海底撈火鍋 (利舞臺廣場)

营业中

休息中

正所謂，一係唔食，一食就食最好服務的😉😉 自從上一次朋友聚會帶我上深圳食過一次海底撈火鍋之後，一直都被佢的特色火鍋湯底、配料同優質服務吸引住，好想再上去食。但因為工作關係，無辦法抽時間上大陸食喇。所以上星期就book左銅鑼灣呢間海底撈，同班老友聚一聚。一上到去發現好多人排隊等緊位，店員好好服務，一人幾碟生果、小食，口渴又有飲品。女士們等位怕悶仲有修甲護甲，重點係全部都係免費啊！🙈🙈講到個火鍋湯底，我地就點左清油麻辣湯+蕃茄湯底 + 清湯。因為我個們喜歡海鮮可以落清湯，咁先食得出海鮮的鮮甜味😋😋😋火鍋配料方面就分別點左：招牌毛肚、招牌蝦滑有食開麻辣火鍋都知道，配毛肚係一流，呢到毛肚洗得好乾淨，食得放心。蝦滑、鮮蝦有專人同你煮，唔洗自己落手，蝦肉新鮮彈牙，坐定定等食就得😋😋撈派滑牛肉撈派豆花、長生菜活蝦、響鈴卷西班牙梅豚肉手切牛小排大部分菜都可以揀半份/全份，岩晒啲好似我咁想試多幾款配料但又怕好快飽的人🤪食到一半仲有變臉表演同即場拉麵條表演睇，娛樂性十足😂😂

海底撈人人都知，大陸好多知名既美食店都慢慢進攻香港，姐係逼我地唔返大陸架姐🤣之前為左食海底撈仲會特登返大陸食佢，大陸啲服務已經冇得輸，點知香港呢間仲掂！簡直覺得自己係貴族咁款😂😂打邊爐有啲咁既質素真係會令人愛上🥰湯底total有四格，分別有一格麻辣，兩格清湯同一個蕃茄湯底～👉🏿✨蕃茄火鍋湯底 hkd 66 💸📌佢既麻辣湯底唔會辣到食唔到，入口係好溫和，唔會一黎就辣到啃親個種，而蕃茄湯底就係愈滾味愈出！好清甜！📌服務員係強大到會幫你調好晒啲醬料，有啲for牛同蝦，有啲就for豆腐，勁貼心！而且仲會問你想飲咩，一坐底就有前菜同水果，仲會有圍巾同橡根提供，重點係可以邊食邊排gel甲，熱毛巾抹手呢part又係加晒分😻個日叫左幾款食物都唔錯，好似蝦滑都好彈牙，點醬汁食更顯蝦肉既鮮甜👍🏿仲有個手切牛小排，真係淋到傻了，入口完全俾佢嚇親，差在未入口即溶🤣點左佢既撈面，會有師傅係面前表演拉麵，真係睇到哇哇聲😯面既粗幼剛好，煮6-7分鐘就食得😊佢地既豚肉都好味！仲有個撈派豆花都係必點，放係有味既火鍋格，之後再點店員幫我地調教好既醬汁，微辣既口感真係好過癮🥳📌朋友食到中途dum底我去左gel甲，佢話成個速

老友生日，咁岩大家都想打邊爐就黎到海底撈～以前要返大陸先食到，而家好方便，香港都有得食！！海底撈位於利舞臺19樓，佔左成層，地方夠大，服務一流，等既期間會有小食、生果供應～女人仲可以有免費修甲美甲TIM~入到去，坐得舒服，自選調料 $18一位，選擇非常多，另外仲有涼菜、生果任食～我地揀左清油無渣麻辣+ 蕃茄 +清湯做湯底～麻辣我地揀左少辣椒，食上黎冇咁辣; 而蕃茄湯真心正，愈煮愈濃郁，真材實料，仲可以飲～食物方面想推介以下：滑牛肉好厚身，食落肉質鬆化又滑身～毛肚其實係黑色牛栢葉，食落爽口！牛小排厚身少少，油花平均，色澤紅潤，鮮嫩可口。蝦一定要叫，超彈牙！最後當然要叫海底撈招牌拉麵條，職員會係我地面前拉～～～正！

