海港薈

营业中

休息中

今日到尖沙咀，順道到海港薈歎下茶。採用了落地玻璃，一進酒樓就看見那維港靚景，令人心鄺神怡。飲茶當然就要點一籠叉燒包啦，話係西班牙黑毛豬，鬆軟的包包著蜜汁爽口叉燒，熱辣辣又幾好味喎原隻小飽魚在每粒燒賣上，賣相很吸引燒賣亦真材實料，除了豬肉外，還有蝦肉，整體質感爽彈。鳳爪調味恰到好處，不會過咸。流沙包咬開，蛋黃奶黃即流岀來，很治癒。流沙甜中又帶點咸，這得意腸，其實係被炸至金黃香脆的蝦被腸粉包圍，感覺有點似平時食的炸兩，當然這個口感豐富些。這個晶瑩剔透，稱得上皮薄餡靚，內裡的餡料都透岀來了，蝦肉鮮味彈牙。最後是炒腸粉，入味又惹味，XO醬帶微辣，略嫌油了點，怕肥的食少少啦

今日返兩點，有少少時間同兩老去飲茶，知道有一間可以望住維港飲茶，諗都唔諗即刻去食。店內環境十分整潔，加上我去到未到食飯時間，所以比較少人感覺舒適，維港海景一流。餐牌上有大約40款美食，最貴的特點都是around $38 都唔算特別貴。我地點左大約六至七個點心。黑毛豬叉燒包，叉燒汁特濃，叉燒肉嫩口多汁，包的外層10分鬆軟，必然之選👍🏻👍🏻👍🏻👍🏻👍🏻鮑汁鳳爪，鮑汁勁入味，煮得好琳容易入口，我自己一個都食咗三四隻。鮑魚花膠灌湯餃，好足料有一粒鮑魚和一大片花膠，雞湯味嘅極濃，灌湯餃涵好豐富好飽滿，媽咪話食過咁多次灌湯餃最好食係呢間。鮮蝦菜苗餃，外層晶凝通透，蝦肉和菜肉餡很新鮮，食落去感覺好fresh。呢間酒樓無論環境、食物和員工態度都是很好，絕對值得一試

今天難得放假，就帶爸媽去佢最鍾意的酒樓飲茶，這裏的點心款式較多的非常美味，所以成為我們經常來的酒樓😋爸媽最愛這裏的黑毛豬叉燒包及鮑魚花膠灌湯餃。這裏的環境可以望到尖沙咀海旁，非常舒服，服務員又有禮貌，Keep住幫我地加水沖茶。黑毛豬叉燒包-一咬開叉燒份量頗多，非常多汁美味，肉質鮮嫩。鮑魚花膠灌湯餃-花膠非常厚身啖啖肉，鮑魚彈牙爽口，餃子餡了非常多皮又薄湯底非常鮮甜😋😋😋鮑汁鳳爪-鳳爪煮得好淋好入味南安咸水角-外皮炸得脆卜卜，內面軟熟餡料新鮮👍👍👍原隻鮑魚燒賣王-蝦肉鮮甜爽口，上面放咗原隻鮑魚，令到燒賣感覺非常高貴。

聽聞這家酒樓可以欣賞到維港景色😍這樣賞心悅目的事情 當然要帶靜靜媽去在剛剛開門的時候去是不用等位的🤭所以也喜歡早一點去呢~ 好快就被帶位了·豉汁芋頭蒸排骨 HKD$30·翡翠荀蝦餃皇 HKD$38·西班牙黑毛豬叉燒包 HKD$48·豉汁蒸鳳爪 HKD$22·翡翠帶子腸 HKD$28·酒糟鴨舌 HKD$52食物素質不錯 而且份量也不算小的~那個黑毛豬做的叉燒包就第一次食❤肉質沒有傳統的硬 醬汁甜甜的靜靜私心推介這個黑毛豬叉燒包看見也有不少人點這個來食呢~當然不少得鳳爪啦 飲必點的食物之一雖然流沙包也是我的必點清單🤭因為點了另外的包款就忍心放棄一次~

