海港酒家

营业中

休息中

接近新年阿頭請食飯，一行人揀左旺角區開飯，原本提議過食放題咩款式都有，就到所有人不同口味，但阿頭好豪話做節，要傳統啲，去酒樓做團年，咁先應節。阿頭比錢咁就阿頭話事，佢揀左呢間酒樓，係旺角火地地鐵中心點方便同事食完閃人。7點前一行人到達，已好爆場，booking左留位唔使等直入，阿頭今餐竟然唔係點傳統埋年飯既一圍圍菜式，佢話請大家食海新鮮(咁豪可能皆因近期係股市撈唔少)，既然阿頭請就梗係由佢話事，點咩食咩。佢行左魚缸果邊去揀海鮮，再來頭盤點左個冰鎮象拔蚌刺身同燒味等前菜比我地吔住先。象拔蚌刺身好鮮甜，燒味拼盤影唔切相(班友掃得太快)，义燒好味；隻燒鵝不得了，皮很脆，鵝肉很好入味，唔un或鞋口，肉厚度適中，味汁醃得好香郁，中晒重口味人士既味蕾。呢款係陳皮蒸鮑魚，個人對陳皮無甚好感，所以呢味菜既煮法不對我的胃，不評味美與否咧，但都吔左一隻鮑魚，單計鮑魚本身，肉彈而爽甜，滿有咀嚼勁，不過無咩味(可能係烹煮方法令食材唔入味，又或者呢個煮法想帶出海鮮本身既鮮味吧)。仲有再來點左兩三個中菜既款式，不過今晚重點唔係中菜到，主打吔海鮮所以只影左海鮮既相。呢隻應該係長腳蟹吧，手長腳長，肉很札實彈牙，蛋白煮

和親友飲早茶，聚聚餐，非常愉快的事大大粒帶子⋯⋯腸粉好滑脹卜卜潮州粉果，好多肉碎和花生燒賣好香，鮮蝦新鮮，內包有起碼有3隻蝦肉鳳爪被鮑汁浸透，好淋身，易拆骨煎得好香蘿蔔糕，沾滿甜醬更滋味食新鮮唐生菜，好均勻飲食，有肉有菜好大隻蝦，餃皮好薄好透明，菜苗好惹味，大大咬，塞滿口腔，好味鳳爪排骨飯好大碗，超抵食

今日約親友食午餐，難得相聚一堂，自然就詳談，搵間好食的酒樓先，好多人等位啊，差不多等左大半小時才有位炒飯炒得好香，瑤柱，青瓜，紅蘿蔔和鮮蝦撈埋一起炒，粒粒飯爽口彈牙，齒夾留香，好味牛肉鮮嫩肥美，河粉爽口，放少香芝麻和蛋絲，好完美一碟蘿蔔糕煎得好香，沾染甜醬更好味牛肉球洒下折醋，開胃美食炸得香脆的春卷，外脆內軟

放假又同屋企人去飲茶，平時去開上面六樓煌府飲，今次試下食呢間先位於太子始創四樓既海港酒樓！下午1點幾黎到 唔洗等位 即刻入得 🉑️能末到下午茶時間 唔太多人住 1到左2點就開始見到好多人湧入黎啦。講番食物先我地剩係叫左4⃣️樣野姐 因為先前已經係街買左個焗薯食 所以都唔算太肚餓🙂 兩個人連埋茶位整數100元埋單!!呢個糯米飯先至17.8 中點 抵食有好多臘腸係入面芋絲餅煎🉐️好香脆 唯獨唔夠熱鳯爪個醬汁做得好好 勁入味中山甜薄撐 面頭有椰絲入面有花生脆粒 口感一流

星期六放假日，"醒神" 的早上理所當然要跟長輩去飲個早茶，跟大少姐和太后一行三人大早就出門晨運了！長輩似乎都對傳統酒家情有獨鍾，比較近家中又符合要求的似乎就是這間海港酒家了。鮑魚燒賣皇這篇食評大概是因為這個點心而來的！過去有吃過很多類似的點心，但就數這個燒賣的小鮑魚來比較捧，味道較真、醬汁較濃、份量充足、用料都不馬虎！雖然都是一口吃下的點心，但卻做到有咬口，層次分明，齒頰留香的感覺，小鮑魚跟肉的比例很好，算是很不錯！韮王鮮蝦腸這個…請問韮王鮮蝦腸的韮王去了哪裡？撇除這個，腸粉不算很滑，蝦是平常的"酒樓蝦"，普通吧…清香養顏紅棗糕這個是不建議熱辣辣時吃的，因為凍了才有它煙韌的口感，不會很粉，紅棗味很足！櫻花蝦煎薄撐櫻花蝦不少，但就覺得煎得不夠香脆，有點粉！酒糟鴨舌酒釀得很充足、非常重花雕味道、入味！