其實呢間餐廳真係好出名！想試好耐㗎啦！今次終於去咗銅鑼灣新店到試吓啦！———服務服務真係勁好！我買咗自選飲品，不時幫你添飲！成日經過你枱面會睇下你有咩需要！勁好！———變面表演當然仲有好多人都欣賞嘅變面表演！佢都有走咗去幾個唔同位置等多啲客人可以睇到！但始終有少少位置客人睇唔到！都算照顧得幾就到㗎啦！———野食其他嘢咁好咁嘢食方面又點睇呢？其實佢嘅嘢食同味道都好唔錯！牛肉好新鮮！叫咗唔先下真係仲識郁嘅！仲有蔬菜都好新鮮！———湯底再講講佢嘅湯底， 佢加湯都係用湯嚟㗎姐果然係唔錯啵！唔會越食越淡！佢個湯底有四格，大家記得有兩格揀清湯係平啲㗎！仲有仲有佢嘅麻辣湯底係勁好味！辣得來又唔會鹹，又夠濃味！——美甲服務真真真係最正既，佢係有美甲💅🏻服務！係免費架！仲要係美甲師好俾心機幫你整，死皮都剪得好乾淨，有好好嘅服務，仲會係你選擇唔到顏色嘅時候俾你意見添！

香港銅鑼灣都開咗間海底撈，而家食海底撈就唔使返大陸食啦！感覺同大陸嘅好似，都係入去嘅時候已經好多招呼，等位嘅時候可以無限飲茶及水果等等，仲有免費美甲，都值回票價！入到去之後就選擇了二人套餐 （$709）清油麻辣火鍋+蕃茄火鍋 + 清水火鍋如果人數較少，咁樣嘅選擇係最抵食， 點四宮格時其中兩格點清水，會比雙拼優惠70多元！而且都係兩個湯底，只不過唔係大大格，都係一樣姐～還有很多小吃可以自己出去領取招牌毛肚（半）好特別，擺落去10幾秒就要食，好爽口好似食緊牛柏葉咁！招牌蝦滑（半）爽口彈牙，不錯不錯！撈派滑牛肉（半）最特別的是就算擺落去煮好長的時間都一樣咁滑，真係唔知點整嘅呢？撈派豆花（半）其實即係豆腐之類的食物，放入去要等8分鐘，吃起來軟綿綿，是吸收了湯底的精華味道，所以喜歡吃什麼湯底就放在什麼湯底裏吧！活蝦（半）除了啲客夠新鮮之外，仲有店員用筷子幫我地剝蝦，真係第一次見識到咁嘅剝蝦方法（可以話係神乎其技，或者係我見識少），下次自己都可以嘗試下！西班牙梅豚肉（半）手切牛小排（半）兩款不同肉都不遑多讓，牛小排脂肪分布平均，梅豚肉口感香滑。長生菜（半）響鈴卷（半）等菜類食品清一清腸胃，合格以上

海底撈相信係唔少人北上深圳"To eat list"嘅其中一項，我自己喺大陸唔少城市都食過，事關咁大牌子嘅連鎖店，食物品質有保證，而且服務質素亦係非常週到！估唔到香港已經開咗第二間分店，等我又試下先！我六點半嚟到銅鑼灣分店，好彩我地book咗枱咋，事關聽店員講已經要排隊等兩個小時以上！同大陸一樣，排隊嘅時候，亦有水果、零食、湯水提供，又或者排隊試下美甲服務！今次點了4枱湯底，而有種食法係網上流傳嘅，就係其中兩間係清水！咁我嘅麻辣湯底+蕃茄湯底就比鴛鴦湯底足足平咗$70啦～（筆記筆記）之後就隨心點了唔少肉類同配料：滑牛肉、牛小排、蝦滑、毛肚、豆腐、豚肉、生菜、響鈴...喺香港嘅火鍋，通常都會見到牛柏葉，反而少食毛肚，但我覺得呢到嘅毛肚幾特別，店員話只係煮10-20秒已經食得，食落幾爽口，脆脆哋。之後想推薦下牛小排，佢係已經事先醃過，食嚟似牛腩，煮下佢幾分鐘已經好淋，唔錯。呢到嘅服務真係唔錯，不時都有店員協助我地，食食下飯竟然有拉麵表演、變臉表演，睇得出大家都食到好歡樂啊。

