海港燒鵝海鮮酒家 (已結業)

大前日(2-12-2011 Fri)媽媽過身三週年o既日子,晏晝請假同爸爸大哥食個lunch後去拜媽媽,佢o地先搵位,會合o左佢o地就遞紙叫o野食.1. 煎堆一碟三個,size適中,原來裡面係豆沙餡,唔太甜亦夠軟綿,唔錯.2. 豬腳薑份量唔太多,有一隻蛋,四件豬腳同幾件薑,醋汁有好多.大哥唔食豬腳,爸爸只食薑,其餘就益晒我.豬腳只有一件唔夠腍,薑醋汁酸酸甜甜,好味.3. 鳳爪排骨飯我冇食到,爸爸同哥食晒.4. 煎蘿蔔糕一碟四件,我夾第一件散晒,料係有蘿蔔絲同臘味,雖然唔多但都算香,亦食得出陣陣胡椒粉味.5. 芒果糯米糍食食吓,有位部長sell芒果糯米糍,我爸爸呢個芒果怪,唔理我o地叫o左8樣o野食,就要一碟.我都食吓先,原來芒果味唔係o係餡o度,而係加o左入糯米皮內,而餡係白白o既忌廉,呢個芒果味唔太重,但食o左又唔覺得好漏.6. 燒賣冇乜問題.7. 潮州粉粿一籠四個,size唔大,呢個餡唔係咁惹味.8. 煎粟米鯪魚餅三件都幾大件,煎得幾脆,不過鯪魚唔多,味道一般.9. 雞紮卷得幾大件,內裡有件幾大件o既雪藏雞肉,重有蟹柳同火腿,魚肚就唔多.呢個味道都係正常啦.呢餐埋單$151.00

今日家人心血來潮話去海港飲下午茶,好耐都無去過,對上個次去食都已經係半年前喇,所以今日D早去拎位,佢地係1:45派飛,2:00入座,未夠1:45我地已經到達等位,2:00未夠大堂都迫滿人,不過佢地個大堂好細三色腸>>蝦腸,牛腸,叉燒腸,腸粉好滑,三款都好香好好食,正!!!鳳爪排骨飯>>飯軟硬適中,鳳爪幾好味,排骨就比較肥膩,蒜蓉蝦春卷>>好脆,入面有好大隻蝦,好味!!燒賣>>味道及賣相一般,比較多肉三色餃>>蝦餃,素餃,潮州粉果,三款味道都一般流沙奶皇包>>正!!真正流黃奶皇包山竹牛肉球>>味道唔錯,xo醬蘿蔔糕>>好辣,好油,但係蘿蔔糕入面每件都會有蝦干同臘腸還有一碟家鄉煎薄餅,呢個真係咁耐都無進步,厚而無味,又無乜料係入面!!

上左openrice,見大家都話幾好,就決定晚飯去啦!6:30去,當然有位啦,叫左個雞腳瘦肉煲龍眼乾加冬菇,無咩味的湯叫左3個餸,一個不如一個,仲一碟細碟過一碟,d味道一般啦,但坐左1個鐘,附近已經有多個客人叫經理整過碟先好上台,嘩,5~10分鐘,立即就大大碟,問個經理點解d餸咁細碟,佢仲話廚房有磅過先出來啊,唔會啊!咁的費話,有無人信啊!另外叫左甜品,紅豆沙($8)同埋蜜桃糣米滋,紅豆沙係水開的,蜜桃糣米滋好多白色cream,無蜜桃,仲差過係麵包店買,唉仲TOILET仲差,好鬼DIRET,又無紙巾,去完出來都唔想吃!你地想知有幾細碟,就去試下啦!以後一定唔會去,4個人都吃左$328,但好一般,一年不如一年!

今(9-1-2011 Sun)朝9點幾,大哥打電話o黎約爸爸12點飲茶,爸爸答應,之後問我同男友一唔一齊?男友要返工唔去啦,我就梗係去啦.我12點去到,見到得大哥一個人等o緊位,之後爸爸到o黎,等到12:20pm,大嫂到o黎.我o地等多陣有位喇,被安排o係過o左收銀o既’房仔’坐,o岩o岩似o係電視機下面o既一張四人枱.大哥佢o地剔o左:1.藥膳雞腳果然好大陣藥材味,有杞子,圓肉同唔知咩o野,雞腳好腍,但湯只係暖o既,差o左啲.味道: 4.5分2.$12.50o既菠菜餃係部長拎o黎promote o既,咁熱辣辣,大哥佢o地話要.一籠三個,我冇食到,佢o地都冇comment,應該冇問題啦.味道: 3分3.咸水角拼煎堆仔每樣兩件,我食煎堆仔,呢個熱熱地,內裡o既錎係芝麻,甜度適,中唔差.味道: 4分4. 梅菜叉燒腸開頭唔知有梅菜,係我食落口點解食到有啲冇乜味,似菜脯o既爽口o野?同大哥講,佢答係梅菜,話menu寫梅菜叉燒腸.原來係咁.感覺有啲怪怪,幸好啲梅菜冇味,叉燒粒都甜甜地.味道: 3分5. 春卷呢個冇乜問題.味道: 3分6. XO醬炒蘿蔔糕蘿蔔糕切到一粒粒,呢個都幾惹味,又係冇乜問題

