海港酒家

营业中

休息中

疫情過後大家都出外用膳，假期去了漁港酒家，全店都滿座，大家都來吃這裏出名的長腳蟹，每斤約$290。今日同朋友一齊來吃了全包宴。食物十分之豐富，第一碟上枱就是他們出名的長腳蟹，活蟹味道依然保持水準，十分新鮮有蟹肉鮮甜，彈牙有肉汁，每隻蟹腳都會幫你剪開，跟日本食店的方法一樣，方便你食用，不用鉸剪的幫助都可以食勻全隻蟹。今日吃了他的乳豬燒鵝，此餐廳的燒味一向很有水準，乳豬皮溫度微熱，外皮芝麻皮十分脆口，可惜豬身有點肥，所以只能吃兩至三片。燒鵝皮亦十分香脆，色澤吸引，鵝身調味剛好。其他菜式帶子炒西蘭花，炸蟹鉗，瑤柱節瓜脯，清蒸龍躉，炒飯炒麵都不俗，但水準不是太突出。最後更有大壽包（蓮蓉及奶黃味）十分之飽肚。基本上食物份量十分大，大部份食物都要打包回家。

畀錢嚟受氣食左一餐普通的晚飯.清蒸本地龍,完全無龍蝦味.好彩唔算貴，當食急凍龍蝦算.炒斑球ｄ魚味好腥, 燒鵝受到似燒鴨. 服務仲衰, 叫極無人理, 無論係落單 叫白飯埋單 都係唔會有人理你, 要自己去pantry加熱水. 叶個阿姐就話搵黑衫, 黑衫阿姐就話唔關佢事, 仲有一個聽到都當聽唔到. 最好笑係問我張單喺邊, 阿姐你都冇畀張單我，唔通要我我自己去開單呀？ 香港飲食業真係變到咁？ 啲阿姐真係唔介意佢哋冇咗份工 定係呢個集團對於自己嘅員工完全唔會管理.

原本諗住炒幾個小菜，最終叫咗龍蝦伊麵，粉絲蒸扇貝，燒鵝，腐竹浸時菜，花膠螺頭湯。燒鵝啲皮好酥脆好食；花膠湯啲花膠都算大塊；浸時菜啲莧菜老咗啲；龍蝦伊麵係上湯加芝士mix & match，淡淡嘅芝士味，食完唔會覺得好膩；扇貝就真係欠咗啲誠意，用急凍帶子開邊蒸。

今日來飲茶，點左好喜歡點心，全場滿座好多餐廳都執笠，重開，再執它能在疫情下堅持營業，都值得支持雖然有些食物樣子不太好，例如燒賣，食品味道和之前差不多希望推出更多款式，我想吃新款

今日與先生來到旺角的海港酒家晚飯，現在疫情已受控，所以見到都很多人出來食飯。餐廳裝修及環景優雅。餐牌菜式不是很多，反而容易揀到菜式。晚餐孖寶B薑蔥焗本灣肉蟹兩隻+濃湯支竹浸菜苗 薑蔥焗本灣肉蟹,兩隻肉蟹雖然不是很大隻，帶有薑蔥味，味道都很鮮。濃湯支竹浸菜苗，湯不是很多，如果多些支竹會更好。皇阿瑪鮑魚雞煲鍋內有4隻鮑魚，雖然食落少了鮑魚味，但感覺上覺得常算足料。雞的份量不是很多， 雞件顯得風乾過及帶硬性，肉汁少，味道一般，有點失望。

呢間位於旺角嘅酒樓無論任何時候都甘好生意，今日系政府改規例後第一次出去飲茶，到達後見到全部set晒4人枱，枱與枱次之間都分得好開，有啲就間左屏風，疫情下真的生意難做，有客都吾敢接，通常黎食晚飯多，下午茶都系第一次，今日2個人叫左鮑魚燒賣，椒鹽魷魚鬚，迷你乾炒牛河，豉汁牛肚，燕窩蛋白椰王，本來重有义燒包，點知漏左單，整體點心都可以，不過覺得魷魚鬚吾夠大條，脆粉都可以，始終甘多年海港都保持到一定水準，聽伙計講明日晚市都要取消了，希望疫情快啲過去，一切盡快回覆正常

以前日日黎到排哂長龍，等好耐先有位。可能因為依家正值肺炎期，少左好多人，所以今日一黎到唔使點等位就有枱依到好多款點心之餘仲要好抵食！一盅鹹魚肉餅或者鳳爪排骨飯先$18😳😳😳仲要唔似出邊咁多飯少餸，飯餸都好平均！今日叫左碟肉鬆炸両，腸粉皮皮薄入邊油炸鬼亦都炸得好鬆脆，加埋啲肉鬆食幾有創意XO醬腸粉比較多辣椒🌶️，唔食得辣嘅朋友可能會覺得有啲辣！食得辣當然就覺得幾野味🥰總括來講，份量十足又抵食！

我們四位朋友一起去享受長腳蟹。我們在水缸裏挑了一隻生猛的蟹，心想就是你了。這次的蟹$188一斤，這隻蟹很大，有6斤14兩。大約過了20分鐘，蟹蒸好了。蟹的蓋裡乘著很多蟹膏，我們叫了兩碗白飯拌着來吃，簡直是人間美味。每一口都有蟹膏的香味， 很鮮甜，好吃得停不了口。蟹腳的肉相當結實，剪開了蟹殼後，每一口蟹肉都很多，蟹肉除了鮮甜還有淡淡的海水味，想是很新鮮。吃完蟹後，我們都飽了，我們只叫了一碟菜。這是第一次吃蟹吃到飽的經驗， 十分滿足，期望下一次再來。