同朋友行完花墟買了鮮花，跟住去這間酒樓飲茶， 星期六最怕周圍都係人，去到又要排隊等叫，想去食別的， 無奈朋友想飲， 唔使等太久，因為搭檯我哋都要 叉燒包都算大， 半肥叉燒好味道，可惜個皮較硬燒賣好食，蝦大又新鮮蟲草花蒸千層腐皮， 比較特別 ，但非常難食， 腐皮完全黏在一起 ，鞋又硬柴魚花生豬骨粥， 用咸豬排骨煲， 加上柴魚 、油炸鬼好味蒸紅棗糕 ，紅棗味淡，而且唔夠軟熟匆匆食完一餐， 四個人一張枱， 有兩個陌生 覺得好尷尬， 又唔夠地方放碟 ， 侍應不足 ，要自己清理， 坐多一陣都唔想!!

非常十一月，公司工作忙到不得了，星期五約左一班姊妹，共六人去海港食餐好，減壓。我地要左4斤幾重的長腳蟹，同蛋白花雕清蒸。味道不得了，蟹的鮮味和蛋白花雕伴，真是給味蕾到左一個點的極限。酒樓請我當面在水箱揀隻蟹。因我地人數只有6位，要左隻4斤幾，188/斤，大概HK$700-800内。蒸好啦，花雕味撲鼻。蟹肉豐厚，鮮甜。另外我地要左個四人套餐炸子雞，較鹹，可能隻雞雪左一段時間，冇肉汁乾得來，又冇味花枝片蝦醬炒西芹，都係鹹都震我要用茶洗左先食。如果點都要揾個藉口讚，只有西芹算爽口不過不失龍蝦E麵煲，龍蝦只有殼可以呷下，肉就冇咩。鹹鹹鹹的龍躉兩食，魚肉很爽，可惜食唔出鮮味l這餐飯對於六人女士份量是足夠有餘。至於味道，蒸蟹我是讚的。

,以後都不會打電話黎定位!!服務員:"冇位.定滿了",快速大力CUT線!!我從未試過定位定得咁嬲定位時間:20/09/2017 下午4:05分左右我公司同事聽見都說"有冇攪錯" 今時今日咁既服務態度極不能接受!!

以前平時都有食開寶琳海港，今次第一次幫襯太子呢間海港好唔掂，我們兩公婆下午茶時間到達，要求唔搭枱，但接待及部長都話唔得，一定要搭枱，我堅持要唔搭枱，並說明我們兩個叫菜比較多，搭枱放唔到咁多點心，坐得又逼，部長話要比多一位茶錢先可以唔洗搭枱，無奈接受..........點心一般、服務一般、杯碟清潔衛生好有問題，沒有下次!!!!!!!!!!!!!!!!!!!!!p.s. 我第一次聽食下午茶兩個人一定要搭枱

今日慶祝友人的生日，友人喜歡吃中菜，朋友介紹海港酒家，我大約六時半到達，巳有八成滿座，非常熱鬧，個場好大，一圍與一圍之間距離很近，感覺很迫。我們一行四人叫左手拍青瓜，青瓜很爽很新鮮，跟着，一碟蒜茸粉絲蒸元貝，粉絲很多，元貝新鮮但偏鹹。咕嚕黑豚肉，酸酸甜甜，很開胃。至於燒雞，皮肉滑嫩，味道不俗。我們接着叫左上湯蝦球伊面，蝦球大大粒，落足料，伊面太濕，落得太多水。至於竹笙如意燒豆腐，豆腐好滑，竹笙好爽。至於服務員服務態度方面，呼呼喝喝，待需改善。

繼年初嘅蛇宴，一拖再拖嘅死佬飯局卒之搞得成，晌大家咁百忙之中都夾到一日，真喺難能可貴，今次仲要「夫添」齊晒16件死佬，一個都不能少呀，真多謝各位大佬俾面出席。以往年中嘅飯局都會搞入三聖食海鮮，不過，連續3年入咗3次大家都有啲悶，今回就回歸市區，搵間酒樓包個房，等我哋點嘈都得，有死佬建議嚟「海港」，因為有抵食嘅阿拉斯加長腳蟹。雖然成日話市道唔好，飲食席生意難做，但今晚（周五）嚟到，成個大廳座無虛席，門口亦有少量人等位。由電話聯絡問訂房詳情、最低消費、全包宴資料……等等，都遇到好多問題，佢哋啲回覆次次唔同，對外發放嘅資訊都幾亂。最後，就喺揀咗一個「賀壽全包宴」$3,880（星期一至五），算喺包房嘅基本入場費。包茶芥加一，我哋多4位，都無額外收，另送紅酒一支加汽水6罐，額外叫嘅汽水，就收番大堂價$10罐。不過，一圍菜絕對唔夠我哋16個麻甩佬食，所以，另外加菜，而入房嘅所有小菜、炒粉飯麵都要另加$20一碟，額外嘅食物亦會收番加一。影埋個主餐牌及精選餐牌俾大家參考，人少嚟食啲精選套餐都唔錯。所包嘅房唔喺好大，緊緊好擺到張加大嘅16人枱，多一個都已經攝唔到。人齊開席，飲杯。喜慶金豬滿華堂先嚟道全體

