海港薈 (康怡廣場北座)

营业中

休息中

今天在此酒樓用餐，遇操大陸口音廣東話、態度惡劣、沒禮貌、粗魯女侍應。本人只是請該名侍應，攞多兩張櫈，佢突然發難，兇神惡煞話，「一件一件來」，將筷子、餐具大力擲下，面臭臭離去。我禮貌地回應：「我唔叫你即刻做，只是同你講聲，爭兩張櫈」。之後觀察她，對其他食客亦如是，比如有食客攞醬油，佢態度很差，叫食客自己攞。事後已向餐廳負責人投訴。

今天拜完山，一行十人原來想去翰騰閣再encore多一次，雖然廳內坐唔滿人，不過等左30分鐘都無枱坐，長老們已經餓得咕嚕咕嚕，所以決定轉地方，去最近的海港薈，等不用10分鐘就有枱啦！這裡點心同小菜款式多，淨係點心單都有3、4份最後我地點左三寶（清蒸沙巴龍躉仔、黑松露海鮮炒飯、日式什菜煲）、日式照燒茄子、帶子燒賣皇、肉崧蛋煎米雞、翡翠筍蝦餃王、流汁奶皇包、香煎韭菜餃、家鄉炒米粉、大咸蛋黃粒炸鯪魚球、四寶滑雞扎、魚翅鮑魚灌湯餃、魚肚浸鮮竹卷、新鮮叉燒腸、香煎蝦米腸、鮮蝦菜苗餃、椰皇燉燕窩三寶清蒸沙巴龍躉仔（左上）：蒸得剛好，魚肉滑，不過可能是養魚，魚肉有一陣泥味黑松露海鮮炒飯（左下）：黑松露不少，有蝦，帶子，翠玉瓜粒，炒得飯粒分明日式什菜煲（右下）：材料多，有菜心，小唐菜， 金菇，粉絲， 乾瑤柱，蟹柳，蝦米，日式卷，正想俾個“讚”，點知我地竟然發現有半條昆蟲長美腿在菜蔬中間，我地嚇得不敢在碰，我舉手找經理，有一位四眼男經理行過並無理會我地，舉左手好耐，才有位經理小姐問我地有什麼需要，經理小姐很好，立即幫我地取消，最後還用左芝士蝦伊麵（右上）作代替， 這碟芝士多，蝦爽，伊麵份量適中，大家都說早

奶油包一家其實都幾鍾意飲茶既但係太古既選擇唔多而『海港薈』成日都好多人所以一直都未試過去飲茶咁岩今次奶油包爸爸又肯早出門口去拎位(係...因為我未瞓醒)最後成功挑戰『海港薈』『海港薈』既環境唔錯好光猛好乾淨食物方面好多選擇..花多眼亂但因為奶油包同爸爸媽媽只有3個人所以都係叫返D平日食開既普通點心奶油包去邊飲茶都好鍾意叫蝦餃同叉燒包因為咁先可以比較到邊間好食之後仲係點心紙上面俾奶油包見到有個好抵既燒味雙拼米線所以奶油包一家就決定食呢3樣野蝦餃都唔錯...皮唔太厚D蝦肉都幾好食而且本身個調味都幾好咸咸地唔會太淡口叉燒包係唔錯既最起碼入面係足料唔係只有D醬個包既皮整得唔會太甜最後就係燒味雙拼米線我地燒味揀左個雞配燒肉雞雞咸咸地幾好味而且奶油包一家都好鍾意食雞覺得唔錯而燒肉方面...個皮唔係好脆但整體嚟講唔會太肥食落唔差但係如果唔係米線而係米粉奶油包會更加鍾意『海港薈』整體係唔錯唯獨係茶錢太太太貴一個人收12蚊唔係好抵囉

本來諗住訂另一間，但唔記得咗嗰間食肆嘅名，癡咗線咁訂錯咗海港薈。訂枱都知出事，北方小姐不停repeat錯資料，話訂一點，佢覆我十一點，我糾正佢，佢話：小姐，我咪講一點囉。真係驚過七月十四。心諗，你咁肯定，我梗有信心啦。早兩日訂，今日去到，佢唔睬我就梗㗎啦，仲要就咁畀個訂位牌我睇，正喎，咁當然無我個booking啦。好搞笑，早知唔使聽佢半鹹淡廣州話成十分鐘扮訂枱啦。仲要話嗰日佢放假，唔係佢落booking。我都好想同佢講：小姐，你真係一代宗師！好正，好似有時啲同事做錯嘢最緊要即刻話唔關佢事。其實我明嘅，咁嘅質素都仲有人排隊，抵佢發住夢都有錢收。好唔好食我就唔知喇，九秒九走去另一間食啦。

