海港燒鵝海鮮酒家 (已結業)

今天來了這裏飲茶, 好多人等位呀, 環境有點迫, 食物都一般般啦, 唯一吸引的係桑寄生蛋茶, 我的至愛, 仲有10元炸, 好抵, 我們每人都叫左一碗, 蓮子好稀少, 雞蛋一隻, 不過個味道都幾好的, 唔會好甜的呀. 好味. 天氣涼少少食一碗成個人都會暖晒. 不過呢間酒樓都好舊了, 廁所還是沒有坐廁的, 是蹲廁, 同埋好唔乾淨呀.

見到Yahoo有海港團購，500蚊4人用，包茶芥有龍蝦鮑魚龍躉，即刻買黎試啦。提早兩日訂，過程順便，只要晚飯時間就用得。燒鵝例：1／4隻鵝，唔係好大份，但味道不錯。啫啫通菜：遇上一批唔靚嘅通菜，味道認真麻麻。龍蝦伊麵：龍蝦十分足料！ 不過味道淡而無味。鮑魚：鹽燒！ 幾好味。清蒸龍躉：我覺得係石班仔囉，算交到課啦。甜品可以忽略！ 總體水評中下，夠飽，但味道真係好一般。埋單俾多50搞掂，但留意返，成個餐係無白飯的，想食自己俾錢。假日貴130蚊， 可以放棄。

晚飯嚟過幾次, 但飲茶都係第一次. 原來都好多人等位的, 1:30已開始派飛. 好彩媽媽早嚟攞飛, 所以唔使等好耐就有位. 我們叫左一粥眉豆粥, 都好大碗的, 同埋好香眉豆味道, 好食呀, 都幾綿的. 鳯爪, OK, 皮蛋子薑, 賣相都幾靚仔, 幾好味, 皮蛋都好新鮮的, 咸菜豬肚, 細細碗, 唔會好辣, 味道OK, 有咸菜, 豬肚, 腐竹.濃湯時菜, 都好味呀, 生菜都好新鮮, 加左些什菌的上湯, 好食. 素鵝好味呀, 腐皮香口, 入面係齋嚟架, 都幾惹味呀. 鮑魚燒賣, 隻鮑魚好迷你, 呢個有賣點. 味道都OK呀. 唔會好肥的.我們見到有湯水好抵, 湯丸只係10元, 木瓜雪耳只係8元, 但質素當然係麻麻地啦, 湯丸好甜的湯底, 四粒芝麻湯丸發到好大, 好漲, 木瓜雪耳好甜.呢間酒樓的裝修都好舊式, 應該說好耐有翻新過, 連廁所都係好舊的, 同埋好唔乾淨呀.

8月26日去左探家姐個BB, 之後一齊去左海港食晚飯, 9點都好多人在等位, 好彩一早訂左位炸. 我們點左幾個餸, 魚湯木耳浸勝瓜, 雞一隻, 炒鴕鳥肉, 豆角炒茄子, 蒸魚, 胡椒淮山木耳煲, 炒蓮藕片白合, 魚腐雜菜煲.D菜都幾大碟, 價錢都抵食的, 不過D仕應真的有點奇怪, 九唔撘八, 又唔識講正常廣東話, 完全溝通唔到. 隔離枱要飯盒3個, 仕應俾左3碗白飯人地...味道方面, 淮山胡椒咸排骨好好味, 好入味, D排骨都入晒味, 正呀, 淮山, 木耳份量都幾多,個湯又好重胡椒味, 這個好讚呀. 另外的有鴕鳥肉, 都好香口, 好淋身好鮮嫩呀. 隻雞都好脆卜卜的, 又唔係好肥喎, GOOD呀. 其它的都好味. 真的係大碟夾抵食呀.最尾我們有一個魚腐煲等左好耐都冇嚟, 追仕應係冇人理我地的, 之後同一個好似高級D的女部長講, 話唔嚟就埋單唔要...跟住就好快上菜, 但佢叫我地埋單, 我地話做咩, 佢話你話埋單...連基本的溝通也不懂, 怎樣做服務行業??  