經濟差，但不能影嚮心情醒晨早餐令自己補充力量，和夢想挑戰去酒樓點一些自己喜歡的點心，熱辣辣，又脆口，吃飽飲足馬拉糕鬆軟，煎香蘿蔔糕，炸酥脆春卷，蒸紅棗糕彈牙爽口炒米粉排骨飯蟹子燒賣薑醋好多選擇，新鮮好味

我哋四個人，淨係叫咗一隻六斤幾嘅長腳蟹，就已經飽到咩都唔使食啦！可以食蟹食到飽，非常之滿足！😌😌😌😌😌😌😌個蟹蓋有我個頭甘大😂😂😂我哋選擇左用酒清蒸，非常之清甜，特別鍾意佢用蛋白打底，我哋可以食蛋白嘅時候，都食到蟹嘅清甜味！呢隻蟹啖啖肉，好肥美，我哋經常都會嚟食，無論係朋友或者屋企人都非常之喜歡💕唯一有少少失望嘅就係，今次冇哂細嘅蟹揀，逼住要揀大蟹，而且加咗價，最後每人埋單四百幾蚊！同埋可能冷氣太大，食到一半嘅時候啲，已經凍左哂，蛋白又凍左，變咗冇咁好味添！

呢個集團嘅套餐，一般都比較大眾化， 因為冬至，有朋友喺沙田同埋上水出嚟， 所以我哋揀咗呢個中間點， 佢當日個冬至套餐係1988蚊全包， 八人餐， 個套餐有開邊龍蝦伊麵底， 鮑魚冬菇生菜墊底 ， 響螺雞腳燉湯， 有炒蝦球 ，同埋有半隻燒鵝，燒鵝一 路都係呢個集團嘅招牌， 可能當晚比較忙，佢哋平時係有個火熱住嘅，所以要食得好快，最尾嘅吃時候 凍咗有啲白色嘅膏， 仲有一條 沙巴龍躉， 但係因為近做節時候，所以得六點半同八點半兩個時段， 跟住仲有兩揸橙汁

今日和家人去海港食蒸氣石鍋全包餐，四位龍蝦魚全包餐$1080仲有飲品，價錢都約二百七十一個都可以，但沒有白鱔改為魚，小食泡椒鳳爪都幾好食夠辣，炸魚皮配粥都不錯。三色刺身，三文魚，甜蝦，北寄貝都新鮮程度都可接受。但這裡連計時器都沒有要自已整就麻煩少少，首先食蒜茸開邊龍蝦加魚，龍蝦都新鮮夠爽，魚都不錯，白蜆比較多沙，黑豚肉味淡一般。果皮鮑魚都彈牙有驚喜，如果沒有沙會更好。豬肉丸講五分鐘都不夠熟，淮山之後再加一份，南瓜，蕃薯，再加一個馬拉糕，最後是瑤柱咸排骨粥底，最後結帳不用千三元五個人食都夠食，可能人手不夠就倒茶之類就要等耐少少。

人生第一次寫食評就俾左呢間海港酒家。同朋友慶生，因佢最愛食蟹，朋友建議黎呢度就啱哂。整體服務唔錯，入坐快，人手都足夠，平日夜晚都爆場。菜單選擇多。我地比較晏落單，抵食既晚飯三寶，蒸魚，炒魚腩，燒鵝已售罄。改叫半隻燒鵝，肥瘦剛剛好，幾個女仔好快清哂。講返主角皇帝蟹，火喉剛剛好，肉質嫩滑。略嫌蟹膏唔夠多。可能公乸既關係。聽講出去買都食唔到呢個價錢。推介另外叫左個菜同埋尖椒豚肉，都有水準。有機會會再去試埋阿拉斯加蟹😊

今日又去咗海港食阿拉斯加蟹，但係而家加咗價$188一斤，但都接受到嘅加$20 ，咁例牌同之前一樣都係色情正，咁今日仲帶咗個叉燒，咁我味道就一般般啦，唔及得一啲轉食叉燒嘅餐廳嘅水平啦，但係都入得口嘅，咁仲叫咗隻貴妃雞半隻，呢隻雞真係麻麻哋因為啲肉有啲鞋，似係街邊嗰啲燒味嗰啲$20 一個飯合質素，仲帶咗個大蝦伊麵咁話撈埋啲蟹膏食咁梗係好食啦，佢話最後整咗個炒豆苗，味道正常，重點嘅蟹就最咪先來，依然係肉爽鮮甜，五個人叫咗一隻四斤幾，都幾夠食好爽皮

今日下午食完豐富自助午餐⋯⋯晚上我嘅姑姐又話請我和老公晚飯😬仲話要食阿拉斯加蟹！因為而家好抵食只係$148一斤差唔多係平時嘅一半價錢！我們在洲際酒店🏨原本約尖沙咀但係嗰日海港薈俾人包左場🤨逼不得已就選擇咗旺角呢一間海港酒樓！我們三人叫了七斤多阿拉斯加蟹我哋想試吓齋食蟹有幾滿足！所以叫了最大隻的🤓！原來係唔得嘅！實在好寡！食到三份二已經食唔落啦⋯⋯蟹非常新鮮！非常甜美！但係我哋叫咗個蟹膏炒麵加咗$100！超級唔滿意！從來未食過咁難食嘅炒麵！炒到爛晒😡而且又冇鮮味！蟹膏？冇😤呢間以後都一定唔會去！服務非常差！