海港薈

营业中

休息中

星期日一朝早就同屋企人去飲茶因為太早所以無咩人，員工都唔太多對住中環維港個景食野的確係唔錯西斑牙黑毛豬叉燒包&黑毛豬叉燒腸黑毛豬同普通豬真係唔同，唔會乾仲有個包同腸粉都有好多函，不錯不錯燕窩蛋撻蛋撻略嫌甜左啲，不過有燕窩咩都抵返晒啦新派馬拉糕馬拉糕都幾鬆軟，但我就覺得甜左少少鮑魚汁鳯爪鳯爪食得出好新鮮，煮既時間岩岩好，唔會煲到淋晒，鮑汁唔會濃到好咸個隻原隻鮑魚燒賣皇隻鮑魚好大粒，隻蝦幾爽口，又唔會好多肥豬肉總括黎講，環境配埋食物質素，性價比幾高。係上菜速度有點慢，其他都很好一家大細去飲茶

清假當然要同媽媽去飲個茶食個包，來到北京道一號，對住維多利亞海景食，又一享受。蟹肉粟米羹粟米羹老少咸宜，一向都是我的最愛，今次加埋蟹肉，加分。招牌三色包三色包為合桃包，奶皇包，豬仔奶皇包造型趣致可愛，三款包不算太甜，合桃包仲有合桃粒粒。恩愛天鵝酥不單止做型好可愛，吃下鬆脆，叉燒汁亦夠惹味。原只鮑魚燒賣皇燒賣豬肉鬆軟，鮑魚放在燒賣上，飽魚甜甜的蠔皇味，好豐富。鮑魚花膠灌湯餃灌湯餃用料充足，竹笙，蝦膠，瑤柱，還有鮑魚花膠，上湯鮮味十足。椰皇燉官燕椰皇熱騰騰，打開椰皇的蓋，椰香撲鼻，燕窩加埋燉蛋白好滑，在椰皇內燉，夠養顏。媽媽對呢餐飲茶好滿意，她還拍了很多照片，點心得意又好食。

位於北京道一號九樓的海港薈擁有無敵維港景，座位寬敞，加上優雅的裝修和擺設，給人一種舒適的感覺，絕對是飲茶和晚膳的好地方。今天十一時許已抵達海港薈，時間尚早，所以便可即時入座。打開餐牌，林林總總的特色點心、小食、午市粉麵飯、小莱和廚師推介，選擇很多。最後我們二人點了些點心小食和一個廚師推介，大快朵頤。～鮑魚花膠灌湯餃（$48）真材實料的濃湯喝起來一點也不膩，鮑魚仔有咬口，薄花膠又爽口，再來一個灌湯餃，感覺滿足。～原隻鮑魚燒賣皇（$38）原隻小鮑魚味鮮有𡁻口，燒賣皮內的餡料豐富，蝦和肉亦爽口，味道適中。～翡翠帶子腸（$38）翡翠帶子爽口，腸粉皮不厚並有少少煙韌，沾上豉油來起，味道更鮮甜。～香煎蘿蔔糕（$26）蘿蔔糕煎得恰到好處，內裏的臘腸粒惹味。沾海鮮醬來吃，味道變得多層次。～恩愛天鵝酥（$33）賣相吸引，天鵝造型的叉燒酥滋味無窮。伴碟的鵪鶉蛋是我們很久也沒有吃過的，所以我們一定不會放過這兩隻雖然膽固醇高但又美味和營養價值高的小蛋。～脆皮咕嚕黑豚肉（$58）這廚師推介果然令人一試難忘，黑豚肉淋滑又有𡁻口，新鮮菠蘿清甜，再配清新的紫洋蔥和青椒一起炒，味道甜甜酸酸，極為醒胃。面對著窗外的藍天碧

今日跟家人到尖沙咀逛街，臨近五一黃金週，四處都是遊客，我們想找個高級靜一點的酒家飲茶，所以到了北京道一號海港薈。時間大約十二點，尚未有大多人，都不需要排隊，樓家面積很大，任何位置都可以飽覽維港風景，而且不像其它別的樓家坐得很擠迫。點心紙上有很多特式點心，如招牌三色包、鮑魚燒賣、黑毛豬叉燒包等等......我們最後點了鮑魚燒賣、香茜牛肉腸、鮮蝦菜苗餃、豉汁香芋蒸排骨、西班牙黑毛豬叉燒包、龍門炒鴛鴦米。鮑魚燒賣 - 蟹籽燒賣就吃得多，鮑魚真是第一次吃，賣相已很吸引。西班牙黑毛豬叉燒包 - 用上黑毛豬肉，油潤甘香，肉嫩多汁，有別於一般叉燒包。香茜牛肉腸 - 牛肉腸不會太死死實實，蒸的時間剛剛好，配合芫茜一絕。豉汁香芋蒸排骨 - 味道不錯，但個人覺得略肥，但都好好味。龍門炒鴛鴦米 - 用了粉絲、米粉、雞蛋等材料，味道相當惹味，份量足夠。總評：不論環境、味道、服務都一流！