間野啲態度勁差 從未試過有咁差既對代好聲好氣同佢講野 好似欠左佢咁啲侍應勁黑面 語氣同講野態度勁差話佢態度差 又係到喃喃自語 表示不滿啲點心等勁耐 一定超半個鐘以上呢樣都算 之後其中有啲野等得太耐 叫個飯都等成個幾鐘 啲餸都食晒咩同啲侍應講取消 位侍應聽完又吾回應過左陣拎左個白飯  咪話取消左竟然突然破口大罵 勁大聲咁話叫左又吾要，要取消好煩點點點……………   之後問佢咁係咪吾可以取消依加佢就走左去冇回應  勁過份 叫佢取消個下又冇回應自然當佢ok竟然去食野 要俾錢俾人鬧真係勁過份 一定吾會再去 講真佢味道吾差 點心ok 價錢都抵但態度太差了！！！

12月31日同屋企人嚟左呢度同媽媽食生日飯,一早訂左套餐,12位全包1488元,好抵食,套餐包括:乳豬全體 - 雖然隻乳豬係好似縮左水咁,但係都算叫做一隻,OK啦,肥左少少蠬蝦伊麵 - 好大碟,見到個賣相都好想食,好吸引,啖啖肉呀,都算新鮮唔會有腥味,唔會好梅,好味呀西蘭花雙蚌 - 有鮮魷, 貴花蚌,兩樣都爽口新鮮,好食呀,西蘭花都清甜海鮮卷 - 這個造法一般啦,好似春卷咁,但又唔係,似海鮮卷但又唔係,怪怪地. 但係都係熱辣辣的,入面都有蝦蒸魚 - 都幾滑同大條的, 唔會腥及鞋呀花膠翅 - 太多獻汁呀,攪到完全唔知係咩嚟,好淡,似食緊獻多D,雖然都有花膠係入面生炒糯米飯 - 都幾香,幾多料的呀, 有花生,蛋絲,臘肉料,臘腸粒,蔥花,好味呀燒雞 - 呢隻雞都幾大隻,香脆唔算肥,雞肉都算滑身的瑤柱扒豆苗 - 這個都好味呀,好多瑤柱架,豆苗都好鮮甜紅棗糕 - 我本身係唔鍾意食紅棗的, 佢地話都幾香及有紅棗味道見到隔離枱食壽包, 我地又叫, 10元一隻,叫左四隻, 好大隻架,入面都好多蓮蓉,沒有蛋黃的,幾香幾軟呀.這裏好多人食飯,初初以為除夕應該冇咩人,但都爆場,不過服務都好好的.

其實都唔記得來了多少次，但每次都見到好多人，今次也不另外！地方都是一般酒樓裝潢，以木色為主。因為朋友遲到，所以有叫了一個意式鴨胸。圖片跟實物永遠有距離，鴨胸切得有點太薄，味道也沒有驚喜，而且油太多。不過這間餐廳以中式為主，而且是以燒鵝海鮮主餐廳名，所以真的要一試。今次我們一行6人，除了點了前菜之外，還叫了莧菜花膠、深海龍躉兩味、海港燒鵝皇、西蘭花帶子珊瑚蚌、上湯麵和糖醋排骨。 莧菜花膠: 賣相一般而且印象麻麻，莧菜沒有任何特別，而花膠也太乾。深海龍躉兩味i)翡翠炒龍躉球 - 翠玉瓜有點油，但厚薄大小上算適中，魚方面都算大件而且連皮龍躉炒雲耳、辣椒和青蔥，由於皮香肉滑，味道剛好。 (ii)清蒸龍躉頭腩 – 等得有點耐，但味道不錯，雖然有點油，但是頭腩都不算多骨，而且有些頭腩還是啖啖肉的，材料都算十足。它用雲耳、草姑、青蔥、和蒜頭一起蒸，令到本身爽口的雲耳可以盡吸魚汁的鮮味，更加好食。海港燒鵝皇(例): 此酒家是出名燒鵝，我們來的原因都是為了它的燒鵝，例牌燒鵝都有脾，燒鵝上有一點汁，味道皮脆肉香，真的不錯但可惜上枱時已不夠熱，就有點美中不足。西蘭花帶子珊瑚蚌: 賣相唔錯顏色豐富而且份量都

