海港燒鵝海鮮酒家 (已結業)

阿叔提議黎呢度食晚飯,初頭無咩期望, 點知質素出奇地好!1) 脆卜卜乳豬: 好脆好好味, 個乳豬頭我地話搵個盒帶返走, waiter聽錯左話切俾我地, 結果切得好靚俾我地, 我地話我地係想拎走, 佢又好快再pack過, 完全冇話黑面。2) 龍蝦伊麵(上湯): 份量足, 好好味!d龍蝦新鮮且彈牙3) 炸帶子球: 其實係炸蝦丸內有帶子, 好燙口! 4) 西蘭花花枝片: 好味, 點蝦醬一流!~5) 魚翅: 好味, 好食過稻香個翅, 稻香果個好假!6) 炒雜菌: 把好多菇類、甜豆一齊炒, 用炸的碗盛著, 味道略咸!7) 三斤東星斑: 魚肉好鮮味, 肉質好彈牙, 連我唔食魚既人都讚不絕口!!8) 炸子雞: 冇食, 因太飽, 家人話略咸但幾好味!9) 荷葉飯: 冇食, 家人話味道唔錯10) 甜品-水晶包: 好味!! 賣相又靚!! 總括來話好好, 好似都唔使二千蚊per table,抵!!

星期一至五晚九點後, 星期六日九點半後, 都會有特價火鍋, 碟碟$12, 當然海鮮類會貴d啦, 約$38. 雖然$12既款式無稻香咁多, 但係份量比較足, 材料亦好新鮮. 最重要每晚都有兩款特價$1既湯底, 兩個人去叫多數百五蚊埋單, 抵到爛呀. 仲有唔少特價小菜, 多數都係$28, 份量同味道都唔差.