一班好姊妹飯局 ，大家都想食一圍圍的中菜，結果就揀了這間有亞拉斯加蟹做優惠的酒樓。晚飯時段只有兩個時間可以book枱，6:30pm 和8:30pm,規定用膳兩小時要還枱，但可視乎當時的情況，若沒其他客人等位，可以坐耐些。當日是閑日，7:00pm後已座冇虚席，可能是太子區，非常繁忙，但侍應們也很勤快。酒樓也做很多不同的優惠。我們點了晚飯三寶和一般餸菜和海鮮。味道大致都很好。而值得推介的重頭戲就是優惠$188一斤的亞拉斯加巨蟹，侍應會視乎人數和蟹腳而建議客人要幾多斤蟹，我們一行8人，共叫了5斤，清蒸蟹腳有半隻手咁長，肥美多肉，超鲜味，而大大的蟹蓋裝滿了蟹膏稀汁，碟底用了蒸蛋白托著蟹上，食完啖啖肉的蟹腳後，再食埋充滿蟹味的蒸蛋白拌著蟹膏汁一同放入口，不得了，真係要比個like佢，簡直絕配。而荷葉蒸蟹和糯米飯也很好吃生日飯，在中式酒樓，就一定會叫壽飽，可跟食客個人口味選擇蓮蓉或奶皇。即叫即蒸，熱辣辣上枱。最後坐了2.5小時，超滿足荷葉糯米飯蒸蟹亞拉斯加蟹

話說7月11日係我爸爸既生日，我book咗夜晚8點半同佢慶祝(海港只有book6點半or8點半)，我地有9個人，早咗少少到，門口接待阿姨話我地係第一張要等一陣，於是我地就等啦，越等越唔對路，一個又一個後過我地既人入咗去，我地再走去接待問個阿姨，佢又話我地係一個，就係咁我地等咗半個鐘，我地終於忍唔住問個阿姨，點知佢發我地脾氣不特止，將本嘢掟落張枱到，話呢份工好辛苦，仲講粗口鬧我地！d服務態度真係差到爆！到食物方面，我地只有9個人，但點咗12人餐，所以打包咗好多嘢，之前有試過12個人食都唔太食得哂，有燒豬，原隻燒鵝(呢個有少少騷)，有個魚，都幾滑，係成個餐最出色，最重頭氣莫過於拳頭咁大既壽包，有奶黃同蓮蓉兩隻味道，真係幾好味嫁呢個，就算都好飽都食得落，唔錯唔錯

海港酒家有幾間分店，今晚就黎到太子既始創中心4樓呢一間。星期一晚6:30入場，已經滿左七成，七點半已要排隊。人流甘旺，酒樓似乎真係唔憂做。今晚叫菜，主要係圍繞呢張晚市菜單。叫咗七個菜，兩個已'賣曬'，生意好到呢。。。。綜合呢度嘅味道，呢個炸軟殼蟹，唔錯。起碼食到有蟹肉。芝士鵝肝茄子就偏鹹，冇乜特別，又食唔到有咩鵝肝味。可以忽略。原隻走地雞，賣98蚊，見走地雞幾健康，亦都叫黎試吓。雞肉嘅肉質偏乾，唔係太好食。佢放左啲麻子，食落去條脷會有啲麻痹感，幾得意。綜合黎講，價錢ok. 可以一試。

始創中心有好幾間酒樓，以海港最人頭湧湧，無論午市和下午茶都要輪候入座，而座位亦較為密集。人多自有原因，除了海港的知名度外，相對另外幾家在始創的酒樓，海港的價錢亦更為經濟。在太子這熱鬧的一區，星期一至五午時小點只是$13.5，而最貴的特點只是$23.8，廚點亦在$25至$38之間。我們點了精點($20.8)的鮑汁鳳爪，一碟有六隻，用上了新鮮雞腳，肉質嫩滑，燘煮得剛夠林，甚有口感。雞腳吸收了濃郁的鮑汁，相當入味，而鮑汁味道調配得剛好，我們後來還伴上鳳爪排骨蒸飯來吃鳳爪排骨飯只是中點($15.8)，但份量不會將貨就價，排骨都有4至5件，如果一個人來一盅兩件，要吃飽分分鐘比去茶餐廳還便宜蝦餃質素一般，蝦肉不夠爽口，而且蒸得有點過了火喉。煎腸粉軟滑可口，但可煎得更香口。糯米卷餡料不夠軟熟。干煸四季豆份量足，但炒得不夠乾身和欠鑊氣。有感現在酒樓價格回落了，這是一個經濟預示嗎？