不是第一次幫襯海港，雖然食物確實唔錯，但每次都激到出煙，續上次食團年飯俾咗訂訂枱都要等45分先有得入坐後，今次又有代表作😡😡😡🔥永遠 book 咗枱都要等，一家老小起碼半個鐘。咁做乜要 book 枱🔥專程約一家老小來食長腳蟹，訂位時已有詢問還有蟹否，來到先知無，咁點解訂位時無講，齋為小菜唔會嚟受你氣囉🔥來到知道無蟹已經睛天霹靂，知客阿姐仲好大支嘢咁話琴日無貨啦，唔係日日有個喎！唔係日日有唔係我錯啫，咁訂位時你唔講。好食都無用啦，咁勞氣食咗都補唔返，為免血壓升高，以後底制海港 bye~~ 😤

年初二，一家人到左附近海港薈食開年飯。首先一坐低就上左碗羹先，無影到。上湯龍蝦伊麵:龍蝦肉厚，而且唔黏殼。伊麵好濃味，略嫌咸了點。乳豬就真係比較失色。整隻豬大多是得外皮的部分，肉少得可憐。外皮就挺脆口。西芹炒帶子蚌，清清地 正好清了之前油膩的感覺。魚一上，就俾人搣去面珠矜貴嘅肉。肉質彈牙多肉唔鞋口，無腥味。生菜鮑魚冬菇 用了西生菜，冬菇炆得好入味，比鮑魚更加吸引。鮑魚中規中矩，一般罐頭鮑貨色。當紅炸子雞 炸子雞向來都係圍菜中最期待，外皮炸得金香脆口，一咬肉質同油香噴左出黎，肥肉又不算很多。發財好市豬脷扒豆苗豬脷厚度剛剛好，夠稔身易咬，金蠔都不錯，豆苗嫰滑無澀味。最後仲有糯米飯 柑 同合桃曲奇。

假日一行11人去飲茶 好多人等位呢度都幾多款點心 睇落都幾精緻雪山叉燒包唔錯 皮脆內軟叉燒餡好足 味道啱啱好潮州粉果個皮太黏 好難夾 最後搞到成隻散哂不過個餡夠爽夠香口原籠蔗糖馬拉糕唔係傳統既馬拉糕 而且唔夠鬆軟紅棗糕有驚喜紅棗味好出 又唔太甜口感軟糯 煙韌有嚼勁帶子燒賣 味道較淡 少左份豬肉既香氣鮑魚海鮮炒飯 炒得幾乾身 有細細粒既鮑魚仔 味道唔錯其他就無乜特別印象/根本無食

本來父母喜歡呢度的食物，一早八點就去同父母飲茶，但是近農歷新年，加水，落單的慢，sell糕券的就多。食物系不錯，就服務差唉，生意太好，就唔憂做啦⋯⋯好好的一家餐廳，過往每月都一两次同飲茶，家下真系唔知農歷新年前好唔好去另外，各位記得睇單呀，入錯人數，你唔睇唔知道㗎。。每圍計錯些，收多些，肥過肥仔呀

海倫的皮膚不太好，她會喜歡一些清淡的食物！今天到海港薈飲茶，看見點心紙上有瑤柱菜苗餃，她便開心地點了一客。誰料餃子內只有很少菜但卻有蝦，我們詢問服務員，她態度惡劣地狡辯圖片內顯示有大大隻蝦！我們曾數次揮手招呼服務員需要服務，她們都當看不到我們！海倫很不高興更聲明以後不再來海港薈！現今食肆行業，除了食品質素，服務態度亦影響回頭客！

今天休息，又去嘆下午茶。上次本想幫襯康怡廣場海港薈，去到大約2點半左右，竟然仍要等位，於是改往樓下玉桃軒。今次又系2點半左右，但不用等位，可以即時入座。海港薈佈置新淨，地方寬敞，環境舒適。坐下點了養生藥謄膳鳳爪、蒜茸蝦春卷、香芒沙律盞和千層薑汁糕。養生藥謄膳鳳爪的湯底藥材味濃郁、鳳爪腍甜，味道不錯。蒜茸蝦春卷和香芒沙律賣相吸引，炸得鬆脆，口感味道都有水準。至於千層薑汁糕，蒸得熱騰騰，既香且甜，軟滑彈牙，如果能再加強薑汁濃道，會更加出色。