今天約了舊同事午餐在尖沙咀，於是便選了北京到一號的海港薈 ！酒樓就在9樓，一進酒樓，就看到無敵的尖沙咀海景，今天天氣不錯，立刻覺得心曠神怡！來之前做了一點功課，知道它們的西班牙黑毛豬叉燒包($48)很出名，所以一定要點的！然後再看看點心紙，點了超值孖寳 – 脆皮醬燒鷄+瑤柱花膠泡勝瓜($98), 翡翠蝦餃王($38)，鮑魚花膠灌湯餃($48)和招牌三色包($33)。西班牙黑毛豬叉燒包果然好食，叉燒完全沒有肥肉，醬汁濃味，非常健康好味！脆皮醬燒鷄+瑤柱花膠泡勝瓜真的很抵，燒鷄的分量有半只，燒得香脆；瑤柱花膠泡勝瓜也有很多的瑤柱，非常清新！翡翠蝦餃王就有大大的蝦肉，配上辣椒油，很美味！鮑魚花膠灌湯餃的用料非常足，鮑魚和花膠很滋陰，食了之後覺得自己皮膚也滋潤了不少！招牌三色包看到照片覺得很有趣，小朋友的話一定搶著來食，不用爸爸媽媽操心！

星期天唔使返工緊係要好好對自己。所以今天特別出尖咀咀北京道1號飲茶由落地玻璃望出海 ,真係食物都未到已經令人心曠神怡， 心情輕鬆不少xo醬炒腸粉分量唔少的一碟小食， 有xo醬的香但是本人覺得不夠辣呢鮮竹牛肉球小點得嚟都唔細碟抵食之選栗子鮮蝦腐皮卷老實說是被" 栗子" 這吸引著果然名不虛傳，栗子藏在腐皮底下， 經過脆炸後依然食得出栗子嘅爽脆， 還有鮮蝦做伴親鮑魚花膠灌湯餃這個灌湯餃出色之處是湯底，因為有鮑魚花膠關係，湯底不咸外還帶點膠質西班牙黑毛豬叉燒包外表平平無奇但一搣開驚喜就出現喇！ 用上高檔黑毛豬弄的叉燒包口感 非常軟淋原隻鮑魚燒賣皇最吸睛的當然是原隻鮑魚啦！

#一盅兩件#小秘書 份人其實都幾傳統😉 莫講話 #性格 本屬 #斯文有禮 嗰隻😅🤣 就連 #食嘢嘅口味 都好 #中化🥢 平時 #私人時間 我都比較鍾意約埋啲 #朋友 / #屋企人 #飲杯茶、#食個包☕️ 多過去 #鋸扒😅 好鍾意圍埋一齊 #有講有笑 嘅感覺。呢日遇上 #志同道合 嘅 #茶腳，佢實在太知我 #心意，特登揀咗有 #無敵大海景 嘅 #海港薈 同我 #嘆茶☕️ 仲以為「食環境」嘅 #餐廳 一定好貴，點知佢嘅 #點心價錢 好似同我 #樓下嗰間酒樓 相差無幾💸 所以呢餐唔使就住就住咁食喇🤣齋係睇 #蛋撻 上嘅 #燕窩、#燒賣 上嘅 #鮑魚BB 已經夠養眼👀 不過 #小秘書 反而就最欣賞佢哋嘅 #黑毛豬叉燒包，#餡料 同 #醬汁 都配合得非常好... 我一口氣仲食咗兩個添😋 仲有 #灌湯餃 都好鮮味㗎，而且湯底入面仲有 #鮑魚 同 #花膠😍 嘩！呢餐咁滋補，#小秘書 一定靚哂啫！

去尖沙嘴飲茶，突然間唔知有乜選擇，就搵到依間喺北京道一號嘅樓上中菜。點心唔算好多選擇，但都有齊基本嘅，加上一啲少見啲小菜，都點咗成枱嘢。XO醬炒腸粉用煲仔上，保持到熱辣辣，腸粉夠滑，加上調味都幾香。翡翠筍蝦餃王有大大粒蝦係入面，皮唔厚又煙韌，入口爽嫩。鮮蝦菜苗餃嘅皮就厚啲，但一樣鮮味十足。栗子鮮蝦腐皮卷外層香脆，栗子蓉融入喺入面，唔會搶味。四喜烤麩有蟲草花同雲耳，甜絲絲又有口感。避風塘茄子牛柳粒，炸得香脆，茄子軟糯。整體食得幾舒服，位置又大，不失一個飲茶好地方。