久聞《海底撈火鍋》嘅服務非常好，一直未有時間去食，呢晚終於可以同個朋友仔嚟體驗下。餐廳位於銅鑼灣利舞臺廣場19/F。一出Lift已經見到餐廳門口擺放咗梳化櫈、生果、糖水畀等位嘅食客享用。仲有氣球贈送畀小朋友，女仕們甚至可以免費享用呢度嘅 gel 甲服務。😍😍😍餐廳環境十分寬敞，服務員好有禮貌咁一邊帶我哋入坐一邊介紹醬料區嘅位置。醬料區設有免費糖水、涼拌小食及生果供客人享用。另外亦提供多款醬料，醬料費$18/位。一坐低服務員先送上髮卷、圍裙、擦mon濕紙巾及透明袋畀我哋入住個手提電話，咁體貼，未食都已經先加分！湯底方面，我哋揀咗清油麻辣火鍋拼番茄火鍋。服務員見我哋人數唔多，主動建議我哋將兩款湯底由各二分一嘅“拼鍋”改造各四份一格嘅“四宫格”，另外兩格改為做清水。服務員話因為咁樣用嘅湯底料會比較少，價錢亦相對比較平。果然咁樣改一改，即刻慳返$62。👍👍👍趁個鍋底未上枱，先試下呢度啲免費嘅涼拌小食、生果、糖水、雞湯，雖然係免費，但係都真係幾好味下。飲品方面，每人只要畀$15，就可以任飲金桔檸檬。凍檸茶或熱豆漿。好快湯底就上枱，清油麻辣火鍋，夠麻夠辣；番茄湯底亦夠番茄味。服務員仲話，如果覺得湯

朋友外國返黎，佢點名話要食海底撈，所以我地就去=] 依家唔洗返大陸都食到，等既時候有梳化坐，又有水果、爆谷，仲可以免費gel甲，完成唔怕悶!!入到去環境唔錯，坐得舒適，仲可以著埋圍裙！出面有前菜自取，不過款式唔多～我地一開始先叫左２個湯底，清油麻辣湯、蕃茄湯、另外２格係清水，想講呢度加湯係加原湯，唔會變淡！麻辣湯係重慶川式辣味， 辣度剛剛好；蕃茄湯有濃郁茄味，好正！我地點左好多野食，推介以下：手切牛小排 - 牛小排油花平均，食落軟嫩！撈派滑牛肉 -  好滑，但肉味唔重！西班牙梅豚肉 - 薄切，食落唔算好特別！活蝦係有專人幫我地剝，食落新鮮又彈牙～撈派毛肚，灼15秒就食得，好爽口呀！！呢度野飲係任飲，好中意無糖熱豆漿，淡淡地又健康～OVERALL 呢度服務真係好好, 食物質素又OK, 下次一定會再黎~~

多謝 #大王 同 #敏敏 嘅悉心安排❤️ #小秘書 又過咗個笑到肚痛嘅晚上🤩 唔知由幾時開始 #海底撈 已經成為我哋嘅 #老地方 👵🏻👵🏻👵🏻 無論 #生日、#吹水大會... 好多時都會上去🙌🏻 多得大家嘅幫忙，#小秘書 好快就成為咗 #海底撈「黃金顧客」🤩 之不過有咩好處我就唔知... 枱上面多咗個心❤️字牌囉😅不過 #海底撈 呢排唔知搞咩鬼，服務不似預期，以往有嘅 #變臉 表演無咗🤨 就連送比我哋嘅 #豬仔壽包 都係凍冰冰嘅❄️ #經理 見我哋唔食，知道原因之後又怕大家失望，硬係話要搵 #廚房 蒸過一份比我哋... 不過上枱嘅時候咪又係凍嘅😅 不過成晚最搞笑莫過於頭頂嗰堆字“往后余生、有我陪你”... 想點先？🤣 ... ... 以後有我陪魚先生？😆🤣呢餐好似係 #生日飯，唔係 #求婚大會 喎😅😅講返啲食物，似乎選擇唔多，不過我哋都無咩要求，尤其係 #大王，有 #午餐肉、#腸仔 就歡喜🤣 #小秘書 就最鍾意 用 #麻辣湯底 浸熟啲 #蟹柳、#QQ粉 嚟食，口麻嘅感覺真係好得意😎 #牛小排 嘅肉質亦好嫩滑，肉味OK啦！臨走我哋仲喺餐廳門口借咗啲 #氫氣球 嚟影相... 搞到門口個哥哥仲要忙