食左成晚飯，係酒樓餸菜中，最特別係個冬瓜盅原來限量，好彩有人預訂左冬瓜心已清左，冬瓜肉燉到好淋身，又仍然可以企到係個盅度，好神奇冬瓜肉索左個湯d味，變得好入味湯好清甜，無咩味精，淡淡地飲到蝦、金華火腿味，飲完不太囗喝

大時大節，家人最愛吃中餐，或到酒樓飲茶。為了避開人潮，我們喜歡在母親節前夕慶祝。等小澄B上完興趣班，一家人浩浩蕩蕩去太古海港薈飲下午茶。意料之外，飲茶的人並不多，稍等片刻，就可入座，被安排坐在角落近窗口位。甫坐下，一阿姐捧著一碟炒麵，話是人錯單，可以較平價錢讓給我們，以免造成浪費。饑腸轆轆，我們就要了這一碟蛋絲肉片炒麵$68。炒麵伴以蛋絲、肉片、韮黃、韮菜、芝麻和豉油同炒，麵條均勻地沾滿了醬油，入口頗為乾身且香口。因為太肚餓關係，瞬間被各人搶吃一空。叉燒腸皮滑且嫩，叉燒餡略嫌一般，豉油也不夠鮮香4甜。炒腸粉，名副其實，史無前例，夠晒「粉」。吃一口，已忍不住吐出來了!叉燒包，外皮鬆軟，叉燒餡香腍濕潤甜美，老爸連吃兩個。鳳爪不過不失，普通貨色。金錢肚，據C表示，質感過份軟腍，口感欠奉，且頗辣的，有點失準。爸媽和K，無飯不歡，要了兩盅蒸飯 - 梅菜雞肉蒸飯和鳳爪排骨蒸飯。蒸飯入口夠乾爽，只是，食味偏淡，不太誘人。潮州粉果，老媽的最愛，據說外皮欠煙韌，幸餡料夠惹味，咬口十足，挽回不少分數。原籠蒸馬拉糕，吃起來十分鬆軟具彈性，且甜度適中，可說是最好吃的一款點心。一客三件咖啡千層糕，層次分明，賣相

今晚兒子請食晚飯，媽咪建議來這裡，叫左推介的蒜茸粉蒸元貝，上枱的竟然是用急凍帶子開邊冲元貝，元貝殼就很大個，剛見到個西裝友行過來我太太同我向他投訴，而他就目無表情及啞口無言，祇說會反映便行開了，後來問其他樓面那位西裝友是姓成，專責培訓工作，那就太令人失望，埋單後我太太心心不憤，再向成先生了解，但他之吾以對，及後來了個經理，他親口說是用急凍帶子，並且立即在櫃面取回100元給我太太，並意圖推我太太離開，及後我跟他說連加一是110元，他又立即再取多10元給我。令外蒸魚豉油淡而無味，蛋白花彫蒸蟹過咗火及薄薄的蛋白在碟底，這店實在太令我們失望！

今日放假。夜晚同家人去左太古城。海港薈食飯。睇左好似擇左幾個菜。重有一個唔知擇咩好。跟住我地就問下個部長。有咩好介紹。跟住佢就介紹左依個芝士焗魚扒比我地喇。等左一陣間。個芝士焗魚扒黎喇。焗都金黃色既芝士 個賣相十分好 用薯熔花圍邊。又好味又好睇！

星期日同太太去康怡海港飲茶，等了半小時後入坐，心諗排曬隊，出品應該不錯，可惜大失所望，叫了8個㸃心及小吃，㸃心質素好一般，但最離譜係碟所謂天婦羅，都唔知似乜黎，好難聯想到係天婦羅，似酥炸多d，又黑萌萌，都唔知有冇番炸過！於是，就請位經理(她的名字叫張蘭)過來，問下佢知唔知呢碟係乜黎，佢都答唔出，我之後開估啦，佢就話佢地出品的天婦羅就係咁樣㗎啦，又話相片只供參考⋯⋯(下刪三百字)，所以我希望其他用戶可以參考一下圖中的天婦羅是否你可以接受到至落單。