這天和家人來了這裡飲茶這裡的環境真不錯呀！很乾淨開揚還看到海景呢！點心選擇也很豐富我們點了黑毛豬叉燒包、蝦餃、鮑魚燒賣、鳯爪、街邊腸粉、桂花椰汁糕等等食物很快便到了街邊腸粉加入了大量醬油、香蒽和蝦米去煎香、味道濃郁惹味外層帶點焦脆香口、內裡保持嫩滑彈性十分滋味蝦餃和燒賣也加入了彈牙的大蝦子薄薄的外皮口感QQ的很好吃叉燒包熱騰騰的包子外皮不乾不厚帶點彈性裡面半肥瘦的叉燒肉味油香味兼具調味濃郁可口桂花椰汁糕桂花味十分清新、和椰香亦十分夾不太甜膩很好吃這裡的環境之下喝茶吃點心感覺十分寫意食物也很好、每人百多塊左右人均也不貴呢

今日行經北京道餓餓地諗起之前試過唔錯既海港薈飲啖茶食個包歐式既設計 同海景 令人坐得舒服原隻鮑魚燒賣皇燒賣加上原隻鮑魚感覺十分矜貴松露野菌餃餡料是混合左唔同嘅野菌食落仲有陣陣松露香氣推薦鮮蝦菜苗餃賣相晶瑩通透餡料超豐富蝦肉夠爽口鮮竹牛肉球一入口有好香陳皮香味牛肉球夠彈牙 唔錯金湯羽衣甘藍金湯姐係以南瓜煮成上湯煮熟左既羽衣甘藍帶點硬度但南瓜湯底非常甜美羽衣甘藍吸收晒上湯嘅精華非常入味南瓜同羽衣甘藍都是superfood 健康又美味金磚豆腐豬仔最愛中式小食即叫即炸熱辣辣保脆內軟非常惹味XO醬炒腸粉腸粉非常彈牙而且醬味香濃食飽飽又充滿精力繼續行街街

今日應承左屋企人請佢地一試出名海景薈飲茶一到步酒樓環境好有西式田園感覺當日仲又人包左半場擺酒一坐底已經可以欣賞到一片維多利亞港可以望住海景嘆住茶食點心 真係好寫意環境果然一流當然亦都要試下佢地既招牌點心西班牙黑毛豬叉燒包黑毛豬肉大大粒而且醬汁香濃鮮竹牛肉球一入口有好香陳皮香味牛肉球夠彈牙 春風得意腸入面原來用脆網包住炸蝦腸粉皮軟綿綿嘅先軟後脆既口感令人一試愛上脆米海鮮泡飯份量好足有粒粒帶子 蔬菜粒泡飯吸收哂龍蝦湯最後再灑上脆米一齊食非常滋味呢度飲茶環境一流而且唔會太嘈價錢亦不貴可以舒舒服服共享家庭之樂

從親友口中得知,位於尖沙咀區內的海港薈是非常值得一去的餐廳式酒樓;於是碰上我在這個非週末而悠閒的放假日子當中,與家母來享受一個令人心曠神怡的午膳!雖然感覺食肆所處的北京道一號大廈離地鐵有點兒隔涉,但跟著Openrice大神的地圖功能,就可走一條最快的路到達;大廈本身佔盡了位於尖沙咀海旁的地利,在上面的餐廳可說是有極大的優勢!經過扶手電梯與升降機,來到餐廳的入口;從門面上看,已給人的感覺是非常舒服,米白色的拱門加上綠樹的襯托,整個佈局帶點中西交融的況味!室內的裝修與佈置更是不得了!開揚的無敵維多利亞海港景緻盡入眼簾,以白色為主調的天花,牆身,餐桌椅,帶點宮庭式的隆重感;配以柔亮的燈光,寬敞的行間,置身其中確讓人心情舒暢!在這寧靜逸致的環境中,得以細味著佳茗來看著餐牌精挑一下此店午膳主打的點心;經一番斟酌後,選好食物後就落單了;等待食物上來的時間,對著透過落地玻璃幕牆呈現出的開揚維港景色,可和家母靜靜地欣賞著,讓人有種幸福感!待侍應遞上的點心一一被我們開懷地品嚐後,發覺從侍應的殷勤而細心的服務態度,食物的質高而價錢合理,配上優美舒適的環境,無怪乎此店作為海港集團的旗艦店,實在是親友間聚餐的