近年的三八婦女節前後數天，都會相約三五知己八一八，今年亦不例外！ 一個墟其實並不太在乎食味，只求一個聚腳點,所以揀選了大家的方便位 - 荃灣英皇娛樂廣場。晚上5:50抵達酒家，滿以為是最早的一枱，sorry,已是第五枱！以坐擁那麼多酒家的荃灣區來說，相信這裡必有賣點。嘩！打開餐牌真是有點頭暈，魚，蟹，聖子，燒鵝......樣樣也想吃，而且大部分餸菜的定價也相宜。在大家一改再改下，最後決定叫以下餸菜。(1)四川囗水雞(小食)囗水雞沒有別店般麻辣，卻多了幾分香濃，再以流心皮蛋伴碟，I like it!(2)深海龍躉兩味: (i)翡翠炒龍躉球 - 大大件連皮龍躉炒西蘭花及少量紅椒，皮香肉滑，味道剛好。 (ii)清蒸龍躉頭腩 - 說明是頭腩，真的沒有期望是啖啖肉的，但不知是我們幸運或這店用料足，我們這一碟並沒有太多骨落地。"頭腩"伴以雲耳,草孤,青蔥和辣椒蒸,雲耳盡吸魚汁，我就吃盡所有雲耳。(3)海港燒鵝皇(例)有名你叫"海港燒鵝海鮮酒家"，當然要試下燒鵝啦！例牌都有脾喎,哈哈！皮脆肉香,但上枱時已不夠熱,扣少少分啦。(4)馬來甘香蝦蝦的size適中,用上香茅烹調，味

1月30日屋企人食團年飯,今年無意中發現左呢間酒樓的團年飯套餐好抵,12人全包餐只要$1,490,我地訂左7:00,去到已FULL晒,因為呢個優惠做到1月30日,所以好多人.等齊人先上菜,上菜超快,因為冇炸蟹鉗,改左中蝦伊麵,即刻上中蝦伊麵,嘩,都好大碟喎,勁多蝦,味道都OK,蝦都算爽,伊麵OK唔算好淋,幾好味.乳豬拼盤,有鴨胸,燒肉,叉燒,雞,牛展,全部都好得,燒肉好脆唔肥,牛展好香好薄好味,叉燒都淋,雞及鴨胸都好食呀.份量都唔少的,西蘭花帶子珊瑚蚌,份量都係好大,西蘭花好爽口,帶子及珊瑚蚌都好爽甜的,好好味.翅係好足料,有蝦仁,竹苼,帶子仔,好好味呀,第一次食翅係有咁多配料呀,呢個勁GOOD!!!!!瑤柱冬菇扒生菜,瑤柱好大粒好味,冬菇都好大隻的,都好爽口架.蟹肉扒豆苗,蟹肉舖滿個面,都見唔到D豆苗,都好味,豆苗唔老幾甜,蟹肉都做得幾好,唔會好重味,幾鮮甜.蒸魚OK,幾大條及滑呀,唔會過火,炸子雞都好大隻,好香好脆口,唔會好肥,幾好味呀,糯米飯普通,都好淋身及足料的,生果係金嚟架,好甜的.呢個餐真的非常抵食,仕應服務都好好.

我今日去左海港食飯慶祝我爺爺生日，一去到叫個5人份，野食等了二十分鐘先到，幾慢。我本人覺得芝士龍蝦伊面好香芝士味完全索曬的汁既味， 魚翅OKay，有碟似石斑的魚塊勁dry，食落去乾爭爭，too bad。

燒鵝皮唔脆 & 鵝之中都算細.... 芝士龍蝦伊麵 一般乳豬海浙一般 醋骨一般海鮮冬瓜湯都係一般個人感覺+========> 唔會諗起再去的 可能之前看到有人寫燒鵝好食...但我食就唔脆...很失望優點: 唔洗等位, 假期也相當多位....哈哈

約友去荃灣食晚飯，因太耐無到喱區開餐喇。所以要上Open Rice 找間環境好啲嘅，可以一路食嘢同一路吹吓水嘅酒樓。見到海港燒鵝海鮮酒家之贊賞食評好多同名次排得好前，故一於選擇此間通知兩位老友。當晚大家都費事諗，就叫了個有三味餸嘅海鮮特價套餐同加一個小食，另叫三支特價大啤酒。餐前小食四喜烤麩，裏面除了麵筋，仲有東菇、雲耳及金針。用帶甜的醬油煮得幾好味喎！海港燒鵝皇真係此酒樓之鎮店之寶，皮脆肉嫩及充滿肉汁，非常之正呀！瑤柱鮮菰燴海參啲鮮草菇炒得好爽口，瑤柱味極重及海參夠淋，很好味呢！:翡翠炒龍躉球之石斑係新鮮，魚肉好嫩滑啊！