以優質服務、高檔食物為賣點的內地火鍋店海底撈，大家一定不會陌生，早年大眾到北上遊玩，都一定將其納入行程之一。業務擴展到香港以後，一年之隔，又把店開到人氣旺區銅鑼灣。星期日晚上六時多到訪，店外人數眾多，大夥兒都是舒舒服服的吃著小食、喝著飲料在等候。銅鑼灣店亦設有美甲區，惜人數眾多，等候時間很長，看見美甲師密密在做，確實辛勞。終於到我們入座了，兩個人吃的不多，幸好大部分食物也有半份選擇，能夠品嚐更多美食。前菜、水果更是任吃，還有燉湯，用料貨真價實。甫坐下，侍應便開始殷勤服侍，遞上圍裙、手袖，長髮女士有髮圈、眼鏡男士有抹布。用殷勤二字形容這裡的員工絕不誇張，服務更是隔外貼心，舉手投足，都已經有專員為你處理問題。湯底方面也挺有趣，若想多試幾種口味，有四宮格可選，一格也不過三十多元，如選清湯更是免費，於是我們點了一個麻辣湯底、一個招牌蕃茄湯底和兩個清湯。比軟驚喜的是場內完全沒有煙霧瀰漫的感覺，原來爐邊經特別設計，很快就把油煙抽走。吃完後頭髮、毛衣均不會殘留著氣味，這點值得嘉獎。所有食物都十分新鮮，特別是肉類。手切牛小排($94/半份)，牛味濃郁，配上麻辣湯底，惹味可口，令人十分回味。西班牙梅豚肉

今日嚟到海底撈食火鍋，相信好多人都知呢度除咗有美甲服務之外, 仲會有變臉呢個國粹嘅表演, 而佢哋係以服務周到見稱, 喺等位時已經會有啲小食可以免費提供, 而且侍應嘅笑容非常之好, 入去坐低嘅時候更體現到佢哋嘅貼心服務, 除咗圍裙之外, 女士仲會提供橡筋, 可以紮起頭髮, 另外仲有抹手機的紙巾, 一個膠套套住手機n 可以避免進食時被汁賤到，銅鑼灣店感覺地方更加闊落, 而且佢哋個爐底係有抽氣系統, 所以成間餐廳, 又或者食後身上都唔會有太多味道, 感覺良好💖💖四宮格湯底👍🏼👍🏼如果你想食雙拼湯底嘅話, 咁一定要揀四宮格, 因為咁樣有70多元嘅優惠, 你可以揀兩個湯底, 然後兩格點清水, 今次我哋就揀左佢哋嘅清油麻辣, 同蕃茄呢兩款湯底, 佢哋嘅招牌麻辣湯底真係冇得彈, 個番茄湯底就可以自己揀選蕃茄嘅濃度要多要少, 真係好貼心招牌毛肚😋😋侍應介紹毛肚只需要淥15至20秒就可以, 食落非常爽口, 同一般急凍漂過嘅真係唔同招牌蝦滑🍤🍤上枱嘅時候同一般一樣係一大嚿, 但係呢度侍應會過嚟整成一粒粒嘅蝦丸, 而且配備特別嘅醬汁, 爽口彈牙撈牌滑牛肉🥩🥩感覺牛肉真係好滑, 又唔會肥膩撈牌豆花望落去好似豆

記得在幾年前跟朋友番大陸玩時食過海底撈，那時候的印象就是服務很好，在等待時就會給水果、爆谷等等，還有一些美甲、按摩服務。最近天氣轉涼朋友聚餐時提議想吃熱熱的火鍋，就選了也開到香港的海底撈，服務跟印象中的相差無幾。*清油麻辣火鍋、番茄火鍋*選了兩種湯底，店員推薦說是最受歡迎的兩種湯底，剛好是我們喜歡的麻辣湯底及番茄湯底。麻辣湯不能喝只能灼食物，選了小辣，香濃但辣味算溫和。番茄湯味道也是濃厚重口味，個人覺得涮肉涮海鮮涮青菜都非常的搭。*手切牛小排、西班牙梅豚肉*選了一牛一豬，手切牛小排大推，店員說「七上八下」就能食了，果真熟度剛好，再久一點就老了浪費了，吃起來軟嫩厚度適中。豚肉薄了些有點可惜。還給了特別調來沾肉的醬汁，很搭但有點鹹。*招牌蝦滑、響鈴、豆腐花*一開始上菜時看到就一片葉子的形狀，後來店員貼心的幫我們分成一小團一小團下去煮才知道這是蝦滑。這個也很推薦，吃起來非常的彈牙，滿口蝦味不管是番茄湯或麻辣都很適合。響鈴就一般般，沒什麼特別的但每次吃火鍋一定必點。店員說豆花也是店裡的招牌，怕不夠飽的人可以點，非常有飽足感。要記得放在麻辣鍋煮最好，很厚難入味，建議煮久一點，撈起來後在加上店裡特

