑蔥炒蟹 只得一隻大約14両至一斤重的蟹。 魚湯菜心冇乜特別， 揚州炒飯很大碟， 有很多叉燒及蝦。 甜品有果盤及 桂花椰汁糕。每位200元， ok啦！ 話曬都係海鮮餐！

之前買左團購，就同朋友黎左依度試下食圍餐，整體講都幾抵食。因為團購單唔包飲品，黎到如果要加飲品既話，就要加錢，我地加左一榨橙汁，加埋茶芥，埋單一個人大約350蚊左右，以鯉魚門黎講其實都算係合理。成個菜單總共有9個餸，我個人比較喜愛係黃金焗海蝦，幾香口。清蒸石班都唔錯，芝士龍蝦個芝士醬ok，但龍蝦就無咩肉。整體黎講4個人食，份量都足夠，味道不錯。 黃金焗海生蝦 豆腐木瓜海鮮湯 酥炸生蠔 蒜茸粉絲蒸元貝 清蒸石班 芝士龍蝦 魚湯菜心 楊州炒飯 薑蔥炒蟹

又團購！ 今次買的是鯉魚門【互發海鮮】的海鮮套餐。平均每位$200 盡享六款海鮮: 蝦、蟹、蠔、魚、龍蝦、扇貝; 另外有湯、飯、菜、水果及甜品。表面看來都十分吸引！在Openrice上找不到有關【互發海鮮】的資料，莫非中伏？！依據地址當晚到達招牌換上 【海天宴會廳】…… 甫入超高樓底，羅馬牆柱配雲石地板，加上水晶吊燈，好似婚宴場地。鯉魚門以食海鮮聞名，但其他酒家規模較小，只能做海鮮晚飯，可能東主看中這個需求，同時主攻婚宴巿場。【海鮮湯】鯉魚門食店大部分會免費供應海鮮湯，鯉魚門最多就是海鮮，因此海鮮湯肯定足料鮮甜。這個海鮮湯呈奶白色，湯內加入木瓜及豆腐，美顏之選。入口充滿海鮮的鮮甜，如果可以多一碗就好。【黃金海蝦】這個是健康版的黃金海蝦，因為最惹味最邪惡的咸蛋黃沒有太多，薄薄的咸蛋黃又沒有完全的包住海蝦，因此咸蛋黃的咸香味不夠濃郁。只是價錢所限，唔夠大隻。勝在海蝦新鮮，肉質結實又鮮甜。【酥炸美國桶蠔】 本地蠔一般體積較細，不夠肥美，因此酒樓用上美國桶蠔，勝在肉質肥美不易變韌。不過美國桶蠔都有分大細，這個一定屬於體積細。除了蠔身優劣之外，脆漿也是重要關鍵，其中脆漿以鬆化香脆入口不油不膩者為

海鮮一直係我嘅最愛，不過自從懷孕後就會儘量少食。這次表弟來香港，就特地來鯉魚門食海鮮，選擇都比較多，又相對近，不用特地入西貢。這次選了海天宴會廳，因為老公之前公司有在這裡聚餐話還不錯。坐下之後可以去隔離嘅樂意海鮮選海鮮，我們三個人，選了肉蟹，聖子王，瀨尿蝦，海蝦，和老闆推薦嘅蝴蝶蚌。選好海鮮回餐廳，確定每個海鮮的做法，肉蟹薑蔥炒，聖子王豉椒，瀨尿蝦椒鹽，海蝦黃金炒，蝴蝶蚌油鹽水。另外餐廳有送湯，再叫多一個蔬菜，正好。美好嘅夜晚！

少來鯉魚門, 今次有人請食飯, 少有地入來一次.. 我地等齊人已遲了大約半小時了, 唔知係唔係因為咁...蒜蓉粉絲蒸蟶子 : 過了少少火, 老左d, 粉絲反而攪埋d汁好好味果皮蒸鮑魚 : 唔太大隻的鮑魚; 剛好唔老, 不過果皮唔夠香薑蔥砵酒蠔 : 呢個正, 好好味!!! 個個都食蠔, 無得encore添..豆腐海鮮湯 : 好強勁, 真的只有豆腐味.. 好清~芝士焗龍蝦 : 好勁的芝士厚厚的包住龍蝦, 連仲有無肉都睇唔到, 芝士夠多, 但唔夠香花鵰旦白蒸蟹 : 是日推介, 蟹好鮮甜, 起菜時好大陣酒味, 隔一陣揮發了, 好入味最後無影到的仲有豉油王炒面; 其實已夠飽了.. 走出走入時大家都買了點小食, 所以都夠晒啦...而下次, 亦可以試第二間的煮法, 比較一下....

環境餐廳係鯉魚門最入，燈塔附近，都要經過一段濕濕地的路，所以如果去的話，盡量唔好著高跟鞋或長裙喇。餐廳有幾層，環境都幾乾淨，仲有露天位置係望到海景。 食物1）阿拉斯加大蟹真係好大隻，仲大過我塊面 肉質幾鮮甜，好有肉地！而且值得一讚嘅係，剪刀都好利，所以唔會剪得辛苦。2）蒜蓉粉絲蒸元貝蒜蓉好特別，因為平時係出面食嘅蒜蓉粉絲蒸元貝的蒜蓉都好辣口，但係依碟的蒜蓉唔會辣口，仲甜甜地，好食 而且元貝仲好鮮甜，唔會有沙，高質3）蒸鮑魚鮑魚又係好新鮮，好鮮甜，而且仲唔細隻，幾彈牙，又唔會太硬，遠勝平時係出面餐廳食的4）避風塘瀨尿蝦我見過最大隻嘅瀨尿蝦😂 真係幾新鮮，仲好大舊肉，唔會有腥味， 唯一小小美中不足的是避風塘的味道入唔到去蝦肉。5）燒鵝燒鵝好脆皮，而且肉質幾滑，燒得好香。6）清蒸黃皮老虎斑開頭見到條魚咁厚身，都驚會好「鞋」，但肉質係出乎意料之外地滑，溝埋蔥同豉油食真係好好食7）薑汁炒芥蘭冇錯，就係薑汁炒芥蘭都好好食😂 芥蘭一啲都唔苦，好翠綠，而且仲炒得唔會硬，薑汁好夠味，菜唔會有渣。簡單嘅食物最顯功架講到依度，我都覺得自己寫到好似打手😂 但我真係唔係⋯ 只係同親戚介紹，所以同親戚去食，不過