d人成日話"海港燒鵝海鮮酒家"d燒鵝好唔錯ma所以唔諗咁多lu~依晚不如就去試下呢^^食店環境好好~地方夠大+乾淨..我地揀左個好靜既位置坐order完啤酒~之後先叫個"燒鵝(例牌)"d燒鵝真係唔錯喎~皮層好脆肉質都好ok皮層唔會好肥..有油香味"淨湯瀨粉"..清湯底好夠味~瀨粉入口好滑加兩件燒鵝~就變成燒鵝瀨^^"胡椒焗加拿大巨蟹"隻蟹真係好巨~而且係用新鮮活蟹蟹件夠入味~肉質超新鮮超足配料~胡椒味好夠..炒得好香口反轉個蟹蓋一睇~wow..超多蟹膏!! 可以用脹爆黎形容半邊蟹蓋既膏~真係超巨蟹膏帶甘香又軟綿綿..好味道整體食店服務好好~食物價錢超值..而且味道都好唔錯

之前家人約好今日(18-3-2012 Sun)去拜媽媽,朝早大哥大嫂約9:30am o係o度飲茶,我同男友起身梳洗後會合佢o地.o黎到都已經10:00am,爸爸同佢o地都係o岩o岩坐低剔o左點心紙兼有一碟叉燒餐包o係枱上,我只加多個雞紮.之後o野食都陸續到o黎:正常o既有: 1.唔知幾錢o既叉燒餐包皮面夠甜.2. $16.00濃湯浸菜心苗湯都唔係太濃,算幾大碟3. $18.80o既藥膳雞腳同以往食開o既一樣咁腍.5. 蒜茸蝦春卷(大點)6. 蟹籽燒賣皇(精點)唔見有蟹籽喎.7. $20.80o既翠玉鮮蝦腸蝦仁好大隻,但仍有啲殼12. 四寶滑雞扎(大點)雞扎有蟹柳,魚肚,火腿同雞肉.8. $16.80o既生煎菜肉包特別o既有:4. 金紗米網腸(精點)原來係腸粉包住炸好用米網包o既蝦膠,食落,內裡係脆但我覺得有啲油’益’.一般o既有:9. $18.80鮮蝦菜苗餃成隻餃我食唔到蝦,只得菜苗.冇食到o既有:10. 鳳爪排骨飯(中點)冇o黎到o既有:11. $17.80o既XO醬炒蘿蔔糕服務:都唔錯,密密斟水同收o野,就連上菜o既亞姐都好好笑容,同介紹金紗米網腸係咩o野o黎.埋單$266.00

捱過了兔年又來到新一年了，預祝大家新年快樂今天收爐，老闆請我們一起到附近的海港吃團年飯。訂了枱，6:30pm來到的時候已經人山人海，被安排坐在近門口的位置。柯打了8道菜，很快便送來了。首先來的是咕嚕肉，送來時已經聞到濃烈醋酸味。吃下一塊肉，果然很夠味，甜酸平衡得很好，開胃醒神!隨後的豆苗也不錯，算是嫩滑，加上金菇醬料有助提味。冬天必吃的糯米飯，香口足料，口感綿糯，但又不會太過油膩。這個是當天最喜歡的菜。熱辣辣的上枱，雜菌和木耳十分入味，輕微焦的雞脾菇有點脆口，很好吃又很好下飯。主角千層腐竹咬下去很有層次感，一層一層的像蜂巢豆腐，但口感又像玉子般嫩滑，好吃!吃了一輪濃味的菜，吃清淡的菜芯特別好吃。菜芯鮮嫩爽脆，沒有任何調味依然好吃!燒鵝是這裏的得意菜色，吃下果然皮脆肉嫩，也有肉汁不會太乾。想不到雞肉也挺好吃的，肉煮得剛好，骨帶紅，肉嫩。這條魚真的不得了，真的有兩斤，來的時候把我們嚇倒!雖然體型很大，但是肉的肉質很嫩，新鮮有魚味，加上一大把蔥和蒸魚鼓油，很快便只剩下骨頭了。當天是團年飯高峰期，人多得背貼背坐，侍應也沒有心機理我們，匆匆上菜便急步離去。不過餸菜方面很滿意，好吃得來價錢也合理，