放假約咗朋友去荃灣行街，行到叉唔多兩點揾間酒樓飲下午茶，聽友人介紹去到海港，等咗十多分鍾先有位，叫咗八款點心食.覺得唔錯:蝦餃皮晶瑩、煙靭、蝦爽口. 金錢肚好香濃的醬味...埋單$180/抵食.

是日又同屋企出去食飯, 選址海港, 全因為老爸想食這個古法瓦撐雞煲翅海港是晚人很多, 大部份都是打邊爐, 人來人往也比較嘈吵, 侍應忙過不停, 招呼當然也是慢幾拍$398一個雞煲翅, 想來真是有點貴, 還好黎到見到翅都幾多, 不然真覺搵笨, 當然, 要不是老爸想食, 還是為環保出分力, 少叫翅為妙古法瓦撐雞煲翅, 侍應會先把煮好的翅放在碟上搬出來讓食客看到是真材實料, 再把雞湯煲推出來, 即場把魚翅放進去撈好, 魚翅真的很多, 上面有金華火腿絲, 雞湯煲雞肉應該有半隻吧, 奶白色的湯頭很甜, 應該不是半隻雞能煲出的味道, 湯渣雞肉也不錯, 魚翅足料, 可算是值回票價是晚菜類點左蘭花如意帶子, 帶子爽口也鮮味, 雖然帶子不是大隻, 但炒西蘭花這個size剛好了, 西蘭花火喉也剛好, 不錯煙三文帶子粒燒豆腐煲可算是新菜色, 味道很不錯, 相比起鹹魚雞粒豆腐煲, 煙三文魚不會過鹹, 但就比鹹魚更易散晒, 另外帶子粒就比不上雞粒了, 帶子粒切得太細太碎, 不是看回菜單都不知道原來我食緊帶子, 整味味道不錯但口感輸了上湯焗波士頓龍蝦烏冬底, 最近很多酒樓都因為成本問題, 轉成波士頓龍蝦了, 總覺

尋日(24-4-2010 Sat)除o左我同二哥外,家人去飲茶然後去拜媽媽,拜完媽媽返o黎時,佢o地帶埋食剩o既點心返o黎,打開睇睇,嘩!乜咁多o野o架?有三件唔同類o既粉粿同餃,炸蕃薯片同炸豆腐.咁o岩佢o地返o黎擺低,我男友就o黎到,咁將兩樣o野一齊食.點心就一定凍晒,我食啲粉粿同餃,都OK,不過不失,而炸蕃薯片同炸豆腐個脆漿唔厚亦唔漏,豆腐幾滑.呢啲點心就算凍o左都唔太差喎.

15-2-2010 Mon (年初二)大哥約定爸爸o黎呢o度飲茶後,一齊出發去外婆家拜年,我同男友亦都去.我o地o黎到,剔o左:冇問題o既有:1-6. 排骨飯,潮州粉粿,叉燒腸,濃湯浸生菜,燒賣同春卷7. 潮州水晶包一籠四件,有紅豆同奶黃餡各二,水晶包皮煙韌,紅豆餡夠幼,唔太甜又係好好味.而奶黃餡都算滑,但好似唔夠香,不過都可以.8. 墨魚餅依然夠彈牙好味.9. 荔芋南瓜餅南瓜汁就只撈埋o係糯米皮o度,裡面全是芋蓉,蓋過o左南瓜味.10. 煎堆原來餡料係芝麻,呢個都幾甜吓.服務:開頭都冇乜o野,但我,男友同爸爸先到洗碗時,男友發現有個碗仔黐住啲飯整唔甩,就換過個,爸爸就叫人將污糟o個個拎走,但個女侍應態度好似唔想拎走咁,因為冇畀利是嘛.埋單好似係$210.00