超新鮮生猛阿拉斯加大隻巨型牆腳蟹！$228一斤，職員會帶你自己去揀蟹，一般四至五斤，揀咗幾隻都要五斤左右，最後揀咗一隻五斤二兩，揀咗清蒸！非常鮮味！肉質鮮嫩，完全唔使點汁，食落，非常鮮甜，拆蟹拆到手軟。加$100就可以將蟹膏炒成飯超級大碟呀，一啲都唔欺場配料，甚多有十幾粒帶子鮮蝦蟹肉炒食，擺設亦有看頭，用阿拉斯加蟹學做伴碟，但可惜個職員十分不小心一上菜便將蟹殼跌咗落地下度！！三個人食勁飽！望住尖沙咀維港落地玻璃仲可以睇埋幻彩詠香江，以北京道1號呢個地段計，呢個價錢抵食！

星期日同屋企人飲茶, 來到尖沙咀北京道一號的海港薈, 發覺這真是個飲茶的好地方, 環境闊落, 仲可以望到對面海灣仔的景像, 有煙花放的日子這裡都是一個絕靚的睇煙花的好地方. 不但止環境靚, 飲茶的食物亦都相當之唔錯! 我們order了幾款點心, 有XO醬炒腸粉, 鮮蝦菜苗餃, 松露野菌餃, 西班牙黑毛豬叉燒包, 原隻鮑魚燒賣皇及黑毛豬叉燒腸, 款款都好食, 水準超出我們預計之外, 首先上枱的XO醬炒腸粉, 醬色的腸粉, 條條都色澤均勻, 每條腸粉上面都沾有蔥花及XO醬, 食落口, 腸粉外層有少少脆而且入晒味, 好香口, 好好食! 松露野菌餃上枱已聞到松露香, 食起上來外皮煙韌, 裡面的雜菌鮮香又有咬口, 再加上有松露醬特有的香氣, 這款松露野菌餃好食得不得了, 一人都可以食下一籠, 但因為同家人一齊, 唔好意思整籠食咗去, 雖然是素餃, 但真的好好味. 仲有黑毛豬叉燒包, 熱辣辣的叉燒包外層鬆軟, 裡面的叉燒香甜, 食起上來個叉燒肉的質感是爽的, 有咬口,而且在口腔中是越嚼越有豬肉香, 叉燒包我食得多, 但這間的叉燒包我認為是我食過其中數一數二好食的,真的超好食! 黑毛豬叉燒腸都一樣,

今天陪媽咪及阿姨到尖沙咀購物，行程第一站就是到酒樓叉足電然後展開數小時的購物旅程。 這家海港薈座位之空間十分足夠。一列寬大窗戶遠眺對岸港島和會展的美麗景緻 ，的確令人心情舒暢。這裏的侍應服務很到位又有禮。這天我們吃了幾個點心和兩個甜品。鮑魚花膠灌湯餃 $33 有原隻小鮑魚和花膠，真材實料，高湯底鮮香惹味，只見亞姨食到心心眼。原隻鮑魚燒賣皇 $38 原隻小鮑魚有鮑魚很可爱，燒賣内的蝦肉爽彈鮮甜。 翡翠筍蝦餃皇 $38 蝦餃皮薄，蝦肉新鮮爽彈、有蝦味。豐料珍珠雞(兩隻) $30 珍珠雞材料新鮮，不會太多汁以致過於濕笠，以紅、白兩種米代替糯米，不會有飽滯感，個人感覺比傳統珍珠雞更好吃。黑毛豬叉燒腸 $48 豬肉的肉香及口感爽實，油脂不多， 腸粉質地幼滑有米香。楊枝甘露 $30 桂花椰汁糕 $30 這甜品以清香的桂花與香甜的椰汁製成，媽咪和亞姨也很喜歡。