朋友在尖沙咀工作，找我幫忙看看他的保單，雖然我不彈此調久矣，但仍可以幫他看看。他約了外在他公司附近的北京道一號九樓的酒樓，說點心不錯，亦曾在此觀看維港的煙花匯演。因為訂了位，所以來到就可以內進了。我們點了翡翠筍蝦餃王、春風得意腸、馳名燒鵝皇(例牌)及安格斯牛肉炒河。翡翠筍蝦餃王一籠有四隻，每隻都有幾隻蝦，加上筍絲，爽口有鮮味，亦能做到皮薄餡靚，蝦餃皮不糊口。春風得意腸內脆外軟，裡面脆的不是用春卷皮，而是像芋角外層的那種，所以非常鬆脆。外層的腸粉，以一些生菜相隔，隨了可以令腸粉不會黏在一起外，亦增加了點心軟中帶脆的層次感。馳名燒鵝皇(例牌)果然燒得不錯，熱辣辣的，皮脆肉嫩，肉質豐厚，雖然略嫌油份多了些，但亦帶出鵝香。還有安格斯牛肉炒河，牛肉有鮮味而鬆軟，有用XO醬一類來調味，甜中帶少許微辣，朋友就覺得味道濃了些，而炒河粉也難免用油多一些。兩個大男人也吃不了這麼多，朋友不想浪費，將半碟牛河及一隻燒鵝髀打包回公司。我只是舉手之勞，這餐由朋友埋單，下次我來結。

一有假期就最啱去飲茶食下點心咁先至享受，是日就去左尖沙咀飲茶，飲完茶又可以係附近行下街夠晒方便，就去左北京道呢間酒樓飲茶，一入去已見落地大玻璃可以望見維港海景一邊食冇得輸，坐低先飲番啖茶再攞張點心紙再揀心愛美食，係點心紙有多款美食，有精美點心、香滑腸粉、炸焗點、甜品、小食推介、味部推介、午市粉麵飯同廚師推介有咁多選擇，就點番幾款美食大家品嚐，先來有係小食推介XO醬炒腸粉，入口食到熱辣辣嘅炒腸粉，腸粉炒得夠乾脆每條都沾滿XO醬，食落特別香辣又惹味，再來有點心鮮竹牛肉球，入口啖啖肉又多汁，另一係款西班牙黑毛豬叉燒飽，會同平時食開嘅叉燒包有D分別，因為用左西班牙黑毛豬，肉質會更細嫩食到啖啖香甜肉汁正，接住有櫻花蝦椰菜炒粉絲，粉絲炒得好爽滑吸收晒所有精華，加上櫻花蝦同椰菜嘅鮮甜食落更滋味，品嚐完一輪美食後，再食埋甜品桂花椰汁糕已經滿足晒所有食慾。

飲茶可以話係中國人嘅傳統，尤其是孝順父母第一種表現，每星期抽點時間出來跟父母飲茶溝通一下近況，也是父母擦存在感的一個指標呢！星期天一早起床到尖沙咀北京道1號海港薈，預早訂好海景位置，跟父母來個一盅兩件。飲茶顧名思義茶是很重要的，爸爸喜歡喝龍井，這裏的茶高質素又香濃。點心價錢親民，還有很優惠的孖寶，享受靚景服務之餘還有高質素的點心食物最後埋單每人消費在$150 以下，這裡喝茶也不貴哦！西班牙黑毛豬叉燒包 $48爸爸很喜歡吃叉燒包，他跟我說這裏有一個必食推介，就是西班牙黑毛豬叉燒包，果然係非同凡響，叉燒包都做到流心的感覺，西班牙黑毛豬肉質特別鮮甜柔嫩，叉燒包一口咬下去有爆炸的感覺，包包熱辣辣口感柔軟，吃一個已經滋味無窮。超值孖寶 $98/份這個認真超值，兩個點心嘅價錢已經可以吃得飽飽的。脆皮醬燒雞半隻 + 手打魚腐勝瓜。媽媽愛吃雞髀，口感脆皮，醬燒雞令雞肉味濃郁惹味，肉質鮮嫩又夠多汁，半隻雞很快比我們一掃而空，非常美味。有一點喉嚨痛的我想吃清淡一點， 手打魚腐吸收了湯汁的精華，勝瓜軟腍整體味道感覺清新又健康。蟹肉瑤柱蛋白炒飯 $128蟹肉真材實料十分豐富，瑤柱蛋白增加口感，炒飯粒粒分明，每