尋晚(16-12-2009 Wed)同家人同男友做節,我o地8:30pm至o黎到,小菜即刻有位,我o地叫o左個好似$738.00o既燒鵝海鮮餐(6人份),加蒜蓉白菜仔同糯米飯.好快,第一個o黎o既竟然係糯米飯.都幾大碟夠料,大嫂話啲蝦米好大隻,臘腸都唔少.而食落,糯米飯煙韌,可惜唔夠香唔夠味.味道: 2.5分2. 燒鵝份量亦幾多,皮都仍脆,唔錯.味道: 4.7分3. 原盅螺頭花膠煲雞湯花膠都幾多,但唔知係咪唔夠靚,覺得膠質唔多,都過冇乜問題.但以呢個價錢做,其實我o地都幾抵.味道: 4.5分4. 蒜蓉白菜仔唔係好大碟,我亦食得好少,呢個冇問題啦.味道: 4分5. 荷芹炒腊味睇落唔係好大碟,但原來因為荷蘭豆唔肥唔脹,所以都幾多,可惜荷蘭豆味道唔夠甜.味道: 2.7分6. 果皮蒸南非鮑魚仔(八隻)六人餐又會畀八隻鮑魚仔咁得意o既?但鮑魚仔又冇想像中咁細隻,都差唔多有兩吋長,可惜食落係冇乜味,只有淡淡o既果皮味,鮑魚仔有啲彈牙,而竟然同金菇墊底.味道: 3分7. 芝士焗龍蝦伊麵好大碟,龍蝦都幾多,但有少少焗過龍,燶o左少少,而芝士都幾多,龍蝦亦都算新鮮,OK o既.味道: 3分8. 清蒸虎斑

3-12-09(Thur)請晏晝假同家人去拜祭離世一年o既媽媽,先o黎呢o度飲茶.時間係大約1:10pm,o黎到即刻有張大枱,我o地一共七人,叫o左:1. 煎墨魚餅呢個算彈牙可口,雖然都放涼o左啲,但個個仍讚.2. 藥膳雞腳有圓肉,杞子同北芪,雞腳好腍同入晒味,有啲苦,而湯就好好味,甘甘地.3. 蘿蔔千絲酥X2又係好大件,食一件已好漏,佢好熱,但蘿蔔味卻唔夠,係美中不足.4. 流心奶黃包好香,餡多,OK.5-6. 排骨飯,灼生菜 冇食到7.特價$16.50o既咸蛋油雞飯一般8. 豆苗餃都幾大隻,料亦多,冇問題.9. XO醬炒蘿蔔糕今次唔係好辣,冇問題.10. 鯪魚球唔記得係咪炸鯪魚球,總之就係乾上,但又唔覺係炸.呢個亦都係一般,但就醮蜆芥醬,鹹鹹地又有酒味,好古怪.服務:都幾飄忽,開頭都好正常,唔太好又唔太差,之後我o地打開壺蓋等斟茶,但等o左幾耐吓,二嫂就自己斟,點知個侍應見到,走過o黎話等我o地就得啦.其實如果唔係佢o地忙到冇人理,我o地又點知自己斟?自己斟都唔係問題,而係佢話我o地.埋單$22X.00

海港燒鵝海鮮酒家是海港飲食集團旗下唯一在荃灣的酒樓,座落於荃灣英皇娛樂廣場3字樓,04年開業,此位置前身為福陞海鮮酒家.今天約了親友共4人,也是我第七次在此開餐,感覺到此店無論晚飯及荼市,做得都幾好,幾多人幫襯架!服務只係一般啦,點心幾抵食.今天品嚐過下列點心.(1)貴妃雞(雖是雪雞,味道好,幾滑)---3分(2)布拉腸粉(非常滑,配已1小碟甜醬及麻醬,幾好食)---4分(3)鵝掌翼(滷得非常入味,好味)---3分(4)酥炸魷魚(炸粉不脆,味道ok)---2分(5)叉燒飽(蒸得幾好,但叉燒少了些,味道好)---3分(6)潮州粉果(蒸得好,好味道)---3分(7)XO醬炒蘿蔔糕(好味道)---3分(8)灼介蘭(ok)---3分(9)雞札(魚肚食晒,淨番舊雪雞)---2分(10)燒賣(味道ok)---3分