胖兔情人節來香港 又開始痴吃行程天氣涼無辣不歡的我 又想吃麻辣鍋難得見面拍拖 想找有環境有服務的就挑我還沒見識過 超人氣的海底撈不愛北上的我 而家響香港都食倒啦-有梳化坐有水果糖水爆谷 完全唔悶排隊有免費gel甲可惜我本身整了甲等位已能感受到服務有多好 超貼心-等有點久終於入座 位置好闊落舒服窗邊卡位望住香港夜景 遊客兔大讚居高臨下看月圓 火鍋來講環境一流給了圍裙擦眼鏡的濕紙巾 幫忙點餐還幫我穿上了手袖 保護我的白色衫有免費前菜醃菜自取 但不算很吸引-🥘清油麻辣湯 x 蕃茄湯 $66店員溫馨提示 如點一鍋兩湯會較貴但點四宮格選同樣兩款湯 兩格清水則會便宜一半 超抵呀兩個人很夠用重點是加湯也是加原湯 沒變淡問題麻辣湯是重慶川式辣味 辣度剛剛好辛香濃味 略嫌不夠麻而且有點油膩蕃茄湯標示明星鍋底 當然要試試佢濃郁茄味 勝香園蕃茄湯打邊爐感覺嗜辣的我也有不吃辣的一天 必點呀-🥗情侶菜 (free)店員見我地咁甜蜜恩愛 送了情侶菜白菜蓮藕香菜 每樣少少但是種祝福白菜代表白頭到老 蓮藕是佳偶天成香菜香親香愛 非貴價貨但是份心意新年收到祝福 還是覺得很貼心開心-🐂手切牛小排 $94 撈派滑牛肉 $4

朋友邀約食生日飯，我未試過大陸嘅海底撈，都甚有興趣去到準備入座前原來可以排整指甲，費用全免，比你一路食一路排，排到會打電話比你叫你出去整～火鍋格數最多可以有4格，我地揀左一辣一唔辣～忍唔住叫左個炸饅頭食好味道！食物大多數都可以叫半份份量，我好欣賞哩點，啱哂細食又多心嘅女孩子～牛肉質數當然唔差，下次要試埋和牛先得！紅薯粉同鴨血我地都有再encore，蝦滑同海蝦係會有專人服侍，服務真係細心，一流，會幫你斟野飲，鴨血有一碟調味比你點，我覺得好辣吖食嘅中途會有變臉同拉麵哥哥表演兩個鐘入面你完全唔會悶啦！特別項目就係今日係有人生日原來係會有特設嘅道具比你影相不過因為送蛋糕黎嘅時候剛好去左整甲，所以蛋糕就已經送完，見我地整完坐好，即送上額外嘅西瓜杯同樣開心啦～滿足又開心嘅一晚，真係非常滿意

近年香港開咗好多不同的火鍋店，例如麻辣火鍋、港底火鍋、台式火鍋真是應有盡有，我本身亦非常喜歡打邊爐的，所以見到咁多火鍋店真係心心眼都出埋嚟。而近期我最印象深刻莫過於海底撈火鍋，老實說味道不差，且最喜歡佢嘅服務相當好，食完更加唔會有油煙味。而且等位前仲有免費小食、飲品，以及可以免費整指甲。今次因爲想試多幾隻味就揀了四官格湯底，可以一格麻辣、一格蕃茄、兩格清水，整體價錢仲平過鴛鴦湯底。而且佢仲有超多自選配料，以及多款水果、湯品。最重要佢嘅服務真係好周到，一坐底已經俾圍裙、熱毛巾、眼鏡布等。其實佢嘅食物整體都好高，而佢個牛小排都值得點嚟食，軟滑得嚟牛味相當濃郁。配上麻辣湯式一齊食相當惹味。佢嘅鮮蝦都相當新鮮，真係要推介。鮮味濃厚，肉質相當彈牙。配上辣椒醬油食真係好回味。而佢嘅撈麵除咗食得之外，更加係一種享受。因為店員會係你面前即值地整，最後我哋就揀咗粗麵，加埋麻辣湯一齊食好爽呀。之後亦食咗唔同食物，佢嘅毛肚亦可一試，因為香港嘅火鍋店未必間間都有得食，而且質感相當十分爽口，而蝦滑都唔錯呀。整體香港海底撈水準都唔錯，食得非常開心。