約咗朋友到尖沙咀飲茶， 上網search到尖沙咀北京道1號這間海港薈， 上到9樓打開門是全層的，全海景環境非常舒服。點心種類都非常多選擇，這個西班牙黑毛豬蜜汁叉燒包，包身鬆軟內裏蜜味黑毛豬叉燒肉味濃，值得一試。小食嗌咗四喜烤麩， 這個烤夫做得好入味， 朋友食到讚口不絕。看見這個"粽有你" 好吸引, 一於試個鴛鴦糯米粽， 糯米好紮實口感又煙韌，味道非常唔錯。鮑魚燒賣大大粒， 鮑魚仔好鮮甜。黑松露素餃皮薄餡靚。還有這個迷你菠蘿咕嚕肉和鮮茄魚腐浸時菜都做得唔錯。這裏的食物質素和環境，性價比高。

呢日嚟到北京道一號嘅海港薈同屋企人飲茶～一上到去就覺得好靚，望住個無敵大海景，又有好多花花裝飾，同埋成個店面都冇柱，所以一眼望晒，擺酒都應該唔錯～呢到嘅點心幾特別，比較新式，好精緻～南美花膠煲螺頭（$58）花膠湯，味道清甜！好足料，好大塊花膠，仲有螺頭、鮑魚仔、雞腳。恩愛天鵝酥（$33）個樣好靚，好啱打卡其實係叉燒酥嚟嘅～外層好脆，唔厚，滿料～燕窩蛋撻（三隻）（$33）蛋撻皮比較鬆軟，而個蛋仲朗下朗下嘅，好滑～仲配埋矜貴嘅燕窩waaaaaa! 黑毛豬叉燒腸（$48）腸粉皮好薄好滑，而料都好足～XO醬炒腸粉（$58）熱辣辣，唔會好快凍晒硬晒，好味道西班牙黑毛豬叉燒包（$48）叉燒包料好滿，又多醬新派馬拉糕（$26）上湯珍菌浸白菜仔（$58）除咗上菜有啲慢之外，其他嘢都唔錯～呢到行嘅路線比平時嘅海港高檔次，所以價錢會偏貴，但相對上質素都高好多，唔錯唔錯menu：

以前讀書時常常與家人到北京道1號飲早茶，都很多年沒來了. 這天因事要和家人到尖沙咀，順道來飲早茶，原來9樓的酒樓現在已轉為海港薈.酒樓裝潢以白色為主調，配以北京道1號的特高樓底以及金碧輝煌的巨大水晶吊燈，感覺相當華麗; 而且枱與枱也有適當距離，環境空間感覺份外舒適. 如果能夠坐到靠窗位置，更能近距離望到維多利亞港的景緻，環境方面絕對吸引!茗茶每位$15; 點心價格方面: 小點$22、中點$26、大點$30、精點$33、特點$38香茜牛肉腸 (精點) 即叫即蒸的牛肉腸，腸粉皮相當嫩滑，當中的牛肉餡料也多，配以甜豉油已經很好吃!翡翠筍蝦餃皇 (特點) 一籠4隻大大隻的蝦餃，外皮煙韌且晶瑩，內裡是爽甜彈牙的蝦肉，是飲茶不能缺少的點心!!西班牙黑毛豬叉燒包 ($48) 特別用上西班牙黑毛豬弄的叉燒包，肉餡甘甜配以半肥瘦叉燒，水準也不俗~栗子鮮蝦腐皮卷 (精點) 喜歡吃炸物的我，見到這款特別的栗子鮮蝦腐皮卷，當然要點來一試~ 即炸的腐皮卷鬆脆且油份不多，內裡是蝦肉以及栗子粒，是一客頗特別的腐皮卷呢!吃過4款鹹點，有點意猶未盡，再點來2款飯後甜品. 該2款同樣是黑色的點心令送餐的姐姐都感覺

星期日同屋企人去飲茶媽咪話想試下去d有靚景gei地方我地揀左呢度今日大霧如果唔係個景觀會更靚不過入到來感覺好開揚舒適春風得意腸外皮好滑入面脆卜卜鮑魚花膠灌湯餃呢個好補感覺好豐富招牌三色包其中有兩個係奶黃包一個係核桃包小🐷奶黃包好可愛整體味道唔錯叉燒包外皮好鬆軟西班牙黑毛豬叉燒包d叉燒好香呢個d🐷肉係用西班牙黑毛豬調味惹味十足yummy yummy南美花膠煲螺頭幾清甜好好飲懷舊瑤柱餃餡料飽滿D蝦肉好爽口彈牙整體我地好滿意