30-8-2009(Sun)全家人約定o黎飲茶後去媽媽永久居所.我o地12:00pm o黎到,都好多人等,等o左半個鐘左右都有張七人枱喇,而男友又咁o岩話可以o黎,就加多個位,好彩唔係搭枱咋,否則迫住其他人客就唔好啦.呢餐由亞哥佢o地發版,我冇異議,只係出個口食,有:1. XO醬炒蘿蔔糕.幾大碟,但XO醬落得重手o左,幾辣吓,重蓋過o左啲蘿蔔糕o既味道.2. 炒米粉有幾隻大蝦,米粉炒得唔燶同唔太乾,算適中,味道就冇咩味.3. 牛肉腸唔講我都唔知係牛肉腸,質地幾滑,但都係冇咩味.4-5. 蝦餃兩籠,潮州粉粿兩籠呢兩個普普通通.冇驚喜.6. 釀燈籠椒一碟竟然有四件,重要大大件同釀得飽滿,鯪魚肉內重有蝦米,加上甜豉油,呢個算係咁多點心中最好食o既.7.. 奶黃包唔係流沙,奶黃唔太香,味道亦偏淡.8-12: 排骨飯兩個,燒賣,叉燒腸,叉燒包,煎腸粉我全部冇食到.二嫂想食甜品,佢就叫個綠豆沙,大哥就叫個鳳梨桂花糕.綠豆沙係幾大碗o既,暖暖的.最後侄女竟同二嫂爭食.而桂花糕唔大件,冰冰涼涼,清清甜甜咁,不過不失.冇為意幾錢,我諗大嫂佢o地覺得OK o掛.

我哋六個人一坐低就分別被3-4個女侍應係咁sell啲套餐,用極大聲兼講唔正嘅廣東話sell我哋食一個龍"鄧"煲套餐,咁我哋就不厭其煩,要咗個三百幾蚊嘅龍"鄧"炆斑翅煲,個女侍應話呢個好呀...又大煲,抵食呀,有翅,有花膠,有魚,有蘿蔔,有枝竹,有豆腐!點知個煲攞到嚟,我哋見唔到有魚翅,驚佢俾錯個煲我哋,咁就叫個女侍應嚟!我哋話見唔到有翅,佢就用筷子夾起舊魚鰭話"呢舊咪翅囉!翅即係魚鰭"我哋六個即刻O哂咀,咁佢即係玩食字,搞爛gag啫!所以呢間嘢勁取巧,冇下次呀!成餐飯叫多1個小菜,半隻燒鵝,3碗白飯,計埋茶芥,食埋d咁嘅垃圾都要每人一舊水!冇下次呀!

提早慶祝父親節, 因為要就埋屋企人關係, 所以就去左荃灣搵食, 而我就提議去呢度食喇.一家七口未夠七點就坐定定睇吓有乜好食, 由於我地成家人都係好簡單吓, 求其唔太貴就算, 所以都無乜叫特別野, 呢晚就食左以下食品喇:1) 灼蝦一斤 - OK啦 (唔駛一舊水) 2) 燒餓半隻 - 呢個真係唔錯, 話晒都叫招牌貨嘛 3) 咕嚕肉 - 普通, D肉好鞋吓4) 薑蔥蠔煲 - 唔錯, D蠔係炸左先再連薑蔥煲, 香口惹味 5) 清蒸青斑 - 都係OK啦 (因為又係唔駛一舊水) 6) 賽螃蟹 - OK, 一般水準7) 蒜茸粉絲蒸勝瓜 - 最差呢個, 蒜茸完全入唔到味 另外叫左兩飯一粥, 4支啤酒, 2支有氣利賓納, 總數八百蚊左右, 都算係咁啦!!

尋日(16-6-2009 Tue)傍晚同男友,大嫂,爸爸上大陸後返港,回程途中,大嫂約o左大哥o黎呢間食晚飯,叫佢攞位先,而二哥都放o左工一齊食飯,咁就六個人o係呢o度食晚飯喇.由於爸爸唔可以食太多海鮮,所以否決大嫂想叫o既海鮮餐,而女侍應介紹一個好似二百幾蚊o既晚飯三寶餐,有:1. 百味豉油雞半隻食到有少少玖瑰花味,唔算太鹹,雞肉唔’鞋’仍滑,冇問題.2. 原煲螺頭花膠筒煲雞(加$20.00)因原本係原燉冬瓜盅,但話賣晒,所以我o地改呢個,不過要加錢.乳白色o既湯又香又熱,清清甜生,材料亦好夠,花膠o既膠質都融入o係湯裡面,重有淮山.一煲湯可分到十幾碗,抵.3. 清蒸虎斑仔名副其實係虎斑仔,細細條,蒸得o岩o岩好,魚肉滑,好味.散叫o既有:4.蒜蓉粉絲蒸元貝(六隻)o岩o岩好一人一隻,睇到落o左好多蒜蓉,食落,元貝幾新鮮,且仍有裙邊o係o度,幾老實.但蒜蓉太多好鹹,粉絲量都唔算少.5.中西芹鴛鴦蚌我覺得好夠味,唔使蘸蝦醬,呢個餸冇乜問題.6.格蘭海鮮巢大嫂講笑試吓呢o度o既雀巢有冇油’益’味.餐牌上寫明係腰果,但o黎到時係夏威夷果仁,好彩全家冇人抗拒夏威夷果仁,其實夏威夷果仁比腰果清