星期日梗係最好搵個地方飲茶啦。今次揀咗北京道1號9樓嘅海港薈，一去到門口已經覺得好有氣派。環境非常闊落，燈光光猛，窗邊仲可以見到非常靚嘅海景。點心賣相非常特別，而且仲有好多選擇。南美花膠煲螺頭，非常足料，花膠厚身，湯非常清甜。鮑魚花膠灌湯餃，湯與餃合為一體，上湯清潤鮮甜，鮑魚大大隻，加醋之後更添風味。春風得意腸，外滑內脆。懷舊瑤柱餃，餡料彈牙，皮厚薄適中。西班牙黑毛豬叉燒包，內餡用矜貴嘅西班牙黑毛豬，口感軟腍香甜。招牌三色包，賣相非常可愛，一次個試晒唔同口味嘅包，餡甜度適中。

好耐冇同屋企飲茶，今天難得weekend 就去左尖沙咀海港薈，之前老闆請過我去食，我覺得都吾錯，環境裝修幾靚，所以今次帶屋企人去試下。有阿媽喺度就一定要食飯嘅，脆米海鮮泡飯，個湯好好味，加埋配料十足，最重要係啲脆脆，阿媽係咁加，淨係食佢都好似已經飽左🤔一人一碗鮑魚花膠灌湯餃，等阿媽補下😂一人一隻鮑魚邊度夠，所以再叫多個鮑魚燒賣皇，黎呢度就係要食得豪啲😋仲有黑松露野菌餃，黑松露個味都好濃下，仲幾大件tim 。

今晚一家人食飯。媽不在家，係時候陪下老豆了。為左滿足嘴diu既老豆，去左海港薈食中菜。拿起餐牌，爸爸竟然懷疑這兒的食物質素，話什麼好睇唔代表好吃🤦‍♀️🤦‍♀️🤦‍♀️🤦‍♀️我只好答佢，食完你未知龍與鳳。心諗，你估我地唔知你嘴diu咩，點會帶你去無質素既地方食飯呀。壓力下，我地幾兄妹為爸爸揀左幾款小菜。不過，我對海港薈有信心爸爸突然話想食鮑魚🙄🙄唔好玩我地啦，普通食飯乍。酒糟鴨舌 $52係我既至愛小吃酒味香醇，肉質軟嫩，超讚👍 大部分都係進晒落我個胃到金沙炸魚皮 $68不得了之炸魚皮，爸爸停不了口，要我制止才肯停，可想而知佢既威力驚人金沙即鹹蛋炸魚皮。色澤金黃大大塊，香脆鬆化，啖啖鹹蛋黃和魚香，有起沙感但又不覺油膩感，難怪爸爸吃完一件又一件😆脆皮咕嚕黑豚肉 $168皮薄而脆，黑豚肉厚身，大大件得來很易入口，因為師傅煮得很腍，有口感又鮮軟。味道甜中帶酸，很開胃。爸爸吃了四件咁多。高山菌燒豆腐 $128爸愛吃豆腐是因為易咀嚼，所以叫了豆腐吃。豆腐很滑，似山水豆腐花，還有豆的香味👍。高山菌生長優良，全部都又鮮又壯。黃金有米魚是東星班，有1斤4。師傅先起肉，然後加入龍蝦湯，配以大量黃金色既脆米，分四

今日同哥哥家姐帶老爸吃飯，算是興祝他雙眼重見光明。以前要我們服侍，現在他看得見會自己夾餸，他吃得高興，今餐是很值得了。老人家牙力不夠，大部份餸都以他吃得到為大前提下叫的。但當然有例外😏。酒糟鴨舌。酒味香醇，少骨，肉質軟嫩，超讚。👍 金沙炸魚皮。就是很流行的鹹蛋炸魚皮。色澤金黃大塊，香脆鬆化，啖啖鹹蛋黃和魚香，有起沙感。老爸夾完一件又一件😆。脆皮咕嚕黑豚肉。脆皮薄而脆，吃時會聽到口中響起卜卜脆的聲音😊。黑豚肉很厚身，大大件有口感但很鮮軟。味道剛好，甜中帶酸。高山菌燒豆腐。豆腐滑到似山水豆腐花，吃起來有一股黃豆的香味，是貨真價實的新鮮👍。高山菌生長優良，全部都又鮮又壯。黃金有米魚。這麼好意頭的名，當然要試試。是東星班，有1斤4。正想大塊朵頤時，原來還有工序，很意外。原來是連湯吃的。大家記得看餐牌上的英文字呀，有寫配龍蝦湯的😍。部長即席為我們烹煮分好碗。龍蝦魚湯鮮甜，魚肉鮮嫩無骨，而脆卜卜的米，浸了湯後口感更得意，不過份量多了少少。因為等於吃了一碗粥，我們還叫了飯呀。😅鮑魚堤岸炆飯。原本怕鮑魚會硬老爸吃不到，怎知炆煮得很軟腍👍。另外還有很多配菜：貝柱、菜粒、蛋等，口感很豐富而味濃。我們吃不完